滿堂紅頂級雞煲火鍋 (已結業)

話說真係勁耐冇食雞煲，尋日突然興起臨時call朋友去食，今次揀左深水埗嘅呢間滿堂紅，因為方便去黄金睇電腦，哈哈！呢度裝修雖然簡單啲，但勝在樓底夠高，感覺好寬敞！本身嚟係想食麻辣雞煲嘅，但見到原來呢度有椰子雞煲就即刻改變主意啦！好彩呢個雞煲冇令我地失望，一上菜就已經聞到勁香椰子味！2人份嘅雞肉份量唔算好多，但真係啖啖肉同埋好嫩滑！熟食方面最鍾意有豬紅同咖哩角！雖然選擇唔多，但都好味！其他火鍋配料係自助式嘅，種類都算豐富，個人覺得最正係啲牛，好重嘅牛味，我呢啲牛精點可以錯過！海鮮方面最好食就係蜆，好鮮甜！飲品方面呢度係走韓式路線，試左呢個韓國可樂，同可口可樂一樣味，幾好飲！甜品亦都係韓國風，食Melon梗係要食蜜瓜味啦，之前喺韓國都食過幾次，好甜好好味！借啲意試左一啖朋友仔啲椰子味，又ok喎，延續頭先個雞煲嘅椰香味呀！

今日好友相約一起去打下邊爐今日去左滿堂紅頂級雞煲火鍋一埋位咩都唔使講叫左個煲先,有個朋友真係好愛食雞煲,即時麻辣芝士雞煲正宗麻辣雞煲跟住就梗係拎野飲啦個飲品櫃都幾多野飲,好多選擇..算係幾好都算好多野任選,而我地都點左好多種類,我都唔一一講因為真係食左好多樣野,重點講好食鯇魚骨腩--都幾新鮮好味,唔會話有泥味,因為有時淡水魚係會有泥味,佢算唔錯滑雞片--好入味,再入埋雞煲個汁,吊一吊個味係幾唔錯肩胛肥牛--好香牛味而且牛既脂肪比例算唔錯,唔會太過肥黑豚肉片--好香豚肉味,唔會有膻味,幾正豬潤--淥一陣就食,個香味出晒黎另外個環境都算幾好,坐得都幾舒服點可以無雪糕呢,我個甜品胃岩晒啦

之前去完旅行，幫左朋友買D野，拖左一排終於夾到一日出黎食飯。一班朋友聚會都係離唔開打下邊爐之類，尤其任飲任食個D，因為食野就唔使就住就住，大聲D講野氣氛又好D。我地都諗住試下新野，同埋地點大家就腳，上網搵下咁就book左依間試下。 我早到左，因為任食限時2個鐘，所以我就諗住等多一兩個朋友先上去，係等人既時候影下相。 地點黎講都方便，油麻地A1出口一直行就到，總共有兩層，幾易認。 價錢就均一價，睇反幾點入座，我地就約左8點，正價178一位，仲要唔使加一，其實好抵。 人齊之後上到去，首先揀左個煲先，其實都有幾款可以揀，有雞有魚。不過最後我地都係揀麻辣雞煲，個人食後覺得如果鍾意食辣可以揀辣D。 叫完之後就等食，佢有D 熟食係自助吧形式 見有D肚餓，我拎左咖喱魚蛋、雞腳、豬肚、再整埋蒜汁白肉。 另外，火鍋配料選擇都幾多，有火鍋必食既肥牛、豚肉，丸類、海鮮等。 等左一陣有得食啦，雞煲唔錯，值得一提係佢有豆腐乾係入面，之前食雞煲好少會食到。我個人比較鍾意食，而且佢吸左D汁，好惹味。食完之後就打邊爐，因為任食，我地又咁多人食，所以咩都拎。 飲品方面都有10款選擇，咁我就飲左解茶。 最後食埋雪榚，一共

