滬點 (已結業)

今日放工經過灣仔同銅鑼灣之間既滬點 見佢新開又靚靚地 於是就試下 但係佢又full House 咁唯有買外賣啦～二人份量 買埋俾屋企隻豬食😹😹外賣又好靚 包得好好 完全冇倒泄！👍🏻招牌小籠包 $48 皮薄餡靚 勁多汁 拎返屋企食都冇問題😻十三香煎蔥油餅 $48 以為佢會係蔥同餅一齊煎 原來佢係餅皮夾住蔥一齊煎 啖啖都係蔥 好特別😼重點推介！！！灌湯牛肉餡餅 勁勁勁juicy ah! 唔似平時D生煎包 一D都唔粉 反而仲好鬆脆 啖啖肉 😻😻招牌黃魚餵面 個魚係新鮮魚 D肉係實嫁！但可能因為外賣啦 啲面吸晒啲湯 發都勁脹建議下次分開袋會好啲～不過好彩個湯夠好味搭救😸😸其實佢仲有好多其他菜式 例如係上海野同四川野 希望下次可以試埋啦 總括而言 價錢合理 位置方便🥴🥴

同朋友係銅鑼灣行完街 知道呢度開咗間新嘅上海菜所以諗住試吓新野😝我哋夜晚嚟都算多人 好彩唔洗排隊醉香雞好香酒味 個個雞都好滑 少骨 易咬 唔錯十三香煎蔥油餅炸得好鬆化 好味招牌小籠包 蟹粉小籠包不過不失 普普通通 唔一定要試糖醋咕嚕肉超級推介！！！佢同平時食個啲咕嚕肉唔同 好特別 同埋炸得好脆個汁配埋都好好火腿津白都唔錯 火腿同津白個味互補龍王杏汁高力個質感都唔錯 不過如果可以中間再多啲杏汁會更加好我覺得餐廳整體表現都唔錯 絕對會再嚟試埋其他餸😍😍😍服務都好好 見到冇茶會主動倒茶 亦會主動換骨碟👍🏻特別推薦炸嘅嘢食 炸得好香好鬆化Menu:

灣仔軒尼詩道最近新開了一間中菜主打傳統滬菜餐廳。每日新鮮製作多款精緻特色點心，喜歡食上海菜的媽媽一定要我來食。餐廳裝潢傳統觀念加點時尚新穎設計風格，空間算大，座位多又舒適，燈光柔和。我最想讚揚服務員態度極有禮親又殷勤招待醉香雞 HK$68用陳年花雕酒浸造成冷盤，雞肉嫩滑，酒味極之濃郁清香。陳醋水晶肴肉 HK$68陳醋製作成水晶肴肉，賣相精緻，一口咬下去酥軟的豬肉在口中融化，口感爽脆，味道非常有層次感。酸菜龍躉片 HK$198選用新鮮龍躉片，肉嫩滑富口感搭配酸中帶甜的四川酸菜，酸味富層次。灌湯牛肉餡餅 HK$36外皮香酥美味可口，咬一啖流出香噴噴的湯汁，牛肉味道濃郁。蟹粉小煎堆 HK$48（極力推介）外層炸至金黃色煎堆，Q靭又酥脆，熱辣辣滿溢芝麻香，內裡蟹粉餡料味道香濃肉質鮮嫩，一個煎堆有雙重味感享受。

已經好耐食唔到咁有水準的上海菜，真心推介：必食(5星)：灌湯牛肉餡餅講起牛肉餅第一下會諗起九龍城個間，相比這裡的牛肉餅我覺得更勝一籌，外皮香脆，一咬開滿滿的高湯汁，牛肉餡完全無臊味，好似係煎香牛肉版本的小籠包，超級好味。杏仁迷必食(5星)：龍皇杏汁高力一般上海館子都有的甜品高力豆沙，這裡將豆沙餡進化為杏仁糊，上面再灑一層薄薄的糖霜，每粒大小適中，一咬開濃濃的杏仁味充滿口腔，唔會好甜，雖然係油炸卻一點也不油膩，師傅功夫很好，酷愛杏仁的朋友不能錯過。好食(4星)：陳醋水晶肴肉好食(4星)：小籠包總結，我下次應該會再返黎食

