潮丸 (已結業)

餐廳同個名一樣都幾潮嘅設計，行新派粉麵檔路線，有小小懷舊冰室嘅感覺，lighting應該精心研究過，等你望落啲食物好似發緊光咁；細心留意發現店員s都好後生。每枱放左三款唔同嘅辣椒醬，honey中意食辣，試哂三款醬，中間紅色個隻好夠辣，好奇問起店員，先知道係師傅自己調配嘅，而橙色偏咸，黃色略有酸味，係海南島嘅黃燈籠椒，honey覺得各有風味，推薦辣椒仔女去喎~雖然menu有更亮眼嘅選擇， 不過我哋決定叫啲普通野試下佢嘅基本功，所以揀咗牛三鮮同埋豬三鮮。首先登場牛三鮮，湯底睇落濃郁，飲落幾有住家feel，聽聞湯底係招牌貨，熬左好耐同埋無味精，飲下飲下就冇咗一半，哈哈。啲河粉唔碎，係我比較鐘意既幼條河粉呀~ 牛肚好淋，夠濃味，牛腩爽口，有咬口，瘦肉多，聲稱減肥嘅我就啱啦，牛筋屬於彈口質感，我中意淋啲，不過honey中意呢種口感，哈哈。至於豬三鮮呢，扎肉好ok wo! 肥瘦均勻，有豬肉既酥香，我覺得幾真材實料，比起某啲越南餐廳更好食，腩肉嘅肥膏部分入口即溶似綿花，冇油益味，唔會覺得好膩，腩部分又唔會似豬肉乾咁硬，似乎揀左靚豬肉，入貨時應該細心挑選過，豬三鮮大推！另外加配左兩款小食，清湯蘿蔔冇渣

搭叮叮嚟到筲箕灣，一定會先嚟東大街搵食先！行完成條街決定試試「潮丸」事關我比門口嘅menu 大大吸引住！好想試佢嘅牛啊！每張枱已經擺放好佢地自家製嘅紅辣醬、黃辣醬、辣椒油！唔覺意點太多黃辣醬啦！佢係最辣個隻！好惹味！三鮮咖哩飯（牛腩、牛筋、牛肚），餐廳炆到好淋好入味！本來最怕咬唔斷嘅牛肉，但呢到唔會，太好啦！而呢個咖哩唔似係港式，佢偏黃，而且甜甜地！之後唔想食飯仲可以點三鮮嘅撈粗面！亦會送多碗清湯！小食叫了四隻嘅蒜香雞翼～ 炸到脆口，蒜味又夠香！大滿足！

放學同朋友係筲箕灣搵嘢食 係出面見呢間鋪頭裝修得好靚 啲燈光好夠同埋地方好乾淨企理 感覺完全唔同一般既麵鋪 裝修好有歐式風格 好寬敞坐落去好舒服！食物都物超所值 賣相精緻之餘 味道都好高水準 我嗌咗個自家製雲吞粗麵 雲吞咬落煙煙韌韌 入面既料好足啲蝦好新鮮好大舊 一碗麵有5舊咁大既雲吞真係好抵食 麵既份量都好多 就連個湯都好鮮味 仲有朋友嗌嘅特級墨魚丸都好出色 好彈牙 本身以為同平時食開普通既茶餐廳果啲墨魚丸味道都差唔多 但食完呢度既真係好大分別！味道好鮮食完完全唔會覺得漏！我地仲叫咗個蒜香炸雞翼同炸鯪魚球 兩個都炸得好香脆 雞翼蒜味濃郁 魚球都好鮮！就連杯熱柚子蜜都同一般既唔同！入面加左塊檸檬 味道好特別飲落去好清好開胃可口！係筲箕灣係真係好少見麵鋪係呢種咁高級既裝潢而且味道又咁高質！平時食開一般茶餐廳 真係值得去呢間試下！

