滬小館

营业中

休息中

與朋友工作完成去旺角食late dinner，隨意進入一間食店，原來滬小館剛開業不久，小小街鋪人流𣈱旺服務員盡力說好粵語，也盡力做好每一枱，這個值得稱讚，可能剛開業因此比較手忙腳亂，整體價格相對平宜，不過份量較少，尚有進步空間乾偏四季豆$38這個干煸四季豆不錯，肉碎的辣道剛好，很惹味。四季豆也炒的夠乾身，不油膩紅燒牛肉麵$48叫了招牌牛肉麵，湯底每間廚師手煮法都唔同。所以麵一到就試湯底，唔係我愛的濃藥材味湯底⋯清了點，麵質滿意係彈的，牛肉軟身，牛筋滑溜軟嫩，牛腩亦算恰到好處，美中不足是有部份腩位肉質偏”鞋囗”蟹粉小籠包（4件）$48蟹粉小籠包內有湯汁入口香濃。可惜小籠包做的有較差，鬆散散的一糰。而且沒甚麼蟹粉的味道上海菜肉雲吞（8件)$28湯底醬油味濃，雲吞內餡料的菜清新味同濃濃嘅肉味對稱， 一貫上海雲吞皮比較厚，雲吞較細

平時都喜歡落去太子行街，因為呢區雖然屬於旺區，但迫嘅人同埋食二手煙程度，相對隔離旺角係好好多嘅~近期太子都開咗好多新食店，行過見到呢間新食店，牆上裝飾用特別花紋餐碟幾特別，而且時間尚早，又未係好多人就入去試吓喇~叫咗幾個招牌菜試試，有開洋蔥油拌麵、鹵肉炒飯、青瓜海蜇、雲吞雞湯。拌麵好香味道好好，可借太細碟，大碟少少就好喇~🤗鹵肉炒飯…未聽過🤔，所以就會會佢，味道唔差，好食過平時食開嗰啲炒飯，又特別好夠味。價錢唔貴，可以Encore啊~😄

夜晚7點幾去到, 見到個menu既野食幾吸引就試下啦, 等左10分鐘左右就有位, 我地兩個人唔係太肚餓, 就叫左3樣野食, 來到份量都ok。老干媽炒年榚: 用豆豉老干媽來炒, 來到就聞到幾香, 味道都幾濃, 年榚夠陣, 唔錯。開洋蔥油伴麵: 賣相好吸引, 份量可以分到2個細碗,, 麵就唔係好夠味, 一定要同蝦乾一齊食先有味, 冇咩特別。糖醋魚場塊: 夠大舊, 聞落去幾重醋味, 外脆內軟, 味道夾得岩岩好, 甜中略帶酸, 而且魚塊都夠大夠。整體來講唔錯, 但就唔係話有驚喜, 價格合理, 環境都算整潔。

旺角呢條街 都算食到熟哂 見到有間新野上海菜 終於唔係米線鋪 先講食物，ok la, 不過服務就麻麻地😐😐，啲職員入埋人地個台啲野食落我張單，我叫佢check下，佢又好似一舊飯甘，其實佢對下張order紙就得啦，唔緊要，當你地新開，未熟最激氣係😡😡😡仲有我地食完野起身走，行到門口朋友話聽到個職員叫出黎 話小心我地食完野走 唔比錢 ，我嬲到係門口叫返入去，有冇搞錯甘講野？！咩態度 鮮肉小籠包 $28/4隻，皮唔厚又多湯汁 不錯特色水煮魚 $55 ，份量細細又可以食其他野 ， 味道都ok, 個底有啲寬粉， 魚肉就預左係普通野擔擔麵～花生味好足👍🏻紅燒牛肉麵...得肉碎甘...勁多肥肉...👎🏼👎🏼整體黎講 野食可以一試 不過我又唔想再去！

