滿粥順德粥底海鮮火鍋

营业中

休息中

天氣涼涼地就想食d暖野，最近都成日打邊爐，好耐無食海鮮粥底火鍋，就約個朋友去大角咀哩間海鮮粥底火鍋試下先。肉蟹餐 （每位$198）😋七款時令即劏海鮮最開心唔洗諗到頭爆要選咩，店員已選好最時令既海鮮，黎到時海鮮仲好新鮮會旭架。每款都足夠二人份量。枱上已準備計時器及寫上每款海鮮烹調所需時間，實在太貼心啦。平時都會過左火令到d海鮮過熟唔好食。- 沙白及大蜆：好清甜爽口，絕無沙粒。- 鮑魚：啖啖肉，超鮮甜爽口。- 肉蟹：肉質鮮甜，厚肉。- 蝦 ： 爽甜好有鮮蝦味。- 山魚片 ： 平時火鍋既魚片都比較多骨，哩款又完全冇骨，都係一樣鮮甜爽口。- 聖子：完全唔會太硬，熟既程度岩岩好，鮮甜爽口。😋六款火鍋配料（自選）- 雞肉： 好嫩滑鮮味。- 淮山： 哩款係爽口既淮山片，同林果款有唔同，又幾爽口。- 蘿蔔：冬天係蘿蔔既當做，所以都好甜，唔會係乾身有渣。- 炸魚皮：超薄脆，當薯片咁食，佢好在唔會好咸。- 薑汁皮蛋貢丸：好有薑味，最愛食薑既食物，薑汁混皮蛋蓉又幾夾，特別。- 花膠：完全吸晒海鮮湯底既味道，唔洗落調味都好鮮甜。😋三款煮粥時蔬配料粟米，南瓜粒，芋頭粒海鮮粥底指定配菜，南瓜必落，粥底會有海鮮既味

有一日放工揸車經過呢一間粥底火鍋，見到入面坐滿人好旺場，終於趁天氣涼涼哋可以去打吓邊爐，仲好幸運拍到對面嘅錶位🤭🤭第一次小試牛刀，先試吓佢個肉蟹餐，每位$198已經包咗七款即劏海鮮，六款自選火鍋料同埋粥底，都幾抵～～海鮮有兩款蜆，蝦，肉蟹，魚片，蟶子，鮑魚，夠豐富～沙白大粒飽滿又鮮甜，蟶子王好大條啖啖肉，鮑魚跟足佢recommend既時間煮，入口好軟腍一啲都唔會un。肉蟹都有大大pat膏，食完海鮮都飽左一半。。打邊爐一定會叫肥牛同豬腩片，呢度既豬腩片比牛出色，薄片快熟又香黑毛豬味，下次再食都要叫豬肉，另外仲叫左花膠片同炸魚皮，炸魚皮勁大兜，食唔哂🤣最後姐姐幫我哋落埋配料煮粥，粥好綿，滲出粟米同海鮮既甜味，好飽好滿足🤰🏻🤰🏻

帶媽咪去食好西，一定要揀d健康又好味既，所以揀左黎間粥底海鮮火鍋。餐牌有三個餐，分別係肉蟹餐 $198/ 龍蝦餐 $298/ 雙拼餐 $348我哋揀肉蟹餐，套餐有七款是令海鮮、六款自選火鍋配料、三款煮粥時蔬配料同一款精華海鮮粥。打邊爐既湯底係米水，清清淡淡。海鮮最先上，枱上一早準備左食用提示同計時器，會話你聽每一款海鮮需要煮幾耐。海鮮大大隻，新鮮鮮甜，煮完既海鮮米水湯底已經好香甜之後就放入黃金粥既靈魂，南瓜、芋頭和粟米，等佢慢慢煮之後就開始食火鍋配料，有三十幾款選擇，有肉類、餃類、丸類、雜類同茶類食完配料之後店員就會開始幫手煮粥，用日本珍珠米做粥膽，再煮一煮就係海鮮黃金粥😋整體食物質素：4 / 5💰性價比：4 / 5👍推薦指數：4 / 5

