漁樂 (TKO Spot)

营业中

休息中

我和朋友跑完步，想吃一頓晚餐慰勞自己，本來想食西餐，但經過這家餐廳，有泰菜當然也是我們所喜愛。空間感都算大，菜單選擇也可以，我們坐下便點了4道菜。第一道，越式手絲雞木瓜沙律，菜和雞絲的份量都多，可惜汁太過酸。第二道，燒茄子，我個人覺得應叫芝士焗雜菇茄子，茄子相信有一條，切開幾條粗茄子，芝士味蓋過燒茄子的味，扣分。多第三道，金不換炒金邊粉，一啲味都無。最後是椰汁焗魚柳飯，算是當晚最好的。這間餐廳最值得讚是員工服務態度，和沒有加一收費。

在尚德商場行既時候想食辣野，俾呢間門口掛泰國菜既食店吸引。入到去，燈光比較暗，有點陰沈的氣氛，餐牌都有很多選擇，看了都有十分鐘，跟著點左半隻燒春雞，跟送田園沙律，一大碗冬陰公豬頸肉金邊粉，同一客焗雞扒飯。因為親人是泰國人，從小便食開泰國菜的我飲第一啖冬陰公既時候便知道這不是正宗既冬陰公，冇蝦味，亦都冇椰汁既香味，係湯粉溝出來既味道。(個人意見) ...另外個焗雞扒飯就好香嫩滑，不過好似細左小小，食大快活好過。。。燒春雞個皮最好味，啲肉剛剛好熟骨有小小血，不過雞腔肉厚啲既肉就唔入味。(不喜勿插)...

如果一日三餐都喺出面食，每日起碼要$130-150，一個星期有三、四日係咁，未計gathering，都咪話唔甘呀！打份萬令蚊嘅工，真係在職貧窮！漁樂一個午餐河粉+飲品$49，算係平！味道又唔錯！份量都夠飽，真係好有良心！早餐去到11:30am，食完可以下午茶當lunch,又再慳返筆！d 座位都算舒服，唔算逼！我推介火車頭河粉、海南雞飯、蝦醬通菜炒牛肉飯、金邊粉、手抓餅杯熱飲都夠大杯！漁樂真係窮人恩物，大愛！

這間店的食品不錯，只是有位聲音尖銳的中年女侍應經常高聲尖叫，旁若無人，令人進食時非常煩躁不安。她的尖叫聲基本上可以蓋過所以在場食客加在一起的音量，而且落單時態度也比較囂張。下次再去都要考慮下環境的因素

是日星期六，天氣又非常炎熱，根本就完全唔想周圍去！ 一於喺屋企hea下，睇下電視就算。睇睇下發現，又夠鐘食飯。為免行太遠，最後都係揀返喺附近商場食就算。見時間尚早，門口冇咩人，啊媽又話食唔厭，於是就黎咗lee間漁樂！一入黎就俾幾杯水，水冇水喉味，反而有淡淡檸檬清香，加分！餐牌都算幾多選擇，有小食，沙律， 湯，雞類，海鮮類， 亦有炒飯麵，冬陰功類， 最欣賞係有埋粉面，可以俾你一個人幫襯又得，成家人散叫叫餸亦得，得咗！今日我地決定每人一個main course。 分別係火車頭雜錦金邊粉， 海南雞飯。火車頭金邊粉湯底偏鹹，比較濃味。 裡面有豬肉丸，札肉，肥牛。 材料算幾足，最欣賞係個豬肉丸，居然有淡淡蝦醬味，好食！金邊粉尚算彈牙，我俾4分！至於啊媽個海南雞飯都唔錯。雞油飯充滿油香，雞肉幼嫩，配上濃濃甜甜ge醬油，好食！唔算太貴，又近近地，食物質素唔差， 我地應該會成為 常客！

每次黎親尚德商場，我必黎呢間餐廳食佢o既泰式下午茶， 好幾個月冇黎，餐牌都更新左款式了。但我就始終如一食泰式咖喱配手抓餅同熱奶茶，唯一唔同係之前一向食開黃咖喱，宜家餐牌轉左係青咖喱，餐牌都講明有少少辣，我就唔理一於試下。朋友就食香辣肉碎炒泰式金邊粉配熱鴛鴦。泰式青咖喱配手抓餅: 青咖喱汁好夠濃、好惹味，比起黃咖喱辣左少少，亦冇黃咖喱咁香，仲有幾舊薯仔食下，無論咖喱汁下飯定醮薄餅都咁。我最愛o既係呢度o既手抓餅，共有四片，唔夠可以 encore $10 有三片，但我今次就唔 encore了。手抓餅真係百食不厭，有牛油香味，餅又有少許酥脆且鬆化。香辣肉碎炒泰式金邊粉: 肉碎份量唔多，都算入味，仲有少少辣，金邊粉炒得油左少少。另仲有蛋絲、葱、芽菜同芝麻，令到個粉冇咁 dry，落左芝麻個粉更香、更惹味。我就覺得油就落多左少少，下次再食就要少油。熱奶茶: 香滑夠茶味，冇苦澀。熱鴛鴦:  正常及香滑。以係將軍澳站黎講，呢間星泰越餐廳不但價錢實惠，且真係食過番尋味。

