潮味苑

营业中

休息中

一連三日假期都是離不開飲飲食食，今日到深水埗先去嘉頓山睇日落再到深水埗覓食。意外找來潮味苑，呢度個老板親力親為仲好好人添！🥢潮州菜中嘅雙麵黃（糖醋麵）我就最鍾意食架喇！兩邊煎到金黃色外脆內軟，再淋上糖醋滋味爆燈。🎊🥢小炒王鑊氣足夠香氣四溢，韮菜花幼嫩腰果脆口，魷魚蝦乾惹味十足，這道菜配一支大啤無話可說，一個字「爽」呀！其他忘記影相🤭🤭

周圍都係潮州菜，但係想搵到一間啱口味覺得有返咁上下質素嘅真係的確唔容易肉碎蠔仔粥，非常足料好鮮味蠔仔粒粒肥嘟嘟，加埋冬菜好香好好味😋鵝片拼墨魚同埋鴨腎滷汁好香 唔會太咸夠入味 鵝片 唔會柴 墨魚夠爽口 鴨腎都爽口 冇怪味 但硬左啲啲炸蠔餅就唔係話好脆嗰啲，但係鴨蛋香味幾好，蠔仔都幾多總括嚟講都覺得好高分，好好味，一定會再嚟

放寬晚市前，還是要善待自己！鄰近深水埗 潮味苑 好岩買滷水番家加餸款式多，價錢都幾合理！到左晚飯時間都有唔少嘅選擇！買左一盒鵝飯同其他滷水，送左碗湯起初我仲誤會是蠔仔粥湯底，飲落非常清甜，仲有兩塊大羅白！鵝片飯 $70 中意啖啖肉嘅，一定揀鵝片！鵝片唔乾柴，底層更墊了滷豆腐及芽菜～豬耳$23 爽彈QQ，滷得入味！份量好多好抵食～鵝紅 $23平時中意食鴨血嘅，一定更愛鵝紅嘅質感，除左更QQ外 口感更加順滑蠔仔粥 $55蠔仔肉粒粒都脹卜卜，肉碎唔係細細粒果種，加入大量魷魚乾味道更豐富！

滷水碟頭飯 鵝飯（$60）鵝件份量不少，而且不是骨多肉少的位置，適量肥膏。滷水味道剛好，唔會過咸，鵝肉嫩但有咬口。另外還有豆腐、芽菜、花生。附送例湯稍稍咸，但之後沒有口渴。

好久之前已經聽過「潮味苑」大名，聲名遠播！很多報章雜誌都報過呢！而我都幫襯過好幾次，每一次都食得好滿足！今次選擇了我兩樣超喜歡的菜式，希望大家也喜歡！平時都頗多人排隊幫襯！⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯·大鵝肝$188法國鵝肝大家經常吃😝但不知道大家有否吃過中菜版鵝肝呢？店員姐姐說這是他家皇牌，好多人鐘意食。今次我第二次回頭吃這道菜！仍覺得十分驚艷！入口即融，完全沒有腥味，雖然不像西式一樣油香滿滿，鵝肝質感軟滑，香口，味道濃郁，有鵝香同肝臟的豐沃軟厚。份量都合理！·煎蠔餅$88每次都食炸蠔，這次要了煎蠔餅，雖然沒有用油炸，但仍然是超水準發揮！煎得好香，超滿一盒，除了蛋餅份量超足，店家也不吝嗇蠔仔，每啖都能吃到蛋幾蠔仔！最欣賞蠔仔鮮而不腥，肥美多汁！

