Burger Kitchen (已結業)

今晚同寶寶特登來食呢間Burger Kitchen❣️因為我哋次次經過都話來呢間野試吓佢啲burger，但最後都係冇食，所以今晚係專程兌現承諾嘅❗️雖然呢度只係距離我屋企2-3分鐘路程，但真係唔知點解咁耐以來都冇食過🙈餐廳門口俾人感覺鮮明光猛，仲好有聖誕氣氛添❗️入到去喺個簡潔、乾淨嘅環境，仲有三張卡位梳化坐☺️不過就算坐唔到卡位都唔緊要，其他座位都有軟墊，一樣坐得咁舒服❣️呢度burger都係單點價來，俾大家加錢轉自己想要嘅套餐👍🏻選擇嘅自由度大💕話說呢度除咗burger之外，其實仲有其他嘢食的～不過專程嚟食burger嘅我哋，梗係食返burger啦😝.我今日點咗德州煙燻牛肉漢堡 $68我揀咗跟C餐 +$26, 有薯條🍟➕沙律🥗 呢個burger入面嘅餡料有：牛肉、煙肉、煙燻辣椒、洋蔥、番茄、芝士、沙律菜❗️牛肉好juicy💦 咬落去會爆汁㗎😍沙律菜唔苦，份量適中❗️正好中和牛肉嘅油脂感❣️鍾意食辣嘅朋友必試💕對我來講就辣左少少😝如果可以減低辣度會更好～好彩有個沙律可以解一解辣🙈薯條🍟熱辣辣新鮮即炸，我仲差啲熱親過嘴添🙈食落非常香脆🤩 份量適中❗️.而寶寶就嗌咗店家推介嘅大隻佬漢堡 $72另跟D餐 +

今日又嚟到 Burger Kitchen 食漢堡 !!星期日晚上 8 點半嚟到非常多人 ! 😲😲 仲有好多人嚟買外賣添 ~餐牌 :食店有冷泡茶 , 仲有 6 款選擇 , 幾吸引 !!大隻佬漢堡 ($72) 超大個 !!!!!!!! 🤯🤯🤯🤯🤯 有流心蛋 , 牛肉 , 紅菜頭 , 蕃茄 , 洋蔥 , 芝士 , 沙律菜 有紅菜頭幾有驚喜 , 漢堡包皮脆脆地 , 流心蛋一咬 , 蛋黃汁即刻爆出嚟 !! 👍👍 薯條 ($20)漢堡包可以加 $20 配薯條同飲品 , 份量都多 , 夠熱夠脆 ! 食漢堡包點可以無薯條呀 ~ 😏😏巴馬火腿煙三文魚白汁意粉 ($74)意粉軟硬度適中 , 巴馬火腿同煙三文魚份量亦都合理 ! 沙律 (跟餐)沙律菜唔係好頹個種 , 幾新鮮藍莓沙冰 (跟餐 $19)藍莓味突出 , 唔係化學味 , 飲飲下 , 發覺其實都幾大杯 , 抵飲 !熱情果梳打 (跟餐 $17)梳打非常夠氣 , 好多熱情果粒喺個杯入面飛嚟飛去 😌 唔會好甜 , 唔錯 !總括黎講 , 漢堡好好食 , 食到飽飽每人都係 $100 , 性價比唔錯 !! 🤗🤗

