漁樂 (TKO Spot)

营业中

休息中

個日晏晝去咗尚德商場，見到星泰越菜餐廳好似幾唔錯咁，所以就入去試吓啦。我地嗌咗兩個下午茶餐，即係椰汁雞皇飯同沙嗲雞肉串配炸薯條，推薦大家嗌薯條因為真係炸得好鬆脆，雞皇飯個汁亦都好yummy yummy，雞肉好嫩滑同埋好惹味！

將軍澳popcorn 啱啱起咗條新橋直駁去尚德，其實尚徳真係好耐冇去過，今次試吓行條橋過去食嘢，跟住見到呢間餐廳叫漁樂，我唔知道開咗幾耐結果就試吓啦， 下午茶時段其實都幾多選擇我哋叫咗個海南雞飯超級迷你$38，不過呢個女士走啱啱好，如果男士應該覺得冇食過嘢😅，味道普通啦。好貼心佢加咗啲沙律菜係側邊個，沙律汁甜甜地可能係柚子蜜糖，其實我唔知係咩汁🤷🏼‍♀️再叫咗個紅咖喱加薄餅$30，呢個又幾好食嘅咖喱小小辣，薄餅就一貫嘅好味我今次淨係食下午茶有機會試埋午餐或者晚餐，如果今次嘅評價我覺得係OK，值得一試價錢又平。唔記得咗個青檸紅茶我覺得係好好飲，感覺好似飲緊mojito😅😋呢杯係免費㗎，唔需要加錢

今日打算食個醒神早餐，行左幾間，見自己都未試過漁樂既早餐就決定俾個機會佢啦。見佢早餐都好多選擇，左思右想，就選擇左呢個多combinations既特色早餐，我仲見佢傍邊有個魚仔logo推介，諗住實無死。早餐一上，賣相還好，有腸仔煎蛋，沙律，多士再加百里香雞扒，盛惠39元。我立刻試下佢既雞扒，可能本人唔鐘意蒜香味，真心唔鐘意佢嗰味道，其他野都還好。沙律可以一讚，本身已經灑了汁，好開胃爽口，但總體之言，not recommended.

想知你地係咪一碟小小的醬都豪唔起？話說今日25Sep2019到店叫了河粉，平時特別欣賞橙色的海南雞汁，以前如果唔想食雞飯都會叫果個汁點下餸，點知個職員今日話唔會俾因爲唔係叫雞飯，改左policy以後唔會咁俾，因為一碟汁你地咁就無左個客喇，話曬街坊我都算成日幫親啦⋯⋯你估個個都想次次叫雞（尚德店）1分

今早約左其他區同事一齊工作，未工作先吃早餐，由於個同事平時坐將軍澳北，吃早餐就比佢選擇地點，結果佢選擇漁樂，變成我又去食漁樂。今次我食雞扒火腿蛋加腿通配茶走，而同事分別叫豬扒火腿蛋加腿通配茶走及雞扒蛋麵配凍檸茶。份量及味道都ok, 但茶走變左一般奶茶。

近排由於公司附近個商場裝修，所以選擇少左，呢期日日食漁樂，包括早餐。早兩日同同事去食西式早餐，一個豬扒火腿蛋+腿通，另一個雞扒火腿蛋+腿通。份量算唔錯，中午食飯都未餓，味道ok,但啲汁就早午晚餐一樣。

今日假期都返工，成班同事一齊食晏，去左附近商場既漁樂食，因為我老闆食來食去都係推介漁樂。6個人，分別叫左什錦湯金邊粉x2、炒金邊粉、焗豬扒飯、焗雞扒飯同生牛肉河，成餐最特別係有個同事叫左椰汁沙冰，勁大杯，好似幾抵，同事話好正！

繼上星期食過漁樂之後，同事話食過返尋味，中午又去食，今次食啲唔同野，同事A食紅咖哩雞飯、凍檸茶，同事B食焗豬扒飯、茶走，我就食海南雞飯、熱檸蜜。焗豬同我個海南雞都好正，但咖哩雞就太多骨，無肉，雖然味道ok,但可一不可再。

今日同同事去食晏，由於周圍都多人，決定去事必要排隊既漁樂，反而等左8分鐘左右，就已經有位了。三個人入到去各有各叫，同事A要札肉肉丸河、同事B要沙嗲雞扒蛋飯、我就要炒金邊粉，由於天氣太熱我加左$8要青檸菠蘿soda、同事A要可樂冰底、而同事B竟然仲飲熱奶茶。講返味道，同事B:雞扒夠乾身、蛋夠脆，但汁太少。同事A:味道ok, 但未夠飽。我：味道/份糧都滿意，係碟邊有辣粉，唔記得叫佢走。而飲品方面，可樂冰底，但鑵汽水無雪過，雪左好啲，青檸冰就唔甜囉...都好少甜。奶茶就唔洗問喇...咁熱仲飲熱飲...