一行三人去左食雞煲呢度除左有麻辣雞煲之外，仲有近年深圳大熱既椰子雞煲！而且仲有清湯同濃湯揀，睇返餐牌，分別就係濃湯就會加椰漿。我地點左一個清甜椰子雞，雞煲黎到，雞既份量都好多，最後食完先見到原來三個人會有一隻雞！雞煲味道開頭比較淡，但煲耐左就愈來愈甜，好味！呢度配料係全自助形式，任食任拎，但可惜質素一般。最後仲有雀巢雪糕任食，係我最愛既紅豆味！滿足！總括黎講，呢度性價比唔錯，$178全包仲可以食4個鐘，值得一試。

朋友邀請生日飯，之前試過米走雞，我覺得芝士配雞其實吾太　match.。但朋友話芝士麻辣雞煲超正，就比多次機會！可惜侍應最後黎錯左原味，我同朋友又傻傻地食左，我覺得比米走雞好，雞本身炸過，幾脆口，都食到芝士味。其它配菜要出去自助，款式吾算太多，基本野。但最開心係有虾　﹠蜆都有，其它肉類味道一般。食完芝士煲後加湯打邊爐，個湯底偏咸，不過我喜歡叫咸品！都會再去多次試下麻辣芝士煲！！

이 음식점은 제가 5년전 일했던 홍콩 식당에 주방장님이 저한테 소개 시켜준 음식점입니다.먼저! 다비노(샤브샤브) 음식점 이며 부페 형식인 음식점입니다. 가격또한 엄청 착한 음식점입니다.제가 아는 한국친구분들이 홍콩에 오면 꼭 데리고 가는 곳이지만 홍콩에 살고 있는 한국인 들 한테는 절때 소개를 안해주는 ㅎㅎㅎ 왜냐면 이 음식점은 모든 게 한국인이 좋아할만한 요소들이 많기 때문에 까딱 잘못 소개했다간 음식점에 한국인들이 점령할까봐 입니다. 암튼 대충 소개는 이렇게 하고. 이 음식점의 대표메뉴는 까이뽀 와 하이유 라는 메뉴인데 특히 까이뽀라는 메뉴가 한국인 입맛에 잘맞는 음식입니다. 설명을 하자면 한국에 간장찜닭을 먹고 남은 소스에 고깃국물또는 야채국물을 넣어서 샤브샤브를 해먹는 느낌이라 생각 하시면 됩니다. 이음식점 까이뽀는 양이 상당합니다!! 다른 까이뽀 음식점 가시면 정말 양이 엄청작고 특히 닭에 뼈밖에 없다는 느낌이들정도 인데 여긴 정말 고기양이 어마어마 합니다. 그리고 맵기 조

早鳥價錢$107全包一爐兩食，仲想點等緊湯底，可以有多款熟食前菜，包括胡椒豬肚湯、蘿蔔牛筋牛腩、蒜泥白肉、沙薑雞腳、芥末雲耳、咖喱魚旦豬皮、酸齋、未開始食主菜都飽飽哋一半係火鍋，一半係鐵板燒，不另收費，真係好好玩，我揀咗椰青雞，好清甜，好多雞，四個人都只係食到一半。任食火鍋唻講都算多海鮮，因為所有食物都係自取，唔使落單等送到枱，自己鐘意食幾多就攞幾多，即刻有得食。飲品多款式，有特式，連最新白色罐可樂都有，有驚喜。

聽講呢間任食雞煲邊爐好味又抵食，喺朋友介紹下就book左呢日黎試下～咁岩撞正openrice訂座有折，5點入座7點前離座每位都係$107免加一，抵到爛呀舖頭坐落喺油麻地既內街，都花左少少時間先搵到。但舖面好大、樓高兩層，而且位置好闊絡，唔會坐得唔舒服之餘都唔會焗到成身邊爐味。飲品同雪糕櫃係自助式。另外都有熟食供應、日日唔同款，呢日就有炆牛腩、胡椒豬肚、咖哩魚蛋、酸齋、炸春卷等等。牛筋佔既比例較多，得兩成係牛腩，但食得出係有花時間炆定，幾入味，但有一兩舊肉質有少少韌。主角雞煲有唔同口味選擇，我地揀左濃汁椰子雞煲，加左椰漿湯底好濃郁，打到後期加左四五次湯都無稀到兩位用既雞煲得半隻，雞件位置唔太靚，唔厚肉，但肉質幾滑唔鞋，同椰漿味好夾。店員仲話有得一鍋兩食，一邊鐵板一邊邊爐，見幾得意當然要試試。但個鐵枝真心玩下就算，最後燒左幾塊牛都係放棄左，因為個器皿比較大，兩邊一齊整會受熱不均勻，而且鐵板燒同邊爐一齊食都唔係太夾食完雞煲出面仲有不同火鍋配料可以自己夾，菜類同丸類選擇唔少，肉類雞牛豬羊海鮮都有。推介：菠菜魚肉春卷（口感特別）、油墨菜、菠菜（新鮮+同湯底好夾掛汁力強）、羊肉（好鮮味夠羶）、肥牛