星期六晚十點半，經過旺角，太子...想搵間靚少少又坐得舒服d餐廳食野。選擇唔算太多，終於搵到呢間滬小館，幸好我地成為最後可以享用嘅顧客。入到去望望餐紙，比起一般上海菜館便宜，相對某部份份量會比較少。而種類亦非常多。兩個人叫左5樣野，先係冷盤有招牌醉雞。味道一般，雞得表面有酒味，入面沒有。應該接近收鋪，呢d都係整左無耐，所以唔太入味再黎雞絲粉皮，醬汁好多，雞絲同青瓜份量都ok多。呢味入口好多種層次，一絲絲的肉、爽口的青瓜、煙韌的粉皮配合麻醬。層次豐富！$28黎講性價比好高！三絲春卷超級熱辣辣，要放一陣先可以入口！外脆加入面餡，好有舊時細個茶樓食嘅感覺，幾好食！再黎上海野必食的小籠包！$28有四粒，正常size,皮薄，一咬...入面d湯汁爆曬出黎。好香嘅湯汁配合薄皮加一舊鮮豬肉，好正！咁嘅價錢真係好抵食！重點推介！四川擔擔麵，之前食過好多間。好易中伏，但呢碗有好香花生味之餘有陣陣辣香，再食埋硬度適中的擔擔麵，可以話係呢餐完美的句號！最後賣單，兩個人5個餸，只係$156好抵食！好味又平又食得飽！推薦大家！

晚上9時多去吃, 剛好還有一張枱, 不用等位, 太好了~^^ 點了糖醋骨、秋葵木耳、酸菜魚和雪菜肉c炒年糕~ 因為太肚餓大家都沒拍照片便起筷了~ 糖醋骨味道不錯, 有驚喜, 不會太大舊, 易入口, 不肥; 秋葵木耳, 有少許wasabi味, , 喜吃木耳的話可以一試, 十分爽口, 味道也調較得不錯, 只是秋葵太少了><; 酸菜魚味道是可以的, 只是魚塊有少許雪藏味, 但以這個價錢$55我覺得可以接受了~ 辣度可以任君選擇, 我們要了少少辣, 辣得來不霸道，是緩緩辣出來那種; 雪菜肉c炒年糕很好吃~ 年糕煙靭不粉, 雪菜肉c的份量適中, 味道調較得不錯, 不會太淡口只吃到滿口年糕~~不得不提豆漿, $10,  不會太甜, 豆味濃, 不會是溝水那種, 喝到尾有點豆渣~我至愛~ 下次再試第樣菜式~~ 叫了四樣菜, 一杯豆漿, total$179, good good~~    

其實除左量旺角多野食外 太子都好多架 而且每次經過太子 都會發現有一兩間係新開既 見到呢間上海野都算有幾枱客食緊 咁應該唔會太差既 膽粗粗就入去試下啦 我點左最鐘意食既擔擔麵 開頭我一見到呢碗擔擔麵都覺得應該好麻麻ga la 因爲睇落去好稀身 一d都唔似我鐘意食個種‘杰’身既湯底 咁但係都冇辦法啦 叫左冇理由唔食架飲第一啖就即刻醒左啦 唔係因為比佢辣醒 而係好好味 d湯係濃到有少少‘張’住左個口既感覺 原來係我頭先冇攪勻d湯所以令到d花生粉 佢既味唔會太辣 而且好濃味 正呀個麵軟硬度適中 其實擔擔面係冇咩餸 所以個湯就係個靈魂啦 紅燒牛肉麵 細細粒既牛肉可以令我地呢個女仔食得有儀態一d🤣講返個牛肉先 肉質好淋唔會有難咬既感覺 其實我覺得咁樣細細粒都幾好 個牛肉粒會易d吸到湯底既精華 會入味d 面且同fd食 一齊share都會易d 呀 因為碗麵有驚喜 所以叫多個小食先芝士小籠包一籠入面有4粒 皮雖然唔係好薄而且湯唔算多 但係佢入面既芝士係包住左舊肉 對於我呢個芝士怪黎講 實在係太好味啦 所以我趁男友唔覺既時候偷食多一粒 😜