點心@滬點shanghai spot地址：灣仔軒尼詩道385-391號軒寧大廈地下1-2號鋪Shop 1-2, G/F, Henning House, 385-391 Hennessy Road, Wan Chai門口紅黑色好吸晴，心中早想一試，因上海點心餅食，是廣東點心以外，我應為花款最多又好味。放工時候，就去了買些包子點性回家同家人品斯嚐。牛肉餅小小的，二至三口會吃完一年，皮煎到微金黃香脆，是家人指定要吃的，肉餡夠實在肉汁豐富。小籠包 $48 一客4隻, 沒有不吃的理由，因小籠包令全世界都認識上海。皮薄摺位要仔細,中心肉餡鮮甜，雖然拿回家變成微暖，但湯汁仍然好味，蘸醋一流仲有個麵架, 好多澱粉質呢餐一定飽啦! 擔擔麵，肉碎好重花生味呀，湯濃郁撈埋簡單好味！果然是招牌外賣餐盒一格格仔細整齊放好, 唔會亂!點心要雞湯雲吞仔，好qq皮薄又滑啲啲，入面是豬肉餡，湯先係重點呀，鹹香濃味真材實料。在公司附近, 不用5分鐘即達啦, 要數Wan Chai 食上海菜不多選擇, 日後想念小籠包及包點時可以有心水了

朋友推薦呢間店食野唔貴又新開,而且地點又方便,近鵝頸橋軒寧大廈地下,就去試下。餐廳主打傳統上海菜,裝潢卻採用年輕時尚設計風格,而且牆上有LED燈點心圖案,地方夠寬敞,環境坐得舒服。陳醋水晶肴肉啲肉煮得夠淋,唔太肥膩,香香甜甜作為開胃菜,面層jelly 好好食。灌湯牛肉餡餅將牛肉釀入餡餅,再灌入濃湯,熱辣辣,肉味鮮及濃厚,煎得香脆紅燒獅子頭肉丸煮得非常軟腍,再配上酱汁,入口即溶,有鹹香的味道,撈飯撈麵開洋蔥油拌麵麵質彈牙爽口,醬汁濃郁,每吃一口都充滿香蔥味道

位於銅鑼灣的新店 「 滬點」早已被我  MARK 左， 可惜因疫情關系，還未有機會一試。 男友好愛上海菜，點都要擇個日子同佢去試吓。當時晚間堂食還未解禁，只好午市去吃個 SIMPLE LUNCH。 其實我是為左 「牛肉餅」而來，印象中除了九龍城那間外， 都無乜食過邊間好食。聽人講到咁誇好， 就,一定要試試。 中午來到， 客人不算太多， 大概只有半廳滿坐。裝修方面是MODERN中式設計，燈光較為昏暗，可以令人放鬆用餐的地方。 我地被安排坐四人圓枱， 所以坐得特別舒服。  餐牌很有心思，印得十分精美，加分啊。食上海菜也點可以唔食 鮮肉小寵包、大鹵麵 和 牛肉餅。 我從未聽過 大鹵麵 這東西， 店員放上枱時我看到這碗麵感覺就是乜都有， 材料包括 千層肉、海參、蛋絲、冬菇絲、蝦仁、上海麵，湯底是酸辣湯底。 材料超多， 麵也多， 試了幾口， 麵條不糊口，且仍保留點爽口， 真材實料，材料真是超多， 酸辣湯底頗厚重，所以會更為飽肚，男友可以吃完一整碗，大呼好滿足。  鮮肉小寵包 每粒小寵包 SIZE 適中，揩位好靚好功整，皮不會太厚，輕輕地夾起已經有小小穿，湯汁很多， 肉味濃， 很有水準啊。 牛肉餅

灣仔最近開了一間滬菜餐廳，匯集經典上海佳餚和細膩手工，無論是冷盤、熱盤還是點心，都很高質。手工點心即叫即蒸，超級新鮮，當日試了7款食物，每款都很出色，但要是一定要推薦幾款的話，就不要錯過灌湯牛肉餡餅 (HKD36)，牛肉餡料非常鮮甜飽滿，咬一口已經爆汁了。黃金蝦球 (HKD138) 色澤金黃誘人，蝦肉大大粒，緊實彈牙，圍著滿滿鹹蛋蓉，非常好吃！另外川麻口水雞 (HKD68) 榮登我的當日最愛🌟是必食之選，雞肉非常新鮮滑嫩，一入口那麻辣滋味是整個口腔都能感受到，讓人胃口大開。 招牌小籠包 (HKD48) 用新鮮前赤肉鮮包而製，可說是皮薄餡靚😋👍🏻要是想打卡的話不妨點玫瑰小鏝頭 (HKD38)，造型精緻，女生一定喜歡。整體來說這間餐廳除了食物質素好外，座位亦很寬倘，餐廳環境有老上海的感覺卻又帶有年輕時尚感，是個聚餐好選擇。

