漁吉海鮮丼專門店

营业中

休息中

觀塘工廈區一向都多特色美食，今次意外地發現有間日本野幾高質，決定同朋友去試下😆🐟廚師發板刺身有三文魚、油甘魚同呑拿魚，刺身勁厚切又肥美，最有驚喜嘅係油甘魚，魚油脂香十足，一諗起又想再食🤤🥑牛油果軟殻蟹卷卷物一碟有六件好抵食，牛油果同軟殻蟹呢個組合真係冇得輸，加埋沙律醬同蟹籽一齊食，口感豐富🤓🍤芝士炸蝦卷炸蝦炸得香脆可口，面頭鋪上炙燒過嘅芝士，食落更加滋味😋🍣壽司壽司試左北海道帆立貝、松葉蟹肉軍艦同龍蝦沙律軍艦，松葉蟹啖啖都係蟹肉，食落好鮮甜，帆立貝好新鮮，肉質飽滿，口感嫩滑☺️👅蒜香厚切牛舌牛舌幾厚身，食落好淋好入味，配上面頭大量炸蒜更香口惹味呢度嘅麵豉湯係用熱水壺裝住，每枱都有一壺，俾客人自己倒黎飲，鍾意飲麵豉湯嘅朋友可以飲多幾碗🤗

🍄🍄因為係觀塘工作，所以好多時都會係觀塘覓食，又到一間位於工廈既日本食堂。呢間標註用日本米既丼飯壽司店，地方唔算大，由於係樓上鋪，所以唔係有朋友介紹，真係未必識得搵！既然一場黎到，好想試下丼飯既質數！丼飯選擇都不少，睇圖片都覺得很吸引！但吸引到🍄🍄既係最貴既龍王丸（有原隻熟龍蝦、三文魚、左口魚群邊、帆立貝、三文魚籽等）因為覺得呢款唔係咁多日式丼飯店會有既選擇。🍄🍄既朋友就揀左散叫壽司。飲品方面免費的有提供熱水。🍄🍄另外再叫多一樽青森蘋果汁！因為即整，所以都要等一段時間。但上枱既時候真係好有驚喜，打卡一流！比🍄🍄想象的大碗。先嚐🍄🍄喜歡的龍蝦，龍蝦肉帶點醎味，感覺味道一般，其他刺身配料🤔份量足夠、刺身新鮮。飯既份量一個女生已很足夠，略嫌失望的是飯沒有暖感，有點硬，亦沒有醋味🧐以有龍蝦來說的丼飯，價錢是可以接受，味道有改進的空間。

呢間真係要encore！我一邊食一邊望住個menu，真係覺得抵到暈，已經高度推薦咗比朋友試！🥣麵豉湯平時就一人一碗；呢間餐廳嘅麵豉湯就用熱水壺裝住，每檯放咗一壺，所以你想飲多碗湯嘅話悉隨尊便👏🏻🍵熱水/茶呢度係以自助形式沖熱水，另設好飲嘅玄米茶包。食完啲生冷野，飲番杯熱茶暖吓個胃好舒服😌🐟刺身入正題！由左至右分別係三文魚、油甘魚及赤貝，樣樣都好新鮮；而且我好鐘意食厚切嘅魚生，貪佢食落好有口感，所以覺得呢度嘅刺身幾唔錯😋🍣壽司鰻魚壽司$18/2件質感厚實👍🏻松葉蟹棒壽司$16/件就真係連殼上，非常鮮甜！北海道帆立貝 $22/2件大大粒啖啖肉，一樣好鮮甜，おいしい🥰🍤卷物芝士炸蝦卷$38同牛油果軟殼蟹卷$48都係超級平靚正！每碟有6件，前者係脆薄嘅炸醬包住彈牙嘅蝦肉，後者就集成熟得剛好、入口即溶嘅牛油果同唔會太油膩嘅軟殼蟹於一身，一定要嚟試🤤👅輕食最怕啲牛脷太韌，但呢個蒜香厚切牛舌$ 42 夠曬軟稔，牛味都好出🙌🏻