餐廳裝潢挺精美的，完全不像屋村商場內的食肆。本來是想清清地食碗越南湯河的，但餐牌上實在太多吸引的菜色而且價錢相宜，最後也是失守點了好幾道菜。泰式燒野菌茄子 - 試食價$28確實抵食，落單時要求走芝士，只配燒汁的野菌也已經夠味，也焗得挺食。鹽燒烏頭 - 魚肉保持到滑嫩，不怕燒得過熟，略嫌調味不均，鹽分集中在魚側，中間則太淡。蒜米炒芥蘭 - 芥蘭很新鮮脆綠，蒜蓉炒得香口，但吃到最後有點油。金不換牛肉炒金邊粉 - 份量不少，配料除了牛肉碎還有扎肉和臘腸，加入了臘腸的padthai有驚喜👍🏻肉骨慢煮燉湯 - 藥材味香濃，湯料有蟲草花和瘦肉等，不過不失。

黎到將軍澳探朋友，午餐想食下越南野，所以行左入去有午餐set 我地選擇左越香牛肉河牛肉份量算多，不過肉質煮得過熟了😌咬得有點吃力😂越香札肉牛丸金邊粉札肉唔錯！越香雜錦金邊粉唔錯！份量算大，味道一般，幾好坐，上菜算快既😎有機會試下其他野再寫下先🤣

一路都有幫襯呢間覺得幾好嘅下午茶，但近日開始見佢下午茶質素已變，已前食開嘅下午茶焗飯用個圓形嘅鐵碟上，但近日用了雅瓷碟上，份量仲要大減，點知今次再來食個下午茶叫咗個焗青咖喱豬扒飯，佢可以俾個外賣裝我，之後個侍應仲話因裝錯咗喎，不如佢話因為有外賣後來無要到佢先俾我都無咁嬲，個飯仲要少到無朋友，d 飯有幾貴吖，要整出都無整到咁肉酸啦，做唔到下午茶不如無做好過，d 侍應嘅態度都已經一般，你話再咁落去嘅質素會唔會再來呢，自己判斷下啦。

我每日得閒都會周圍搵唔同抵食嘅學生餐，今日咁啱經過呢度，見到呢間漁。樂。餐廳門口都有學生餐牌，價錢仲好似幾抵咁，一於入去試下佢🤤🤤🤤平日一點鐘左右到，唔洗等位，正！望一望個餐牌諗都唔洗諗即刻叫左個泰皇椰汁🥥焗豬扒飯（$38），學生優惠仲免費升級可樂（我的至愛）加十分😍😍😍因為係焗飯，等左十分鐘左右先到。期待已久，一睇就知係啱啱焗好熱辣辣，聞落係好香的泰式香料味，面頭有大量拉絲芝士。豬扒有一大塊已經幫你切開做四件，夠晒貼心。焗飯真係特別香口，個椰汁又唔會好濃，味道啱啱好，不過對男仔黎講份量就少左啲。呢個價錢黎講又送可樂（跟冰底），真係幾抵食！

今日試間新食店，佢主打東南亞主題，裝修都有啲果邊的風格。2點半左右，入到去都有位，但都好多人吓，但啲位都坐落，係唔迫，同埋都舒服。青咖哩配手抓餅--- 青咖哩汁，好濃吓，香料唔多，如果，係真泰式的青咖哩，香味會更強，配料香草都會多好多，但佢的咖哩味都幾出，都係到達可接受的下限。手抓餅幾好食，有口感，但餅就加多塊會好啲，餅太少，就點唔曬啲咖哩汁，有啲可惜，如果加錢再買餅，我係ok呢間店都幾好，食物，環境都可以，會再光顧。

