溏串小町 (已結業)

難得同朋友慶祝生日，就去食返餐好嘅日本料理。喜歡這間餐廳好日本化，好多燈籠掛喺門口，而且叫嘢食方法好新穎，只需用電話掃描Code就可以落單叫嘢食。炸雞軟骨好香脆可口，而且食落去好有口感好夠味。豚肉提子卷，一咬啖D汁滲透晒出嚟好Juicy呀。一份豬頸肉嘅份量都好多，見到大約有十幾塊，配以泰式辣醬一齊食更加惹味。日式醬油炒雜菜味道好新鮮，當中的醬油令到我好開胃，入面仲有我最鍾意食嘅秋葵。我哋四個叫做枱面全部都係着食，不過由於樣樣都好食，所以好快清晒。🤣下次一定會再幫襯。

本身都好中意食日本野，而有日碌碌下某社交平台見到有間餐廳個名好得意叫「日本野」，就比佢吸引左慕名去試吓。去到銀城廣場9樓一出，仲以為自己去錯地方，原來唔係，只不過同一間餐廳分開咗兩邊西式同日式，哈哈，有啲蠱惑呀。一坐低梗係叫個刺身試一試先啦，另外再叫佢出名嘅吉列牛，再叫咗啲串燒，燒茄子同燒大啡菇，再加多個炸雞軟骨小食同檸檬梳打。建議食番餐廳較主打的菜式，熟食比較好吃。總體黎講食物同環境都唔錯，氣氛熱鬧啱一大班朋友一齊聚會。

刺身拼盤朋友推介，好新鮮呀！廣島蠔大大隻，第一樣就食佢先。加拿大海膽一啲都唔‘腥’，做成卷物啱啱好，唔會好膩。墨魚好爽，唔似平時嗰啲咁粘口。特盛牛柳串見到隔離枱嗰個好吸引，一於試下。好juicy, 好大件，肉質又唔‘韌’，啖啖肉。雞中翼串、豚肉提子卷如果豚肉改用煙肉，會仲好味㗎。蟹肉忌廉薯餅餡料唔係食開嗰啲實實嘅，佢用忌廉加薯蓉打成餡，熱辣辣。雞腎、雞軟骨雞腎咁大粒嘅，又爽口，加埋伴碟嘅椒鹽仲好味。雞軟骨即叫即炸，熱辣辣，伴酒必選。店舖裝修好日式㗎，星期五或週末嚟應該仲有氣氛。

喺大埔收咗工但係感覺好肚餓，經過屋企必定經過一些餐廳食肆，見到日本餐廳 溏串小町 招牌門口好搶眼，佢啲食物都好啱我地嘅口味，所以就約咗幾個朋友一齊去食。呢度嘅座位有吧枱同埋二人以上嘅位置選擇，而且職員殷勤嘅招呼，感覺到好貼心。用電話落單既環保又方便，而且有埋食物圖片參考，好吸引到我！先叫咗杯熱蜂蜜柚子生薑茶滋潤一下喉嚨，柚子味好香濃。刺身方面點了我最喜歡的牡丹蝦刺身，牡丹蝦非常大隻肥美，點少少豉油同Wasabi食更鮮味。燒物中的開邊雞中翼串燒得很香，外皮香脆，而且肉汁滲透出來，食落去很鮮嫩呢。平時都好喜歡吃烏冬，這個醬油湯烏冬最適合我不過，湯底唔會太鹹，而且烏冬食落去恰到好處，仲索哂湯底嘅味道，夠晒入味。朋友點的可樂好大杯呢，唔夠1分鐘就飲晒🙈。一邊同朋友傾偈一邊食嘢，確實很放鬆很開心的一個晚上。