📍大角咀天氣一凍咗，又想打邊爐，今次搵咗呢間粥底火鍋，好耐冇食過。價錢我覺得都好抵，海鮮新鮮。😍😍$198 一位7 款時令即劏海鮮今日海鮮有沙白，蜆，聖子，鮑魚，肉蟹，基圍蝦，鯇魚。兩款蜆都好鮮甜，大隻，冇沙。蟶子都洗得好乾淨，爽貼。鮑魚都好爽口，唔會咬唔到。郁吓見到都有膏，好耐冇食過鮮甜嘅肉蟹，抵讚。基圍蝦村好晒，方便拎，四隻蝦都有膏！鯇魚都好爽，一疏疏，唔會散開，冇骨！6 款自選火鍋配料校10幾款配料揀，揀咗肥牛，腩肉，芝士牛丸，松露貢丸，魚腐竹卷，油麥菜。芝士牛丸，超多芝士，可以拉絲。貢丸勁大粒，好香。第一次食到魚腐竹卷，好得意，其實係扁平版嘅魚腐，吸晒湯汁。3 款煮粥時蔬配料粟米，番薯，南瓜。1 款精華海鮮粥仲有豬油渣，蛋液，粥膽。所有嘢加埋，連埋有晒所有海鮮味嘅精華，呢個粥冇得頂。perfect ending。

#fafafoodblog打邊爐 #fafafoodblog大角咀🍴肉蟹餐198 蚊🦀首先用珍珠米整成既粥水做湯底打邊爐 配合時令即劏海鮮 有花甲 蜆肉同蝦 鮑魚 蟶子同肉蟹 蟶子好新鮮鮮甜 同蝦一樣 ,.不得不讚佢既魚片除左新鮮外 切到厚度適中 鮑魚又夠彈牙 整體海鮮都好出色 正 跟住喺 menu入面自選六款配料 有肥瘦適中既美國肥牛 , 肉味濃既黑毛豬腩片，仲有牛味好濃既牛骨濃汁牛丸，韭菜豬肉餃，香脆既黃金響玲， 同埋好香脆既炸魚皮🐟食完海鮮同配料 就將南瓜 芋頭 粟米 同米飯放入粥入面一齊食加埋菜蒲 豬油渣 菜 個粥底吸哂海鮮同肉味 連埋南瓜既甜 夾埋 冬菜既爽口 豬油渣既油香味 超正 夠哂滿足🐷#粥底火鍋 #打邊爐 #海鮮 #鮑魚 #肉蟹 #肥牛 #豚肉 #南瓜 #豬油渣Score 平均分< 8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~ #滿粥順德粥底海鮮火鍋大

香港各式各樣嘅火鍋都有，當中最鍾意嘅係粥底火鍋，拎啲海鮮清灼更加鮮甜，而個粥底又吸收晒啲海鮮精華，一啲都冇浪費！今次嚟呢間粥底火鍋超抵食，$198就可以食到一個肉蟹餐，包咗包7款時令即劏海鮮，6款自選火鍋配料，3款煮粥時蔬配料同埋個精華海鮮粥，性價比真係超高！------------------------------🦀◖肉蟹餐◗ $198/人店家每日都市場揀選新鮮海鮮，先粥水煮海鮮，每樣海鮮都有個大概煮嘅時間，食完海鮮之後，就可以加入配菜同埋煮粥時蔬，最後店員會過嚟加個粥膽，成個粥就會吸收晒火鍋嘅精華！🐟/時令即劏海鮮有大蜆、沙白、海蝦、鮑魚、蟶子、魚片同肉蟹，份量都幾多幾足，上枱嘅時候啲蝦仲識郁，超新鮮！肉蟹大大隻，蟹肉緊實；蟶子煮完出嚟都冇縮水，彈牙鮮甜；魚片比較薄身，魚肉軟腍冇泥味，處理得唔錯；海蝦肉質緊實又鮮甜，海鮮嘅質素全部都唔錯！🍥/自選火鍋配料有成30種火鍋配料自由選擇，可以喺裏面揀六款配料，有肉類、丸餃類、菜類，仲有一啲火鍋少見啲嘅配料，好似花膠片、魚腐竹卷呢啲！今次揀咗美國肥牛、滑雞件、手工鮮蝦雲吞、牛骨濃汁牛丸、爆漿瀨尿牛丸同油麥菜，每樣份量都唔少，超豐富！🥓肥牛