眾所周知，觀塘美食林立，地面，樓上鋪都隨處可見，今次就搵到呢間隱世高質日本小店🇯🇵三色刺身 (三文魚 / 油甘魚/ 吞拿魚) :勁厚切，勁新鮮，喺香港第一次食到咁鮮嘅油甘魚刺身，真係好正👍🏻北海道帆立貝壽司 / 松葉蟹肉軍艦 / 龍蝦沙律軍艦 ：蟹肉 同 龍蝦沙律最怕食到個d 乾得嚟又無味，呢兩款壽司就完全無呢個問題！而我最鐘意帆立貝壽司，嚿帆立貝又喺厚身到爆，食落勁滿足😍芝士炸蝦卷 / 牛油果軟殼蟹卷 :一隻長碟擺滿兩樣卷物，嚿嚿都大大嚿，大嚿唔喺因為多飯，而係真係足料！炸蝦夠脆，味道濃d，牛油果軟殼蟹就比較清新🙌🏻蒜香厚切牛舌 ：呢味牛舌小食，又係全部都大大塊，燒得又夠香，食落唔韌又爽口😋另外呢度嘅麵鼓湯，我就覺得比較濃味，所以我就選擇飲 玄米茶，飲茶先夠日本架ma (純粹自己覺得🤪)其實仲想試埋d丼飯，由其喺個龍王丸，見到隔離枱食，真係超吸引，只可惜食上面個d就已經勁爆，唯有下次再光臨

蟹皇飯 ($𝟸𝟸𝟾) 好足料！ 🤤 有勁多蟹肉同魚子🥰因為今日冇曬海膽 😞 店主都幫我哋轉咗做帶子 雖然有啲可惜 但整體來講丼飯都好豐富👍🏻👍🏻 牛油果軟殼蟹卷 ($𝟺𝟾) 牛油果加軟殼蟹嘅組合認真唔錯仲有滿滿嘅沙律醬😍 $𝟺𝟾有𝟼件都算抵食 👍🏻 卷物面嘅牛油果令到啲軟殼蟹冇咁油膩🤪 而且增加左佢嘅口感 😚 芝士炸蝦卷 ($𝟹𝟾) 吉列炸蝦炸到好香脆😋 卷物嘅面頭有層燒過嘅芝士👍🏻 略嫌芝士燒得比較乾🙈 壽司🍣 小編比較鍾意左口魚壽司 好抵食 𝟸𝟸蚊就有𝟸件 唔單止魚肉結實 炙燒之後 魚油好豐富😍 入口即溶🤩 磯煮鮑魚軍艦$𝟺𝟾 鮑魚都算彈牙 👍🏻 不過略嫌唔夠味🙈 花之戀 $𝟸𝟸 三文魚夠好大舊好滿足😂👍🏻沙律醬可以再多啲 廚師發板三色刺身 有三文魚 北極貝 油甘魚刺身 刺身件件都好厚身 同好肥美😍 好滿足😇 芝士年糕 ($𝟹𝟾) 熱辣辣 外脆內軟 但比較普通 冇咩特別 蒜香厚切牛舌 ($𝟺𝟸) 份量好多😋 牛舌肉質爽口 加埋面頭啲炸蒜 口感豐富 🤪

好耐無入觀塘，估唔到工廈入面都有好東西！第一次上工廈食飯，呢間日本餐廳環境幾簡潔光猛，係先落Order等上菜~上菜都算幾快，我哋食咁多嘢都好快嚟齊，而且樣樣都好大碟好抵食！💛關西雪姬﹕個名好特別，原來係麻醬豆腐，但佢並唔係普通嘅麻醬豆腐，上面鋪滿咸香脆脆嘅櫻花蝦，係淡味嘅豆腐配上魚香，好特別！💛漁吉特選丼﹕呢個真係好有驚喜，一眼已經被隻大蝦🦐吸引，下面仲有火炙過嘅帶子、左口魚群邊、磯煮鮑魚、三文魚、吞拿魚、白身魚、同好多好多櫻花魷魚，全部都非常新鮮，魚類刺身相比之下會比較普通，因為面嘅大蝦入口，好濃郁嘅海水味，呢個真係未試過咁濃嘅刺身蝦，非常特別~ 而火炙過嘅左口魚群邊雖然細粒到差D 遺忘咗，但入口魚油好香好重，又係另一個驚喜~ 而磯煮鮑魚甜甜又爽口，仲有超新鮮，有成半碗飯咁多嘅櫻花魷魚(仲要新鮮絕無起潺)連飯一齊撈起係絕配，超級好食！🐟蔥吞拿魚腩軍艦﹕吞拿魚腩入口融化，好綿滑~💛三文魚籽軍艦﹕卜卜碎嘅三文魚籽，味道偏濃，唔錯~🦐玻璃虎蝦壽司﹕虎蝦好新鮮，蝦味好重🐟三文魚、赤貝、希靈魚刺身﹕全部都好新鮮，赤貝爽口，三文魚油脂都算重，雖然希靈魚醋味比較重，但感覺唔會太酸，對於鐘意食希靈魚