特登嚟呢間新開嘅上海野食嗰個陳醋水晶肴肉，我呢個細細個就已經迷上左水晶肴肉嘅人，上次經過見到個Menu已經即刻想試。陳醋水晶肴肉$56呢一個真係今晚嘅重頭戲，特登嚟到就係為咗食佢，果然不負眾望，比平時食到嘅水晶肴肉，呢一個個啫喱多咗陳醋嘅味道，應該係製成嘅啫喱嘅時候已經加入左陳醋，令到平時食水晶肴肉要另外沾醋，但係呢個就唔需要啦，同埋平時食加咗醋都只係個表面，而呢個真係融入左成個水晶肴肉當中，而且味道覺得啱啱好，唔會過酸唔會過甜，啱啱吊起晒成個肉味，好食到我忍唔住最後打包多一個走。醉香雞$68呢一個雞酒嘅份量啱啱好，唔會話好濃烈得返酒味，而且啲皮好薄，一啲肥膏都冇，平時唔食雞皮嘅我都覺得可以食呢啲咁薄嘅雞皮，雞肉非常之滑，特別經過酒嘅醃製之後。四喜烤麩$56比起之前嘅兩到前菜，呢個就稍為失色，佢相對比起平時食到嘅冇咁甜，但係烤麩好鬆軟煙銀，吸到好多汁所以好入味。灌湯牛肉餡餅$36切開一半嘅時候裏面啲湯即刻擁晒出嚟，非常足料，層皮好薄，啱啱好吸到啲湯汁，但係外皮又保持到香脆。韮黃炒鱔糊$88呢一個送飯一流，紅燒醬汁甜甜鹹鹹，更加開胃，鱔好彈牙，炒得好入味，略嫌多咗少少細骨，食嘅時候要小心

疫情放緩之下，對於香港人來說足不出戶，只能外賣回家難免真的很辛苦呢？灣仔美食多不勝數，各式各樣的美食匯聚。難得出門倒不如吃過豐富的晚餐。場內的位置寬敞又舒適而且帶有香港特色的風格。上海菜又點少得水滾茶靚，消滯每位 $8/位。四喜烤麩 $56每次最喜愛的前菜莫過於「四喜烤麩」，烤麩經過醃製過相當濃郁而且份量其多，滿有口感不俗。炭燒燻魚 $62曾經在另一上海菜館吃過炭燒燻魚念念不忘，今次又一想念這款菜式。炭燒燻魚經過炭燒香口，燻魚甜甜的味道相當開胃。小籠包 $48上海菜又點少得小籠包出現，一籠蒸籠即叫即製，新鮮度十足。小籠包 一客四粒，皮薄餡靚肉汁滲出，滋味十足。灌湯牛肉餡餅 （2隻）$36餡餅最重要的元素就是內裡的湯汁，輕輕咬一口外層脆皮，灌湯牛肉味濃郁並提鮮，整體上都是不錯。黃金蝦球 $138上海菜估不到會有黃金蝦球的出現，咸蛋黄醬又邪惡真的什能夠抗拒呢？蝦球大大粒帶有彈牙又爽口，配上白飯一流。蟲草花翡翠苖 $78翡翠苖 配上蟲草花，清淡而不油膩，也是健康之選。

最近返工都係食外賣多，由於太耐冇出去食好嘢，晏晝決定犒賞想自己食個豐富嘅套餐🍱。佢啲set全部都好吸引，而且仲配有合時保健湯水同餐前小點心，豐富到飽不得了，食完真係可以為返足一日工而好好打氣💪🏻.除咗個午市套餐，仲打包左啲點心返去同屋企人食。.📍蒜片黑椒安格斯牛粒撈麵安格斯牛粒份量唔少，食落有牛香之餘肉質軟腍，咬開中間肉汁豐盈🐂，加埋蒜片食落更加香口惹味，送飯一流👍🏻。套餐除咗可以選擇白飯🍚仲可以揀蔥油撈麵，另外配有春卷同紅油抄手做點心。食完真喺飽到上心口😆。你以為完啦？其實仲有一碗參鬚燉瘦肉湯，蔘味好香之餘仲有好多瘦肉，真係超足料！.湯同點心每個月都會轉一次，咁多個set真係可以試多幾餐😜🙌.📍灌湯牛肉餡餅（$36）餐廳的主打小食，體積比想像中小，可能由於外賣關係，稍微有點收汁，但咬開餡餅仍不會太乾🥙，在其他餐廳比較少見這款點心。📍招牌小籠包（$48）小籠包外皮透薄，中間包着飽滿肉餡，湯汁濃郁鮮味，絕對是高質之作❤️。📍紅油抄手（$56）粒粒飽滿，抄手皮滑溜。帶辣的紅油令味道更加刺激🌶，不錯吃。📍糖醋咕嚕肉（$82）咕嚕肉肉質爽口彈牙🐖，配上酸甜咕嚕汁十分開胃，唯獨份量較少，以這個價錢

