潮丸 (已結業)

潮州粉麵都已經進化了這家店跟傳統的粉麵檔有很大差別裝修時尚摩登別具風格主打有牛三鮮河粉和各式丸類三鮮有牛腩牛肚牛筋另追加墨魚丸牛丸試試牛筋質感炆得軟腍入味牛丸彈牙的確有潮州原味另點了牛爽腩撈麵爽腩半肥瘦甘香口感一流質素甚高吃得非常過癮小吃點了炸雲吞和鹵水拼盤炸雲吞熱辣辣即叫即炸入口熱燙沒有不好吃的理由拼盤有豬手豆腐滷蛋豬腩肉豬腸滷得入味如果來一碗白飯就更好鹹檸雪碧用冰杯另外奉上呷一口涼意由心底滲出

今晚放工後，一條友吾知食咩好，因為女朋友去左旅行，唯有自己搵食。行下行下諗起周星馳既對話，瀨尿牛丸吖嘛，即刻想食牛丸😂😂跟住就見到一間餐廳，個名叫潮丸，心諗入面一定可以食到牛丸，就入左去坐底。😀😀店鋪設計都幾新㵜，同一般既粉麵鋪有明顯既分別。需然吾大間，但坐位設計得好好，空間感大增，坐得好舒適。而餐廳都有好多野食，一時間，選擇果難症咁😂😂我睇左一陣，見到有一個炸牛丸，好吸引👍🏻👍🏻 但又吾想食粉麵，所以我叫左個札肉紫菜肉碎湯飯再加一份清湯蘿白。點餐後，好快就上菜👍🏻👍🏻 首先上既係肉碎湯飯。碗湯飯好大，而且好足料。我食到好多紫菜同肉碎，個湯底都好好味，吾會太濃，我重食到啲湯有方魚既味道，正呀🤤🤤真係足料嫁👍🏻之後就上炸牛丸，一上菜，店員就同我講，呢個要襯熱食先好味。我二話不說，馬上放加啲醬，咬左一淡🤤🤤果然好好味，牛丸外層炸到好脆，但入面又好淋，吾會乾晒，食到好香既牛肉味，再配埋個酸甜汁，非常好味，停吾到口。👍🏻👍🏻清湯蘿白都吾錯，食左啲熱氣野，食返啲蘿白，即時無咁燥😂😂我重叫左杯飲品，係咸檸檬雪碧特飲，講左一日野，飲返杯咸檸特飲，喉嚨舒服晒，而且佢地重係用玻璃樽裝汔水，好夠氣👍🏻👍🏻

在尖沙咀有很多餐廳，隨意選一間也有不同的新發現，與朋友經過看到這間餐廳，看到食物的相片也很吸引，就決定選擇這餐廳。簡約裝修，坐得也很舒適。生炸雲吞王外層的雲吞皮炸脆，內裏包了原粒新鮮蝦肉，肉質厚實鮮嫩，再配合甜酸醬一齊吃味道也很不錯。咖哩牛爽腩飯牛爽腩炆煮得很易入口又鬆軟，牛肉及咖哩汁味香濃，飯的份量適中剛剛好。咸檸檬雪碧特飲內裏有咸檸檬，再加雪碧，是香港一大特色的飲品，跟餐加配飲品的價錢也合適。

食潮洲粉麵俾人感覺一向都係圓枱圍圍坐，有點迫。而呢度坐得算係好舒服，店舖內嘅木枱凳簡約不過帶點時尚，潮食得黎價錢都算合理。自家牛三鮮河粉有牛腩，牛筋，牛肚，我仲加左墨魚丸。單睇相，已經感覺到份量絕對唔少。濃郁牛湯，顯得全部都燜得好入味。牛腩爽口有嚼勁，牛筋唔太腍唔太硬有咬勁，而且有少少漿口嘅感覺，牛肚軟腍啱啱好夠入味。追加嘅墨魚丸大大粒，彈牙，係牛三鮮嘅不俗配搭。而融入腩汁嘅河粉相信好難抗拒，亦都唔會煮到爛左，加上芽菜、芫荽同蔥花，好豐富。牛爽腩米線　牛爽腩肥瘦兼备，脂肪同筋膜相隔。一開始好怕食落唔够嫩會老，因為驚煮得好耐，但正正因為有些脂肪，所以爽腩變得比較鬆軟，不太硬，香嫩而且入味有嚼頭。加左魚皮餃，冇雪藏味，爽口。湯底清而豐富，配上米線，又係不能錯過。招牌滷水拼盤 拼盤有豬手，豬大腸，腩肉，蛋同豆腐，非常豐富。豬手腍得黎好有咬口，唔會過硬，充滿膠質。豬大腸唔算好肥，入晒味。腩肉肥瘦適中，咬落好易入口。蛋同豆腐滷得很入味，一流。而且可以配上醋，另一種口味配搭。清湯蘿蔔蘿蔔本身好清甜，湯底飲落自然係好清，而且食落係完全冇渣，煮落嘅時間啱啱好，健康之選。飲品另外加錢叫左咸檸梳打同凍奶茶