終於黎到晚市外賣既尾聲幾日😭今日食呢間潮州野我係今個疫情都買左好多次🤣真心抵食高質👍🏼但要留意既係太夜去會賣晒啲野🙈🙈要加餸既記得早啲去。.🍴走地清遠雞（半隻）$70潮州式咸雞不得了，同一般燒味檔既雞完全唔同級數，肉質鮮嫩，帶有雞味，仲有雞皮夠晒滑溜。.🍴蠔仔肉碎粥$55蠔仔肉碎粥用上大地魚乾煮湯底，再加大量蠔仔同肉碎，鮮甜好味😋.🍴鵝飯$60本來想叫1/4隻鵝，但太夜黎已經賣晒了，反而叫鵝飯就仲有🙈鵝肉真係好正，香得黎唔咸，就算係鵝肉飯，但份量都唔少。.🍴紅腸（半條）$15想叫滷水野，但大部分賣晒，紅腸都照殺🤣$15好抵食。

位於西九龍中心附近十字路口的一家正宗潮州滷水老店，一直有很多街坊和上班一族光顧，抗疫期間更有特價外賣，十分有良心。門外也能清楚看到廚房的製作過程，滷水鵝皮經歷鹵浸，依然完好無缺，令人垂涎三尺；店內也有不少調味料發售；每份飯盒送例湯一份，無添加好健康。鵝片飯 - $70鵝皮帶有油光潤澤，鵝片是鵝胸位置，啖啖肉好有口感，較瘦略有點韌。充滿這裡秘製的滷水汁醇香。下面還有滷水花生、滷水豆腐和大豆芽菜。鵝髀飯 - $98鵝脾絕對正過鵝片，嫩滑且更多肉汁。豬手 - $28滷水豬手肥而不膩，更有解膩之效；豬皮爽口彈牙，豬肉帶有豐富的膠原蛋白，好甘香。

📌 潮味苑📍 深水埗長沙灣道254-258號亞洲大廈地下A舖☎️ 26022789*☼*―――*☼*―――*☼*―――*☼*―――*☼*深水埗好多古靈精怪嘅嘢買，間唔時會去朝聖下。呢日就去深水埗，行行下不知不覺已經過咗六點。無堂食，番屋企煮又好似晏咗啲，見到十字路口呢間潮州店門口都幾多人等外賣，掛住啲鹵水鵝睇落好吸引，就決定斬番啲料番屋企啦。💫鹵水鵝片（$148）打開外賣盒，鹵水味已經不斷湧出嚟，勁香。有差不多廿片鵝片，鵝片下面有鹵水豆腐，花生同芽菜。鵝片肉味好濃，鵝皮帶少許油脂，肉質結實唔肥，咬落唔老，鹵水味好濃郁又夠入味，但唔會死鹹！💫煎蠔餅（$88）滿滿一盒， 分量好多，每啖都有蛋包住好多隻蠔仔，有蛋香。出街食有時啲蠔仔洗唔乾淨，食落有殼碎，咬崩牙，呢間嘅蠔仔洗得好乾淨，蠔仔肥美又唔腥。👍🏻整體好食指數：🌕🌕🌕🌕🌕🌕🌕🌕🌗🌑（8.5/10)*☼*―――*☼*―――*☼*―――*☼*―――*☼*

因為夜晚冇堂食嘅關係，逢親收工去深水埗野完野之後，都係附近買外賣飯盒返屋企🥲.途經呢間「潮味苑」見門前有好多人排緊隊，相信D食物質素應該不錯😂.餐廳主打潮州鹵水打冷，仲有碟頭飯，炒粉麵等，斬料又得，飯盒亦得，切合不同需求.【鵝脾飯 $98】鹵水鵝色澤中等，外皮油燒潤澤，望落好吸引😍 鵝脾肉肉厚而不油膩，肥瘦適中，肉質嫩滑亦富肉汁，口感最佳，而且入味非常，連脾骨吮起上黎都相信有味道呢🥳 .【鹵水雞飯 $52】鹵水雞份量相信充足，雞件約有十餘隻，且件件都係啖啖肉，雞皮超薄，咬落棉軟嫩滑，就咁食已經好有味🥰仲有芽菜做伴碟架👍.【韭菜粉粿 4件 $50】潮州美食之一嘅韭菜粉粿，係香港可以買到嘅地方不多。無論係蒸熱定香煎，粉粿都勁好食，今次買黎屋企，我揀左香煎😎 外層香脆又帶煙韌口感，咬落係勁香又新鮮嘅韭菜香，仲有好多蝦米添😘