好耐之前喺九龍城食過漁吉 而家舖位搬咗去觀塘 更加方便我哋去😎 之前食過佢哋嘅丼飯好足料又新鮮 宜家佢地仲有各款壽司 刺身同小食揀添🥰 仲要又平又靚又好食‼️我哋今次就乜都試吓 壽司方面我哋就揀咗海膽 花之戀同埋北海道牡丹蝦😍 上菜真係要嘩一聲 好靚好吸引丫🤤 海膽超級大片 好鮮甜 花之戀有3大大件三文魚 非常肥美 北海道牡丹蝦上面仲有三文魚籽 爽甜彈牙👅 呢個價錢性價比極高😋卷物方面 我哋揀咗牛油果軟殼蟹卷同埋芝士炸蝦卷 請問你幾耐未見過6件又靚又好食既卷物只售$38😢 軟殼蟹同炸蝦食嘅時候仲非常新鮮香脆 牛油果軟殼蟹卷加咗青瓜 口感好好 好清爽😋 芝士炸蝦卷嘅芝士炙燒過 邪惡又滋味👍🏻刺身我哋就試咗三文魚 油甘魚同埋赤貝 新鮮到不得了😱 又大件又肥美 厚切入口非常滿足😋 小食我哋就試咗蒜香厚切牛舌 加咗大量炸蒜 令口感更加豐富 香口惹味👅最後忍唔住叫埋佢哋嘅漁吉特選丼 真係非常抵食 入面有赤蝦 海膽 帆立貝 左口魚邊 三文魚 油甘魚 磯燒鮑魚 櫻花魷魚 三文魚籽等等😱 仲要大大碗勁足料🤤 見到帆立貝海膽漢堡個下真心驚嘆呢個價錢點解可以咁抵食🤤 仲要鮮甜可口 赤蝦爽甜 左口魚汁調味好好

餐廳：漁吉海鮮丼專門店 (觀塘)地址：觀塘觀塘道396號毅力工業中心8樓E室黃店漁吉海鮮丼專門店由九龍城地舖喺2020年7月搬咗過嚟觀塘工業區💛，唔少附近嘅打工仔lunch time都專登叫佢哋嘅丼飯嚟食🍱，而佢哋亦有提供堂食佢哋其中一個賣點喺提供麵豉湯無限任飲🍲，如果你係麵豉湯愛好者就啱晒喇😎嚟得日本餐廳唔少得梗係食返啲壽司同刺身，壽司叫咗油甘魚壽司($22)、松葉蟹肉軍艦($28)同蔥碎吞拿魚腩軍艦($28)；刺身就嗌咗個廚師發板三色刺身，有油甘魚、赤貝同吞拿魚🐟。最比到我驚喜嘅喺松葉蟹肉軍艦，將豐富嘅松葉蟹肉碎堆砌喺飯上面，一啖放入口，濕潤嘅口感凸顯出蟹肉嘅鮮甜🦀卷物叫咗牛油果軟殼蟹卷($48)同芝士炸蝦卷($38)，每款六件都幾抵食🤪。軟殼蟹塞滿咗喺飯卷入面，面頭嘅牛油果同沙律醬中和咗油膩嘅感覺🥑，連埋蟹籽就顯得卷物無咁dry；厚厚嘅一層車打芝士放喺炸蝦卷上面🍤，經火槍輕輕燒過，微微焦香輕輕帶出，吉列炸蝦香脆可口，同飯卷形成咗個口感上嘅對比👍蒜香厚切牛舌 $42牛舌雖然喺厚切😛，不過食落爽口而唔韌，加上海鹽、黑椒同炸蒜粒去調味變得惹味吸引，鍾意嘅仲可以蘸埋個自家製芥末醬漁吉特選