好耐無嚟呢個屋邨商場，開咗幾間新食肆，漁樂係其中一間亦係最多人排隊，朋友最鐘意食星馬泰菜，決定喺度食晏。呢度座位都算舒適，唔太逼硤，但因為食晏時間多人，二人枱都要搭，我哋四個就安排坐卡位。服務方便就係普通茶餐廳咁，我哋四人叫咗四個午餐加四個小食，份量足夠，味道亦唔錯。海南雞·雞油香飯應該係總會點嘅食物之一，雞肉嫩滑，有雞脾位亦有雞胸，雞胸肉唔鞋口，油飯粒粒分明，食落有啲偏乾。泰“正”金不換炒金邊粉，幾惹味，怕辣嘅我都食到，原本放喺面嘅花生醉，糖同辣椒乾放喺隔離，食客可因應自己喜好加入粉度，夠細心。星洲黑胡椒蝦仁炒手打烏冬，有啲辣，烏冬夠爽滑。青咖哩魚塊·泰國香米飯，辣味適中，唔食得辣都接受到，魚外面炸得有啲硬，唔鬆脆。有咖喱點少得香酥手抓餅小食。外脆內熱嘅脆炸素春卷。黑醬牛油雞翼，好好味，夠大隻唔會炸到乾啲肉嫩滑，唔會太鹹，我哋再叫多一份。左係芒果梳打，右邊係菠蘿梳打，味道幾清新。

是晚男友媽媽提議想吃泰菜,男友便提議來這家試試,本來對位於屋村商場的它沒有太大期望🤔沒想到有小驚喜😉😉沙嗲雞串($38)共5串,沙嗲其實不沙嗲😂 比較像花生醬味,但也很惹味,我們都很喜歡!黑醬牛油雞翼($24)雖然不知道什麼是黑醬,也炸得有點油,但牛油味很突出☺☺ 比平常在外面吃到的特別~菠蘿炒飯($60)炒飯很香,米粒分明乾身,菠蘿香甜🤗推介!炒金邊粉($60) 好吃份量也很夠👍對得起這個價格!越式雜錦湯河($47) 有牛肉,扎肉,豬肉丸,牛丸,非常美味,不比其他主打越式菜的餐廳失色😊紅咖喱海鮮煲($67) 整餐飯為一最不滿意的一道菜,鍋很淺海鮮很少,咖喱汁也不是做得太出色👎燒雞半隻+青木瓜絲田園沙律($68) 啖啖肉~配搭沙律感覺健康一些哈哈🙈🙈抵食!燒野菌茄子($28) 味道一般,芝士沒有融入茄子的味道中,沒想象中那般好吃總結還是便宜又好味的一餐😋😋平日晚上7點多來到也不用等位直接入座,坐得舒服,食物質素也不錯,實在難得❤❤絕對會再度光顧!!

探朋友前打算先到商場內的食肆用餐，見這間主打東南亞菜式的餐廳裝修精緻便入內一試。一般的屋邨商場餐廳都沒什麼精緻的裝潢，這間雖然説不上美淪美奐，但也算是有心思。周末的午餐時間並非十分多人，大約等了五分鐘左右便可入坐。周末亦有午餐提供，價錢由四十多元到五十多元，價錢合理，跟餐亦可加錢配搭小吃，選擇蠻多。餐廳提供的東南亞菜式包括泰式、越式等。這次點了一個海南雞飯以及一個越式什錦湯河。海南雞飯的油飯比較像黄薑飯，有點乾，亦沒有預期的雞味，還好雞肉嫩滑，雖然雞味不重。反而越式湯粉的味道不錯，湯底很夠味，配上芽菜、洋蔥、青檸、九層塔，真的很有越式風味。什錦湯河的配料有生牛肉、牛丸、豬肉丸以及扎肉，甚為豐富，嚐辣的還可以自行加入辣椒粒，帶點辣味的湯底更惹味。此外還加了一客黑醬油雞翼 (兩隻)，雞翼熱辣辣，炸得很香脆，黑醬油有一點點甜味，非常香口。

第一次係呢到食早餐，但都是港式早餐，都是米粉、公仔麵、多士等等⋯⋯今次揀左香煎雞扒泡公仔麵餐（連半焗流心蛋）、越香扎肉絲米粉餐，兩個都加配蒜香牛油多士，連熱飲。香煎雞扒泡公仔麵（連半焗流心蛋）：雞扒的確煎得幾香，放左落湯，個皮都無淋到，而且肉質都幾嫩。公仔麵都係普通公仔麵。朋友就揀左越香扎肉絲米粉，無咩特別，不過不失而蒜香牛油多士，頗脆，蒜香味都夠，幾好食早餐既價錢黎講都算平民同合理！