今日好姐妹生日，緊係帶佢去食番餐好既，因為姐妹住新界果頭，我就特登的搵左間近佢既位於大埔的八號花園隔離既burger kitchen食好西。吾好睇少餐廳細細間，但人流都真係幾多，好在帶有book 位如果唔係就坐滿曬，而且見到好多食客都係長客的感覺，就覺得安心無揀錯。Burger kitchen 當然有burger 食，我們首先點了一個好受歡迎的大隻佬漢堡，裡面材料都非常豐富，有牛肉，莎拉菜，紅菜頭，煙肉，芝士，流心蛋，番茄，洋蔥等配菜，名副其實大大個好似大隻佬咁，配菜十分新鮮及營養，而且漢堡包皮十分脆口，加上中間夾心豐富美味，簡直係正到爆。跟餐再點了一份沙拉加兩件香辣脆雞翼，莎拉新鮮開胃，雞翼有辣粉係面頭係真係辣的，鍾意食辣的朋友不要錯過。第二樣點了墨魚汁海鮮意粉，有新鮮的帶子，墨魚圈加上黑黑的墨魚汁，味道到位而且食到成嘴黑蚊蚊都係特色之一，意粉煮得剛剛好都係好重要的一部分，份量也是夠我們兩人享用有多，絕對唔會少。我點了杯中榛子朱古力奶昔，朋友就開心飲啤酒，我們都邊吃邊喝十分開心，要大贊一下這裡的服務十分周到同細心，原來也是老闆親力親為小本生意，難怪感覺親切友善，令人感覺舒服及和藹溫暖

呢間burger係完全值得一試，CP值頗高。建議避免繁忙時間堂食，因為佢舖位細，等一等都可能要20分鐘，位同位之間既位置都幾窄。見到佢都有網上外賣平台，但漢堡當然係岩岩出爐先係最好食啦。推薦呢兩樣：1. 經典牛肉漢堡熱辣辣整起比你，牛肉大小適中好多汁。除左有普通漢堡會有既料外，仲有一條酸瓜。極度酸，如果唔鐘意食酸/洋蔥既朋友，記得落單既時候走酸瓜或者洋蔥。可單叫或者跟餐，加20蚊有薯條同野飲。不過如果想飲特飲(即咖啡或茶以外)，要付特飲既半價。奶昔係我必點。2. 白酒煮蜆意粉意粉方面，選擇比較少。只係試過三樣：卡邦尼、白酒煮蜆、墨汁。卡邦尼既水準係中下，墨汁就中中，都屬於無咩味道。白酒煮蜆，酒味濃郁，蜆都好多。唔想食漢堡可以考慮。美中不足既地方，係服務態度。未算到好差，但真係有待改善。

嚟到傳說中多美食嘅大埔，住大埔嘅朋友推薦咗一間burger小店。店內位置不多，但都坐得舒服。一入去已經聞到好香嘅牛肉味，食慾大增！午餐時段，多人入座。但不足之處係侍應多錯漏，落錯單、上錯飲品同菜。餐廳裡人好少，咁都多甩漏實在欠佳。講返正題，菜單上漢堡款式好多，全部都好吸引，價錢都可接受各款漢堡$48-$80左右，配搭好多，有牛肉、各式風味雞排、炸魚等。跟野飲+薯條/沙律再加$20，特飲凍飲要再另外加錢。 上菜時間稍耐，不過漢堡係新鮮製作，值得等候！我地一人一個漢堡，大大個漢堡！我叫蘑菇洋蔥漢堡，牛肉份量好足料，好大塊，肉味香濃，因為牛肉味濃，唔係好食到芝士味，不過都冇影響。蔬菜新鮮，蘑菇好香，略嫌蘑菇唔夠多。😭麵包有烘過，少少脆，有誠意！因為漢堡實在好大份，食完漢堡已經好飽，薯條食唔晒🙈，略嫌薯仔含量少，唔夠實心，而且茄汁偏甜。茄汁酸返少少可以更加解膩。朋友食唔晒，俾咗隻雞翼我食，類似水牛雞翼，甜甜辣辣，香脆好味！人均消費$80左右，真係好飽！整體質素絕對比連鎖漢堡店例如mos burger、shake shack高，而且份量都多好多，鍾意burger嘅朋友一定會好滿足！有機會想試埋雞

第二次食，今日成8:45先到，鋪頭幾靜幾好坐～雖然話係即叫即整，不過都唔算太耐～因為佢都會上住個薯條比你先！個Burger同薯條都係熱辣辣架！因為記得第一次食，我地每個女仔都+左$20 for 薯條同嘢飲，而個個都食唔曬！因為個burger好大！所以今次帶男朋友黎醒目了，只加一個set便可。我的大隻雞Burger (今次又唔小心叫左同上次同一個)不過個味道唔太豐富男朋友點的classic beef burger佢話呢個好食d!奶昔好靚，不過都係過甜左啲