天氣開始轉涼，就想打下邊爐，今日就搵左間海鮮粥底火鍋，食落先知原來勁高質呢間「滿粥」主打順德粥底海鮮火鍋，有龍蝦、肉蟹揀，套餐可以再另外揀多六款配料打邊爐今次我地揀左肉蟹套餐，其實都好豐富，有蜆有蝦有鮑魚有魚，仲要勁新鮮全部都仲識郁順德正宗海鮮火鍋有次序要跟，大家可以睇住黎玩下首先食左啲海鮮先，唔洗多講只要大家見到啲海鮮咁生猛都知道一定好食，而家件件都好大隻，真係好抵食！食完海鮮就夠鐘打邊爐，呢個時候成個湯底受過唔少海鮮恩惠過，成煲都勁鮮甜，再叫啲索汁既配料無得輸配料斷人頭比份量呢到牛丸好出名，食落第一啖就知道點解啦原來入面真係會爆汁，令我諗起周星馳既賴尿牛丸打完邊爐就開始加埋啲粥膽食粥，呢個時候啲水煲得7788，加左粥落去之後就開始變得杰身。個粥仲加入左蛋漿同豬油渣，食落更香口咁多野食，最後再加多個大煲粥，真係食到頂住個肚走，勁滿足！

邊爐就打得多，但係用粥底去打邊爐就真係第一次，感覺好新奇🫣🫣感覺卑人既可以享受美食又可以養生嘅感覺！今次屋企人一齊叫咗肉蟹餐，有海鮮同6款火鍋配料海鮮有數款全部都非常新鮮生猛，連最普通嘅蜆都十分肥美多汁！基圍蝦每個人頭有三隻，上來嘅時候仲識得郁😮😮屋企人最鍾意食魚片，非常滑而且完全冇腥味。仲有一人一隻新鮮鮑魚仔，肉質彈牙，新鮮感覺到！今次嘅主角肉蟹都幾大隻，蟹鉗入面啖啖肉，只可惜蟹蓋入面冇咩蟹膏，蟹膏愛好者有啲啲傷心😢食完海鮮可以落南瓜和芋頭粒粒，本身我麻麻地南瓜，但係發現煮融咗嘅南瓜可以增加最後粥嘅清新味，唔錯火鍋配料我地揀咗肥牛豬肉片等嘅肉類，雖然每一款份量唔係好多，但係始終有六樣所以食到最後都非常飽肚。肥牛質素唔錯，油香十足。我幾鍾意魚肉腐竹卷，腐竹入面包住咗薄薄一層魚肉，味道不錯👍🏻套餐總體而言食得好滿足！只係唔包飲品要另叫。店員嘅服務都幾周到，會幫手檢查下海鮮煮嘅狀態。

今日去左滿粥食粥底火鍋。佢真係同個名一樣 食完好滿足🤣餐廳嘅位置旺中帶靜因為係打邊爐嘅原因，而且仲要係食海鮮，所以佢啲工具都好齊全餐廳環境好乾淨，隔離有個自助區俾你整醬油我哋揀咗嘅係肉蟹餐，所以每人會有半隻蟹+6款海鮮，而其他海鮮嘅份量都係二人份。佢個蜆一嚟到嘅時候就幫我哋放咗落個粥底，開殼就已經食得。枱紙係已經講到明每一樣海鮮要淥幾耐，跟足個時間同Timer嘅話就會好好食。大蟶子淥嘅時間啱啱好，唔會淥到縮晒水，但係又熟咗。食落好爽脆。鮑魚已經洗得好乾淨，淥完之後佢個殼已經自動甩咗。好有口感😋😋。另外可以揀六款配料，推薦佢嘅餃子。幫我哋淥晒食物嘅時候，佢就會幫我哋加個粥底落去。粟米同埋南瓜可以早少少放店員加米嘅時候就會有芫荽同埋竟然仲有雞蛋頭先嘅肉蟹自己拆咗肉撈埋啲粥食 真係勁好味！！！！！！其實除咗淥海鮮嗰陣自己要望吓啲海鮮淥幾耐同埋計時之外其他野店員都會提你，好貼心