同媽媽一齊去食日本野，好彩早少少去，佢地7:30pm就last order喇😣牛油果軟殼蟹卷(六件) 美乃滋配呢個炸軟殼蟹真係好夾❤️仲有creamy牛油果🥑芝士炸蝦卷(六件)我超鍾意呢個炸蝦卷 吉列蝦依然保持香脆口感蝦肉爽脆 炙芝士又多咗份咸香味🧀呢個價錢CP值真係好高😆仲點左幾款壽司，都好新鮮！刺身非常新鮮赤身、希靈魚、油甘魚 勁厚切超滿足炸三文魚鰭 $38新鮮炸起 外脆內嫩 三文魚油係口中爆發 脂香十足🤤最正係個蟹皇丼😍呢個真係不得了啖啖都係蟹肉🦀唔好以為淨係薄薄面頭一層都幾厚下🤤蟹肉鮮甜 醋飯軟硬剛好仲撈左蟹籽增加口感 三文魚子增加咸香🧡呢個丼飯真係冇得輸😝

呢間日本嘢以前喺九龍城架, 而家搬咗過嚟觀塘工廈區呢個充滿隱世美食嘅地方. 簡約木系嘅鋪面唔算大, 但枱同枱之間唔會好近, 食都食得舒服啲. 廚房隔離有幅好colourful嘅壁畫, 搞到我忍唔住要同佢影返張相😂. 今日比較多嘢做, 所以放工特別肚餓, 叫多咗少少嘢, 最後當然係眼闊肚窄啦, 不過好彩我同朋友都食得哂😊一坐低就有一壺茶俾我哋. 點知原來唔係茶, 係任飲嘅面豉湯🙂飲兩碗暖下胃先三文魚同油甘魚刺身係厚切, 北海道帆立貝鮮甜+厚身, 唔使出動醬油同即磨wasabi都已經好好食😋北海道牡丹蝦壽司 - 牡丹蝦都幾大隻, 咬落彈牙. 上面仲鋪咗啲三文魚籽, surprise蒽碎吞拿魚腩軍艦 - 肥美嘅吞拿魚腩+蒽+飯呢個配搭幾時都係咁match磯煮鮑魚軍艦 - 鮑魚同埋青瓜係切粒嘅. 鮑魚算軟身, 同埋個甜甜哋嘅醬汁一齊食幾好味🦀牛油果軟殻蟹卷卷物嘅size比想像中大, 唔係一口size😂 面頭除咗有牛油果, 仲有蛋黃醬同蟹籽. 軟殼蟹份量唔係好多, 但睇返個價錢絕對合理🙃-🍤芝士炸蝦卷芝士好大塊, 炸蝦表面香脆食落彈牙🙃🐙燒鱆魚丸碟嘢幾得意, 望落好似成隻蟹咁😂 鱆魚丸係一口si

黑洞以前lunchtime成日去九龍城店開餐😗自從佢哋搬咗去觀塘 都係第一次嚟咋😖舖頭有2-30個座位 廚房佔咗好大地方👀-🔸牛油果軟殼蟹卷（$48）軟殼蟹口感脆卜卜🦀好香口牛油果加沙律醬 開胃之選👅-🔸芝士炸蝦卷（$38）一客有6小件 cp值好高✅炸蝦加火炙芝士邪惡到爗🤓黑洞中意炸蝦尾🍤 啖啖肉-🔸赤蝦壽司（$22@）蝦肉肉質超鮮甜🤤面頭仲加咗三文魚籽一咬係個口到爆開🤣口感十足-🔸油甘魚壽司（$22/2件）油甘魚味道甘甜魚脂好多😍油分豐富-🔸蔥碎吞拿魚腩軍艦（$28/2件）私心最愛‼️軟綿綿嘅吞拿魚腩份量仲滿到瀉☺️-🔸三色刺身油甘魚x希靈魚x北寄貝刺身魚塊塊都厚切😘加分-🔸溫泉蛋胡麻沙律（$42）溫泉蛋生熟度啱啱好🤏🏻黑洞冇諗過加埋雞肉😮成件事好健康-🔸蟹皇丼（$228）松葉蟹肉x海膽x三文魚籽足料到令黑洞好滿意🥰啖啖都食到鮮甜真蟹肉海膽入口半融化🤩壽司飯酸度適中 😋飯量十足 可以兩個人share😎-P.s麵豉湯放係保温瓶倒之前要輕輕搖勻🙊無限添飲

