潮丸 (已結業)

睇戲前想食晚飯，就去咗附近一間粉麵店。出於好奇我叫咗杯話梅柚子雪碧，見到係支裝雪碧上我已經好興奮，不過飲落柚子味就比較搶，蓋過咗話梅味。朋友叫咗牛三鮮米線，有牛腩牛筋牛肚，睇落都好足料！至於我就叫咗魚三鮮，有魚蛋魚片頭同魚皮餃，本身心大心細唔知配咩麵好，侍應就話呢度河粉出名好食，咁我就信佢叫河粉！魚蛋同魚片頭都好彈牙，魚皮餃亦大大粒，3樣我都咁鍾意！河粉係越南河粉，幼D彈牙D！果然無介紹錯！小食方面，由於我實在太肚餓，唔覺意叫多咗少少...先有炸雲吞、炸雞翼、炸墨魚丸同滷水豆腐！先講炸雲呑，大大粒夠晒足料，咬落啖啖肉，伴甜酸醬食一流！雞翼炸得夠乾身，雞皮夠晒脆！炸墨魚丸夠彈牙，豆腐亦滷得入味！呢餐真係食得夠晒飽肚滿足！

尖沙咀做完運動之後，就是醫肚的好時辰。說實的……選擇潮丸跟它的英文譯名有莫大關係：Chiu Ball，很香港地道的翻譯手法，二話不說就踏進餐廳內！走進餐廳，店員一般都能操得一口流利的普通話，然後再用廣東話友善地向我們介紹店內的食品。點餐的形式就已經引進了環保的概念，不浪費紙張；但原來，重點是潮丸一點也沒有浪費食材！首先要吃的當然是招牌菜：自家牛三鮮和潮州魚三鮮，兩者都各具特色；前者抆得恰到好處，後者則鮮魚味十足！然後我們加了各種小食：有香脆的炸雲吞，可口的炸雞翼，還有我十分喜愛的炸墨魚丸和炸豆腐，全部都一見到就想把它塞進口。另外，老闆推介的話梅柚子雪碧特飲也十分清新，恰好中和炸器的油膩！我就點了一支懷舊小汽水，同樣解渴！

今日出開尖沙咀，係金馬倫道見到呢間潮丸，於是同男朋友就入去試吓。粉麵係香港地道獨有嘅速食平、靚、正醫肚之選😈🤙🏻牛魔王男朋友二話不說就點左牛三鮮麵即係牛肚、牛腩同牛筋。牛腩味道度適中，牛肚爽中帶咬口，牛筋炆到夠哂軟淋，入口即刻感受到佢豐富嘅骨膠原。而我就點左魚三鮮有魚蛋、魚片頭、魚皮餃。因為今日唔想食麵所以就再加左墨魚丸、潮州魚蛋、豬肉丸。魚蛋似係自家製，大小不一，爽口帶有淡淡魚香，唔會好味精，好食所以略嫌唔夠喉😄 魚皮餃皮薄，餡料份量剛好，味道不俗。大餸王表示滿足！清湯蘿蔔第一口吃落去就有驚喜，清甜得來冇喳，而且大大碟十分抵食。生炸雞翼一口一隻，沒有花巧嘅調味，皮脆肉嫩。配埋酸甜醬食，鍾意食脆口嘢嘅人必點🤭食麵又點可以唔配碟油菜丫😏岀街食得多，多肉少菜，所以呢到就可以做健康仔👫男朋友點左杯嘢飲話梅柚子梳打。話梅微酸，配合柚子蜜嘅甜味，呢個配搭出奇地夾，男朋友就話幾清新，下次要再叫喎！尖沙咀又1搵食好去處，第日做完瑜珈🧘‍♀️想輕食就可以黎chill ball喇🤓

