潮丸 (已結業)

夜晚放工同同事去東大街搵食，好想想牛腩粉，就去試試新開的潮丸。好肚餓，我地一次過點左牛三鮮湯河、爽腩撈麵、炸牛丸同炸雲吞。牛三鮮有牛腩、牛筋同牛肚，每樣都好入味又軟林。個湯一睇就知係熬得好入味，好濃郁的樣子同味道，真的好好味。撈麵整得好有心，每條麵絲都均勻沾上汁，牛腩既份量又好足，好味！牛丸係呢間店既招牌菜，當然要試下。結果冇失望，炸牛丸同炸雲吞一樣咁出色，唔會有多餘油份，脆得黎好juicy, 就算唔點醬都咁好食。整體食物質素都好好，有心的製作👍🏻

上個禮拜一難得老細恩準我提早收工，就梗係即刻叫埋男朋友去位於筲箕灣新開嘅潮丸，食番個下午餐啦！之前經過就已經想試，但唔係趕時間，就係約咗人食其他嘢。既然今日得閒，就要試試佢啦！餐廳裝修以八十年代懷舊風為主題，風扇、地板、吊燈，全部都係富有舊香港特色嘅歷史家具，啱晒我呢個小文青。落單唔夠十分鍾，皇牌炸牛丸小食就嚟啦！大大粒，咬落去極度彈牙，仲會爆汁架，口感絕對一流！！身為雞翼控又點少得雞翼架！呢碟炸雞翼一啲都唔油，外脆內嫩，肉質鮮甜，唔會太咸，又唔會太老，大推！墨丸河個湯底一啲都唔簡單，混合咗豬骨同雞嘅清甜、濃郁，絕對真材實料，童叟無欺！大大份嘅咖哩牛腩飯，兩個人食啱啱好。話咁快就食飽飽，結果加埋百幾蚊都唔洗，抵食！整體嚟講，我同男朋友都好滿意呢間餐廳。潮丸絕對係良心企業，街坊朋友值得一試！

招牌牛爽腩，牛味充足，爽口，非常特別，唔係到到都有嘅牛腩麵。必食推薦！牛爽腩口感十足，舊舊肉同筋嘅配搭都好好！份量適中。麵底，今次簡咗幼麵，爽口彈牙，無鹼水味。正！麵底仲有好多配料，有芽菜，葱，芫茜，同冬菜。味道同口感配合得好好，而且味道都好豐富。仲有配料係用另外一個碗仔裝住，你鍾意落幾多就可以自己選擇。湯底濃郁，超有牛味！！另外出名嘅仲有主打嘅牛丸。手打牛丸，粒粒大細一致，而且勁彈牙，牛肉味濃，而且餐廳選用黃牛後腿肉去整呢粒牛丸。咬落去口感十足，肉汁爆多，勁多肉汁。今次叫左兩個小食，一樣係雞翼，非常入味，表面嘅炸蒜好香，調味用到玫瑰露酒，有好香嘅酒味，炸得好脆。雞翼冇用炸漿去炸。勁多肉汁，亦好香口。炸墨魚丸，非常香口，配上泰式酸辣醬，小吃之選！自家製辣椒油，有種香辣嘅味道，唔會太辣，加落麵到，風味提升不少！紅燈籠椒辣椒醬，比辣椒油辣少少，好少係其他店舖見到同食到呀！！同樣，辣就唔會好辣，但係就有種鹹辣嘅味道。最辣嘅黃燈籠椒辣椒醬，有種酸辣嘅味道！係三種之中最辣嘅，錄意食辣嘅人一定超鐘意！！

Happy Friday發現左呢間位於東大街嘅潮丸，好方便豈地鐵站行一分鐘就到嚕。小店店內環境好新，格局行懷舊風味，七點零鐘未係好多人，坐得好舒服。店員落單上菜都好快手Menu內各款麵食同小食都好抵食！我地兩個人一人揀左一碗麵同一款小食再加野飲自家雲吞王米線（$55）自家雲吞有五大粒，皮薄餡多好鮮味，個湯飲到有魚湯味，清清地一啲都唔油膩秘製豬三鮮米線（$55）豬三鮮包括左豬肉丸、腩肉同札肉。豬肉丸好彈牙，腩肉同札肉都好入味。腩肉其實唔只呢張相影出黎咁得兩塊架，有成三四塊大大塊，好足料呀小食就嗌左香蒜炸雞翼（$28）同炸魚皮（$28）潮丸啲炸物真心出色，個雞翼一上菜已經聞到好香，色水又炸到金黃色睇落都好靚，隻雞翼本身亦都好肥美。跟住個炸魚皮仲驚喜，未食過咁脆。平時出面果啲一黎薄、二黎一浸少少湯左已經淋晒，但呢度個魚皮脆到直頭浸左少少湯都仲keep到係脆！份量都好多，好滿足呀