黑魚籽煙燻溏芯蛋-煙燻味好重但得好少魚籽馬蘭頭百葉卷-菜碎比卷皮包住,不過不失麻辣粉皮-好失望明明叫左麻辣但佢俾左雞絲粉皮俾我,但唔夠醬汁酸菜龍躉片-酸酸辣辣好惹味,魚好滑招牌灌湯牛肉餡餅-咬落真係有少少湯湧出黎,但略嫌皮有d厚蓮藕炒年糕-年糕好un,唔好食,蓮藕好少我唔係好食得出咩味奶油津白-菜煮得唔夠耐,唔夠淋！,火腿好咸雲吞雞湯-好味好清甜我見佢新開所以試,不過好失望

餐廳位於軒尼詩道電車路旁近鵝頸橋的位置，新開業，裝潢及環境十分整潔，有種新派而有格調的感覺，潮食「滬菜」又擁正宗風味。但開業數月即遇冷鋒，遂撰文一篇，略表支持。酸辣湯 ($38/位): 如圖所示酸辣湯十分足料，味道非常濃郁，酸辣並重，味道蠻正宗。由於整體味道偏重，建議可二人分享，不然飲掉整碗稍感油膩。招牌小籠包 ($48/4隻): 滬菜必食的小籠包，皮薄餡靚，內含豐富肉汁，相當鮮味。灌湯牛肉餡餅 ($36/2件): 這是店家其中一款推薦的食品，外皮微脆，口感稍為煙韌，夾層包住大量湯汁，十分惹味。酸菜龍躉片 ($198): 酸菜湯底酸香帶微辣，龍躉片質感十分幼滑，腩位啖啖肉，十分滿足。配料還有芋絲及土豆片等等。招牌擔擔麵 ($68): 湯底濃郁，香辣惹味，亦帶點花生醬的香甜及堅果香，即使只有肉碎及擔擔麵，但亦不感單調，口感及味道均豐富。

每天都盡可能居家抗疫，但是每餐都幾乎要勞煩母親大人三餸一湯，相信就算是烹飪高手，每天要煮出不同花款的菜色，都相當頭痕。 所以決定是日午餐帶媽媽來到這間新開不久的滬菜館， 品嚐媽媽最喜歡的松子魚。餐廳裝修有別於一般中菜館，同樣用上紅黑灰三色配搭，配上了LED光管製作而成的上海點心燈飾，包括：小籠包、餃子、上海湯麵及茶煲，牆身襯有懷舊復古的灰色瓦磚，新舊交融，時尚前衞。進餐廳時店員會主動幫每位客人量度體溫，門口位置還設有自助式搓手機及每位客人座位上均附送一個的口罩套，非常貼心。餐牌圖文並茂，讓人一目了然。松子魚($168)松子魚也是這店的推介，街外平時閒閒地一條松子魚都3，4百蚊落樓， 依家$168就有全條松子魚，認真抵食。成條魚還炸得粉身碎骨，連骨都可以食埋落肚；相反魚肉非常厚身，肉質嫩滑且同脆卜卜嘅魚皮形成強烈的口感對比，加埋酸咪咪的咕嚕汁，送飯一流。 美中不足的是炸皮較為厚身，未能突出魚肉的後未能明顯突出魚肉的厚肉質感，此一的確有待改善。招牌小籠包（$48）夾起小籠包，雖然未至於清晰看到皮薄盪漾，但在燈光照射落下仍然隱約看到湯包裡的盪樣，還有包表上清晰的摺接，對比起其他小籠包的名店，

限聚令後，想到餐廳食野惟有在晚上六時前，同朋友早兩日去完呢間餐廳食飯，發覺佢哋嘅上海菜做得幾有心機，值得分享一下。灌湯牛肉餡餅 （$36），脹卜卜的牛肉餡餅，一咬開即爆開牛肉汁，所以食嘅時候要小心燙口，湯汁濃郁，餡餅皮脆，肉嫩。松子魚（$168），原條松子魚經炸過之後，外層鬆化，魚肉嫩滑，配上酸甜醬汁，十分之開胃。孜然蔥爆羊肉（$92），羊肉的份量十足，用大蔥爆香，灑上孜然粉，惹味得過癮。魚湯時蔬（$78），鮮嫩嘅菜苗，用魚湯滾，鮮甜又健康。滋補潤喉羹（$36），設計充滿仙氣，飲落似枇杷露，潤喉爽甜。桂花酒釀丸子（$32），小丸子煙毅彈牙，配上桂花酒，散發陣陣桂花清香，作為最後一道甜品，真係非常滿足的。雖然餐廳食上海菜，第一個印象係傳統嘅菜式，但餐廳就走玩味風格，霓虹燈的佈置，挺有意思。