難得相約舊朋友，在朋友嘅提議下去試吓新開張的居酒屋，而且位於太和站附近，方便朋友前來。餐廳的牆壁上貼滿日本風格的海報，每一個角落都佈置到濃厚的日本feel，好喜歡。職員向我們介紹點用QR code掃描下單，食物清楚分門別類，好容易用。海膽控的我見到食物圖片-海膽日本豆腐刺身咁吸引，隨即叫咗嚟試吓，原來所說的豆腐就是帶子，而海膽很鮮甜之餘，帶子好爽口，兩者match埋一齊味道好夾好新鮮。迷你滿滿海膽飯驟眼睇落去賣相很吸引呢，滿滿的蟹籽及海膽鋪滿面頭，配以壽司飯一齊食唔會太漏。在餐牌的限量食物當中，就點了幾款串燒，當中的特盛牛柳串好大串好吸引呢，而當中間距着還有三色椒，每一啖牛肉都食到香椒味道，而且牛肉味很濃郁。我哋四個人叫到成枱都係嘢食，基本上每一款食物味道都唔錯，有驚喜呀。其後再落單同朋友share一碗醬油湯烏冬，食完即刻飽晒。

早幾日行過大埔見到呢一間裝修好有日式味道嘅餐廳！呢間新開嘅餐廳唔止裝修得似日本，而且食物嘅質素仲拍得住添！首先呢度嘅刺身係10分新鮮嘅，今日我哋叫咗三文魚刺身，帆立貝刺身甜蝦刺身同埋牛肉刺身。出面好多餐廳啲三文魚刺身都切到好薄咁樣，但係呢一間餐廳就係厚切嘅咁其實都幾抵食。另外想推介嘅就係呢度嘅蠔肉刺身，一食落去蠔肉鮮味即刻充斥着整個口腔，唔使加任何調味醬都已經食到蠔肉嘅鮮味。今日我哋冇食到壽司，反而叫咗個迷你北海道海膽飯。雖然個飯叫做迷你但係其實海膽分量十足，呢個飯真心底。餐廳仲用咗酒杯嚟裝呢個飯都幾得意，而且海膽鮮味十足，加埋啲三文魚子好好送飯，唔駛1分鐘已經K.O.左成個飯除此之外我哋仲叫咗個串燒拼盤，入邊有燒冬菇燒菠蘿燒雞翼兩隻，燒翠玉瓜。但最特別嘅係提子豚肉全消，係豚肉包住一粒一粒提子一齊燒。但係估唔到都幾夾，值得一試！炸物方面，今日叫咗個炸雞軟骨同埋忌廉薯餅。個炸雞軟骨化到好香脆，加啲檸檬汁同埋沙律醬好岩送啤酒。忌廉薯餅一樣外皮炸得啱啱好但係食落忌廉汁好似流心咁樣爆曬出嚟。食嗰陣時真係要小心啲！總括而言呢一間餐廳10分出色，但係大埔啲食肆成日轉手。希望呢一間餐廳可以keep住

呢日黎到大埔同阿仔玩完之後夜晚搵嘢食醫肚大埔出名多嘢食但係發覺好多間舖頭都好冷清冇乜人幫襯唯獨是呢間餐廳爆哂場所以決定入去一試呢間溏串小町入到去第一印象就已經好深刻成間舖頭真係好有日本feel啲裝修比起日式居酒屋更加有懷舊味道整體感覺好舒服另外就係店員服務態度非常之好食物方面我哋點左個兒童餐比流星雨自己食滿足大少既需求一般兒童餐都係好普通但係佢呢個兒童餐我覺得好豐富甚至乎大人食都應該會飽肚造型方面都好吸引腸仔係章魚造型 甚至乎飯團都有兩個款一個係煤炭屎鬼同frozen ge小白真係好有心思 烏冬同蒸蛋都好有水準最正係杯蘋果汁唔會太甜 帶有淡淡的香味刺身新鮮 海膽帶子爽口彈牙油甘魚脂肪分佈比例平均生蠔肥美而不膩 好鮮味芝士脆條同炸豚肉餅水準一流 外脆內軟❤️海膽炒飯 粒粒分明配合鮮甜嘅海膽 食完唔會口乾整體我對呢間餐廳評價都算高值得再過嚟食

