潮味莊

营业中

休息中

週末同朋友👷🏻‍♀️一齊嚟咗呢間潮州菜館食個 early simple dinner 🤣餐廳近門口位置放咗好多潮州食物幾吸引🤩$128「滷水鵝片（無骨）Marinated Goose in Slices」：鵝片去咗骨啖啖肉，滷水滷得好入味😋$118「滷水拼盆 Marinated Platter」：有 墨魚片、豬大腸、豬耳、五花腩、豬頭肉、鵝腸、紅腸、花生、大豆芽菜 等，各種食材有不同口感，有啲爽口有啲爽脆有啲甘香基本全部都滷得幾入味🤣$70「蒜蓉炒芥蘭 Garlic Stir Fried Vegetables - Kale 🥬 」：芥蘭菜🥬幾幼嫩，口感爽脆，蒜蓉炒簡單好食😋

行過佐敦望入吳松街見到開咗間幾大間嘅潮州打冷，望落都幾企理，就入去試下～食潮州菜滷水同蠔仔粥係必點，呢度滷水鵝片可以揀有骨/冇骨，我地緊係揀無骨，有唔少豆腐墊底，豆腐好有豆香，正！蠔仔粥蠔仔嘅量非常多，一大碗只係賣$60幾蚊，超抵食！味道唔會太重胡椒味，食得舒服。呢度$25一碟嘅油菜個份量都唔少，我地揀咗菜心，有佐蠔油，用埋balance下其他重口味菜式就啱晒。見隔離枱個蠔餅賣相咁靚我地都追加咗一份細嘅，係超酥脆！兩個人食會有啲膩，四個人分就最好～

好耐冇食滷水鵝，是日經油麻地，見開左間潮州打冷店#潮味莊，掛出來了食物很吸引，即時胃口大開，見餐牌上食物款式多，價錢又親民，便進店開餐囉。滷水鵝下庄，鵝皮有光澤，肥瘦適中，鵝肉入口肉質香滑，肉汁多有咀嚼感，不鞋口再點些滷汁和醋，味道更加豐富，好快就清晒☺️。豬手加牛筋河粉，豬手、牛筋煮得入味，味道調得剛好，很軟淋食到個咀黏黏的巧正，感覺滿滿的骨膠原，配合滑嘟嘟的河粉，就是好吃😋。再黎多杯凍檸茶，大杯解渴爽呀。

夜晚突然好想食海鮮嘢，但又想平平哋，又唔想食大排檔，朋友又想食粥，見到就試下呢間潮味莊，係一間好乾淨企理嘅潮州菜，入面好新淨蠔仔肉碎粥 原來係一大碗蠔仔粥。$60本來以為係細size。我諗份量係夠3-4人食。成碗蠔仔粥鋪滿左肉碎同埋新鮮蠔仔，一啲都唔孤寒。再配埋芫荽好鮮味，一流！蒜蓉開邊蝦開邊蝦係用傳統不鏽鋼碟上菜，感覺師父好傳統！開邊蝦份量十足，鋪滿蒜蓉辣椒同埋香蔥食落去好惹味！蒸嘅時間啱啱好。底下放咗少少粉絲吸晒啲蝦味，好好味！豉椒炒蜆師父加咗好多配料落去爆炒蜆。洋蔥青椒辣椒香葉豆豉。好重鑊氣。粒粒都好肥美大隻。最緊要食落無沙！好食！凍檸檬可樂凍檸樂係用冰底上。大家都知道凍檸樂係世界上最好飲嘅野飲同埋..夠晒凍先好飲！