有朋友推介呢間火鍋專門店就黎試下，呢間野開左好耐，平時坐紅Van到佐敦經過油麻地時必定見到大大間三層高既門面，今次終於一試此店！滿堂紅幾貼題，紅色既牆身，紅色既辣椒，紅色既員工制服，有種幾溫暖既感覺啊鍋底方面有幾多選擇，眼看有麻辣雞煲，椰子雞煲仲有芝士雞煲（好邪惡，不過見隔離檯食都幾滋味），其他特式d既有沙蔘玉竹鯊魚骨湯底，潮汕湯底，櫻花蝦豬骨濃湯底，好似仲有酸菜魚食tim.我今次就試潮汕湯，幾好禾！有成條大地魚，湯底好甘香，大地魚多數係雲吞麵舖先食到，身為潮州人既我特別鍾情呢種香味，用黎打邊爐特別醒胃！玩埋鐵板烤，多個選擇唔錯，有時係貪心d👄，烤過既肉香口d，又幾有一番風味。飲品有十幾款多選擇，唔錯可encore

同朋友食宵夜又來這家啦但今晚居然無炸饅頭很傷心我是為了吃炸饅頭上次吃了三個這次本身都係然後又無左雞腳巧傷心不過今次有蝦吃可能上次凌晨12時才去太晚了所以蝦都被吃完這次早了一點有蝦吃嘻嘻

外出吃飯，有人想吃火鍋，有人想吃BBQ？不用打架，因為有餐廳推出一鍋兩食，任食兩小時才不過$138起，除了雞鍋打邊爐，還有好多熟食、雪糕、飲品等等，雖然這個價錢不可能提供甚麼矜貴菜式，不過就勝在夠街坊、夠抵食！ 餐廳在不同時段有不同收費，有點複雜，大家請看以上表格，現在適逢餐廳開業五周年，有特價。 外面有兩個凍櫃，大家可以拿來加湯打邊爐，又或直接BBQ，較特別的有法式牛肉，用法國紅酒醃製，不過我就更喜歡大蝦，大隻又鮮甜，韮菜餃也很不錯，必食。 肚子餓到打鼓，來不及弄熟食物？不用擔心，外面也有不少熟食選擇，我的最愛一定是酸齋和鴨胸，前者入味又開胃，後者用孜然粉來調味，厚身又軟嫰，其他美食還包括春卷、蓮藕、咖喱豬皮蘿蔔魚蛋、酸菜豬肚、蒜泥白肉和藥膳鳳爪等等。 有兩個飲品櫃，又是選擇多，汽水、啤酒，還有韓國飲品，今次我看見了較少有的韓版寶曠力和蜂蜜梨汁，梨汁裡面有粒粒梨肉，手快有手慢無！ 今晚我們人多，叫了兩煲雞，分別是海南椰子雞煲和麻辣雞煲，椰子雞煲用椰青水、椰子水和椰漿煮成，湯底是濃稠的白色，椰香味濃，味道偏甜，我更喜歡麻辣雞煲，小辣，十分惹味！ 雞的

平時間中會黎食火鍋或雞煲上次大概半年前黎食烤魚 , 記得幾好食, 所以今次都係食返烤魚, 一如以往可以揀麻辣度, 揀左中麻中辣魚仍然好食, 只係好似比以往少左花椒, 感覺有少少過鹹而家火鍋料係自助, 款唔算特別多,但啱食但最驚喜嘅係肥牛黑豚肉同羊肉都好食左新鮮左, 唔韌炸魚皮雖然鹹但有魚味, 真係無幾何有

