潮味苑

营业中

休息中

同男朋友行完山，想食d清淡嘅野，跟住就揀左食潮洲粥。我地叫左兜蠔仔粥，兩個人一齊食，每人可以share到三碗，d蠔仔真係好多好多，而且好鮮甜，粥入面仲有魷魚，蝦之類嘅海鮮，加d胡椒粉落去簡直冇得彈。

深水埗潮州菜餐廳，本身聽說這裏的潮州滷味不錯，所以就來試一試。一入餐廳就見到座無虛席的場面，僅餘一張二人枱可以勉強坐得下坐下之後一抬頭就看到餐廳貼了有不少明星來過的照片，其中包括譚校長譚詠麟都曾來光顧過而且因為很多人，所以氣氛都挺熱鬧的！看完餐牌後叫了兩個飯，每叫一個飯都包免費送一碗湯，味道中規中矩。鵝片飯拼五花腩 $80滷水鵝片拼五花腩飯，賣相還可以，鵝大概有5片，肉身唔算好厚但唔韌，皮無過多肥膏而且有咬口五花腩份量稍多一點，肉質都係偏軟腍，自己會較喜歡有咬口、煙韌一點的。墊底的還有幾片豆腐及不少芽菜，飯的份量剛剛好，吃完大概七至八成飽。豬頸肉飯拼五花腩 $62滷水豬頸肉拼五花腩雙拼飯，賣相一般，滷水不會過鹹，豬頸肉肉質軟腍，味道都不錯，如果多幾片會更好五花腩比較足料，墊底的都有幾片豆腐和不少芽菜，其餘的和上面也大同小異。總括而言，這間潮州菜並沒有令我失望，雖然不至於很驚艷，但菜品味道仍然實屬不錯的，尤其滷水鵝片值得encore

朋友一行四人約初五飯聚，今次黎深水埗食潮州好嘢。鵝大併包羅萬有 （鵝片/鵝腸/鵝肝/鵝腎/墨魚/紅腸/豬耳/大腸/生腸/豆腐/豆菜/花生），朋友的各款心頭好，一次送上👍。7點去到落單，只剩最後兩碟，真係手快有手慢無😆方魚肉碎粥味鮮有驚喜，加埋胡椒粉仲惹味，大大碢，每人夠食幾碗🤤蠔餅原塊脆身有蛋香，如果可以切開先上枱，就會食得更方便韭菜豬紅，豬紅多過韭菜😆糖心皮蛋酸酸薑炸雙棗調味相近，脆口好味*初五晚市，未到門口已經見到門庭若市，好多人等外賣和等位。7點幾已經雞鵝售罄，如果想試下潮州好滋味，就要早啲到嘞。

滷水鵝飯，賣相唔錯，鵝都有十多件，肉身厚而且軟腍，皮有咬口但冇過多肥膏。滷水唔係死鹹。墊底仲有幾片豆腐及不少花生芽菜。例湯偏鹹但仍可以接受。$60 有如此質素及份量，都值得一食。

小店潮味打冷✨落雨濕濕，天氣都好似涼左d, 又係想食d 濕口暖胃野ge 時候🐒路過街口ge 依間潮味苑，除左經典潮州打冷之外，都好多人叫車仔面食👍🏻今次叫左鳳城水餃配墨丸面加大菜心💖墨丸彈牙，唔係好膠個種👍🏻個水餃就咸左少少，不過餸面食係ok ge菜心都好大碟👍🏻食完暖哂👍🏻食呀食下都見到店面同入面房都坐滿哂Lu，人氣之選👍🏻下次再試下d 蠔仔粥同煎蠔餅，依d 好似係小店推介😂😂😂

一家人出來食晚餐 聽說呢間潮州嘢好出名於是過來試試 3個人叫左5個餸 其他餸就不作點評只能夠話唔啱口味 唯一就係個豉椒炒花蛤覺得太離譜 一睇就知係提前飛左水開左殼有order再連殼帶肉一起炒 呢個都唔重要 重要既係4塊殼一舊肉會唔會誇張左啲 本身以為啲肉係底原來諗多左 成$138蚊一份 啲肉就得20幾舊 殼就多一倍 幾矜貴$5一舊肉😅 啲蒜頭仲要炒燶左 味道普普通通 唔會再食第二次

