滿粥順德粥底海鮮火鍋

营业中

休息中

餐廳按人頭收費，我哋揀咗$198嘅肉蟹餐，包咗七款海鮮、六款自選配料同埋煮粥要用嘅時蔬等。今次嘅海鮮有沙白、肉蟹、蟶子、鮑魚、魚片、鮮蝦同埋蜆，份量都幾多。按次序我哋淥咗啲沙白同蜆先，食落冇沙，非常之鮮甜，唔使點醬汁都已經好好食肉蟹睇啲蟹膏都知正，肉質新鮮爽滑；鮑魚大大隻，彈牙爽口；魚片冇骨，相當脆口；啲蟶子同蝦都幾大隻，整體上全部海鮮都好新鮮，份量亦都多，抵食自選配料幾款式都幾靚幾吸引，連花膠片都有，我哋就揀咗肥牛、黑毛豬腩片、韭菜豬肉餃、醬爆瀨尿牛丸、松露香菇貢丸同魚腐竹卷。呢個時候個粥底鍋已經有陣海鮮嘅鮮甜味，啲肥牛用粥底淥一淥，又滑又香！佢嘅丸類亦都好出色，醬爆瀨尿牛丸一咬落出就有醬汁流出嚟，中間塞滿餡料食完火鍋料之後職員就會幫我哋加粥膽、蛋漿、豬油渣同菜脯等嘅材料，再撈埋本身已經落咗喺粥入面嘅芋頭、南瓜同粟米，就成為味道同口感都好豐富嘅海鮮粥。整體嚟請「滿粥」海鮮鍋用料新鮮，價錢公道，環境企理，食完真係超滿足！

話說老豆想食粥底火鍋，朋友介紹黎呢間小店真心抵食。肉蟹餐$198/位，無味精日本珍珠米粥底又唔油，健康好多。價錢平但d料超新鮮，雖然小店但好整潔，而且發現佢d餸料全部洗得好乾淨。沙白、細蜆、大蜆係最正，唔點醬料都好好食；d蝦大隻仲識郁，鮑魚、肉蟹係大隻又爽口；今日嘅魚係龍躉，好鬼厚肉超鮮。套餐自選六種火鍋料，基本上樣樣都幾好食，我揀咗大大粒嘅雲吞、蜂巢豆腐、豬肉片、肥牛、油麥菜、淮山。最正係雲吞同豆腐，雲吞足料豆腐吸湯都好食。最後店員幫我地煮粥，會撈走多餘餸料，加粥膽、蛋漿、豬油渣、菜脯、冬菜，個粥好香滑，份量多到食極都有。

我和朋友前兩天去滿粥吃火鍋，點了招牌的順德粥底海鮮火鍋套餐。海鮮食材非常新鮮，包括彈牙的蝦、肥美的蟹膏、鮮嫩的魚肉、鮮甜的貝類等，讓人大飽口福。肉類和蔬菜也毫不遜色，肉質鮮嫩，蔬菜清脆爽口，為火鍋增添了更多美味。鮮香濃郁的順德粥底滿粥的順德粥底是這家店的靈魂所在。粥底是用上等米和新鮮食材熬製而成，米粒都煮到開花，綿滑濃郁，鮮味十足。在火鍋的過程中，粥底會吸收各種食材的鮮味，變得更加香濃美味。我們在涮完海鮮和肉類後，還把所有配料都加進粥底裡，煮成一鍋美味的粥，以日本珍珠米煮成粥水，絕無味精及油分。店家更每天到巿場選購新鮮海鮮，我地享用完海鮮後，更可一嚐匯聚了精華的海鮮粥。粥底的鮮香完美地融合了各種食材的味道，讓人回味無窮。

未試過粥底火鍋，成日經過呢間滿粥順德粥底火鍋，今晚就決定入去試下。 果然係海鮮火鍋，佢就只有2個海鮮餐簡，蟹餐同龍蝦餐。自己係鍾意蟹多啲，就簡左蟹。 一黎到都好多料，2款蜆，都成10隻，仲識郁既新鮮蝦，鮑魚，大肉貝，魚片，然後再自由簡6款餸。 我就簡左肥牛，黑毛豬肉片，魚腐腐竹，蟹柳，白蘿蔔，油麥菜。 再跟南瓜，芋頭粒，粟米做最後落既粥底料。佢地既海鮮真係好新鮮，落煲煮都有跟足佢指示既時間煮，其他地方食可能煮好後會縮細，或唔新鮮就冇咁多蜆食，但佢地竟然冇，煮好後仲好鮮甜，仲要蜆殼冇沙，真係好正。 魚片好大塊，蝦都好爽口。 最正係蟹，啖啖肉，好大隻，而且煮完蟹同蝦後，成煲粥底就香好多。最後，老闆再攞左飯，菜餔，同蛋去再煮個粥，真係超正。 開頭以為唔係好多，但其實食落都幾多。