本人超鍾意食牛，嚟到呢間潮丸，有咁多款牛既唔同部位食就啱晒我啦。嚟之前一早check過呢度嘅牛三鮮係好出名嘅，所以嚟到諗都唔使諗就叫咗牛三鮮河粉($55)，仲有牛爽腩撈麵($70)。牛三鮮嘅意思即係牛筋、牛腩同牛肚。嚟到果然冇令我失望，牛筋唔會好韌，又唔會淋曬。牛腩夠咬口，好有牛味。牛肚食落索索聲，簡直完美！牛爽腩，係普通牛腩再爽啲既部分，口感介乎牛肚同牛腩之間，好特別啊，一試就愛上！小食叫咗炸魚蛋($28)、炸雞翼($38)、蘿蔔($28)、時菜($28)同炸雲吞($50)。炸魚旦好香，熱辣辣嘅時候放入口，好似咬緊氣球咁，好正。好鍾意呢度嘅炸雲吞，好足料，咬開就見到成隻都係蝦！唔係用豬肉填滿就算嫁。另外叫碗麵仲可以加$3就有杯熱飲，朋友叫咗熱柚子蜜。晚市唔算多人，而且價錢真係非常經濟實惠，有時想食多幾款小食，又唔想荷包出血，呢度啱晒呀。

上年來過感覺不錯，所以今晚再來光顧，店舖星期六晚都無乜人，諗住靜靜地坐，但服務態度太差，首先點完野食之後，飛張單來我地張枱度。之後來野飲，但我本來想點熱飲，但來了凍飲，我就同個呀姐講我要凍飲的，之後另一個肥呀姐好寸咁，拎番我點的單大力拍來張枱，好大聲講「Miss 你自己劃左熱飲架」全場都聽到。係我劃錯了，但使唔使咁惡？就算客人點錯了野，係咪就要咁大聲串先？估唔到來食野要受氣的。唔怪得愈來愈小人來呢度食，反正食物質素都退步了，以後不會再來

尖沙咀餐廳眾多 但每次都會有條癮去食潮丸今日去尖沙咀剪頭髮 就梗係乘機去食啦🤪同以往一樣 都係叫咗佢個招牌牛三鮮河粉其實之前試過叫豬手飯但覺得普普通通所以自此之後每次都叫牛三鮮其實牛三鮮即係牛腩 牛筋 同牛肚個人最鍾意食牛筋但佢嘅牛腩都好唔錯🤪價錯都係五六十蚊都ok嘅麻麻甩甩食碗麵都真係幾嘆😂

尖沙咀除左厚福街之外，呢條街都好多好野食-香港感覺既餐廳呀！都幾多人黎食餐廳裝修睇得出都用心，坐得幾舒服-係牛腩同滷水呀！無理由唔點！-自家牛三鮮飯，有牛肚、牛爽腩同牛根 $60超值既一個飯，仲有幾舊好入味鮮甜既蘿白😍牛三鮮當中既牛根最為出色，唔會過分腍，食落口感少少韌，膠膠地既咬口令我諗起骨膠原既感覺😛牛腩好香口👍🏻👍🏻呢個飯係愛牛之人必點既！-滷水拼盤有豬手、腩肉、豬腸、豆腐 $75滷水好入味!腩肉唔太油膩豬手好腍好好食😺😺-唔係度度都有炸雲吞，所以見到就緊係試一試炸得好香脆，入面既蝦都好有肉地-仲叫左個炸牛丸，一定要趁熱食咬落去小心有汁爆出黎😂😂有種好手打既感覺，食得出唔係機做😛-呢餐真係食到好飽好滿足食物有種地道得黎又創新既感覺😆😆會再來！

第一次跟朋友來這餐廳，點了雲吞麵幼麵及牛三鮮粗麵，牛很爽很諗身，湯味濃，吃完後沒有口乾，粗麵軟硬度剛好，雲吞都很爽彈牙，兩款麵都合格，尖沙咀地段，用呢個價錢真係抵食晚餐之選。

