溏串小町 (已結業)

喺OpenRice 見到咁多😋，見賣相又唔錯所以嚟試吓！不過疫情關系冇咗刺身，有D失望，但都明白嘅！😉跟住叫咗個二人set，有壽喜燒，串燒&丼飯...... 然後，除咗壽喜燒叫做熱少少，味道都ok！其他食全部都只係暖！串燒唔似即燒似番熱多D & 冇乜味道！個豚肉飯嘅豚肉好乾好硬，朋友話個飯仲要有D腥味！另外一提，餐具方面真係要改善一吓，碟有污漬，個碗入面仲有隻小昆蟲！！😓😓😓總括嚟講，冇下次！😓

今日約左客人係大埔食飯，大埔既選擇真係好多，我地盡量搵d 附近方便泊車既，所以最後揀左呢間居酒屋。溏串小町門面及鋪面裝修以日式為主，鋪仔細細大概可以坐二十人內。半開放式廚房，可以見到廚師煮食。我地最後揀左2款拼盤，串燒拼盤同小町刺身拼盤。串燒拼盤：//豬五花腩：厚身，唔會太乾，仲保持到肉汁菠蘿：脆口，好Juicy香菇： 唔算太乾，不過味道一般翠肉瓜： 一般，無咩驚喜小町刺身拼盤：//三文魚： 略嫌細件，大件d 會好d帶子： 新鮮，鮮甜北寄貝： 一般，比較有咬口甜蝦： 驚喜不大海膽： 期待之作，不過有改善空間總括黎講抵食，餐廳環境唔錯，會再黎幫襯下次唔揸車黎可以飲下酒。

推薦指數:🤩🤩🤩🤩今日行經大埔見到間裝修得都幾靚嘅日式居酒屋，就同個friend一齊去試吓。但原來入邊裝修都更加靚，好似真係去咗日本旅行咁啱晒而家冇得去旅行嘅我哋😂食咗當去咗日本除咗裝修幾靚之外，食物質素都唔錯。首先我哋叫咗個刺身食，三文魚同埋甜蝦刺身都係我嘅至愛。刺身新鮮食落唔錯，而且價錢都合理。另外想特別推介嘅係一個海膽三文魚子飯，餐廳個presentation 好靚，將啲飯放落個調酒杯度食👍 啱晒IG影相呀！廚子之外啲海膽仲要好鮮甜，配埋三文魚子一齊食啱啱好！居酒屋食飯咁就點都要試吓啲串燒既，今日我哋叫咗燒雞翼，燒菠蘿同埋燒冬菇等等唔同嘅串燒，唔知係咪餐廳個名嘅關係，覺得呢度整嘅串燒都幾出色。除咗食物本身燒得啱啱好嘅，而且仲有一陣既焦香味，用嚟送啤酒一流呀！另外其他小食例如炸薯餅同埋燒牛仔骨都整得唔錯，好有日本嘅風味。而且份量亦都合理唔會好細分。👍下次出嚟大埔應該都會再食呢一間餐廳。

今日約咗老友去附近食晏，見到呢間餐廳嘅裝修好有特色, 就入去試吓叫咗份 兒童餐比小朋友自己就叫咗刺身便當 D 同埋一干燒魚先講 兒童便當🍱賣相真係好靚！笑哈哈飯團同埋心形嘅啫喱都好有心思小朋友超開心最後食晒自己叫嘅 刺身便當都好有驚喜包含嘅食物種類 豐富刺身好新鮮，而且價錢勁抵食一干燒魚好夠味，十分鹹香如果唔係帶住小朋友😂飲番杯酒就更加惹味🙊店內的服務員都好有禮貌又有愛心照顧小朋友小朋友食到成手都係飯粒佢哋遞上濕左水嘅紙巾俾小朋友抹手下次會再嚟食👍🏻#hkblogger #hkmom #hkkol #2Bcrew #foods #foodbloggers #東月媽媽

溏串小町這間餐廳，我朋友讚過很多次，叫我來試試，因為餐廳在大埔，本身不是住呢頭，今日有工作在大埔，終於有幸試到這間餐廳😋，餐廳裝修得很有日本風，點餐用手機QR code非常方便，餐牌美食很多，樣樣都想食😄，終於點了以下這三款：1. 一夜干午市定食，大大條夠晒份量，食落口肉質咸香，又唔會好乾，配堆白飯一流 !2. 海膽帶子刺身～原來這兩樣海鮮加埋一齊食，可以咁夾，咁好味，真係回味無窮 😋3 蠔肉刺身，夠飽滿，又鮮甜，加兩滴檸檬汁，好食到筆墨都形容唔到 !!😇😇其實我仲想食其他嘢，可惜真係太飽，下次一定要餓返兩餐先來食😂🤣