首先，我帶咗近80歲嘅老人家嚟食晚餐，嗌咗鵝片拼鵝腸，蠔仔粥，烏頭魚。1.鵝片拼鵝腸：鵝片難食。鵝腸ok。侍應話師傅比錯咗鵝髀俾我，問我轉鵝髀好唔好，仲話有骨嘅，我話因為有老人家喺度驚佢咬唔到，結果換左啲鵝片，色澤好暗，而且鵝片都幾難食又靭，唔好講80歲嘅老人家食唔到，連我三字頭嘅人都咬左好耐，食唔落去。臨走時，我見到人哋張枱啲鵝片色澤比較靚，但我嗰份就色澤好差，唔知師傅係咪特登啦定係本身啲鵝片就係咁差？2.蠔仔粥：都OK嘅，蠔仔夠大粒。3.烏頭魚：侍應推介我食烏頭魚，但當時我並無問他推介，問佢係用鹽醃果種，佢話係，不過嚟到就唔係，係另一種，不過都無所謂，如果好食就OK，不過我唔係好接受到潮州嗰種嘅烏頭魚，因為我喺街市買烏頭魚食，就咁自己蒸，啲魚肉質係好食好多。我諗我唔係好鍾意潮州冷食嘅魚。侍應態度係幾好嘅，不過要坐自己唔想坐嘅位，佢話最出嘅位要來擺外賣，啲嘢食就麻麻，我特登帶老人家嚟食好嘢，但令人失望，老人家都話唔鍾意食，我自己就好奇點解會咁多好評，但食物質素卻跟不上。咁我都唔會再想食。（我以前樓下嗰間食鵝嘅仲好食好多。）真心覺得師傅要改善食物質素

行入呢間舖到俾佢趕走全程用咗一個鐘，半個鐘已經係咁問你啲嘢食仲食唔食？問咗兩三次！明明啲嘢食都未食完仲有有一大半仲夾緊嘅時候，跟住話門口好多人叫你地食快啲，如果想受氣嘅話就可以去試吓，牆上面貼住寫限食一個半鐘，結果半個鐘就會趕你走仲話食唔晒你可以打包，其實要打包嘅話一早外賣咗啦仲使乜喺度食啫，唔會再有下一次囉，我哋一共七個人，又唔係冇嗌嘢食，又有嗌嘢飲，又有嗌啤酒，嘢食都嗌得多咁樣俾佢廣發真係乜嘢心機都冇我寧願去食麥當勞

脆邊炸𧐢餅，做得好，效果就如吃脆邊煎蛋；一啖有外脆內綿，蛋汁/𧐢汁在口內爆開，用蛋味/𧐢味將兩個口感關聯上⋯ 美食之境界，條件是要食材優質，再加烹煮火候到家。這店的蠔餅，做到了 👍🏼鵝片鵝肝雙併，鵝片夠味，鵝肝就煮得太老火了，有些韌，不夠綿⋯ 不會再叫。店舖好生意，有人等位就會不斷抹枱趕你走⋯ 大家有心理準備就好

$148 細滷水拼盤因為得兩個人食所以叫個細既滷水拼盤就岩岩好！不過估唔到細既份量都好足夠！有墨魚片 鵝腎 豬大腸 生腸 鵝腎 腩肉 雞蛋 紅腸 鵝腸 鵝肝 豬耳 豆腐 鵝血 芽菜 花生！樣樣都有啲就岩晒我呢啲咩都想試但又怕食唔晒既人🤪

果日行過深水埗，忽然傳嚟一陣陣香味，一望就見到潮味苑，所以決定先醫肚。叫咗個鵝肉飯拼豬耳，好快送上一碗湯，入口清甜。鵝肉充滿滷水汁好香，加上啖啖肉好滿足，豬耳口感又韌又脆，味道鮮香不膩，且富含膠質。最後叫個熱檸茶解油。