做野又係晏左晚餐，突然想食粉麵簡簡單單，經開尖沙咀竟然諗起潮丸，好吧！老公都想食牛三鮮，我就掛住鮮炸雲吞囉。唔講咁多入去揾位先。Menu比大家參考懷舊細支樽裝可樂。牛三鮮撈麵牛根，牛腩同牛肚三款滷得入味非常，麵質爽彈牙但無乜味要加腩汁或蠔油吊味，還有生菜伴碟健康之選！大大碟油菜，菜芯夠正氣夠淋無渣架！ 最緊少食牛皮膚敏感轉下口味食下豬三鮮，有豬肉丸，滷五花腩片同扎肉配米粉，都一樣好好味喎！ 炸雲吞必叫 order熱辣辣有夠Juicy, 一點也油膩 虾肉飽滿，極脆雲吞皮醮點甜酸醬，香港美食代表。每人人均$100多些 晚餐尖沙咀也算合理！

係尖沙咀食唔少西餐廳，今次想食翻啲中式啲既，就揀左呢間食牛雜面既餐廳。由尖沙咀地鐵站B2出口直行，行7-8分鐘就到，裝修、燈光同環境都同普通牛腩面檔好唔同，乾淨整齊而且好新淨，座位寬敞，有高雅兼懷舊feel。揀左招牌主打湯面：自家牛三鮮（牛腩、牛筋、牛肚）生面，有河粉、米粉、粗面、米線同淨食揀，仲有得揀配料，冬菜、蔥花、芜茜同芽菜，鐘意食咩配料就點咩，而且枱面有三種醬汁、豉油麻油，夠哂方便客人配合自己口味。三鮮完全令我有驚喜，夠入味夠腍，冇咬唔爛既情况岀現，面同肉既份量亦足夠一個人食個下午茶，係足料既，生面煮得岩岩好，唔腍唔黏，亦冇鹼水份。油菜、生炸雞翼、生炸雲吞王、滷水豬大腸油菜份量足，唔老唔多渣，附上蠔油，但整體蒜味較重。生炸雞翼好香口，加泰式甜酸醬係個好好既配合。炸雲吞不得不讚，真係落足料，但又唔會太大難放入口，脆卜卜，但就嫌皮太厚，炸岀黎硬左啲。豬大腸係友人嗌既，係足味既豬大腸味，鐘意食豬大腸既朋友可以一試。飲品通常唔係茶記既涷奶茶都唔好飲，呢間既涷奶茶就係茶記既話，十分有驚喜。服務餐廳既待應係兩位後生女，同客人解釋餐單都ok有耐性有禮貌，上菜速度理想。係尖沙咀想食個午餐下午餐

難得有個空閒既Blue Monday🤣趁下午要幫朋友拎野前中午仲有空檔🙇🏻‍♂️黎尖沙咀行陣街食個Break Lunch亦最好不過☺️還掂近近地一於黎Tea陣食碗麵醫下肚啦🤪🍜位於尖沙咀金馬倫道既潮丸🍜鬧市中既小麵店喺尖沙咀站B2出口行過黎亦夠方便😆呢度簡約設計既環境裝修🙈區內算係性價比高既麵餐小食☺️🍜亦吸引到唔少放假人士及上班一族黎進膳😆🍴牛爽腩撈米線牛腩夠哂爽口之餘煮得夠腍嫩😋🐮脂肪比例均勻食落亦油香滿溢🤤煮得夠彈牙既米線🍜😆配合充斥牛香既腩汁拌食更是一絕🐮🤤炸鯪魚球即叫即炸夠哂熱辣新鮮之餘🤤🐟大大粒夠彈牙充滿口感🤤附上蜆蚧醬帶出更多鮮味☺️凍咖啡奶味較重既凍咖啡☕️走左甜亦帶出郁咖啡香☺️為醒腦醒神既假期做充電準備🔋🤪