入了大埔探朋友，到了午餐時間，朋友提議到佢屋企附近的日本餐廳，咁啱我又想食日本菜，所以就決定試試。我點了午餐：鰻魚飯。嚟到時真係有驚喜，因為鰻魚的份量十足，完全覆蓋了飯面，而且非常味美。午餐還包括了麵豉湯，沙律、蒸蛋及甜品，非常豐富👍另外亦點了一份「唐揚炸雞」及「海膽胡麻日本豆腐」。炸雞非常好味，一點也不油膩，而且肉質亦好嫩滑。而「海膽胡麻日本豆腐」感覺清新，而海膽亦很鮮甜，味道一流。餐廳環境乾淨企理，感覺好舒適。食過咁多間日本餐廳，這裏的質素絕對超值👍👍

又係去大埔搵食嘅時間，最近真係成日都黎依頭搵嘢食，今次唔想食啲打邊爐嗰啲咁Heavy, 所以呢我哋搵咗間串燒黎食， 呢一間串燒呢就係日式嘅串燒店， 所以呢都唔止淨係食串燒仲有魚生食。魚生方面都有拼盤架佢有個極上刺身拼盤$398同埋小町刺身拼盤$198極上刺身拼盤$398廣島蠔紋甲墨魚帶子紅蝦海膽三文魚小町刺身拼盤 $198三文魚帶子北寄貝甜蝦海膽因為我兩個人食啊，所以呢我食唔到個極上刺身囉。。。留返下一次先點。我今次點左個小丁刺身拼盤。另外我見到佢個餐牌有個餸"一夜干" 見到個名好特別所以我就問店員，其實係咩黎原來佢一條魚， 於是我就點左嚟食 , yummy 呢！好好食㗎。黎食串燒梗係要拉返個串燒拼盤啦。。。喺呢度分咗兩個，一個就係豚之拼盤$298， 另一個set 係 串燒拼盤$138串燒拼盤$138, 抵食2人前呀👍🏻👍🏻豬五花腩菠蘿香菇雞翼海蝦翠玉瓜餐廳自家製嚟有兩種調味粉配串燒食㗎，一種係香草檸檬另外一個係麻辣。等下次叫多啲朋友嚟, 咁我就可以食埋另外果兩款拼盤啊！

這家外觀不錯，有日本居酒屋feel，今晚想食日本坡料理，可以試下。串燒拼盤 可自主配搭，豬五花腩燒得甘香，滿口油脂香；海蝦蝦肉彈牙爽口；雞翼開邊燒，燒得皮脆肉嫩；菠蘿燒得香甜；香菇香滑鮮味；翠肉瓜燒得爽脆，夠惹味兒童定食餐 有卡通飯糰好可愛，烏冬彈牙，八爪魚香腸小朋友實鍾意，套餐有果汁同啫喱，12歲以下小童就可點加州卷 青瓜清新脆甜，壽司有新鮮蟹籽包住，食落更滋味店內有日本氣氛，上菜算快，環境乾淨企理。

呢間舖個名叫溏串小町 個名都幾特別 唔知係咪有咩特別意思 甘就俾佢個名吸引左入去 我地5點幾就去到 冇咩人唔駛排隊好有日式風格 個隔局好有居酒居feel個門口好靚 入到去覺得仲正地方好闊落 最岩三五知己一齊飲下酒吹下水試左個炸黑毛豬肉餅咬落去幾彈牙 估唔到佢都幾好味嗌左幾款串燒豚肉片提子卷見佢幾特別 平時一般都係蕃茄 但佢呢個提子幾好食幾甜 不過可以燒得耐少少 燒到有少少脆先最正炸池魚仔個脆漿薄薄地 咬落去脆卜卜配埋沙律醬 不錯

香港想食日本野周圍都有，但要搵一間有日本風既居酒屋就唔算多，溏串小町係其中一間。餐廳地方寬敞，環境舒適，枱與枱之間有足夠距離，值得一讚除了刺身、壽司、炸物、主食、沙律等食物外，串燒算是餐廳的皇牌。我同朋友叫左串燒雞中翼和燒墨魚試下。串燒即叫即燒，調味料非常入味，幾好食，做送酒小食一流。 後尾我地忍唔住都再叫多左幾串朋友叫左6件壽司share食，魚生好新鮮，厚切啖啖肉，大大件好抵食朋友叫左個鰻魚飯。鰻魚份量都算多，差唔多覆蓋晒成個便當。肉身夠厚，食落肉肥味香，質素不錯我自己就好鍾意食吞拿魚，今次叫左個吞拿魚肉飯，份量合理，魚生一樣好新鮮。最後我發現呢間餐廳越夜越多人，可能係食完晚飯再過黎食串燒飲野而且餐廳前有大量咪錶位，泊車也很方便。