筲箕灣東大街一向都都知道是食街多類型選擇，不過晚上又怕排得耐隊，所以同朋友決定中午行個圈食飯，見到呢間舖環境唔錯地方仲好乾淨就入去食下呢度既粉麵店。 自家秘製紅燈籠椒、黃燈籠及辣椒醬 味道有比較辣的、亦另有 自家牛三鮮米線（崩沙腩，牛筋，牛肚） 招牌崩沙腩河粉 招牌鹵水雜燴飯 潮鹵豬手皇米線 特級墨丸皇生面 特級牛丸皇米粉 小食 炸雲吞 炸鯪魚球 炸墨魚丸 炸魚旦 炸牛丸 炸香蒜雞翼 店裡地方非常乾淨燈光夠光猛，店員服務細心而且態度友善，所以食得開心服務都幾緊要。 我就喜歡食豬手麵，點都要叫返個，來到真的驚喜平時食的豬手真係冇禁大隻，一碗入面仲有3隻，差不多有隻手掌心大少少禁大。 配料有蔥花、芽菜、芫茜都係分開上，不過我本身都鐘意食所以多多都唔夠。 真心大隻同埋軟腍有咬口豬手既皮夠爽滑，幼麵也都好爽口 凍檸檬茶x 2 自家牛三鮮 牛腩、牛筋、牛肚 $60 崩沙腩肉質爽牛味香濃 牛筋口感淡嫩滑不膩腍得有咬口，仲含有豐富的膠原蛋白質 牛肚有豐富鮮味爽口有彈性，咬入去牛肚汁很入味 炸墨魚丸 $28 墨魚丸即點即炸爽口了彈牙，中間熱辣辣咬開中多汁唔會覺得乾，

東大街岀左名係食街，今日就去左東大街一間叫潮丸既粉麵舖食晚餐！雖然係粉麵舖，不過其實個格局由門口到店内裝潢都好現代😂座位都幾多，店內有播音樂，燈光都好充足👍🏻坐低左就揀野食，牛爽腩係店主推介就叫左個，另一位朋友因為唔食牛就叫左墨丸河。仲叫左個蒜香雞翼同清湯蘿蔔！本身仲想叫個炸蠔餅，點知店員話因為依家蠔唔靚所以暫停左供應，下次再試！首先黎到既係野飲，其實佢係送熱飲既，凍飲就加三蚊，我地叫特飲就加十二蚊！我就叫左話梅柚子蘇打，朋友就叫左蜂蜜熱情果梳打。減肥既女人飲梳打水真係啱晒！梳打水好特別，分開杯同梳打水上，話梅梳打有粒話梅係杯，自己倒水入去，而峰蜜熱情果，好重熱情果味，唔會好味好假😆哈哈睇住啲水倒入去之後好多氣好過癮😂麵好快就黎到啦！河係幼河粉，而且份量好多呀！絕對值個價！😆河粉就咁食有啲清，但加左冬菜吊下味，好正🤤枱面有魚露同醋，仲有三隻辣既調味料加，有好辣既辣椒醬同辣椒醬仲有辣椒油，啱晒我呢啲辣鬼😍牛腩非常入味，唔會得個鹹字！話明叫牛爽腩，個樣唔會好肥食落仲幾爽口; 墨魚丸好有味，食落唔會得麵粉，湯底都好清甜！有好多配菜，冬菜，青葱，芽菜，芫茜，落單個陣店員仲好細心問洗唔洗走🤤有個

同朋友喺筲箕灣嗰邊東大街搵嘢食，發現一間新開嘅中式粉面餐廳。餐牌嘅選擇有好多自家雲吞王河$55 蔥花芫荽雲吞有五粒，都算好豐富，裏面鹹香十足，有鮮蝦大大隻同埋啲豬肉碎！而且外皮夠晒滑又薄。河粉就當然夠晒滑啦，但係我最欣賞嘅就係佢可以自由配搭配菜，四款可以全部揀晒，我淨係揀蔥花芫荽，兩樣野佢哋都切得好細粒，所以成碗都好香好入味。自家牛三鮮河（牛腩，牛筋，牛肚） $55 芫荽芽菜三款牛各有特色，牛筋炆得好琳，牛腩同牛肚都夠晒林同埋香，口感唔錯。是日油菜$28由於生菜賣晒，所以就菜心，都幾鮮嫩架！香蒜炸雞翼（四件） $28炸雞翼$28有四隻，平均$7@1隻，每一隻都好大隻肥美非常香，啖啖肉呢！凍奶茶$19熱檸檬水$16飲品本身唔特別，不過勝在嘅器皿都幾靚，即刻提升咗第二個層次。

「無丸不歡」既我，知道筲箕灣有間專食爆汁牛丸既粉麵專門店「潮丸」，梗係要抽時間試一試！潮丸裝修風格都幾「摩登」，同一般粉麵店好大分別，原來食粉麵都可以好chill😂!藍綠色嘅外牆，配合懷舊花紋嘅地磚，新舊交替。內裏裝潢走工業風，空間感十足！即使係下午茶時間，座上客不絕，可能呢個就係品質既保證。細心睇一睇掛喺牆上既掛畫，最吸引我眼球既就係幅juicy「極上牛丸」！見到都流口水！原本諗住就咁叫個牛丸王河就算，點知又發現咗正嘢！凳凳！就係集齊牛丸、牛筋、牛肚、牛腩既牛！魔！王！另外，仲叫多個蘿蔔添！白蘿蔔上枱大大碗，味道清甜，咬落無渣，不錯！之後就係主角登場！牛魔王份量一d都唔惹小，未入口已經feel到濃郁牛肉香味！四樣餸都好吸引！每日手打鮮製既牛丸咬落好juicy多汁，牛腩肉質鬆化，牛筋煙韌，牛肚爽口彈牙！絕對配得起「牛魔王」呢個名！臨走前，仲見到原來有得就咁外賣牛丸，下次嚟一定要買番兩斤番屋企慢慢回味下先！