每日香港都係變化萬千！剛剛有朋友搬去奧運站奧海城附近！原來有好多新嘅大廈建成環境都幾優美！參觀完佢屋企，我老友帶去一間位於大角咀嘅海鮮粥店！大約行5分鐘就到海鮮粥店！超方便！我哋大約6:00就去到！好在之前我朋友book咗！坐咗冇幾耐就爆滿了！肉蟹餐$198提供時令七款海鮮首先，花甲、蜆超級新鮮，而且仲冇沙添！活活跳的蝦！有鮑魚、肉蟹、蟶子、龍躉魚片！所有海鮮都非常新鮮，而且鮮甜！每一款海鮮都好彈牙爽口！最後仲可以任揀六款火鍋嘅配料！雞件肉質細嫩⋯⋯黑毛豬豬腩片肉質香濃！口感幼嫩！手工鮮蝦雲吞非常鮮味！蝦肉新鮮！韭菜豬肉餃，我覺得係最好味嘅！必選！最後加埋黃金響鈴、唐生菜！非常滿足！粥底份量都幾多⋯⋯加咗粟米🌽和南瓜🎃豬油渣、蔥粒⋯⋯最後淋上滑蛋⋯⋯唔使講都知道幾和味⋯⋯非常滋味⋯⋯

尋日同朋友嚟到呢間好抵食嘅粥底火鍋，冇諗過呢個價錢可以食到咁多海鮮。我哋叫咗兩個肉蟹餐，每人只係198蚊，竟然可以有七款海鮮，入面仲要包括鮑魚蝦聖子等等，樣樣都非常新鮮鮮甜，啲蝦上枱嘅時候都仲郁緊～食完海鮮之後可以再任選六款配料，配料方面啲嘢嘅質素都唔錯，鮮蝦雲吞爽口，牛丸都好夠味。之後再加上一啲佢哋包咗嘅粟米、蘿蔔啊等等，最後就係最期待嘅環節。用呢個咁鮮甜嘅湯底，職員會加埋粥膽、雞蛋、蔥、芫荽等等，整咗一碗香好食嘅海鮮粥出嚟，海鮮粥又軟綿又甜，雖然已經好飽但都食晒XD一晚呢個價錢可以食晒海鮮、配料同海鮮粥，真係好滿足啊！😆

鍾意食粥底火鍋嘅朋友一定唔可以錯過，呢間餐廳嘅海鮮絕無欺場，大大份之餘又好新鮮。有招牌孖寶餐、龍蝦餐同肉蟹餐，中間價位可以試到新鮮海鮮，性價比都幾高🦀🦞今次我哋揀咗肉蟹餐($198)，套餐豐富，已經包咗7款時令海鮮、6款自選火鍋配料、3款粥底配料、仲有我哋最期待嘅海鮮粥！時令海鮮有沙白、蜆、鮑魚、大肉蟹、基圍蝦同魚、沙白。餐廳好貼心，有教客人每款海鮮需要烹調嘅時間，等啲海鮮唔會過熟，又保持到鮮味。鮑魚同基圍蝦好新鮮，上枱嗰陣仲會郁。沙白同蜆類份量都唔少，煮一陣已經全部開晒，一啲沙都冇。最有驚喜嘅係大肉蟹，蟹肉新鮮實淨，仲有啲蟹膏添😍火鍋配料選擇都唔少，有肉類、餃子類、丸類、雜類同菜類。美國肥牛同豚肉片份量都唔少，冇雪藏味，肥牛仲有啲油脂味，正！估唔到餐廳有養顏花膠，好新鮮同爽口，花膠索晒海鮮嘅味道，好入味。食到差唔多，就可以倒埋粥底配料入個煲到，有粟米、南瓜粒同芋頭粒。店員會過嚟幫我哋加米，配埋菜脯同蛋汁去煮粥，啲粥吸收晒海鮮嘅精華，超級鮮甜，絕對係成餐飯嘅精髓😍滿粥順德粥底海鮮火鍋 📍大角咀杉樹街2-16號金基大廈地下G7號舖

