潮味苑

营业中

休息中

離開了香港一段時間～再回來之後發現好多以前有名的潮州打冷已經倒閉。點知，就係甘，比我搵到呢間隱世潮州打冷 😍絕對係潮州打冷天花板！今次叫咗炸蠔餅，滷水拼盤，豆醬通菜同埋蠔粥。樣樣都好好味！ 炸蠔餅夠香脆 😍豆醬配通菜原來甘夾！ 滷水拼盤咩都有，員工推介食有鵝片 (大size) 既拼盤，真係冇推介錯 ！全部都好入味，搞到食唔停口 😆而蠔粥係我最推介既一樣！好足料 好香 😍😍😍 最後，要特別讚下呢度員工，佢地好有活力，又有禮貌，又唔會為了賺你錢，呃你叫大堆野食搞到食唔晒 👍🏻👍🏻👍🏻如果你同我一樣想食打冷的話，千祈唔好錯過 🤭

午餐唔知食乜好，經過見櫥窗啲滷水鵝色澤唔錯，入去食個飯，就叫咗一碟滷水鵝飯$60，有送一碗蘿蔔湯，入正題，啲滷水唔掂，令我差啲忘記自己叫咗個滷水鵝飯，芽菜花生豆腐墊底，呢啲嘢冇得話好食唔好食，純粹墊高啲餸，啲鵝只有冰鮮味，入口全是油膩感和乾肉感，食咗第一啖已經知道中伏，本着唔浪費食物嘅宗旨，勉強咬幾啖吐返出來，我見到店內牆身貼滿明星合照，估計老闆停留在上一個世代的思維，已經將食物的質素和顧客感受都忘記了，本人全部自費真實食評，冇下次。

非常多款式，樣樣都想試，食完大拼盤已經飽到不得了，真的沙爹牛肉芥蘭菜超值，唔叫就走寶。鹽焗烏頭有點鹹, 所以不需要點醬料都可以空口食。炸蠔餅的蠔仔超大粒，食完真係好飽，份量好足夠。

喺深水埗返工呢間餐廳基本上係一定要試！我每次都叫牛三寶河，份量好夠，牛腩同牛筋都整到好淋。 呢間餐廳lunch唔貴50蚊樓下有找，唯一唔好嘅地方就係有啲逼，不過呢啲傳統潮州餐廳越嚟越少，所以都支持下希望佢哋可以做落去

朋友叫過幾次都撞吾啱時間，上周六晚終於去試吓哩間潮州菜，比想像中更好、更地道，大家不妨試試之前見過食評話員工服務態度一般，真心要替他們平反，每位哥哥、姐姐、妹妹都好好、有禮貌，幫你清枱、多次添滾水都冇黑面 😬😅今晚只得兩人首先叫咗滷水掌翼食材非常好、好大隻，我個人認為味道可以再濃啲(但我朋友話 ok） 🤭2. 潮州紅燒翅 $398/2人份量煲仔上，都好大煲下 $400蚊都吾駛當然只可以用散翅再加魚唇絲，但味道、濃度絕對可以，我個人係 👌🏽 收貨嘅! 3. 「馬友」魚飯 - 係門口廚櫃見到已覺好新鮮吸引，完全擊敗隔離啲烏頭魚 🤣 超好味、肉嫩乾濕度適中 $138 一啲都唔貴比想像中平咗少少 🤫4. 煎𧐢餅 - 本身係潮州人兒時媽媽經常會整比我哋食 😍 但依家係出面真係好難食到好好味嘅𧐢餅🥹 首先，都係炸吾係半煎炸 ; 第二，吾知點解吾用薯粉？係咪睇落顏色冇咁靚、兼吾啱炸呢？第三，冇鴨蛋香味 ？ 聽聞🦆疍貴改用🐔疍哩道都係炸，但睇得出有用心去做及不油膩，𧐢仔份量 ok 當然如果多少少會更好 😬本來想叫埋糖醋麵 (兩面黃）但個肚吾掙氣，二選一之下叫咗 「福果芋泥」 👍🏽👍🏽👍🏽 出奇地比想像

我就比較少食潮州菜，但係都好鍾意食蠔仔，今晚就同咗屋企人去食下。揀左係深水埗既潮味苑😊蠔仔粥😝👍🏻首先揀咗個蠔仔粥，咁我哋就叫做一碗，份量已經好足夠兩個人食，仲可以食多啲唔同既野。蠔仔仲好大粒👍🏻滷水鵝😋又真係好入味同好滑, 肉又厚👍🏻仲有啲芽菜同埋豆腐墊底，幾入味☺️椒鹽蠔仔👍🏻👍🏻👍🏻我哋喺呢個椒鹽蠔仔同埋蠔餅之間揀咗蠔仔，因為比較少有呢個選擇。又竟然粒粒都咁多肉又大粒，仲好有鮮味👍🏻

昨晚主角係古法潮州芋泥～用菜油雖不及🐽油香滑🤔但不太甜和細膩的囗感加上芋頭獨有的香味😋真教人回味不已😊鹵水鵝一定是下庒？！有隻左脾吖嘛！啱自己的鹵水味道，而且入味😋無論是獅頭鹅，豆腐還是大豆芽都恰到好處！不鹹而味美！可惜沒有大花生😋天氣有點冷～就來一鍋方魚肉碎粥吧😋今天的方魚還挺脆口呢！大滿足💖