什麼！？最熱門的７點時段飯就已經賣光了？這間在深水埗的潮州飯店果然是引人入勝的地方，才可以深受附近居民的喜歡，當然我吃完也喜愛上了！鵝頭頸（６８元）當我叫這個的時候，店員表示真會吃，那肯定是當然的啦！獅頭鵝的鵝頭頸是比一般的要大，所以肉當然比一般的多很多了！這個店員在斬的時候是打直斬的，不是平常的打橫，所以肉吃起來會更加方便！鵝頸的肉吃起來非常有彈性，但又有嫩嫩的口感，而且滷得非常入味，所以吃起來味道非常好！而鵝頭肉吃起來會更嫩更滑的，特別是鵝腦吃起來甘香綿滑，入口即化！鵝飯（６０元）我七點去到，店員表示飯已賣完，要再煮，問要不要轉為白粥，我就覺得反正沒試過，就試試吃白粥了！怎知道白粥配上滷水汁後，味道真的可以，多了一份香味，入口綿滑！而且用上滷水鵝沾一下白粥來吃，令鵝吃起來多了一入米香和滑嫩的口感，挺推薦的！而這次很幸運的是我拿到了鵝腿的部位，吃起來肉質很有彈性，而且保留到不少的肉汁，滷水的香味完全滲透進鵝肉裡面，吃起來非常香，特別是帶皮又帶點肥的部份，吃起來真的又香又滑又嫩，下次有機會真的直接買鵝來吃！豬手（２８元／隻）這個性價比挺高的，２８元就一隻了，而且挺大的一隻，店員會幫你斬

深水埗有間幾出名嘅潮州菜餐廳，聽講開咗好多年，我去嘅時候都幾多人等緊外賣，而且6點去到已經好多嘢都賣完，睇嚟下次要早啲去先食到最想食嘅嘢。沙嗲牛肉炒芥蘭，$78用大量沙嗲汁炒到牛肉好𣺉好入味，用嚟撈飯真係一流，另外啲芥蘭都好爽口好新鮮，又健康又惹味。滷水墨魚，$50原本想叫滷水乳鴿，不過賣晒，見墨魚好似幾吸引就試吓，墨魚切片，咬起身好彈牙，加咗滷水汁食起身好滋味。蠔餅，$88一向都好鍾意食蠔餅，呢度有分煎同炸兩種，我點咗煎嘅，份量好足，好重手，佢用嘅蠔比較細粒，每啖都食到幾粒蠔仔，外賣返到屋企都仲好好味。下次要早啲去試吓其他菜先得😌

做乖仔，返屋企食飯一定要加餸，行過深水埗見到呢間潮州舖掛住啲滷水鵝，入到去睇吓有好多名人食過應該都唔錯，就決定買個大拼盤返屋企。拼盤入邊有滷水鵝、鵝腸、鵝肝、豬腸、豬肚、豬腩肉、豬耳、墨魚、生腸、紅腸、雞腎、雞蛋、大豆芽，好大盒夠晒全家食。滷水鵝同鵝腸最出色，鵝腸一食就知係新鮮貨，滷水鵝鵝味濃，肉質都好嫩滑，下次我會淨係叫滷水鵝外賣，咁就食得盡興啦。佢呢度晏晝仲有潮式粉面食，下次經過可以入嚟試吓佢嘅牛腩粉😚

潮州打冷菜一向都幾鐘意食今次發掘到位處於係深水埗餐廳好近地鐵站係人來人旺馬路街口位置當日夜晚叫外賣都好多人等好值得一試😍🔸潮洲炒麵線 $60食潮州打冷除左滷水好出名之外，炒麵線都係必食🥺呢款係用上普寧咸麵線炒成，麵線比一般粉麵更幼身，口感柔韌咸香，配埋豆芽、韭菜非常香！🔸煎蠔餅$88呢款有別於炸得脆卜卜個種，但都好濃蛋香及蠔味！重點係超大塊呀🤣蠔仔🦪新鮮爽口鮮甜☺️蠔餅隨處都搵到大大粒蠔仔，食過翻尋味！🔸牛腩飯 $52呢個飯足料又抵食！雖然係飯，但牛腩跟左個湯汁，將牛腩放入湯，吸翻湯汁好濃牛味😍d牛腩仲炆得好淋，又唔會好多筋。