前幾日小編去咗佐敦附近，去咗食性價比超高嘅打冷，打冷一定要叫嘅滷水鵝片（無骨）+鴨蛋炸蠔餅，另外仲叫咗個潮州鮮蟹粥，再加用蝦醬炒通菜😜滷水鵝片（無骨）：鵝肉經過滷製等工序後，感極為鮮嫩滑順，肉質軟嫩多汁,而且有鹹香味和滷汁香氣，配搭滷水豆腐係底,增加整體的鮮美感，而且無骨滷水鵝片啖啖肉，而且呢度菜都好考師傅功夫要掌握好滷製的火候和調味比例口，餐廳都做得好好😊鴨蛋炸蠔餅：餐廳採用鴨蛋去咋呢個蠔餅，蠔仔大大粒，而且就到黃金鬆脆，蠔仔好多汁，而且份量都好多，每一口嘅蠔餅都會食到蠔仔😝，再配上魚露醬，簡直係Perfect match😙，鍾意食炸蠔餅嘅朋友一定要叫潮州鮮蟹粥：呢個粥真係好足料，一煲都好大兜，足夠四個人去食，當中裏面有食隻潮州鮮蟹，蝦，肉片，蔥花，芫荽去煲，而小編當中最欣賞嘅就係嗰隻潮州鮮蟹，好新鮮，而且好多蟹膏，而且蟹肉好鮮甜，每一口都可以食到蝦或者肉片，蟹鉗啖啖肉，粥底軟綿綿，不經不覺都飲咗好多碗當然要叫返個炒菜去平衡返啦，蝦醬炒通菜好有鑊氣，淡淡嘅蝦醬香再配上菜通菜，正！整體嚟講呢餐廳呢性價比超高，而且食物嘅質素都好新鮮，放咗工之後可以同朋友嚟呢度食吓嘢飲吓啤酒超吓傾吓偈😜

這間位於油麻地的潮味莊，主打潮州菜，價錢貼地且份量十足，而且全日不收取加一服務費。午市有客飯，由幾十蚊起，十分超值。滷水鵝飯滷水鵝件下面墊上豆腐，鵝件滷得入味，有鵝肉甘香，略有咬口，豆腐香滑，而且份量十足。滷水拼盤拼盤用熱滷水汁浸一浸，上枱時熱辣辣，有爽脆豬耳、生腸、鵝腸、洗得乾淨的大腸、豬腩、墨魚、紅腸等，全部都好入味，加上特製辣椒醬更添風味。淨鮮蝦雲吞雲吞粒粒脹卜卜，每粒都有新鮮彈牙的蝦仁及豬肉。鴨蛋煎蠔餅蠔仔乾淨且鮮味十足，每隻都脹卜卜，加上用鴨蛋煎，十分香口。

傍晚經過油麻地附近，見到間打冷店就入去試試。我們叫左四樣野。鴨蛋蠔餅外表金黃香脆，賣相一流。口感好爽脆, 尤其係蠔仔, 口感好滑, 蠔仔仲大大粒，加上煎餅脆得黎唔腍又唔硬, 我覺得值得一試。份量十足，配上秘製魚露，非常惹味和非常開胃。蠔仔肉碎粥有很多蠔仔和很多肉碎。蠔仔鮮味很出，配肉碎和粥。其實蠔仔粥餸蠔餅係一流。滷水鵝（帶骨）有鵝，豆腐和花生。鵝在上層，豆腐和花生在下面。滷水鵝份量都不少。味道不錯。豆腐淋淋地都唔錯。牛腩河粉數過共有六舊牛腩牛筋。河粉係幼河粉。牛腩肉味燶， 牛筋滑。湯底應該係牛腩湯。

在這家小店品嘗到滷味佳餚,別具一番風味。首先上桌的是Q彈鮮美的蠔餅,酥脆外層包裹住鮮嫩多汁的鮮蠔，啲蠔都好大隻,一口咬下充滿濃郁的海鮮香氣。接著是柔軟入味的滷水鵝腸,配上香爽的韭菜,清新爽口,增添了不少口感變化。 另一道令人驚喜的菜品是豬紅,細滑軟嫩的豬肉配上醇厚的滷汁,回味無窮。最後的主角-滷水鵝,肉質細緻鮮嫩,浸泡在濃郁的滷汁中,散發出迷人的香氣。整體來說,這家小店的滷味料理十分出色,各種元素融合得恰到好處,讓人回味無窮。無論是作為下酒菜還是正餐,都是不錯的選擇。