以前黎食過，覺得好食，中午再黎食，原來轉咗menu，平啲，但望落舖面就比較冷清，各位記得要多多支持呀。 我而家會形容佢係特色牆。 Menu 方面，午餐大約係$50-$60 左右，而壽司刺身呢啲當然會貴啲，但都係講緊$78 / $108，加埋一都係算抵食嘅午餐。 野食方面，會跟沙律同面豉湯，而且會有茶，所以本身唔點飲品問題不大，不過為咗支持小店，都會點個茶碗蒸呀，炸豬肉餅。 至於主食本身，係好食嘅，分別食過咖哩吉列炸雞丼同火炙雜錦丼。 咖哩味香，炸雞份量都唔少，一個正常男人唔特別點追加都夠飽。 火炙雜錦丼，一送到黎嘅時間好香，因為佢地仲會加芝士係上面，特別想提嘅，係佢地嘅wasabi 唔係用粉或者牙膏wasabi，係有一粒粒細粒嘅wasabi，刺身方面，除咗三文魚，蟹柳絲，左口魚，估唔到嘅係呢個價錢嘅火炙丼都會用上凡立貝，食材唔錯唔錯。 講返室內裝修，呢度會掛滿日本特別嘅旗，有一角放咗日本漫畫，而播緊嘅歌都係日本動漫嘅歌黎，相信店主本身係個好鍾意日本動漫嘅人黎。 整體上用餐感覺非常唔錯，而且侍應態度非常好，食晏會多啲黎呢度食，支持下。另外佢地都有做學生優惠，好似3人同行就有7折。 

喺門口見到好多明星相，應該好多明星覺得好食先幫手宣傳入到入到去，環境偏黃，牆紙貼咗好多日本風格啱晒鍾意打卡嘅我。先叫咗是日推介:串燒拼盤今日豬五花腩賣晒，轉左豚肉提子卷，好甜好juicy!菠蘿有5,6件，如果佢切埋個芯更好~啲冬菇好多汁唔會乾晒，翠玉瓜好爽口！成個set好豐富^_^唐揚魷魚鬚($58)炸粉好薄，叫杯啤酒最好不過。海膽飯超高質有2種海膽！入口甘甜，唔會苦，淡淡都好新鮮！烤豬肋骨豬味好濃！烤得好脆身，幾多肉^_^整體都好好，會再光顧^_^

好耐無出去食野啦，岩岩有時間就同老公去左朋友介紹既串燒居酒屋一入到去發現d裝修唔錯，好有日本既感覺，忍唔住影返兩張相，而且人流唔多，坐得幾舒服打開menu，都算幾多選擇，有刺身、壽司、炸物、串燒等，不過就唔係套餐，如果有晚餐或套餐會更開心，因為主要係散叫，我地叫左串燒拼盤，有肉又有菜，唔錯啊！好香同賣相好吸引，而且食材新鮮，比較深刻係單骨雞翼，好入味好香不過講到最難忘既係豚肉提子卷，無諗過可以用臀肉包住一粒粒提子，口感好特別，又咸又甜的感覺好過癮！值得一試我哋仲叫咗啲刺身，甜炒秋葵，雞軟骨餃子等等，整體感覺都唔錯，可以試吓

我特別喜愛日本菜，今晚見到這家外觀與日本居酒屋同一設計，當然吸引到我。前菜枝豆清新水牛芝士條（4條）外層炸得非常香脆，芝士炸得香軟，成功拉芝燒牛仔骨（4件）$48牛仔骨燒得香軟，入味又惹味，一個食晒4件先夠日式醬油炒雜菜 $38秋葵、紫椰菜、翠肉瓜新鮮，甜甜的不錯海膽飯 $98海膽大隻，鮮甜肥美，三文魚籽鮮甜，配少少壽司醋味的飯，食落唔滯刺身新鮮，店內裝潢有日本氣氛，上菜快，職員細心有禮，環境乾淨企理，食得開心

今日專程去左大埔既溏串小町午餐，係門口已經感受到濃厚既日本風，入到去直程會以為自己去左日本既小店。落單非常先進，用自己電話scan QR code 就可以入到落單頁面，唔洗下下等侍應埋黎先叫到野食，相當方便！(店內亦有小量傳統menu 提供) 由於樣樣都想試所以今次叫左好多野食兒童餐: 有日式迷你飯團🍙，迷你烏冬，炸雞配香腸，茶碗蒸蛋，提子啫喱，蘋果汁！大人食其實都會飽燒一夜干定食: 非常大條，燒得好香口，配上檸檬汁好開胃，重要係唔多骨，啖啖肉，岩哂鐘意食魚又好憎有骨既我鰻魚定食: 燒得岩岩好，面有陣陣焦香味，魚肉好滑，唔覺有骨，鰻魚汁亦都好夠味，不知不覺已經食哂成碗飯。所有定食都配有茶碗蒸蛋，麵豉湯，沙律同甜品！如果細食既話2個人share一個餐都夠食蟹肉忌廉薯餅: 外脆內軟，咬開之後流出大量忌廉薯蓉，蟹味香濃水牛芝士條: 外層炸皮好薄，咬開有大量拉絲芝士，芝士控不能錯過！柚子蘋果梳打: 同食物份量相比略嫌細杯，不過唔會太甜，清新柚子味，十分解膩