年30，去左尼間食 叫左個蠔餅 成舊都系油淋淋 又唔脆，岩岩上枱 就成塊都系軟身 成碟油…我同老婆食左半塊都無 已經唔想食，返到屋企 一粒鐘車程，已經勁多胃氣 feel到中左招。跟住成晚都又嘔又痾 年初一仲要訓左成日 唔會有下次 好嬲本身岩岩坐底 啲服務員態度已經唔系幾好好多野都已經賣哂 本身想走，想叫牛三寶無牛肚 無牛根想叫個魚蛋米 又話無哂魚蛋但系塊蠔餅難食都算 仲要衛生差到食到我同老婆都腸胃炎 成晚無訓隔離枱都有叫份蠔餅 又系食左一半都無走左早知食之前上黎睇一睇啲評論

叫左碟3拼 鵝肉五花腩都太韌 唔係好夠味 大腸還可以 蠔仔粥既蠔有陣淡水味又腥 地下油淋淋又有曱甴 阿姐抹台求其抹兩下就了事 唔會再幫趁 完全唔明點解openrice點解有咁多like

好少去深水埗，今次都係慕名而來，可惜失望而回！6點半去到唔使等位，有卡位，但我哋兩個人被安排坐細枱，男侍應畀一張圖櫈我哋擺嘢。牆上掛滿同名人合照。真係諗唔到佢會咁清淡！蠔仔夠多但唔鮮甜，食到幾粒方魚，但唔足夠提升粥嘅味道。都係好多蠔仔，喺晒中間，蛋漿唔蓋唔晒啲蠔，又冇蛋味，個邊亦唔脆。見人哋啲相好靚，點解我哋嗰個似pizza！呢張相係原裝上枱個樣，好似求其攞幾粒放落隻碟，好冇誠意。唔講求賣相，都要擺得整整齊齊吧！每款四粒，蝦棗當然唔彈牙，另外嗰隻炸到乾爭爭，食唔出係咩麵餅整得好薄，冇口感，就算煎燶咗都唔脆，好彩係唔油，我哋先畀合格分。其他食評話鹵水好味，我哋今次冇食，都唔會下次再嚟！

二人食潮州菜蠔仔粥（細）$55一人大約有兩碗左右，味道真係唔錯，蠔仔都夠多鵝片拼鵝腸 $178都算大碟，有大豆芽同滷水豆腐墊底，鵝片好入味而且好肥厚大眼雞 $248員工係咁推介，咁就一於試試，嚟到都好大條，起晒肉，真係不錯，較為鮮甜😁整體嚟講味道係不錯，但價錢唔算便宜，人流都好多，坐位預咗唔算舒服😊

隱世潮州菜老店，因為我老婆係 Ga KE Lun 所以我哋經常走訪不同潮州菜館，今日嚟到深水埗，見呢間潮州菜門口點解咁多人，膽粗粗入去搏一搏啦，點知不得了⋯大部分食物價錢，都係介乎百尾去到百頭左右，性價比相當高，由其是而家香港食潮州菜越嚟越貴，呢個價錢真係好難再搵到⋯先上咗個方魚肉碎粥，好鮮好甜，係兒時嘅味道⋯ 再嚟一個鹵水3併，分別係鵝肉拼鵝脹同墨魚，先講佢個鹵水膽，－試就知有經歷，唔係一朝一夕可以做到，真係一試便知龍與鳳⋯ 鵝肉味香濃，肉有彈性；鵝脹非常香滑，最緊要係有脹羔，香港地而家真係買小見小；墨魚亦都唔孤寒係呀，份量十足又彈牙；最後一個沙嗲牛肉炒介蘭成為今餐一個美句號，潮州沙嗲一向出名味濃，牛肉係新鮮嘅，介蘭夠晒脆口，－個字正！－間我一定會再返來食嘅小店✌🏻✌🏻✌🏻#香港# #深水埗##潮味苑##潮州菜#

訂枱時問咗有無限時，接電話嘅人就回答繁忙時段限時90分鐘。我哋6人，叫咗8、9個餸，食到接近45分鐘左右，男職員開始收食完嘅碟，開頭以為佢係方便我哋夾仲有嘅食物。之後佢不停入嚟問依樣食完未，嗰樣食完未，我哋又真係仲食緊，就回答佢仲未食完，點知佢叫我哋食快少少，出面有人等。我哋即刻講訂枱時係話繁忙時段限時90分鐘。講完都無用，接住落嚟，佢同另一位女職員車輪轉不停嚟話要收碟，搞到朋友連條魚都唔食，由佢收走就算。我哋帶咗蛋糕嚟，上蛋糕時，又揾另一個女士嚟叫我哋食完蛋糕就即刻走，驚我哋坐到夠90分鐘。你哋每隔三四分鐘就嚟趕我哋，咁掃興點會仲坐喺度呀！咁嘅服務，試一次都嫌多，絕對唔係好食到非試不可。6個人叫到成枱食物，但期望我哋速食。你哋咁趕住翻枱做多兩三轉生意嘅，唔好同我講限時90分鐘呃我啦！

一個人叫左個鵝飯食到一半被要求調位我ok食到十幾分鐘 個阿姐見我睇緊片 叫我返去慢慢睇好多人等位食十幾分鐘好過分？而且果陣時我已經差唔多就快食完同枱叫左四個餸食得仲慢仲係度傾計你唔講？我一個人霸你幾大地方？原本呢間真係幫襯左好多次而家no lar

外賣本身叫滷水鵝片大拼盤💰258，食到一半先發現下面嗰啲都係鵝，唔知係賺咗定蝕咗🥺滷水鵝片+下庄🦢 💰xxx ❤️‍🔥7/10分滷水好味，撈飯一流💖鵝片唔韌，份量多，但無咩鵝味，鵝下庄會好啲〰️椒鹽九肚魚🐟 💰98 ❤️‍🔥7.5/10分皮脆，夠薄，無油溢味但唔夠椒鹽味🤫炸嘢嚟講，幾好，下次試下佢蠔餅同埋韭菜豬紅，聽聞好好食🙈