朋友食過話呢度嘅粥水火鍋唔錯叫我黎試,專登去大角咀試下😋基本係三個海鮮餐,另外仲可以散叫幾款牛肉打邊爐,當然仲有其他配料!環境都幾乾淨坐得幾舒服,店員好熱情招代👍🏻湯底係用日本珍珠米煮嘅粥水,比較清甜健康👍🏻食海鮮更加帶出鮮味!每枱都會有計時器,可以跟住教學時間同順序煮就可以了😋首先淥左蜆同沙白先,因為如果有沙要叫店員成煲湯換過~我地都冇食到沙,沙白好肥好鮮!蟶子好爽口鮮甜,勁好食!!再依次序淥埋飽魚、肉蟹、基圍蝦同魚片,每樣海鮮真心好新鮮好甜👍🏻基圍蝦雖然串住左但仲識郁😹肉蟹好多肉仲好甜!食完海鮮可以準備打邊爐!首先將粟米、南瓜、芋頭放入鍋等佢煮溶,然後一邊可以放埋其他邊爐配料落去😋超推介呢度嘅牛骨濃汁牛丸同松露貢丸!再食完可以叫店員幫手煮粥~😍粥底料有豬油渣、冬菜、菜脯同蛋漿~加埋落粥水度就變左海洋粥喇!😍原汁原味勁鮮!南瓜溶唒粥底更加甜!食完真係唔頸渴!😍正!

今日去大角咀探朋友，朋友介紹一齊去食海鮮火鍋兼食粥，都幾有新意喎， 於是我哋就一齊去揾食。粥店在一條小街裏面，唔算好難搵。我們點咗一個肉蟹餐 ，每日有七款時令海鮮包括：蝦、肉蟹、魚片、蜆、鮑魚……等。蝦很新鮮，還會跳躍，非常生猛，味道很鮮。肉蟹非常肥美，好多肉、蟹肉很鮮甜、甘香。魚片很新鮮，冇腥味 ，食得開心。蜆份量很多，很新鮮，全部都可以食，沒有沙。 鮑魚幾分鐘很快熟，容易咬開，非常彈牙。6款自選火鍋配料，我揀咗醬爆瀨尿牛丸、豬腩片、花膠 、雞件、水餃和美國肥牛。 花膠份量幾多，厚厚的一片，口感很好，好享受。醬爆瀨尿牛丸，好彈牙，內裏有肉汁，非常好味。美國肥牛，很有牛肉味，新鮮。吃完海鮮後，加入米煲粥，粥裏面充滿海鮮的鮮味，再加入芋頭粒、南瓜粒 、粟米，海鮮粥好正。更加絕配。

上星期同朋友去左大角咀食粥底海鮮火鍋環境幾好 我同朋友揀左卡位坐 岩晒我地傾計 我地揀左肉蟹餐$198位7款時令海鮮（有肉蟹， 蝦，2款蜆，鮑魚，扇貝，魚）所有海鮮都好鮮甜，有晒教學每類海鮮要煮幾耐，跟著黎煮就唔怕太熟肉蟹啖啖肉好滿足蝦又好甜好爽鮑魚扇貝都好正 6款自選items（揀左美國肥牛，牛骨濃汁牛丸，萵筍，魚皮餃，台式墨魚丸，手作凍豆腐）我特別鍾意食牛丸 真係好多汁 好juicy 肥牛都好香 萵荀同凍豆腐又健康又好食 3款煮粥時蔬(有粟米，南瓜粒，香芋粒）食到最後 加番個粥底 mix埋南瓜粒香芋粒 同埋其他配料 超正 充滿海鮮味 同朋友忍唔住每人2碗 Overall 成餐超滿足 一個價已經包左勁野 店員又nice 好值得再黎 good