放工去咗深水埗買電腦用品，路經位於長沙灣道嘅潮味苑見到門口餐牌超級多嘢食選擇，勁多潮州滷味掛晒喺玻璃櫥窗後面，師傅不停切切切搞到我勁想食，就喺度買個外賣返屋企慢慢嘆。店舖標榜正宗潮州打冷滷味，裝修好有懷舊潮州鋪嘅風味，貼滿晒大廚同好多食客影既相，好多金句標語貼晒喺店舖嘅牆上，感覺超正，我等候外賣期間，不停有人買外賣，等候外賣嘅人多到企晒喺門口，可想而知店舖有多受歡迎。食物種類超級多，打冷潮州滷味，各式各樣嘅小炒，潮州粉麵，炒粉麵飯，基本上一定有嘢食啱你心意，另外我好鍾意個老闆娘，好有潮州人大情大性嘅性格，推介食物嗰種手法大大聲我真係超鍾意，我本來諗住只係買三樣嘢食，跟住佢就推介我，阿女你一定要試吓呢個韭菜粿，返去煎左嚟食，皮脆煙靭，韭菜餡料係我哋自家製，包你食過返尋味，如果你話唔好食聽日即刻返嚟搵我，我賠返錢俾你再請你食嘢😂😂，講到咁，我梗係乖乖聽話即刻買啦😆🦆▪️ 滷水鵝片 $ 148分量多到嚇死人，滷水汁應該係陳年充滿滷水香唔會過鹹，好正，鵝片切得厚薄剛好，鵝肉軟淋又有少少咬口使唔使咁好食，放底嘅豆腐，芽菜，花生吸收左滷水同埋鵝肉嘅汁，實在太好食，我一定要返嚟再食😋😋🥬🐮▪️ 沙嗲牛肉

呢日喺深水埗買完嘢，阿媽叫我斬料返屋企加餸，因為日頭無落街😅。我醒起舊同事講過長沙灣道間「潮味苑」啲食物唔錯，咁就一於試吓。我都未行到去個舖位，離遠就經已見到有好多人幫襯，有唔少係買慣買熟嘅街坊👍。滷水打冷係餐廳嘅主打，佢另外仲有潮州粉麵同特色小菜，選擇非常之多，價錢則屬正常水平。我哋要咗一盒滷味同一份炒麵，唔好睇外賣盒細細🥡，但其實疊到好實，相當足秤。滷水細拼($148)，雖然話係細拼盤，但份量都已經咁多，難以想像大拼會有幾誇張😳。拼盤內容超豐富，數下數下超過成十款，包括墨魚、豬頸肉、鵝肝、豬耳、紅腸、雞腎、五花腩、豬大腸、生腸、雞蛋、豆腐、芽菜同花生等。佢係我食過嘅拼盤之中最好食，每一樣都滷得入味，但又唔會過鹹。我自己最鍾意墨魚🦑、豬頸肉同芽菜。拼盤份量多到一餐都食唔晒，性價比高！三絲炒魚麵($78)，炒魚麵唔係度度都有得食，真係要喺正宗潮州菜館先有呢。🐟魚麵真材實料，粗幼度同烏冬相若，每條爽彈得嚟又唔似發泡膠，口感好正，令人上癮。話明三絲炒，當然無令人失望，佢落咗多種海鮮(如鮮蝦、魷魚同魚片頭)、韭菜、韭黃同蛋絲等一齊炒。魚麵美味，而且仲感覺健康輕盈啲，走澱粉質嘛🥢。題外話，餐廳