潮州邨 (已結業)

今日一行5人聚餐，揾餐厅嘅责任又落在我身上，第一时间去 openrice 揾下有乜好嘢，就揾到呢间传统潮州菜馆。睇食评知道呢间餐厅好难揾位，所以一早就打左电话订定位，点知去到都仲系要再等十五分钟，证明呢度嘅生意真系唔忧做。睇到呢度好多种唔同嘅冻鱼，听店员介绍叫咗条乌头鱼$218，听到个价钱都觉得有d贵，结果仲系麻麻地好食，所以不推介。金牌三宝$138，就系卤水鹅肝、鹅肠同鹅肉，卤水味道非常好，值得推介。潮式蚝仔烙$58，不过不失，如果唔怕食煎炸野都应该叫番份嚟食。糖醋伊面 $68，非常香脆，师傅功力深厚，不可不试。食完个潮州三宝，因为个卤水太好食，所以叫多份卤水鹅片$98。排骨春菜煲$65，味道普普通通。淮杞螺头鸡脚汤$98，味道一般，价钱合理，可以一试。