筲箕灣呢條食街乜野菜式都有，今次就比潮丸個門口吸引左！門面好光猛，同其他車仔麵唔同，感覺行中高上路線！一打開個餐牌，原來都幾多選擇，我就叫左個牛三鮮飯（$60） 友人就叫左個滷水豬手河粉（$55） 另外叫左2個小食，炸鯪魚球（$28）同炸雞翼（$28）。 店員好好服務，會介紹下有咩菜式必食，又會好貼心問洗唔洗走蔥！食物好快就送到上黎，牛三鮮飯分別有牛坑腩，牛肚，牛筋同蘿白。對女仔黎講份量抹中算好大，因為白飯份量都幾多！牛坑腩都幾入味而且冇渣，牛肚牛筋都幾有水準，蘿白就最有驚喜因爲好甜😋隨飯有附送埋個滷水汁，不過d餸都好入味唔需要再另加！ 而豬手河方面，有3大件豬手份量十足！湯底都幾清唔會太油膩， 豬手啖啖肉唔會太多肥膏，不過可能會食得有d狼狽😂，要小心比d汁濺到衣物！ 最有驚喜一定係個炸鯪魚球，好正宗既潮州味，連個汁都好講究，唔係一般魚露！而魚肉方面好彈牙而且唔會腥，配合埋個汁可以帶出鮮味，我同友人都食到停唔到口😋😋😋。 另外發現佢d醬料入面有隻黃色辣椒，食得辣既朋友可以試下！一小啖已經好辣但又好惹味！我加左小小落隻雞翼到！ 味道出奇地好夾😆，本身雞翼都炸得唔錯，唔會好油又唔會炸

係舊舊地的東大街有裝修唔錯的「潮地」！東大街係筲箕灣市民的食街，林林總總餐廳咩都有。但由於歷史悠久，好多店都舊舊地，想搵一間裝修靚靚仔仔，坐得又舒服嘅唔易。所以今次去見到呢間裝修新潮的店，就入去試下。門面藍綠色，好搶眼，入到有懷舊風的裝飾。又有少少 cafe 的休閒風。我叫咗碗牛三鮮，有牛腩、牛肚同牛筋。湯底夠濃，好飲的，啲牛又好大件，抵食。加$8元有杯特飲，好似叫熱情果香橙茶？好fresh 好有果味，唔錯。台上面放有3種辣醬。連辣都有3種層次？睇黎店主是無辣不歡了。平時我都鐘意食牛腩河的，但通常食車仔麵、牛腩河的地方都舊舊地，店員都不是年輕人。但呢間，比我嘅感覺好young 好有潮氣，店員都是靚仔靚女的年輕人，播的都是潮歌，裝修又新潮。雖然是簡單一碗河粉，但比到好唔同、好energetic 的感覺。差不多價錢，都是$50幾蚊一碗麵。所以總結一下，是好「潮」的店！

今日放工之後，就同男朋友左去筲箕灣食飯。因為好耐都冇食過粉麵，所以就去咗潮丸食碗麵🤤。餐廳嘅裝修格局好靚😍，好有復古嘅感覺。而且店員都好有禮貌，一坐低唔夠五分鐘，就即刻幫我地落單👍。我叫咗碗潮州魚三鮮河粉，個湯底好濃郁😋，啲魚蛋好彈牙，好爽口，最緊要係啲魚蛋一啲魚腥味都冇😳，非常好味。而我朋友就叫咗碗招牌牛爽腩，我男朋友都話啲牛肉一啲都唔韌，不愧係招牌菜😎!我哋仲叫咗兩個小食，因為呢度嘅炸牛丸好出名，所以我哋一場嚟到，梗係要試下😝。佢哋嘅炸牛丸仲配左自家製既泰式辣醬，配起上嚟嘅味道真係好match😆。啲炸牛丸炸完都仲會有好多汁，炸得一啲都唔乾，仲keep到牛丸嗰陣鮮味。另外，呢度嘅炸雞翼我都非常推薦大家食，因為佢哋嘅炸雞翼真係炸得非常之有水準，而且仲好有蒜香味添🤭。潮丸既粉麵真係做得好出色，鍾意食粉麵嘅人一定要嚟試!

