潮丸 (已結業)

今天晚餐来试试中午见到有不少人排队的潮丸，也是满足最近吃了太多重口味热气食品寻求偏清淡但好吃的愿望。我点了牛丸王米线（另加墨鱼丸）老公点了肉碎紫菜汤饭，还加了青菜，和生炸鸡翅小吃。米线料很足，有五六颗牛丸，味道口感都很好，还有豆芽咸菜等，汤头油不多但味道不错，满意。墨鱼丸味道还可以，但是牛丸更为出色。肉碎紫菜汤饭里面很多生菜，肉碎偏清淡口味，但老公还是挺满意，基本全部吃完。耗油青菜正常味道和分量。生炸鸡翅还可以，不会很油，味道刚好。整体吃的很饱200块有找，会再次光顾

今日週未，諗住食下d新野，wow, 點知今日有100人係前面排隊，心諗，至少等三十分鐘至四十五分鐘啦，但無計啦，會照等。好彩，等嘅時間俾想像做快，入到去都坐得幾舒服。睇menu, 佢好環保，落單用whiteboard gei 做紀錄，非常好。三個人，一個人揀左雲呑河，一個豬肉王，我就嗌左牛丸河，每樣都食下嘛。當然，叫左小食，嗌左兩款，一款嗌炸雲吞，一個炸墨丸，相對上無甘出色，當然都好食，但炸雲吞係好出色，唔係平時酒樓果d, 細細粒，方便食！

我發現成日喺尖沙咀食飯，都冇留意過呢間野，今日晏晝行過突然間見到呢間食粉麵嘅餐廳，就決定入嚟試吓。原來依家係食潮州粉麵，我就叫左佢個推介「牛三鮮」試吓。牛三鮮即係有牛腩、牛筋、牛肚，粉同埋配料都可以自己揀，我就揀咗河粉，加蔥、芫荽、芽菜，在加杯柚子蜜等左一陣已經送到黎，個牛筋佢煮得好琳，同埋都好入味但係個牛腩我就覺得有啲un，不過牛肚都係好爽好正！個湯都好好味，唔係味精湯柚子蜜第一次試有加檸檬，原來都幾好飲下次一定會再嚟試吓個牛丸河，見到人哋食好似幾好味咁

（無其他評語要寫喇哈哈哈哈哈）第一次食係同男朋友玩左成日，好肚餓打算開openrice搵間同路人鋪頭啦～其實都是但搵，想距離最近，就決定呢間——可能咁，更加覺得驚喜地好味？？？必試佢既小食！炸牛丸（一黎到掛住食無影到哈哈哈哈）同炸雲吞就係佢俘虜我既原因！！！兩樣都係外面超級脆又超級薄，但係裡面keep住好嫩好多汁而且炸雲吞裡面好多蝦！！！！平時唔鍾意食牛丸，結果隔兩日同frd四個去食，encore左三碟⋯⋯主菜個鹹雞飯同d撈麵都幾好～餐廳d辣椒醬幾好味～

琴晚同朋友係附近整完頭髮唔知食咩好就入左黎哩間潮州車仔麵點知入到黎都冇人招呼我地咁算啦 好彩剔好點餐紙上菜速度都好快，但配菜就同朋友個碗有d撈亂左...我地都係叫左配超級牛丸 碗同擺盤都好靚 唔似普通車仔麵咁 牛丸大大粒 有牛味 正喎～ 不過個麵既份量就有d少 女仔食岩岩好～見到枱面有三樽醬：紅燈籠椒，辣椒，同埋黃燈籠椒。 咁就每種都點左小小黎試下 最中意就係紅椒醬，岩晒唔食得辣既我，個醬點左落湯絕對係提升左個湯既味道 如果中意食辣既話就可以試下黃燈籠椒醬！

招牌牛丸係係喺香港食過暫時最好食嘅一間。牛丸很彈牙，咬開後有牛肉汁流出，非常香，好好吃。冬菜、蔥花、芫荽、芹菜、芽菜配料可免費添加。價錢不算10分便宜但絕對值得！

潮丸，入面既裝修一啲都唔似食車仔麵既地方，有啲時尚。價錢就當然俾一般車仔麵貴啦，無加一。首先，我就叫咗牛爽腩撈麵。點知上錯咗，個麵變咗飯，不過都好快幫我換翻啱。啲牛腩半肥瘦，份量充足。麵質都唔錯，夠硬，但就有啲梘水味。一碗麵就連碗湯，價錢為68蚊。都可以一試既，唯一不足就係食完之後好口渴，太多味精啦另一碗係魚三鮮米粉，清湯，不過不失啦仲有叫咗炸墨魚丸，送上嚟個陣幾新鮮，入口熱辣辣。可惜唔彈口。28蚊4粒。