朋友講 大角咀 有間食粥火鍋唔錯又抵，但最好要訂座因為要預海鮮，價錢又貴就約咗平日來吃晚餐 @ #滿粥順德粥底海鮮火鍋有幾款選擇，我哋叫左最平肉蟹餐 $198/人，再加一枝海底椰飲品7款即劏海鮮沒想到咁新鮮，嚟到不少仲郁緊，當然煮咗主角肉蟹先啦，都幾鮮甜，食得出新鮮，肉都不少。沙白和大蜆味濃，鮑魚彈牙。蝦不停郁，食到鮮甜，易脫殼。魚都幾滑身食完海鮮就到將芋頭粟米南瓜作粥底之後6款自選火鍋料就可以食肥牛正常都嫩，魚皮餃沒想到有6粒，黃金響鈴都新鮮唔淋身，菜就選了2款萵筍和鮮淮山份量十足夠2人食差不多食完煮好放碟就待應開始煮粥，加了粥膽，蛋，豬油渣，蔥等配料，再搞搞等一陣就食得，味濃而且有之前南瓜甜味，幾綿身，不過待應話原來我哋係偏多湯，但我又覺得剛好，最後仲有食不完，打包了一整碗返屋企

今晚我和朋友收工後剛好有事要去大角咀，然後剛好見到這間海鮮🦞火鍋店，覺得好吸引，便決定進去吃晚餐。我們點了$198的肉蟹餐，包7款時令即劏海鮮，6款自選火鍋配料，3款煮粥時蔬配料和1款精華海鮮粥，真係好抵。首先上的是海鮮：蜆：海蝦：鮑魚，聖子，鮮魚和蟹：海鮮好新鮮，好多款式，好鮮甜！超好吃。蟹🦀️非常肥美，好多肉，真係超正。蟹肉份量都好多，好鮮甜。其他海鮮都好新鮮，特別蝦放上來時我看到牠還會動。鮑魚非常大隻和鮮甜，蜆的份量都多，而且洗得好乾淨，沒有沙。食完海鮮後，我們開始吃其他火鍋配料：美國肥牛，鮮滑雞件，魚皮餃，醬爆瀨尿牛丸，台式墨魚丸，牛骨濃汁牛丸材料非常豐富。肥牛好鮮滑，好重牛味。雞件夠滑，不錯。魚皮餃和墨魚丸都不錯，墨魚丸好彈牙。至於那2款牛丸，真的各有特色。牛骨濃汁牛丸好重牛味！如果是喜歡那牛味，一定要點這個吃。醬爆瀨尿牛丸：一咬入面有汁彈出來，入面還有其他配料，感覺有點像牛丸小籠包，幾特別。食完火鍋之後，個鍋已經有哂之前所有配料的精華，然後店員會再把粥放進鍋內，變成精華海鮮粥：吃粥的配料精華海鮮粥：真係索哂之前海鮮同其他火鍋配料精華的粥，非常鮮甜！

眼見奧海城想食嘅餐廳好多人排隊，坐底要等成個鐘，於是朋友提出話不如出去食打邊爐個類,係Openrice搵咗附近呢間餐廳有蟹食，價錢又咁平去試下伏唔伏都好😂😌食完就覺得一定要出篇食評讚下佢，特別係樓面叔叔，全程勁好服務，會提醒我哋計時幾時食得，又會幫我哋煲粥，好nice！—————————————————————📍 滿粥順德粥底海鮮火鍋地址: 大角咀杉樹街2-16號金基大廈地下G7號舖✍🏻/食評/◍肉蟹餐 $198(一人份量)叫咗兩個肉蟹餐,入面包埋7樣海鮮，6樣自選火鍋材料，最後再加入珍珠米粥底煮成海鮮精華粥🫡海鮮同配料都係跟人頭份，當時以為未必夠我哋食，最後飽到連個粥都食唔完☹️😭湯底係米水，叔叔有解釋米水可以保持到海鮮嘅鮮味，之後食曬海鮮先落南瓜芋頭粟米繼續慢煲～7樣海鮮都好新鮮，蝦同蟹上檯個時仲識郁，睇得出係落單之後先劏👻6隻蝦都好鮮甜爽口，蝦肉唔霉🤍蟹身好大隻，入面都多蟹膏，不過放入煲之後就煮開咗落曬米水到😂😂最後變成蟹膏海鮮精華粥😎加上有3種貝類，好肯定咁講全部都冇沙洗得好乾淨！！！就連唔食鯇魚嘅我都因為佢冇骨試咗兩舊，都係冇腥味～煮完海鮮就落配料，其實有曬step可以跟，加上