作為一個潮州新抱，經常都會食潮州菜，今日同朋友去咗廟街附近的「潮味莊」，覺得幾正宗，價錢親民，店員仲好親切有禮貌，十分推薦👍鹵水鵝，應該係潮州菜必點的菜式，有帶骨和無骨，店員話帶骨味道較香，無骨就啖啖肉，幾經掙扎最後揀咗帶骨$108，好香好入味，但不會過鹹，幾好味。豬紅$65，是另一款打冷必點菜式，份量幾多，浸在惹味嘅醬汁裏面，食到蒜香和辣味。元朗楊氏烏頭$138，本地優質魚嘅保證，潮州凍魚食法，用檸檬來蒸，跟烏頭可謂是絕配，除了有一陣清新檸檬味道之外，烏頭一點腥味也沒有，和小時候媽媽整的檸檬蒸烏頭一樣味道，有一種「家」的味道💕西洋菜豬雜湯，好鮮甜美味，可能係因為材料夠多，湯裏面好多豬潤、豬腸和西洋菜，非常地道嘅潮汕湯水。最後點了一碟芥蘭$25，沒有苦澀味，配蠔油唔錯。整體感覺幾抵食，份量幾大，服務很好，下次再去會試埋其他招牌菜如蠔餅、蠔仔粥……等。

餅全是炸粉炸，完全唔得，未食過這樣嘅煎蠔餅。剩了一半。。。因全部係炸粉，油!! 伏!! 蟹粥入味，但粥入面豬肉不太新鮮。蟹蓋冇糕。可贊，之處，價錢不太貴，性價比高。

與朋友行過見都多人食，一於試下過往見食（打冷）都不便宜，但呢間性價比絕對高。4個人，叫左一個滷水拼盤，蠔仔肉碎粥，滷水豆腐，椒鹽九肚魚，韮菜豬紅，牛魔王米粉，灼菜芯。平均每人$106 。除左抵，仲要每樣野都好好食👍👍👍滷水拼盤內有大腸，紅腸，生腸，豬頭肉，墨肉，鵝腸，芽菜等特別推介蠔仔肉碎粥 同 韮菜豬紅。 蠔仔粥一d都唔腥，食落都好鮮甜。至於韮菜豬紅，是我在街外食過數一數二好食。 好夠味，底汁惹味 店員的服務態度都算唔錯。整體評價：性價比高，會再黎食及推介朋友！

🥢油麻地與佐敦中間有間打冷小店，位置喺冠南華對面，之前Lunch Time 時，已經試過佢地嘅滷水拼盤飯，覺得非常好食又夠抵食，印象中店家嘅辣椒油好鬼香又夠辣，所以已經留下深刻印象，突然間好想打冷就即刻諗起呢到，夜晚時間提供多款打冷滷水鵝片 ，滷水拼盤，蠔仔粥及湯品類別，最重要嘅係有香港少有嘅即炸雲吞，即刻call 班朋友去一齊試吓🥢生炸雲吞$60 (7粒）曾幾何時覺得香港冇好食嘅炸雲吞，之前要去澳門先食到，今次終於搵到一間超級正嘅炸雲吞，由師傅每日新鮮製作，即叫即炸的個樣子非常之吸引，每隻大小剛剛好，一口咬落去非常之熱係即炸，整隻都充滿鮮蝦味道，鐘意夾雜豬肉比例剛剛好，口味係傳統嗰隻炸雲吞口味，個人來講好鐘意🥢鴨蛋蠔餅 $88(小）/ $108( 大）即炸蠔餅炸得厚身，用上鴨蛋蛋味香濃又夠脆，夾起一件睇睇，蠔仔肉好飽滿，口感整個酥脆香口，蠔仔好多分佈平均，點魚露食係絕配🥢滷水拼盤$118鐘意呢到滷水拼盤，一碟已經樣樣有齊，啱曬想試曬咁多款嘅朋友，配上豬頭肉，鵝腸，大墨魚片，豬大腸，紅腸，大生腸，五花腩肉，配上索曬汁嘅芽菜底，每款都好香滷水汁嘅味道，由其鐘意鵝腸夠長好爽彈，生腸用上大生