我唔係宗教原因唔食牛肉，只係我唔鐘意嗰種質地同味道，但係我會食牛丸同牛肚，有人話牛丸係最無牛味，咁就解釋到點解我會食牛丸。唉，又咳唔食得麻辣，唯有食清淡粉麵。餐牌同我係openrice見有啲唔同，無左咖哩，多左車仔麵選擇，周一腹知道無咖哩當然有啲失望，不過見到車仔麵就加晒分，因爲佢可以點N款餸。我都選擇車仔麵啦，可以只選牛丸同牛肚，但係車仔麵最少點三款，我點左紫菜，周一腹知道我一定會分享啲餸畀佢，佢好克制只係點墨丸牛筋雞翼。牛丸唔似平時食嘅咁實，鬆軟帶啲牛味（我接受到啦）；牛肚夠淋唔痴牙又入味；紫菜無沙，$5份正常份量；我點粗麵，唔知煮麵係咪用鹽水煮，麵好咸，不過只係咸，食完無口渴。食左周一腹一粒墨丸，雖然唔算爽口但係幾好味，唔係出面嘅粉團墨丸，無好重嘅調味，我好怕啲墨丸有蒜仲要味精；周一腹話牛筋好淋（但係投訴好細舊），仲話雞翼好香脆，應該係生炸；佢話佢啲米線好咸，不過我試過，無我啲粗麵咁咸。如果下次我唔想食辣個陣，我都可能會再黎食多次。

同朋友在尖沙咀金馬倫道走來走去尋找美食，經朋友嚴選之後最後選擇了潮丸餐廳。餐廳位於金馬倫道尖沙咀地鐘站B2出口約步行3分鐘就到達，地點非常方便。我好鐘意潮丸裝潢設計舊式麵店格局，但又好現代化柔和光線配合白色質感磚牆，餐廳面積不大, 環境整潔企理舒服，卡位寬躺，食物又有水準又免加一木枱面上有三尊很特別醬料，有紅燈籠椒醬、黃燈籠椒其辣度挺高愛辣的我絕對不會錯過；試食後有後勁超辣。每個座位檯面都放著一張MENU, 客人要在餐牌上按自己嘅需求自己畫單；大約等5-6分鐘服務員托住木餐盤送上。牛骨湯不太濃好清甜, 牛根腍到勁好味呀 ，金錢肚爽口入味、牛筋腍得有咬口我選擇了車仔麵，有滷水雞翼、滷水豬大腸、滷水豆腐，是用店家秘製鹵水汁味道香不咸回甜。麻辣湯底不算濃也不太辣算清甜；再加上大量蔥、芹菜、芽菜和冬菜更加惹味香口。我不要面底，選擇了菜底只有四條西生菜實在有點失禮不滿意

今晚又係上堂日子 時間得反9個字要係有限既時間去食野因為我本身係一個食野慢條斯理既人食嘢時間速度比較慢朋友一早揾到食咩 眼睇OpenRice 嘩 好多牛肉呀地鐵尖沙咀站b出口直直直行黎到潮丸胃口麻麻 最後叫左車仔面天氣熱 記住飲多啲野呀墨魚丸 生菜 鹵蛋 河粉墨丸又幾彈牙wo河粉都吸晒湯底嘅味道我既就叫左雞亦 魚腐 蘿白 生面 麻辣湯喜出望外 我覺得好食wo面底咬落爽身係我鍾意食嘅口感 湯底唔太辣三個人成為$167車仔麵 規定一定要叫三個餸老實講我睇到OpenRice啲相對佢冇乜期望一心只係諗住快快食完就去上堂而諗住食唔晒嘅我又居然食得晒 味道👍🏻雖然舖位近馬路 但入去餐廳又唔覺得太嘈女性食客比較多

曾經試過筲箕灣分店的潮丸，得知該分店已結業，但早陣子在尖沙咀開了另一間分店，地點更為方便。這日經過，便在此解決晚餐。除了有固定湯麵款式，還可以自選配料和湯底，配搭一款潮式車仔麵，選擇自由度大😆。.所有湯麵分配搭爽脆芽菜，和加入大量芫荽香蔥和冬菜，為整碗麵增加香氣🤤。.秘製豬三鮮（$56+$8特級墨魚王）Pork Meat Ball, Meat Roll, Belly 扎肉調味剛好，厚切彈牙，豬肉丸軟身滑口，而腩肉不算肥膩，另外加的墨魚丸味道亦不錯，粗麵薄身爽口，但麵條未能吸收湯底味道，顯得較淡味。.潮式車仔麵（$53）牛根軟腍入味，牛丸爽彈多汁，味記濃郁不慨為店內皇牌🌟，唯獨滷水蛋看似滷得夠色，但不夠入味🐣，有點失望。生麵底幼身爽口彈牙，好吃有質素👍🏻。.炸丸拼盤（$68）Deep Fried Ball Platter 炸丸每款有兩粒，牛丸、豬肉丸、墨魚丸及魚蛋，炸過後丸味感覺特別濃郁，但外表少不免有點油膩，不過總體而言味道不錯😋。.自家雲吞王（$55）House Wonton 雲吞淨食一碗有六粒，價錢頗貴，雲吞皮夠薄夠滑，可惜鮮蝦🦐和豬🐖肉餡味道偏淡，欠缺肉香和鮮味，較為失望😞。.柚