下雨哪裡都去不了心情會變差所以要吃一餐好的才對得住自己於是趁雨下沒有那麼大就趕快出去覓食大埔哪裡都是美食閉著眼睛隨便找一間都是驚喜今天想吃burger所以去了一家在大埔中心的漢堡店這家店面積不大大概只能可以坐十多人左右店裡裝潢簡潔牆上有很多以食物做主題的畫和照片今天很餓所以點了 #大隻佬漢堡 $68大隻佬有很多配料包括：牛肉、沙律菜、蕃茄、紅菜頭、芝士、流心蛋、煙肉和洋蔥所以整個漢堡都是大大的要用刀叉才能放進嘴裡因為是即點即做所以要等大概十分鐘左右才上桌但確保漢堡都是熱的芝士溶在牛肉上整體很豐富牛肉很厚唯獨有點過老有點粗粗的感覺不過不影響整體的水準我加$20元配套餐，點甜薯另加$5這次配柚子茶很多的柚子很能去油膩感甜薯非常甜很香蕃薯🍠味整個套餐$93如果打卡會有九五折快來試試吧

朋友介紹黎呢到食，比晚飯時間早少少到，唔洗等位，食品價錢都幾便宜，份量好足，選擇多，我地叫了餐牌推介既經典牛肉漢堡、牙買加雞肉漢堡加薯條汽水。1) 經典牛肉漢堡：牛肉好厚，足料，好味！2) 牙買加雞肉漢堡：呢個就無經典牛肉漢堡咁好味，雞肉顏色同張相唔同，唔知點解咁黑，味道食落都一般。3) 薯條：都幾粗，好熱，唔錯！4) 汽水：配普通罐裝汽水，選擇都多，其他飲品就要額外加錢。總括黎講，性價比都算高，值得一試！

係大埔小區搵到間食burger，估唔到又幾surprise!!!嗌左大啡菇芝士牛肉漢堡同大隻佬漢堡，上枱見到兩份咁大既burger就知足料唔hea, 一口都包唔哂d材料。先請大啡菇芝士牛肉漢堡，啡菇多汁唔乾，牛肉juicy,肉質唔老。大隻佬漢堡超多材料，瘦仔增磅之選😂男士表示食完好飽飽。仲有我最愛的粗薯條，外脆內軟，現炸超新鮮。

我們一家三口，又再幫襯這大埔人情味小店。老闆娘好nice, 好體諒帶小朋友嚟幫襯嘅食客。每次都會主動協助我們，非常體貼！「溫泉蛋蕃茄肉醬意粉」好啱小朋友食，味道不濃，無厚厚難消化芝士，而且無太多添加劑，所以每次都會點這個給仔仔（3歲）食。「Farmer’s Breakfast 農夫早餐」好豐富的一個早餐，對女士們來說，超級滿足！我最愛當中的燒粟米，甜甜的，好好味。蒜容包脆卜卜，好香口。「Mocha」爸爸點的，餐廳拉了一個「小丸子」圖案給他，大家都笑了，爸爸滴汗了😆😅「熱柚子蜜」正常。

因為有時入開來大埔區， OpenRice搵到呢間好多人推介嘅burger，仲有我最鍾意嘅軟殼蟹，而且佢好多包既口味都比較少見，所以決定一試。試左玄學蟹同波羅雞，第一次食軟殼蟹係原隻無落粉漿炸 🤤 個口感實在太好，冇咗平時嗰種炸粉格住左蟹嘅感覺，實在太好食啦