最近很喜歡找一些小店光顧，因為往往會帶給你驚喜🤣。•1️⃣ 滷水四寶撈麵 $65有豆乾x2、五花肉🐷、豬大腸和鹵蛋🥚。麵的份量超多😱，兩個人share 也吃不完。豆乾很滑，豬大腸很淋，試了一塊便點了小食豬大腸🤭。-2️⃣ 炸雲吞皇 $50 一碟炸雲吞要$50？到底有什麼特別呢？不得不讚它的雲吞皮炸得很鬆脆。雲吞皮中間包了蝦肉🦐和豬肉，非常足料。-3️⃣ 炸墨魚丸🦑$28 $28/3 粒真的有點貴，但整體味道不錯👍。-4️⃣ 生炸雞翼 $38/4隻 — 雞肉很嫩滑，熱辣辣，很美味😋。-5️⃣ 豬大腸🐷 $38 豬大腸的軟硬度適中，鹵得非常入味，欲罷不能🤩。

招牌主打湯麵:$55自家牛三鮮米線+蔥花芽菜+追加$15特級墨丸王﹑$12金錢肚﹑$15鹵水豬大腸。牛三鮮即係牛腩﹑牛筋﹑牛肚。牛腩炆得夠軟稔﹑牛肚爽口入味﹑牛筋我的最愛,極重膠質同膠原感,喜愛牛筋一定要試$65招牌牛爽腩飯。可能好多人都唔知道爽腩同平時食既牛腩有咩分別, 爽腩係半筋半肉,相比普通牛腩更多牛味而且亦相對爽脆。呢到既牛爽腩合晒格有突,成六大塊咁多$28 炸魚旦,不過不失。$28清湯蘿蔔,蘿蔔無筋,本物帶清甜,湯底真係好清好清。$28 是日油菜-菜心。整體無論蘿蔔定菜心都夠新鮮唔老,簡簡單單既煮法已經好食。飲品:涷駌鴦﹑咸檸7個人欣賞: 好多時係出面食麵好多人都想走蔥呀走青呀之餘此類,有D人岩岩相反係配菜既愛好者。我覺我呢間店處理得好好係,第一落單環保,第二係可以自由選擇,要先剔,重可以剔多過一樣,例如芫茜、蔥花﹑芽菜等由於地理位置,有好多唔同國籍人士食客,店員英文流利,服務亦主動。整體店內乾淨企理,座位寬闊,都有開餐既好地方。潮丸地址 :尖沙咀金馬倫道21C號地舖電話號碼:25119238營業時間:星期一至日11:00 - 23:00

位於金馬倫道嘅呢間小店，裡面嘅裝修簡約整齊，比起傳統粉面店坐得更舒服，感覺更高級。幸好還未到晚飯時間，唔會坐得太過擠拥。餐廳叫潮丸，主打係丸類，但睇返餐牌，仲有好多招牌菜，例如牛三鮮，魚三鮮，滷水拼盤，好多唔同款嘅小食。每一枱都有3款辣椒醬，有紅椒，黃椒同傳統辣椒油，試晒3隻後，我比較喜歡黃椒辣中帶甜。牛三鮮有牛腩，牛肚，牛根，但就無牛丸，所以唯有自己加$15特級牛丸王。特級牛丸王質感結實，好彈牙爽口，果然係特級！牛腩炆得好冧好入味，牛肚厚身，咬落去啖啖肉，唔會好靱，牛根又冧又有膠質，果然好鮮。魚三鮮有魚旦，魚片頭，同魚皮餃。魚旦好彈，好鮮甜，魚片頭同魚皮餃亦一樣好味，比平時任食火鍋嘅更新鮮，更甜。滷水拼盤有好多款，有滷蛋，五花肉，豬手，豬大腸，豆腐。豬手大大件，好入味，豬手皮好彈牙，裡面嘅肉炆得好冧。呢個拼盤份量超多，非常抵食。