真心推介呢間雞煲火鍋店P.S. 冇收廣告費亦都唔係試食🤣🤣🤣真係比錢去食的一次過滿足你2個願望~同時可以食雞煲同埋火鍋然後佢有D熟食個胡椒豬肚好正, 食左3碗同埋有雞腳食好正仲有炸饅頭我食左3個, 一定要加超多煉奶😆😆😆不過後尾凌晨2點幾佢收埋左D熟食🙁☹️我D 饅頭~~~😩🧔🏻: 好在佢收埋左, 你唔好食咁多甜野喇🤬🤬🤬🤬 同埋佢D雞煲D雞肉係好嫩都大舊囉對比起出面果間 X品雞煲 收既價錢都唔係平架啦仲要D雞全部都勁細粒同埋係骨黎架囉點食食200幾蚊每人仲要係唔飽既價🤨火鍋食材冇乜評價因為火鍋我都係食菜多過食肉所以冇乜特別但係我想食既響鈴薯仔金菇芋絲生菜芋頭佢全部都有所以已經好夠肉果D佢都有好多不過我冇乜點食同埋野飲都係任飲呢點好重要我好似飲左4罐, 食辣野一定係要狂飲野😉😉😉仲有雪糕食囉如果你仲食得落某人話佢個傑作叫春袋蛋😑而且超抵囉宵夜時間只係$138一位仲要唔洗加一平時時間都好似只係$178 (每2個人係食半隻雞加火鍋任食)出面D好難食既都要呢個價更何況係咁既質素

初初朋友約出來，選這間做我們晚餐，心想又係雞煲+火鍋，怎知是驚喜處處。首先位置超近油麻地地鐵站。由A1出口直行約3分鐘到上海街，就見到很大的木製「滿堂紅」牌面掛在入口。食物方面，我推薦好濃椰汁的椰子雞煲，可以向服務員要求，整雞煲或者一鍋兩味， 一鍋兩味是新出的，一個鍋上一半位置食雞煲加火鍋另一半燒烤。火鍋同燒烤料是自助的任食的，還有飲品、雪糕同熟食也是自助的。火鍋同燒烤料中最特別是有時令海鮮、新鮮肉塊， 肉塊中推介法式牛肉，法式牛肉是用了餐紅酒調味；還有似炭的墨魚丸，是用墨魚汁製的墨魚丸。

每隔一兩個月，總會與一班朋友到此食雞煲打邊爐，不過對最近幾次都覺得質素下降中。幾個月之前有一次食炸雞雞煲，那是第一次食炸雞雞煲，結果炸雞大部分都是很多骨部位，完全沒有雞骴、雞胸的部分，多肉的只有超少件（是次三人食雞，半隻雞）。之前試過非炸的雞煲，有肉部分都比那次多很多，不知是否餐廳因為雞是用來炸的，所以選了多骨部分拿去炸。再一次是濃椰子雞煲，那是第二之食濃椰子雞煲，是次雞煲的油十分十分多，要用兩個碗隔走大部分油，才可以加湯打邊爐，而椰子味也淡了不少（是次四人食雞，要了半隻雞）。會再次食濃椰子雞煲是因為之前那次的椰子味十分十分濃香，而且也沒有這麼多油。剛剛這次是叫了辣魚鍋，這是第二次食辣魚鍋。魚肉十分老，雖然是大魚，但也不應如此的老，比家中用來煲湯的魚更老。另外就是那個放魚的鍋，不能貼上電磁爐，長期只有一部分滾起，原本想滾多d 辣味，也不可（是次三人食魚，只有小半邊魚）。之前那次印象中就沒有這個問題，或者是因為這次鍋不貼爐情況特別誇張。雖然以上都是比較差的情況，不過很值得一讚的是餐廳侍應服務都保持十分友善，很樂意幫客人！另外飲品的款式都是很多，又有數樣熟食可以在雞煲或魚鍋到前享用。餐廳飲