Lunch time突然好想食河粉，聽同事介紹附近有間潮味苑有供應潮州粉麵。鵝片河（$80）呢度有多款滷水碟頭飯，好多枱都係叫鵝飯或者鵝片飯，惹味又啱送飯。我今次就揀咗潮州打冷必點嘅鵝片，大概有十塊鵝片，底下有滷豆腐、芽菜同花生，非常豐富，滷水甘香醇厚，唔會太鹹，鵝片切得均匀一致又夠薄，香軟入味。另外加$10轉湯河粉，河粉面頭有乾蒜同紫菜，增加口感同味道，我都忍唔住清曬成碗！凍鴛鴦（+$8）可以加凍熱西茶、汽水或者啤酒，凍央正常發揮，可以飲返啖啤酒比較夾。另外值得一提，店員全部都好客氣又應對如流，成個點餐、用餐流程都非常順暢，加上高質食物，位置方便，呢間直接要列入我飯堂，下次要試埋招牌蠔仔粥先得！

同朋友二人行過長沙灣道，見鋪面貼出來嘅相好吸引，行咗成日餓餓地，加上好耐無食過潮州打冷，就膽粗粗走入去幫襯，店裡面環境尚可，坐定定後叫咗幾樣野，味道唔錯，出菜都算快，唯一唔好嘅係4眼男侍應( 定係老闆? )唔知係咪覺得自己好風趣幽默，收枱嗰陣見我地食剩比較多野，問我哋打唔打包，話食唔晒聽日可以整返來食，我哋話已經問左屋企人但無人想食，佢就懶有禮貌笑笑口又翹埋雙手咁講：咁食埋佢！跟手又話幫你收咗佢….，係咪傻架？客人食幾多要聽你講？人地來幫襯食個飯都要咁多事嘅？

又來食鹵水鵝飯，這裡的鹵水鵝飯是我試過的最好，鹵水夠香，鵝味濃，鵝件份量多，鵝件下有三數件豆腐及芽菜執底，加上一碗蘿蔔湯，完美組合。唯一缺點是我座的位置是冷氣出風口位，太凍，急急腳食完走人。

鵝片拼鵝腸($158)：本身我哋想叫滷水拼盤，不過侍應哥哥強烈建議我哋唔好，唔係話唔想做我哋生意，而係肯定食唔晒😂咁我哋揀咗鵝片及鵝腸啦，食潮州嘢一定要食呢兩味！鵝片大大片，亦滷得好入味，完全係highlight of the night，正！而且每片都有皮！鵝腸就每條都爽口彈牙🤣下面就當然係芽菜和滷水豆腐墊底啦！椒鹽九肚魚($108)：炸粉略厚，不過九肚魚冇乜細骨，味道尚算OK，同時亦唔算太油，正常發揮👍🏻蠔仔粥(碗) ($55)：唔好俾個價錢呃咗，以為好細碗，兩個人食都好夠！蠔仔好多，湯好多，飯好多，樣樣嘢都好多，味道亦唔算太濃，建議可落少少胡椒粉🤏🏻反沙芋 ($98)：潮州菜名物我哋覺得佢真係做得唔錯，砂糖完美咁包住芋頭，而芋頭嘅軟糯加上脆卜卜嘅砂糖外殼，兩個極端嘅口感，帶嚟口中嘅盛宴🥹 如果我哋話呢個菜式唔算太甜，就呃你嘅，大佬，砂糖糖漿會唔甜嘅咩🤣 呢個菜式真係要一早order定，我哋呢份係最後一份，講緊嘅只係落咗單唔夠10分鐘內嘅事其實我覺得呢間餐廳咁多菜式都咁快沽清，絕對係一件好事，起碼確保左佢哋嘅食材唔會隔夜和絕對新鮮。我哋認為真心想食嘅，點解唔自己安排行程早少少到達，