來到尖沙咀交收，交收完選擇在尖沙咀吃完飯才回家， 選擇一間粉麵店。潮丸，記憶中朋友說他的牛很好吃，所以決定入去一試。選擇了他的牛三鮮河粉$55，包括有牛腩，牛肚及牛筋，配料可自行揀選蔥花、冬菜、芫茜、芽菜，配製出自己的口味。另外由於聽說他的牛丸也很好味，所以加了特級牛丸王$15。粉麵來到時外表非常吸引，很大碗，材料亦很靚的樣子，餸料亦豐富，但相對地要加15蚊卻只有兩粒牛丸，就覺得比較貴。牛腩味道非常濃郁，很香的牛味，而且炆得很淋不會很韌及黐牙。 牛筋很淋及牛肚非常入味。 湯底亦做得非常出色，由豬骨及雞骨煲出的湯底再加上牛腩汁，幾樣混合出來亦非常清新。除了這個牛外，我亦要了一個蘿蔔$28。清湯蘿蔔非常甜美，而且蘿蔔不會有渣，淋得來不易碎，清甜得來不會淡。最後我跟叫了一個炸雲吞王，炸雲吞六粒需要五十元，價錢不算很貴。值得稱讚的是他的火候做得剛好，表皮非常之脆但不會燶。內裏的餡料亦熟，而且有足夠的鮮蝦，配上他的甜酸醬味道一流。加$3就有一杯熱柚子蜜, 還送檸檬, 抵飲!

每次出到尖沙咀，一講起食就覺得好煩又要快食，又想坐得好，又想唔好太貴除左一般快餐店之外，或者呢間都可以考慮下！首先價錢相宜！雖然比起一般潮洲粉麵係貴d，但以尖沙咀呢個地段，環境又正常舒服乾淨！$55一個粉麵連冷熱飲，都算係咁另外果晚嗌左個豬手麵！本來酷愛深水埗一間食豬手麵嘅舖頭！今次黎到呢間又試下，水準有得揮！豬手都係好軟稔稔，好夠味！重點係無毛毛價錢都係相約添！咁諗諗下都OK丫！其實望見隔離枱叫炸魚皮，又脆好大聲我都勁想食😭不過果日不宜吃太飽，唯有下次啦！整體來說，真的不錯! 可以再食!!

今晚同好友趕住睇戲, 睇戲前黎個速食~~黎到潮丸，叫左D 粉麵，SHARE 食D送食.先一人一杯野飲, 有熱檸水、咸檸梳打水.另外叫左個魚三鮮米線, 牛爽腩墨丸王米粉~魚三鮮入面有魚皮餃、魚蛋、魚片頭，全部都好爽口彈牙；而牛爽腩真心正，牛腩肉煮得好諗，牛唔算多脂肪，食落啖啖肉，另外我加左墨魚丸，超彈牙～我地仲加左油菜同綾魚球，菜心健康，綾魚球即叫即炸～OVERALL 價錢抵食，好飽肚，下次速食會再黎!

上一次😋😋😋說到有間餐廳🍴，很有汕頭牛丸的風味，今次非常幸運，因為我找到了一間比它更好的👌🏻，推薦給大家它就是位於尖沙咀的～～潮丸，～～他不但很好吃，而且坐得很舒服，能比我發現，遇上它🥰真的太好了😋😋😋😋😊店內裝修很有時尚的風格🥰🥰🥰感覺舒適🥰🥰🥰我點了特級牛丸王、炸牛丸、炸墨魚丸、牛爽腩撈麵、同一碟招牌滷水拼盤，飲品點了鹹檸七。先來到的便是我最想吃的特級牛丸王、牛丸肉汁鮮美、彈牙、肉質四溢真的很好吃😋炸牛丸都很好吃，不過我還是喜歡吃水煮的牛丸。炸墨魚丸丸肉有口感，味道也不錯👍🏻👍🏻👍🏻牛爽腩撈麵，牛腩非常入味，分量大小適中剛剛好。招牌滷水拼盤，滷水汁他有點甜鹹的味道，非常開胃。回頭指數96％必吃推介牛丸麵、炸牛丸🥢🥢🥢