今天想帶不能吃生冷食物的母親大人去食日本餐廳，結果剛好碰到這間有很多串燒燒烤的日本餐廳，所以便入去試一下。首先裝修非常有日本風格，牆身貼滿了日本海報。最後點了一個小町飯、壽司拼盤、牛舌串、豬肋骨、期間限定的燒牛仔骨、日式鰻魚飯和期間限定的火炙三文魚皮壽司。首先來的是小町飯，望上去雖然簡單，但是以店名來命名一定不簡單，味道雖然簡單，但好吃，先把雞蛋和醬油攪拌好，然後便可以享用了,首先一粒粒的飯充滿了濃郁的蛋漿，然後淡淡的醬油香和煙肉香漸漸滲出來，既樸實又帶點憂愁的美，簡直是日式的暗然銷魂飯，各位什麼壽司什麼烤肉可以不吃但一定要推介這個小町飯。然後回過神來，端來的是烤牛舌、豬肋骨和燒牛仔骨。一放進口便知道這裏是用明爐炭火烤成的，表層烤得非常香口，在身上他特製的兩款海鹽，一款是帶有微辣的，一款是帶有甘香的，非常解膩。然後便是主食壽司和鰻魚飯，第一位當然是平常不易吃到的三文魚皮壽司，三文魚皮一如以往地烤得剛剛好，脆口之餘又不失魚油香，是一個挺不錯的新體驗。最後壽司🍣拼盤的魚生豪不吝嗇每一份都大大

一向都喜歡吃日本菜，知道大埔新開一間名叫溏串小町的日本居酒屋，門口裝修好日式化，每次經過都吸引我望多幾眼。今晚終於有機會同三五知己一齊喺呢度食晚餐，點菜形式用QR code喺電話下單，既方便又環保，食物種類繁多，樣樣都想試吓！店員先給我們吃一些餐前小食枝豆，仲有暖暖的熱茶，認真體貼。先點了一些刺身及壽司，限時大割引的火炙三文魚皮壽司，外皮燒得很香很脆，魚油更融入我口中，好香呢。燒物串燒也很多選擇呢，脆炸芝麻雞翼一向我至愛，既香脆又可口，而且雞肉肉質鮮嫩，很滋味。食咗咁多小食，我哋再叫咗個海膽炒飯一齊share嚟食，撈埋面頭嘅海膽同埋蟹籽一齊食，粒粒米飯都好入味，而且很飽肚呢。除此之外，其他食物都同樣新鮮美味。最後整返支波子汽水爽一爽喉嚨，今餐真的很滿足呢。

今日嚟溏串小町試下呢間日本野 🤗🤗 ~~小町刺身拼盤 ($198)拼盤有海膽 , 帶子 , 三文魚 , 北寄貝 , 甜蝦同日式飯糰 ,海膽份量好多 😳😳 , 有圖有真相 , 超新鮮 , 一啲都唔臭 三文魚係厚切 , 1 片等於平時嘅 2 片 👍👍 ~~ 呢個刺身拼盤可以一次過試曬咁多款刺身 , 抵食 !日本鰻魚飯 ($98)好香呀 🤤🤤 !! 鰻魚同飯份量合理 , 最鍾意佢有好多鰻魚汁 , 送飯一流 ! 鰻魚肉厚 😌😌 , 唔係個種淨係得一層肥膏嘅魚皮 , 上面仲有啲櫻花蝦 , 增加味道同口感 ~炸日本池魚仔 ($48)池魚仔外型非常可愛 😍😍 , 炸到脆卜卜 , 外層炸皮厚度適中 , 同埋已經有調味 ~魚仔細細條 , 成條放入口 , 唔洗 "lur" 骨 , 非常過癮 😎😎 ~ 送酒一流 , 點埋沙律醬仲正~醬燒大蔥 ($18)大蔥表面已有調味 , 重口味人士可以點埋佢哋嘅香草胡椒粉或者麻辣海鹽 😏😏 ~~

最近在近太和的橫街小巷發現了一間特色居酒居！門面已經好有日本風，推門進內有另一景氣！好日本FEEL！店員細心講解，店內是用QR code點餐，非常環保！大吃的小M點了HKD138串燒拼盤，刺身拼盤A，必叫海膽飯，(期間限定)脆炸芝士條和(期間限定)冰鎮原隻魷魚仔！另外，在這個FEEL底下，小M忍不住要飲下生啤！爽爆！先來了特價小吃脆炸芝士條！正好，當送酒小吃！香而脆，另外芝士不會太溶，剛剛好。之後來了串燒拼盤，嘩~~好豐富！有豬五花腩，菠蘿，香菇，雞翼，海蝦和翠肉瓜！我見到個大菠蘿！嘩了一聲！這些串燒不乾哦！而且好好地保留了食物的鮮味！我好喜歡五花腩和香菇！真係好香口！而且入口回香而味濃！真係不得了！大大隻海蝦！不會死鹹而令海蝦味流失！GOOD！之後要介紹！必吃刺身拼盤+必叫海膽飯！！上枱時賣相已經讓我拍了不少照片！這次點了小的刺身拼盤，有三文魚，帶子，海膽，北寄貝，大蝦！三文魚肥美多肉！ 帶子直頭是一級捧！超鮮甜！刺身新鮮與否其實食得出！這次一定要推介！小板海膽！但好滿足！就是夾也可以一整片！海膽！我愛你喔~~海膽飯必叫！也好在小M有點！滿滿的海膽！令每啖飯也有海膽味！又甜又鮮又滑