同朋友經尖沙咀金馬倫覓野食,經過就選了間叫潮丸的餐廳,地點都算就腳,交通方便,尖沙咀地鐵站B2出口行7分鐘就到🌟,食物都有水準又免加一😎🙊 ,所以選了這間地道港式粉麵食下,度過飽滿的晚飯~🌈店光線溫和,白色有質感磚牆襯上TiffanyBlue大門同比一般粉麵裝潢用心~.哈~同朋友主要攻佔牛筋牛腩牛展呢🔥🔥🔥.*自家牛三鮮（牛腩、牛筋、牛肚）牛肉牛腩牛筋牛肚炆得入味肉質軟腍,啖啖都有牛腩的鮮味,幾大件入口即溶！有河粉、米粉、粗面、米線選，仲有得揀配料，冬菜、蔥花、芜茜同芽菜,實行自己口味自己選~.*魚三鮮米線魚蛋魚片頭魚皮餃幾鮮味,魚蛋滿彈牙入口爽滑，魚味濃郁而不腥魚片頭肉質彈牙甘香,魚皮餃外皮薄， 魚味鮮， 肉餡結實、 肉味濃湯底也不錯~*潮洲滷水豬手飯啖啖肉份,量夠大份、內裡小小透白晶瑩的肥膏，還有層層瘦肉，以為油膩無比，卻又嫩滑爽口，啖啖漿口的味道就是阿朱媽們口中的養顏秘方~''骨膠原''呢.*滷水拼盤拼盤有豬手、豬大腸、豆乾、腩肉、滷水蛋滷水整體入味可口,豬手腩肉被炆至軟綿容易入口，咀嚼一點也不費力😍*墨魚丸墨魚丸肉嫩彈有嚼勁，食落香口的味道飄散著~🙊*話梅柚子雪碧 及 鹹檸雪碧

平時都幾鐘意食潮州粉麵今日行尖沙咀經過依間潮丸見到環境好似幾靚就入左去試🤣🤣🤣我叫左餐廳好王牌既 牛三鮮 其實就係有牛腩 牛肚 牛筋🤤🤤碗粉一黎到已經好香既牛肉味😋😋牛腩肉質夠軟 牛筋好爽彈 牛肚就夠爽口 煮得十分入味!!! 朋友叫既依碗就係牛丸配牛腩 同樣都係非常香牛肉味 牛丸好彈牙🤪🤪同埋佢既河粉都好食 唔會煮得太冧😗總結係 鐘意牛肉 潮州粉麵既朋友絕對可以試試依間潮丸喔🤤🤤

想簡簡單單食個晚餐，7點幾黎到唔算多人，食食下先慢慢多左人。由於本身都好鐘意食牛腩麵雲吞河，睇餐牌發現原來款式都幾多，搞到心大心細唔知揀咩🤣.🐮自家牛三鮮 $55牛三鮮有牛筋、牛腩同牛肚~牛筋好淋好有膠質。牛腩啖啖肉，肉質軟淋。牛肚好入味，韌度剛好，有咬口。另外加$15叫多個特級牛丸王，大粒又彈牙！😍麵底都有多款選擇，我揀左生麵，淋得黎又幾彈牙，唔錯！配料都可以自由選擇👍🏻至於湯底就比我平時出面食到既冇咁濃，但又唔係淡茂茂個種，如果覺得唔夠味佢都有幾款醬可以自己加👍🏻.🍜滷水四寶撈麵 $65 四寶有五花腩、豬腸、滷蛋同豆腐。五花腩好正，肥肥的🤤豆腐同蛋都滷得好入味😋.🥢招牌滷水拼盤 $75拼盤有豬手、豬腸、滷蛋、五花腩、豆腐。豬手好淋好入味💕.我覺得細店係尖沙咀做到呢個水準都算係咁，下次經過附近一個人想方便易揾位既，潮丸都係個唔錯既選擇！.

同朋友喺尖沙咀行完街，走咗入去呢間位於金馬倫道嘅《潮丸》食嘢。我同朋友都點咗個牛爽腩河粉，朋友揀跟熱奶茶，我就揀咗跟熱咖啡，都係各$63。先講講落餐嘅時候，冬菜、芫茜、芽菜及蔥呢幾樣，係可以自己揀多／少／唔要，呢點值得讚。牛爽腩河粉 - 牛爽腩份量都幾多，選用嘅部位都幾靚，夠腍身亦有牛味。河份好滑而且有米味，可惜我哋兩個都覺得河粉嘅份量少，食完唔夠飽，朋友直情要去麥X勞再食多個包🍔朋友話熱奶茶味道不過不失，而我杯熱咖啡就略帶酸味，所以唔係咁啱我嘅口味嘞！