今次想介紹呢間打冷鋪，好明顯行街坊路線，位於油麻地，街坊價，開頭以為呢個價錢會將價就貨，咦！又估佢唔到份量唔細喎，不過講到尾味道先係重點😏鵝片啖啖肉，雖然偏少少肥，但係非常入味。滷水豬頭肉拼墨魚，勁爽脆。蠔餅係有啲失望，厚粉，炸得唔係咁香脆，但係蠔都算大粒。我最中意就係蠔仔粥，可能我本身係一個茜人，一見到落左咁多茜已經好歡喜，肉碎同蠔仔一啲都唔吝嗇，材料好多，啖啖過癮。最緊要我食完冇口渴😉😉滿足既一餐💪#潮味莊

經過佐敦黎到呢間我經常食嘅潮州打冷鋪頭，最鍾意食佢地嘅韭菜豬紅，暫時係我食過最好味嘅豬紅鋪頭。今次叫左幾樣1:咸蛋炸蠔餅$75炸蠔餅炸到脆卜卜，配埋嫩滑嘅蠔仔，完全停唔到口，而且🦪份量好足夠，每一啖都有幾隻蠔仔，好正，配埋魚露食更加鮮味。❤️❤️2:肉碎蠔仔粥$55我地叫一碗粥就夠兩個人食。份量都係好多，每個人可以食到兩碗左右，蠔仔🦪份量足夠，粥味道鮮美，潮州粥都係可以食到米粒粒粒分明，同普通粥唔同。👍😏3:潮州滷水鵝例牌$98獅頭鵝滷得非常之入味，應該滷左好長時間，店員建議我哋叫有骨嘅鵝，會香過鵝片，食落果然油脂豐富又有鵝香，配埋鵝肉下嘅滷水豆腐，好滿足呀！🥹🥹4:韭菜豬紅$55豬紅份量超多，識落口感好好，唔會散晒，下面擺咗少少韭菜，成個韭菜豬紅豬紅先係主角，配埋濃厚辣辣地嘅醬汁，我成碗清曬🫣🤤😌5:通菜$18我哋揀咗通菜，配埋腐乳醬好夾🤤消費價錢：2人300左右結論：經過會食餐廳名稱：潮味莊 (油麻地)餐廳地址：油麻地吳松街1-3號創遠樓地舖

次次夜晚想食潮州野都會黎呢間餐廳食，貪佢夜晚都開到12點，就算九點幾黎食都OK。每次都係叫個幾樣嘢1️⃣韭菜豬紅💰60醬汁好濃好惹味，韭菜份量少，豬紅份量好多，食極都仲有。豬紅大大嚿，又有彈性，唔錯唔錯👍2️⃣蠔🦪仔肉碎粥💰58肉碎同🦪蠔仔份量好夠，雖然叫粥，潮州粥係米粒粒粒分明，味道唔錯，同埋蠔仔食極都有，又新鮮，好正😍😍3️⃣鵝肉例牌💰105鵝肉一啲都唔韌，幾嫩，鵝皮唔會好肥，滷水好入味，上枱嘅時候都係暖暖地唔會凍咗，點埋醋食好好味😋墊底嘅豆腐都好滑👍消費價錢：2人💰233，人均💰116.5結論：（10分為滿分）味道：7.5/10性價比：8/10回頭指數：7.5/10餐廳名稱：潮味莊餐廳地址：油麻地吳松街1-3號創遠樓地舖市