今日去左筲箕灣食高質茶記，餐廳嘅食物主打港式粉麵飯，魚蛋、牛丸、墨魚丸都有！店內嘅裝潢都比較潮，懷舊同新潮嘅元素都有。燈光光猛，座位都比較多，空間闊落。我哋坐梳化位，坐得好舒服。我就食左一碗牛丸米線再加兩個小食。佢呢度牛丸幾出名，囗感幾彈牙，咬落去仲有啲汁爆出黎，食到肥牛嗰種嘅油脂，滲透左成個口腔，真係值得一試！粉麵仲可以自由配搭芫荽、芽菜、葱、蒜，落單嘅時候講就得㗎喇～我就揀咗最鍾意嘅芫荽同埋芽菜！小食方面，我就叫左炸墨魚丸同埋蒜蓉炸雞翼。炸墨魚丸口感好得意，墨魚丸外皮變得好香脆，入邊又好彈牙。蒜蓉炸雞翼，蒜味好香，個皮仲好香口添。服務員態度有禮，高質嘅茶記享受，去開港島嘅話真係一定要試下。

未吃過咁差嘅食物。叫個魚三鮮米線俾阿女，佢唔吃魚皮餃，我同老公一人一個，點知兩個魚皮餃都唔熟，職員話佢地嘅魚皮餃比較粉紅，無語，未熟魚皮餃真係唔識欣賞。漏單，加個紫菜，等好耐都無上，所以取消。試一次就夠。

I went over to Shau Kei Wan to meet an old friend of mine and he decided to bring me to Chiu Ball for dinner. It was located at Shau Kei Wan Main Street East, near Shau Kei Wan MTR.They offered a wide range of dishes, noodle in soup or dried, rice, appetizers and drinks etc. They specialized in beef ball. Iced milk coffee - The drink was smooth and fragrant, with strong tea and coffee taste. Iced yuzu plum soda - It was refreshing and gassy, having sour taste too. Plum taste was strong as well. 

在東大街 入左一間魚蛋粉舖 好潮！ 環境好 店員都好後生 好有熱誠不斷做market analysis 改善餐廳對每台客人都服務十足 辣醬都有三種 自家炒的 辣油 有點焦香味 黃色 的超辣辣椒 好似係東南亞出產的 酸辣為主 橙色的係好似有點海南雞飯辣醬的味道3種辣醬都試過晒 落麵湯 都係傳統辣油好d其他2款就配小食！ 叫了 魚三鮮 河粉 湯底不咸 有淡淡的 魚乾味 不止一般的 大地魚味最愛係 手打魚蛋  咬開有魚精華出來 配了炸魚皮 厚和 夠味 又無 油憶味朋友叫左 牛三鮮 牛丸大家都覺得好 結實入面有好似牛油味的精華流出來！牛腩和牛根 好濃味 不像是只有柱侯醬咁簡單特飲兩杯 鹹檸檬 個 柚子話梅 梳打最好係可以揀 梳打水底 or 汽水底完全適合我這些 無糖人士一開始已經叫了 蜆芥炸鯪魚球但好耐先來 因為即炸嘛 ～ 鯪魚球好似 魚腐咁滑 加埋鹹香的 蜆芥 一流下次打邊爐 仲可以去 潮丸 買丸返 去加餸～