筲箕灣東大街出名多嘢食有食街之稱去到間間都想食同朋友搵食之際見到潮丸門口裝潢新穎特別光鮮見門口餐牌都非常吸引而我之前在尖沙咀都食過最終都係入左去一食叫左個招牌牛丸米牛肉好彈牙少食牛丸的我都覺得好食我唔食是怕牛丸通常都會有陣肉既蘇味但係潮丸既牛丸完全無呢個間題所以我好放心叫一整碗牛丸米無蘇味之餘仲有濃濃的牛味朋友就叫左碗魚魔王果然好魔呀所有有關魚既食材呢碗咩都齊哂好抵食下午茶價都係$68正價$78 都唔錯魚魔王既炸魚皮足足一大碗魚皮超薄勁脆放落湯到拖一拖就剛剛好唔似得打邊爐那些厚厚的魚皮要滾滾的水一人仲叫左個小食滷水豆腐好入味又唔會過濃同咸必食推介果然真係必食推介香蒜炸雞翼共有四隻每隻都好大隻炸得非常好一d 都唔覺油有三款辣醬黃色的辣到麻痹中間橙紅色的我幾鍾意小小蒜味加小小酸辣味另外就是最普通的平常食開的辣椒油

今日咁啱喺筲箕灣上堂上完堂緊去搵嘢食㗎啦見到有間潮式粉面裝修靚所以想入去歇一歇 食碗麵咁首先我就叫咗個牛爽腩河粉牛爽腩嘅口感好特別 佢真係爽㗎冇諗過會有一種咁嘅口感 真係好特別除此之外仲叫咗佢嘅招牌牛丸王非常之彈牙同爽口 而且仲好有牛味之後仲叫咗個小食炸雞翼呢個生炸雞翼真係炸得好脆 我同朋友都好鍾意食除此之外呢度仲有啲特別嘅飲品我叫咗熱香橙熱情果蜂蜜紅茶睇個名雖然好複雜但真係飲得晒入面咁多種味而另外叫嘅熱柚子蜜都好好飲

今日出城去到港島探舊同事兼好朋友, 成日聽人講東大街有好多好野食, 就叫朋友帶我去見識見識下傾下傾下原來都唔早，就去快食一個晚餐！黎到潮丸見到懷舊得黎又有啲新潮嘅裝修, 地方好大，坐位鬆動又舒服點左個潮滷豬手王河粉, 2大隻豬手炆得好腍, 好易咬開，補下骨膠原一流湯底不濃不淡岩岩好。招牌牛爽腩河粉, 牛爽腩有一少層油脂,肥瘦適中， 完全唔會韌牛丸炸得比我們平日bbq 還要脆健康一點來個郊外油菜每個主食都會送熱飲, 我們各加了$12轉特飲, 梳打水更是原枝送上左邊是蜂蜜熱情果梳打特飲而右邊是話梅柚子梳打特飲, 玻璃瓶裝的梳打水更夠氣快閃晚餐食魚蛋粉係好選擇

經過東大街，唔想食太貴，但又試下新野，於是走入呢間好似幾新淨既潮丸，幾清新既裝修有別於傳統既粉面店，個餐牌寫既字減走啲花巧字眼，其實咪又係潮洲粉面我同朋友點左個牛雜飯同鹵水雜錦飯（有豬手），已經係較便宜既飯類，都要六十幾蚊一碟，飯來到，食左啲餸，其實係無乜太特別，至於飯，仲要好硬，所以我覺得碟飯真係唔值咁既價錢，唯一既解釋，只好話係因為租金貴啦補充，呢度仲要係自己去收銀點餐總括而言，如果想食潮洲粉面，不如去返同一條街其他粉面店啦