食野就最緊要食得安心，呢間潮丸我同fiancé上次食完都念念不忘。所以決定要再返黎encore一次，不過估唔到撞「安心日」，搞到成餐飯都係到睇一個人點樣壞左同無靈魂。講返餐飯，上次食完之後，一直都周圍食都食唔返好似呢到d牛筋咁好味。今日路經附近就決定要再食一次。炸牛丸 $28 三粒呢個係估你唔到咁好味，好重牛味又唔痴牙，超級推介炸墨魚丸 $28 三粒相對牛丸黎講無咁突出，如果二揀一就一定試牛丸喇牛爽腩米線加配牛筋 $60（+$15）牛爽腩比普通牛腩肥同爽好多，不過食多幾舊開始有d膩，所以最好fiancé share， 一人一半就啱啱好牛三鮮撈麵 $65上次試左牛雜燴覺得唔太化算，所以今次決定配麵。果然感覺上抵食好多，味道亦keep到水準油菜 $28食咁多肉，點都要食d菜平衡下，淥得好淋，真係無牙婆都食到招牌滷水拼盤 $75講下有d咩先，兩隻蛋，兩件豬手，兩件豆腐，數件大腸，數件豬腩肉。其實都好豐富下，如果想每樣試下，呢個係好選擇。

尖沙咀一間新餐廳，裝潢像整台式Café，點菜用剔紙仔，卻是主打潮式粉麵，個人覺得牛最出色！湯底不加味精，有豬骨、鮮雞味，一碗牛三鮮，見盡其真功夫。店內嘅磚牆木枱凳簡約得黎十分時尚感，同樣出色仲有佢地嘅粉麵，價錢合理又公道，黎食之前已經聽講佢地牛三鮮唔錯喎。。分別試咗兩款粉麵同小食👍🏻<自家牛三鮮>，有齊牛腩、牛肚、牛筋，都炆得夠晒淋同夠入味，配上鮮甜美味醬汁已經令成碗飯好好味，仲可以加埋芫荽蔥，還有自家製醬料等等一齊食，一級水準至於小食叫左炸墨丸即叫即炸，外皮酥脆包住彈牙鮮墨丸夠哂彈夠鮮味🦐🦐點埋甜酸醬一齊食真係唔錯！

尖沙咀新餐廳，裝修有像台灣感覺，點菜時像日式拉麵店用剔紙仔，估唔到係主打潮式粉麵，湯底似係無味精，有豬骨及雞味店內磚牆木枱凳，簡約得黎帶點時尚味道，同樣出色仲有佢地嘅牛三鮮，價錢合理又公道，黎食之前已經聽講佢地牛肉出色，分別試咗兩款粉麵同小食👍🏻<自家牛三鮮>濃郁牛湯加上牛腩、牛肚、牛筋，都炆得夠晒淋同夠入味，配上鮮甜無味精湯底令成碗粉麵好好味，仲可以加埋芫荽蔥等等一齊食，大滿足至於小食叫左炸墨丸，超彈牙夠哂脆，好出色雲吞王淨食有好多粒，薄薄的外皮包住彈牙鮮蝦肉，充滿鮮味🦐🦐，加埋芫荽蔥、芽菜一齊食真係唔錯！

今日就自己一個人食碗麵, 去咗尖沙咀, 行完街, 買完嘢之後, 就去咗間潮州粉麵店, 裏面嘅款式非常之多, 我叫咗潮州魚三鮮, 有魚蛋, 魚片頭同, 魚皮餃三樣嘢一如其名, 配料都係非常之新鮮, 尤其是魚蛋, 非常之爽彈, 魚片頭脆皮, 佢嘅粗面, 重要係彈牙之餘, 非常掛湯, 有埋冬菜同蔥花, 提升味道之餘, 夠香口 另外要咗個炸牛丸, 炸 牛丸就非常之小食, 好香口, 又係一樣好q彈最後飲番杯鹹檸檬雪碧特飲, 清一清啲油膩嘢, 清新可口，sweet