今晚想食清清地，行過呢間潮丸，餐牌有各式潮州粉麵、飯、小食等供選擇。望入去裝修格局光猛潔淨，有別於傳統粉麵店，一於試下！入內座位闊落，環境舒適，店員有禮地主動推薦招牌食品，好友善～檯上放有魚露、紅醋、黃燈龍椒、紅燈龍椒以及辣椒油，嗜辣嘅朋友可以一試。同行好友選了招牌牛爽腩河HK$60，牛爽腩炆得入味，肥美有嚼勁，牛脂香溢、牛味濃郁豐滿，肥瘦平衡！湯底清甜無味精，剛剛好，不會過鹹。我選了潮州魚三鮮米線HK$55魚三鮮即魚旦、魚片頭、魚皮餃。粉麵可以免費選配冬菜、蔥花、芫茜及芽菜，冬菜、蔥花、芫茜會以另一小碟分開上，很貼心。魚旦、魚片頭爽滑彈牙，食落有魚肉鮮味，用料十足。魚皮餃皮薄而煙韌，魚味香濃，米線煮得剛好，不會過腍，湯底同樣是清甜不膩、無味精。食方面選了炸鯪魚球HK$28外皮炸至微焦脆香，入口彈牙富嚼勁，即叫即炸，熱辣辣惹味又香口，再配上蜆介醬，鹹鮮俱備！另再點了炸香蒜雞翼HK$28新鮮炸起，外脆內嫩，蒜香味突出，香脆又惹味，正！粉麵奉送熱飲，凍飲另加HK$3。各點了一杯凍、熱奶茶，口感香濃順滑，很不錯！埋單兩人HK$174，有兩碗粉麵、兩個小食同包野飲，抵食之選！

去開筲箕灣附近 餓餓地竟入左依間舖頭到食門面十分之乾淨 望入去都幾闊落 裝修設計都唔錯簡簡單單 同舊式嘅粉面店好唔同入到去啲員工好貼心 安排左卡位我哋坐 坐低咗之後睇咗份menu 我同朋友分別叫咗幾樣嘢食墨魚王河粉 墨魚丸爽口彈牙 唔腥 潮州魚三鮮（魚蛋魚片頭魚皮餃）魚蛋魚片頭彈牙 有魚嘅鮮味魚皮餃 皮薄 唔會醬口河粉係幼身河粉 唔會好索水 幾滑身 比起粗河粉更加好食炸鯪魚球外皮炸至金黃色 超級彈牙 仲配有一碟蚧介 單食鯪魚球好鮮味 超好食 唔會太咸 點左醬汁 鮮味會大大提升 但個汁有啲鹹 整體來講超正香蒜炸雞翼炸到啱啱好 咬開雞翼肉汁湧出嚟 juicy 配合埋啲香蒜 成件事根本係完美 啱啱炸出嚟更加好食奶茶茶底香濃 唔會好澀枱面都有唔同嘅醬汁嗜辣可以落黃色嘅燈籠椒醬汁 再加埋香辣醬汁 兩個醬汁溝埋辣得黎帶點香口 唔會係死辣果一種

東大街好野食多就係人都知嫁啦，粉麵舖頭都唔小，今次就食左都算係新開嘅潮丸。招牌牛爽腩 ，啲牛腩半肥瘦，食到中間肥嘅位，入口即溶。最好係配菜分開上，可以自行決定要落多定要落小。特級牛丸王，啲牛丸真係超級大粒食落爽口彈牙好正，一啖係完全食唔哂成粒嫁！滷水炸雞翼，佢個外皮炸到好脆，食落好香蒜蓉味之餘呢。又有滷水汁嘅甜味，都幾特別。個滷水汁嘅味唔會太濃，岩岩好。仲有炸墨丸，食落唔會有好熱氣嘅感覺，加埋啲甜酸醬真係好襯嫁

今日放工之後，就同朋友左去筲箕灣食飯👭。因為好耐都冇食過粉麵，所以就去咗潮丸食碗麵🤤。餐廳嘅裝修格局好靚😍，好有復古嘅感覺。而且店員都好有禮貌，一坐低唔夠五分鐘，就即刻幫我地落單👍。我叫咗碗潮州魚三鮮河粉，個湯底好濃郁😋，啲魚蛋好彈牙，好爽口，最緊要係啲魚蛋一啲魚腥味都冇😳，非常好味。而我朋友就叫咗碗招牌牛爽腩，我朋友都話啲牛肉一啲都唔韌，不愧係招牌菜😎!我哋仲叫咗兩個小食，因為呢度嘅炸牛丸好出名，所以我哋一場嚟到，梗係要試下😝。佢哋嘅炸牛丸仲配左自家製既泰式辣醬，配起上嚟嘅味道真係好match😆。啲炸牛丸炸完都仲會有好多汁，炸得一啲都唔乾，仲keep到牛丸嗰陣鮮味。另外，呢度嘅炸雞翼我都非常推薦大家食，因為佢哋嘅炸雞翼真係炸得非常之有水準，而且仲好有蒜香味添🤭。潮丸既粉麵真係做得好出色，鍾意食粉麵嘅人一定要嚟試!