返工前食個晏，見到樓下有間新鋪開左，就同屋企人落去試下啦！餐牌話佢個湯底不含味精，用豬骨同雞熬製而成，食落果然清甜喎！正！牛爽腩河牛爽腩炆到好稔，好入味，但又唔會好咸。有少少筋痴住，食落更滋味！正！又稔又入味！秘製豬三鮮米線有腩肉、扎肉同豬肉丸扎肉望落去似午餐肉，但食落係扎肉口感，醃左，咸咸地，肉爽五花腩，肥瘦分明，雖然有肥肉，但食落唔油膩，腩肉結實，爽爽地。豬肉丸好彈牙，食得出係手打，正！唯一挑剔既係米線有啲硬，如稔啲會更好！招牌鹵水拼盤有豬腩肉、豬手、豬大腸同蘿蔔豬手好稔，一咬就離骨，大大舊！好多骨膠原！大腸清潔得好乾淨，完全無”壓”味，好稔又入味！油菜，但無物油！正！夠大碟！熱奶茶話梅柚子梳打甜甜的，有一陣陣既柚子味！好夠氣，又夠凍，好爽呀！係一間唔錯既午餐飯堂！

今晚爸爸收工帶左佢去筲箕灣食牛腩麵😄行過東大街呢邊有間潮丸，環境望落唔錯，係食粉麵嘅地方，但比人感覺好乾淨企理。枱上有調味料比客人自行調配。牛三寶真係幾出色！牛腩免費轉牛爽腩，肉質比牛腩更爽！而且仲無咁多肥膏，肥瘦比例均勻，入口鮮嫩，超正！牛筋軟滑帶韌性，係我最愛嘅口感！牛肚厚身又帶韌性，超好食，正過食酒樓嘅金錢肚好多倍😍份量都唔少，每款都有三大件，牛爽腩好似仲多啲！食到好滿足😝湯底無加味精，飲完唔會口渴！我嗰碗加左$10要紫菜，爸爸就加$15要牛丸！有兩粒，爸爸分左粒比我，呢度嘅牛丸不愧係招牌，咬落超juicy，無食粉嘅感覺，爽口彈牙！原來佢地係潮汕自設工場，唔係買外來野，難怪出面食唔到呢個味🤤仲要左一個滷水豆腐$28同菜心$28，滷水豆腐上面好多黑色一點點，賣相唔太討好，但味道唔錯的，外面炸過，內裡滑，原來黑色一點點係黑椒粉，個人認為如果無左胡椒味都唔會有影響！菜心淋甜，只要新鮮就好食。最後仲要左杯凍奶茶同凍檸蜜，一杯好大杯，用不鏽鋼杯夠曬冰震！見到爸爸食到好滿足就開心，嘴刁嘅佢都話呢度牛肉好食👍🏻

今日中午落大雨☔️唔行得遠😔唯有近近地係東大街搵下野食啦見到哩間食粉面既潮丸裝修得幾潮咁就入去試下食左個自家牛三鮮粗麵 有牛腩 牛筋同埋牛肚 一次過滿足3個願望😋湯底方面：腩汁有水準，加埋芫西蔥，有feel!粗面彈牙係我想要既質地😍而且份量都幾好足 牛腩牛筋非常鬆軟 滿意！仲叫左個生炸墨丸，勁香口，墨丸好彈牙有粒粒墨魚，真材實料😆點小小甜酸醬，直頭去左食潮州打冷咁呀🤣重點係老闆娘幾正❤👀（冇圖） 而且佢好用心有耐性為隔離枱公公婆婆落單😃

筲箕灣有無窮無盡的美食店，今次食下潮丸先。服務不錯，會跟客人介紹食品，不單有湯麵，還有飯食。招福bearbrick很潮！很懷舊的牌子，可以單買生牛丸、墨丸、豬肉丸、魚丸！附上紅/黃燈籠椒醬、辣椒油，嗜辣人仕配以三色辣醬辣油，一食就知唔係普普通通街邊辣醬，口感很實在。潮丸要食牛同丸，貪心d今次揀左自家牛三鮮(牛腩、牛筋、牛肚)($55)，用豬骨加雞煮成湯底，聽講話不加味精，既鮮甜又唔肥膩，配以一口size 既牛腩、牛筋、牛肚，入口鬆軟，完美KO我呢個牛魔王，我飲哂成碗湯都無口乾，讚！炸墨魚丸($28)粉漿很薄，墨魚味重，加泰式甜酸醬很開胃。香滑鴛鴦(+$3)，都幾有水準。招牌牛爽腩($60)配粗麵+冬菜+芫茜，牛爽腩很軟嫩，食得出十分有質量，部位唔靚唔食，粗麵好爽口，質地同牛爽腩很夾。炸鯪魚球($28)外脆內軟，價錢係有d貴$7蚊粒，但食落口又確係抵比佢，唔肥唔油，熱度剛好。柚子蜜(+$3)，多柚子肉，冇偷工減料。牛丸最出名，是新鮮製的，不少人開車來買牛丸返屋企打邊爐，下次要再黎試下！