鍾意食海鮮粥嘅一定唔可以錯過呢間餐廳，佢哋嘅招牌「肉蟹餐海鮮粥」簡直超級吸引，價錢好抵，性價比極高，套餐包括有有多款海鮮，全部都非常新鮮，所以煮出嚟嘅粥非常鮮甜。🍲套餐包括咗七款嘅時令海鮮，有沙白、大蜆、魚肉、基圍蝦、鮑魚、聖子、蟹等，值得一讚嘅係店員會提醒每一款海鮮需要煮幾耐，所以可以自己落手落腳試吓煮，同時又唔使擔心會太熟。我最推薦嘅係鮑魚，非常鮮甜而彈牙，另外，聖子都非常爽入另外聖子都非常爽口。🫶🏻而自選火鍋配料亦非常豐富，我地就揀左美國肥牛、黑毛豬腩片、韭菜豬肉餃、薑汁皮蛋貢丸、日本蟹棒、魚腐竹卷。特別推薦薑汁皮蛋貢丸，爽口彈牙，一啖嚐到薑嘅香氣，非常創新特別🍲。煮粥時店員加入粟米、紅蘿蔔、芋頭三款配料令粥更加有層次感，蔬菜嘅自然清甜味道同粥汁互相融合，更顯鮮味🌽。

$198 一位有肉蟹套餐好彩有同朋友嚟食，因為要兩位起的。套餐包括七種海鮮（ 店家會揀時令新鮮嘅海鮮俾你） ，今次我哋有得食大大隻嘅肉蟹，個蟹鉗非常巨大食得好爽快。店家仲提供海鮮所需烹飪嘅時間，海鮮唔會過熟，熟到恰到好處！ 海鮮有沙白、鮮蝦、聖子、鮑魚 鮑魚、花甲 、 鯇魚片同埋肉蟹。 食完海鮮其實已經好飽好滿足😌當中鮮蝦非常新鮮，上枱時候還在郁動😳六種火鍋配料 可以自由選擇，選擇種類很多，蔬菜類菇類肉類丸類都有。 我哋試咗佢嘅自家製鮮蝦雲吞，肉類試咗佢嘅黑毛豬肉，牛肉。 二人份量啱啱，唔會太少，亦唔會太多食唔晒。 牛肉味道香濃。自家製雲吞太大粒，蝦肉新鮮🥰🍤食到差不多，服務員會拿出芫荽雞蛋等食材幫忙烹調 海鮮粥底😆 粥底非常鮮甜，雖然好飽，但係都係忍唔住不停食😆因為粥底實在太好味了😉而且金黃色好吸引 🤩呢間海鮮火鍋粥底非常抵食！ $198 每位已經食到好多食材

大角咀打邊爐都有十幾間，喺奧運站行10分鐘有間粥底火鍋。平日都幾多熟客幫襯，坐位主要卡位。海鮮餐有龍蝦餐包括七款即劏海鮮，六款自選火鍋配料，蔬菜同海鮮粥。份量都好足夠，每款海鮮都有教煮幾多分鐘，例如鮑魚係3分鐘，入口剛剛好，鮑魚質感軟身。聖子都新鮮，彈牙。肉蟹同海蝦晶凝通透，對於小店處理海鮮油這種新鮮嘅程度，實在驚喜。食咗海鮮同火鍋配料之後，waiter 會幫你煮粥，充滿着海鮮精華，再加入南瓜粒，芋頭粒，蔥花，香噴噴。

一直聽聞呢間舖頭好好食，早排有個朋友喺新蒲崗總店食完，喺社交平台出post，話啲海鮮非常鮮甜，吸引到我都好想試吓。今日咁啱出開黎大角咀，5:30pm 做完嘅，見到間餐廳唔使等位，就梗係要試吓啦😋好彩做到，去到6:30左右已經坐滿晒，當中聽到有幾台仲係預先訂枱嘅….心想：原來呢間小店係要訂枱㗎 ！原本眼看四周冇乜裝修，又好平實，唔係好明點解咁多人嚟食….但一開始有海鮮嘅時候，見到啲蝦仲好生猛，我已經有啲期待。第一轉食蜆，超級鮮甜好味！第二轉再食聖子的時候，不但沒有沙，而且口感爽滑鮮甜，正！之後嘅蝦同蟹多膏，而且鮮甜，有一刻驚自己睇錯價錢，$198 for person or set? 鮑魚及魚片都好好味，淨係海鮮我覺得應該都可以再光顧。另外，我哋點咗d丸，冇諗過啲牛丸都好濃郁，牛肉芝士丸及松露貢丸都好正，雲吞及魚餃，我個人覺得一般。肥牛都好食😆不過，最正的是我們沒有想到他原來仲有飯膽、菜譜及油渣、蛋漿等，最後食嘅海鮮飯先係最正，我地食咗差不多7碗，清哂！我好掛住個粥…真係超正！而且性價比超級高！！！