呢間餐廳嘅牆壁由人手繪畫日本大漁旗同鯉幟，意為「今日大豐收」🎏食物以「足料、新鮮」(大碗丼、多配料)為原則，令食客滿載而歸🥰💗蟹王丼($228)鮮美嘅松葉蟹肉拌上綿密甘香嘅蟹膏，蟹味更昇華🦀；三文魚籽每粒圓潤飽滿有光澤，帶鹹鮮味🔴；可惜海膽唔新鮮，食落超苦澀🤮海鮮佈滿醋飯面，非常足料🍚💗牛油果軟殻蟹卷 ($48/ 6件)紫菜飯卷包裹住即炸軟殻蟹，口感鬆脆唔油膩🦀面頭舖上軟滑嘅牛油果片、蟹籽同沙律醬🥑💗芝士炸蝦卷($38/ 6件)紫菜飯卷包裹住炸蝦天婦羅，蝦肉外表香脆內裡彈牙🍤面頭舖上火炙芝士片，味道更加香濃🧀💗赤貝壽司 ($22/ 2件)赤貝爽脆鮮嫩，充滿鮮味🐚💗左口魚邊壽司 ($22/ 2件)魚肉入口溶化，火炙後更突顯其脂厚油香🔥💗蔥碎吞拿魚腩軍艦 ($28/ 2件)吞拿魚腩蓉幼細香滑，但魚油脂香不足，如果多d蔥花會更香口🍣💗三文魚刺身 ($48/ 4切)肉質爽滑，脂肪分佈均勻，魚味適中💗油甘魚刺身 ($48/ 4切)肉身油分較重所以肉質柔軟，魚味較濃烈🐠💗北海道帆立貝刺身 ($48/ 6件)肉質厚身軟熟，味道鮮甜⚪️💗蒜香厚切牛舌($42)牛舌片爽滑柔嫩，咀嚼時有回彈口感👅食落牛味濃

這間日式丼飯店以龍蝦及蟹做主打 喜歡吃蟹肉的朋友很推介蟹王丼🦀蟹肉鮮甜澎湃 鋪滿整整半個碗 配上鹹鮮的三文魚子和火炙的加拿大海膽非常吸引🤤.另外無限添飲的味噌湯也十分驚喜 湯味自然不會過鹹 是我最愛的味噌湯之一🤩整體而言 食材用料講究而且份量充足 是區內性價比頗高的丼飯專門店🍱

門面極簡但明亮乾淨，menu 睇落普通冇咩fancy design，上菜個盒實在唔太吸引。但食左一啖刺身飯即刻醒曬，魚籽好新鮮，海膽勁creamy，一百頭既lunch 黎計，呢個質素收貨有餘，性價好高。如果你鐘意食好西又唔會太追求環境氣氛，試下呢間，觀塘實在太多食裝修既舖頭，食完唔知食左咩lol我去個時店家冇咩出聲，後尾先發現有個有自助熱茶水角落。另外，建議店家可以考慮出下lunch set ，香港人嘛，放飯時間唔會太想用腦筋，挑就手既，幾個選擇就夠。

觀塘工廠區一向都有唔少隱藏美食，意外地發現呢間用心製作，食材新鮮既高質日本海鮮丼專門店。✔️漁吉特選丼（HK$188) 🐟食材包括磯燒鮑魚，甜蝦，帆立貝，櫻花魷魚，油甘魚，吞拿魚，三文魚，左口魚等，種類繁多。磯燒鮑魚口感彈牙，甜蝦好大隻，啖啖肉，帆立貝超鮮甜。另外魚類剌身都係厚切，口感豐富。而三文魚用了腩位的部分，油脂香味十足。炙燒左口魚入口即溶，魚油在口內的香味揮之不去😋✔️北海帆立海老丼（HK$168) 🦐呢個丼主打帆立貝及不同的海老刺身，當中包括牡丹蝦，赤蝦，甜蝦。赤蝦和牡丹蝦大大隻，而且超級鮮甜，唔使點醬油Wasabi便已經好好味。 總括來說，漁吉用心製作，食材排放得一絲不苟，用料豐富，食材新鮮，值得一試！