今次大埔lunch 試新野～主打Burger 的小店🤗🤗lunch set 有幾款burger 同意粉，配湯/沙津（二揀一）同埋餐飲～第一次黎梗係試左Burger先喇！經典牛肉漢堡 好驚喜呀！首先講burger...個牛幾足料～仲有芝士蕃茄洋蔥等配料，成個包好juice，唔會乾爭爭！薯條係粗薯條🍟❤️我最愛，仲熱辣辣好正👍🏻👍🏻👍🏻飲品除左汽水，仲有柚子蜜同柑桔蜜！今次飲柚子蜜都ok，食完熱氣野可以balance 返🤣🤣🤣

大埔八號花園美食多，小小小區已有多間不停回頭的食肆，今次吃的burger kitchen 已是第二次回顧，不過今次有少少不高興。星期日陽光普照，到大埔閒逛，特地到了burger kitchen 食漢堡包因為上次食過好好食。今次柯打了兩個A餐，其中一個餐轉薯角（加5蚊），不過薯角上枱燶過太陽曬燶，是因爲少人柯打所以炸過龍？對比下薯條正常很多。不過正值午餐所以就不要求更換了。店家出餐時都可以看看食物質素才可放心給客人食用，亦可了解客人收倒時的感受。相比漢堡就正常很多，不過漢堡扒有點實，不夠juicy，但配上新鮮沙律菜及酸瓜咬落很開胃。另外都希望當值店員可以能到客人附近落單，我們兩次落單（先點主食後點餐飲），當日店員都嗌出黎問你要咩，亦要我們嗌出我地想要點咩，想點杯咖啡更話不如你睇下餐牌我地有好多種咖啡。雖然店面小小，不過都希望店員可以理解客人想問下餐牌內容亦不想打擾其他食客用膳呢。希望下次光顧可以見到改善吧。

係大埔八號花園既一間小鋪，搵到我食過最好食既意粉。呢間餐廳地方唔大，坐得都好迫，都因為廚房係半開放式關係，有時炒啲野食會好攻鼻攻到坐出面既食客打乞痴。不過佢食物好食程度同價錢絕對係值得！我最鍾意食佢既墨魚汁海鮮炒意粉！首先，我係第一次食到彈牙既意粉，係超級好食！平時好少會鍾意食意粉，因為一咬道斷又或者林曬咁，但佢係煮到好似烏冬咁彈牙真係未係第到食過。另外，佢個墨汁都好出色，唔係淨係得個黑色，而係真係好香濃既墨汁味，比起專做意粉既果間屋做得更好食。講完意粉同汁，佢既海鮮亦十分值得一讚，布幾粒好大同煎香咗既帶子，鮮甜爽口，仲有兩隻大蝦都係煎香咗既，再加啲魷魚圈，就成為我最愛既墨汁意粉，先係$76, 真係勁抵食！其次有XO醬海鮮炒飯，都一樣有煎到金黃色香一香既帶子同大蝦。XO醬有啲辣，食起黎好惹味，粒粒飯都金黃焦香，係一個好出色既炒飯，落足料夠曬味。漢堡方面我覺得燒雞同軟殼蟹最好食，反而牛一般因為唔夠juicy。軟殼蟹炸得幾好，因為仲食到肉同有汁唔會太乾。燒雞就辣既所以好惹味。呢間小店真係好出色，食物質素完全同佢既價錢唔相乎，如果佢唔係開係呢到我諗佢收返200蚊個set 都合理。如果一人叫一

今天難得放假，就同朋友一齊來試下朋友之前介紹過既呢間漢堡包。地方唔算太大，但位置都算舒服😌。因為係第一次來，落單時候唔係好識，店員都好細心解釋比我地聽，仲推介我地試下呢度既咖啡☕️。叫左一個蟹腳沙律，一個經典漢堡套餐，一個mocha。蟹腳好鮮甜，沙律菜都算新鮮，唔錯漢堡份量好足，牛肉唔會太老，仲好有肉汁！ 但我地最鍾意既都係薯條，外脆內軟，店員仲好有心同我地講係即炸上來既，小心熱總括來講，呢間漢堡還會值得下次再來。