今次行過呢間食店，見到Menu上嘅海鮮打邊爐就即刻入咗去。一坐低，環境幾乾淨，等得唔耐就開始落單。湯底嘅粥水夠胡椒味，暖笠笠好過癮😍。我選咗花甲、蜆肉、鮑魚呢啲海鮮，每樣都新鮮過Market嘅水準，花甲啲肉彈牙惹味，食得我心水直流💦。特別係肉蟹，呢個必試！蟹肉肥美，吸晒粥底嘅精華，美味得滯！配料上面，選咗肥牛同黑毛豬，肥牛十足水準，薄切得啱啱好，咬落去滑溜溜嘅。豬腩片同牛丸都唔差，尤其係豬肉餃，口感爽，肉香四溢，仲有炸魚皮出奇地嘟嘴!最後嗰盤瑤柱粥仲渣得嚟金黃香郁，真係食到暖笠笠，正到唔得喇👌！整體嚟講，這家店嘅食物賣相同味道都正，服務態度又好。食個肚脹脹，但係又唔覺得係肉重，呢種輕鬆享受真係硬菜中嘅Soft食！下次再嚟，肯定再揼個肉蟹餐，唔浪費自己嘅胃！🥳🥣👍

而家既天氣最啱約朋友去打邊爐傾下計，大家又好想食海鮮，揀左間位於大角咀既粥底火鍋，比較近奧運地鐵站，不過都要行十分鐘，好彩訂左位店舖不大，但職員都好快安排我地入座。餐廳有幾款海鮮套餐，我地就揀左肉蟹餐，上菜速度都好快，好快就可以開餐。仲有教學教點樣煮海鮮既次序同時間，有時我地掛住傾計，職員都會幫我地加水同提我地煮既時間，好貼心。我地點左個肉蟹餐，本身套餐包6款配料，我地另外再叫左雪梨海底椰，唔太甜幾好飲。海鮮都好新鮮，特別係隻肉蟹，份量好足，好鮮甜，其他海鮮都好好味。同朋友食完海鮮之後，再食埋6款配料，有肥牛、響鈴、生菜、鮮蝦雲吞、花膠同埋牛丸超級滿足，職員再幫我地煮粥，加左d 配料落去，真係食到好飽，不過個粥就略為淡味，鮮甜味不足，整體今餐都好滿意，下次會再同朋友黎食!

返到嚟家鄉大角咀約朋友食飯，天氣凍特別想打邊爐，咁啱經過呢度有粥底火鍋，$198就有邊爐加海鮮，抵！。🤣跟餐可以揀六款火鍋配料，打邊爐一定要有肉食，所以我哋揀晒三款肉類，另外再加咗花膠，油麥菜，同埋雲吞；加埋七種海鮮，兩個人食已經非常豐富🥰七款海鮮配料都幾滿意，新鮮而且有鮮味。跟住枱面嘅指示，每樣嘢跟時間淥，果然出到嚟，又唔會太老，啱啱好食到鮮味！特別要讚沙白同蜆都好鮮味，乾淨冇沙，淥一陣就食得，正👍另外嘅配料都好唔錯，打邊爐邊少得肉🤤牛肉、豬肉同埋雞件都唔錯，雖然未至於上等，但以$198呢個價錢，已經冇投訴

大角嘴真係好多好嘢食👀今日放工就食咗順徳好出名嘅粥水火鍋🍲平時比較多係食蒸氣海鮮鍋，粥水火鍋係第一次🤓肉蟹套餐配7款海鮮+6款自選火鍋配料🍽️非常豐富而且價錢唔貴 ($198/1位) 👀個人覺得性價比好高✨沙白 2分半鐘超級鮮甜😋沙白非常有驚喜🤩✨細蜆 2分半鐘份量非常多，完全冇腥味✨蟶子大大隻蟶子🤩私心最鍾意✨鮑魚 3分鐘飽魚好彈牙👍🏻✨肉蟹 10分鐘 呢個餐嘅主角絕對係肉蟹，本身冇預過咁多肉🤨成隻手掌咁大嘅蟹咬落啖啖肉，真心好抵食✨基圍蝦 2分鐘有6隻，蝦肉都算彈牙✨魚片 2分鐘4片魚片，厚度適中，肉好嫩滑✨自選配料方面，選擇同份量都算多😮味道冇咩特別，黑毛豬腩片有驚喜👍🏻👀厚度適中而且好鮮嫩✨另外有粟米，南瓜粒🎃芋頭粒✨食哂海鮮同配料後會有店員幫手加入粥膽、蛋漿、豬油渣、芫荽、菜脯、冬菜、蔥花等滾，攪拌下就熄火食得👍🏻💯蛋漿令粥更加澀，菜脯好爽口，想要調味料嘅話可以自己去醬料吧拎😜雖然前面嘅配料同海鮮其實已經好飽，但呢個粥味道非常香濃同充滿海鮮嘅精華，好有滿足感💯非常豐富嘅一餐👍🏻✨整體性價比真係好高，平時出街食海鮮都唔平，今餐有7種海鮮，包埋啖啖肉嘅肉蟹都只係人均$220有找😮另