放工約左fiancé黎尖沙咀行街，要醫左肚先有力氣血拼😂上次食完立鮨見到隔離有間食牛腩粉麵裝修睇落好新潮咁～叫潮丸（令我諗諗起防潮丸sor😂🤭fiancé叫佢潮波😂😂），又有我鍾意既炸雲吞😍😍就揀左呢間試下。一入黎聞到勁香既辣椒油味😆好刺激我食慾！貪心既我又想食炸雲吞又想食炸鯪魚球，但又怕食唔到咁多，fiancé 提議淨係叫一碗麵，再加幾樣小食，好醒呀佢！😘可以一次滿足我幾個願望🤪呢度落order夠環保，唔洗晒紙落完就掉，佢係用marker畫係張過左膠既menu度，不過d markers 無乜墨😅😅叫左一碗墨魚丸麵$55，可以揀要唔要蔥、芫茜、冬菜同芽菜。第一次食呢啲粉麵有芽菜配，啱晒鍾意食芽菜既我🤣墨丸有五粒，食落都彈牙，有墨魚粒。加辣椒油個時發現除左有辣椒油，重有辣椒醬同啲黃色既醬，好奇問左waitress黃色係咩醬，佢話係海南島特產黃椒辣醬，係鹹辣味，我試左一滴好辣🔥🔥🔥都係落辣椒油好食🤣另外叫左牛雜燴$95、炸鯪魚球$28、炸雲吞$50、滷水豆腐$28同油菜$28。牛雜燴其實同三鮮牛麵既野一樣，不過就多啲，麵變左蘿白，但就唔太抵食，下次食我會揀返配麵。不過佢三樣教炆得好淋好入味

同朋友在尖沙咀行街，肚餓揾野食。見到潮丸好吸引。諗住食碗粉醫肚。有三種辣辣醬，魚露同醋可以選擇。招牌牛爽腩河粉，牛肉好爽口，帶少少肥，入口即化，滷水入味，正！大腸炆得好入味，但唔會好咸，煮得好冧，咬落去好厚肉，彈牙煙靭。明知好邪惡，但好食到停唔到口。炸雲呑，做法巧究，炸得外表金黃，賣相吸引，入口即化，里面系鮮蝦肉餡，飽滿結實，非常好味。鮮炸魚皮！又系非常的邪惡，口感酥脆，冇腥味。除左乾食，我仲鐘意點一下湯，就食到魚皮的煙韌感。酥脆中又有質感，好正！

想食潮州滷味又想食粉，第一時間諗到來尖沙咀的潮丸。價格便宜卻有很多選擇，我都系揀左最愛的魚三鮮河粉，仲要加一份牛丸王。每枱都有辣椒醬提供，加少少更夠滋味！熱飲加3蚊，熱飲加5蚊，我要了熱檸水。最欣賞佢地既牛丸夠彈牙！口感超級的好！咁彈牙一定系牛肉摔打了無數次先有的。炒生菜非常清甜！滷水餅盤成功與否成于滷汁，呢個滷汁咸味適中，十分上色，豆腐乾，豬腳，大腸，滷蛋都超級入味！尤其喜歡滷豬腳！燜燒夠爛，非常香！無論系皮還是肉，都超惹味，豐富的膠原蛋白，整個嘴唇都感覺得到！滷蛋有兩隻，超满足！

午餐時間同同事去了尖沙咀這間潮丸食飯，剛好撞上下午茶時間，跟餐加$3就有杯熱飲。招牌牛爽腩河可以選擇要那些配菜，如芫茜、葱等，河粉爽滑且幼身，就算食到最後都不會發脹同浸到腍，爽腩炆煮至入口鬆化，但有啖啖肉香，還帶點牛脂香味。咖哩牛爽腩飯咖哩裏面有很香的洋葱味，辣味就較輕微，咖哩香味都算突出，除了有爽腩外還有煮至很腍的薯仔，咖哩汁夠送兩碗飯。雲吞淨食雲吞不算大粒，但每粒都包到脹卜卜，裏面蝦肉彈牙，豬肉跟蝦肉各佔一半。炸魚皮超級香脆又不會炸到太硬太乾。清湯蘿蔔蘿蔔清甜煮到很腍，但湯底就比較淡。