呢日去完尚德廣場新開全層嘅迪卡卡運動舖，所以喺商場搵埋嘢食。隔離嘅台灣餐廳好多人，所以去咗食漁樂。之前已經食過漁樂，做街坊生意，性價比高👍🏻。唔知係咪weekend所以無晚市套餐，剩係得個2人餐，所以我哋都係散叫算。btw餐廳裝修都幾靚，但冷氣太凍，有張枱仲吹到發發聲，店員係咁叫人唔好坐😂。我哋3個人嗌咗一個🐔海南雞雞油香飯($67)、一碗🐷冬蔭公豬頸肉湯金邊粉($52)同一碗🚄越香火車頭雜錦湯金邊粉($52)，另外因為泰式燒野菌茄子🍆有半價($28)，所以叫嚟當菜食。由於無餐所以叫飲品要加錢，但可以以半價價錢嗌飲品，要咗杯🍍青檸菠蘿梳打(+12)同🥤香茅青檸可樂(+12)。嘢食好快就到，海南雞飯啲雞係無骨🦴，味道正常，但色水就麻麻哋好瘀下。而且平日海南雞飯有跟冬瓜湯，佢就無😟，但要讚嘅係佢個飯好好味，有椰香🥥。另外就係果兩碗粉🍜，估唔到兩碗都勁大碗，啲金邊粉嘅量係超超超多，兩個人食一碗都完全夠，豬頸肉都有唔少仲幾大嚿，但就硬咗少少。而且個冬蔭公湯比較辣🌶，好彩有叫嘢飲姐。題外話，如果唔夠湯可以叫店員加湯的👍🏻。至於碗火車頭我就無食，但見到好多餸。另外仲有份焗雜菌茄子🍆，有好多芝士喺面

由1：00等位到1：30。足足等左半個鐘。其間不停叫搭枱嘅入 一直惡性循環。利申：我同朋友4個人至於服務 就仲差 叫雜錦湯河就冇牛肉。叫奶茶 咖啡 放底個陣連係奶茶定咖啡都5講聲真心5好嚟食。。。。

今日諗住翻夜之前食個海南雞飯屋企人下午3點落左去買外賣自取咁諗住呢間餐廳食左咁耐邊會漏野翻到屋企一打開啊？兩隻醬冇俾 又冇餐具心諗:小事小事，算數，屋企有餐具用，冇俾好小事但冇醬都有啲唔開心再打開盒飯嘩，成盒雞胸仲要勁少你都幾happy樓上開左間大野，四周得幾間餐廳你大晒咁啦喎黎緊1,2個月都唔會幫親，係咁真係勁唔好食，無左個醬雞肉無味食左一半就唔想食行去隔離食快餐都開心啲都唔知係咪請得太多暑期工俾左66蚊買咁嘅飯

🐟漁樂🐟..✔️黑醬牛油雞翼雞翼食落有香濃牛油味🍯再加甜甜地味道🎃實在太吸引✌️雞翼可口香脆😍賣相吸引💕✔️沙嗲雞串值得一讚既係沙嗲醬👍醬汁加左少少花生醬😽雞串配撘醬汁好惹味🥳雞肉夠嫩🤤非常之開胃🤤✔️泰式炸蝦餅🦐🦐🦐蝦餅爽口彈牙🤓有咬感食到一粒粒蝦肉🤓食左兩塊都五膩👍👍👍✔️椰汁焗豬頸肉飯抵食又大碟👏焗飯擺放左好多芝士係面🧀🧀🧀好香椰汁同芝士味🍛豬頸肉份量多👍✔️椰青

恭喜發財！話說今晚六合彩金多寶會有一億，於是去了尚德投注站排隊。嘩！條龍長到尖沙咀。。買了之後都天黑了，於是在尚德食晚餐！行過漁樂，見到個格局好似韓樂、意樂！所以入左去坐低，睇睇menu,毫不猶豫便點了二人晚餐。。原因是十分肚餓！二人晚餐價錢HKD198,份量好夠！個海南雞幾滑幾好味,份量再多些就好！串燒雞是炸的，每人有兩條！湯是肉骨慢煮燉湯，似肉骨茶，都ok啦！還有炒菜和飯！下次會再來試試散叫！

尋日去返呢間之前食過，諗住今次再返食會有改善，叫咗個焗紅咖喱豬扒飯下午茶餐，飯到咗真係唔信，豬扒剪開兩塊，半塊都唔知有無，飯就少到食得 3匙到. 淨個焗飯已 $39，去食個大x樂焗豬扒飯好過，仲要大大快豬扒及飯. 👎👎