今次嚟到大埔支持一下 💛， 餐廳整體乾淨企理， 刺身非常新鮮，而且價錢實惠， 有時間值得去試下。❤️刺身壽司拼盤🍣: 好厚嘅三文魚刺身入口鮮甜爽口， 甜蝦大大隻同埋鮮甜味美🍤。迷你海膽飯🍙： 海膽控請注意！！ 絕對令你食完想再encore， 雖然係迷你， 海膽份量差唔多多過啲飯🤤🤤🤤日式鰻魚飯： 大大條嘅鰻魚🐟配埋特制燒汁， 食完絕對個胃會好滿足 😘 - - - - - - - - - - - - - - -🍽️溏串小町大埔翠和里麗和閣D1地舖- - - - - - - - - - - - - - -

餐廳係用QR code點餐，點完之後可以一次過睇晒落咗啲咩嘢食，好方便！今次同朋友叫左好野食😆迷你海膽飯海膽飯用咗兩種唔同嘅海膽，非常鮮甜！牡丹蝦刺身+油甘魚刺身+玉子刺身我哋叫咗三樣刺身，樣樣都好新鮮，好鮮甜！個玉子有驚喜😍食落有少少酒香味，甜味適中！我超鍾意食👍🏻牡丹蝦刺身勁多蝦膏！正！炸雞軟骨店員好細心咁提醒我哋要小心熱，因為岩岩新鮮熱辣炸出嚟，個雞軟骨好夠脆，又唔會太油膩！好好味！炸牛蒡&炸日本竹筴魚竹筴魚炸得好脆，佢啲炸野真係整得幾好，外脆內軟，又多肉汁！角切魚生飯定食，追加蟹肉忌廉薯餅&可樂食得出係用好新鮮嘅刺身，正！呢一餐超級滿足！😍

同好朋友食Lunch，俾呢間溏串小町嘅裝修吸引住，好有日本 feel 嘅居酒屋🏮，就入去試下。好surprise 有兒童餐呀！寶貝甜心每人一份，佢地就好開心，靜靜地食，我地大人就叫左刺身定食同一夜于定食。兒童餐賣相好吸引，蒸蛋、飯團、烏冬、Jelly 等都幾豐富，$63 價錢合理，如果烏冬改為粟米或蔬菜，營養就更均衡，小朋友又唔會食唔晒，唔洗浪費食物😊一夜干定食，條魚好大條呀！咸香味好重，朋友仔覺得好正，但我自己食慣淡味就麻麻地，相信加杯Sake 送酒送飯應該唔錯。刺身定食有4款刺身，厚切😍😍 有埋沙律、湯同烏冬，大滿足！

今日我同另一半去食呢間野，但係人比較多 我哋唔好彩咁偏左係吧台剪嘅二人坐。我哋剛剛點完嘢食後原本已經等咗起碼半個鐘，本身張凳已經坐得唔舒服，想要求店員調位，但有位都唔俾調。都算啦，無意之間 我另一半見到師傅竟然冇帶手套，徒手拎刺身三文魚嗰啲，極度反感。仲要留有手指甲，一手就拿落啲三文魚到，跟住店員好似聽到先至帶返，轉個頭好似去咗洗手間，然後返嚟又係冇手套，見到其實已經冇乜胃口。無意之間仲見到師傅牆後面 滿滿都是污蹟，到吾明一間壽司店 最講求嘅衛生 同埋而家疫情期間 仲要企係吧枱前 比食客一覽無遺 都唔注重一下，真係令人好憤怒。