潮州邨 (已結業)

九月廿六日, 諗咗好耐都唔知食乜, 本來諗住再諗唔到就去飲茶, 但最終決定試吓新嘢!嚟咗呢間一路想試又冇心情試既《潮州邨》,之前成日嚟銅鑼灣一期既《煌府》飲茶, 都冇為意呢度有間《潮州邨》,打電話嚟 book 位時, 有位好兇狠既亞姐聽電話,唔可以話佢冇禮貌, 但確係畀佢啲態度嚇一嚇, 好似好惡咁...嚟到, 原來呢度好細架咋, 得幾張檯, 仲係比較舊式既潮州菜館果隻裝修,而聽我電話既亞姐, 睇嚟應該係呢度既老闆娘。睇完一大輪餐牌, 都係決定叫個四人小菜套餐 ($188), 再加個欖菜蛋白炒飯,第一次嚟幫襯, 當然要試吓啲正宗同出名既潮州菜先啦!有潮州鹵水鴨, 啲鴨夠入味又夠腍, 底度有啲鹵水豆腐亦係好好味喎!之後係蠔餅, 嘩! 好大份呀! 仲煎得好靚仔咁喎~即刻食一片, 熱騰騰, 啲蛋夠多, 蠔仔份量適中, 塊餅好似 pizza 咁厚, 好味!不過建議上檯即食, 因為凍咗就冇咁好味。跟住係我好鍾意食既香蘇泥芋鴨, 呢個菜好考功夫同心機,自己係屋企真係食唔到, 喺街度要搵到好食既亦都唔易,但係呢碟菜一上檯我已經知得得哋, 香蘇鴨即叫即做, 暖暖哋, 芋蓉夠香, 蘇皮夠鬆脆, 鴨肉夠入味

終於同Caren and Suet又去食過喇 ! 不過今次差左 ~ 叫左3樣野 : 鵝腸 , 鵝肝拼鴨舌 , 蠔仔粥 , 3樣野都仲係keep得好好食 ! 但係唯一亦都係唔應該出現ge問題就係d野食縮左水 , 比之前食ge份量少左 !!! 唔係係咪同呢排ge金融事道有關呢 ... ? 但係唔係應該再做得更好ga咩 ?! 個老闆仲好hard sell ... 我唔係咁鐘意呢種感覺 ... 希望下次再有機會食ge話唔會再係咁la !

昨天係朋友生日，佢話想食潮州菜，所以就係 openrice 呢度搵左呢間多好評既一試~~8:10pm 去到，但見唔多人，都仲有 3 圍檯冇人坐~~大家坐好之後，睇左一陣餐牌，就叫左以下既餸：凍魚 - 大眼雞滷水鵝肝豆腐鵝腸 ( 好似叫金牌三寶 )蝦棗蟹棗蠔仔肉碎粥潮和骨菜同炒飯 ( 呢 2 個唔記得個名 )個人覺得凍魚唔係咁得，而 d 滷味就幾好食，但就唔係好入味果隻。個蝦棗蟹棗都幾彈牙下，但食唔出 d 味..........個粥比較正，d 蠔仔幾鮮味 (?)潮和骨酸酸地唔錯，幾開胃，但係中段先上，好似慢左少少........而碟菜同炒飯就一般好食~~最後埋單請埋朋友都係百五左右，都 ok 咁啦~~

搞什麼？繼老上海之後又來了一頓唔多滿意的滬菜，期間談起潮州村的名物，幸好時間尚早，打了個電話留起份鵝肝，然後打程的來。由灣仔舊舖般來後一直路過而不入，卻想不到在這情況下來吃鵝肝同魚飯。二人霸了卡位，坐起來都幾闊落舒服，但吃打冷應該是「痞痞」地才夠入格，同從前坐頂背卡位面對著「冷檔」比，感覺猶有不如。一客滷水鵝肝、一條烏魚魚飯、一碟韭菜果及必吃的荷包鱔，二人作宵夜，該差不多了。為著一味滷水鵝肝而來，筷子篤下，手感唔多對路，試一口果然是乾硬貨色，跟老闆反映後，對方亦從善如流即時滷過碟出來，在原本吃剩的份量上添返足數，值得讚是不另收錢，經滷水衝撞後，鵝肝回復彈性，略為乾了一點，不及從前細膩滑腍，但比起坊間一眾滷水鵝肝明顯高一班，果然是鎮店名物。說起烏頭大概是無泥腥味，也難怪她原以為是活在汪洋的海魚，蒸後放涼做魚飯都唔錯，起碼比小時候吃咸檸檬蒸來得好吃，是日魚飯不夠肥美，腩位亦欠一層油脂，話雖如此但蘸著鹹鮮普檸豆醬，吃下吃下，轉個頭已清碟。荷包鱔用鹹菜包著放湯浸煮，侍應說兩位起，但一人來的話難道要吃兩份？反正餐牌備定貨色，如此規矩也真聞所未聞。鱔拆骨包著火腿，肉質應有的散腍，惜鹹菜、火腿未能滲

滷水鵝片、鵝肉、鵝肝、鵝腸、鴨舌、豆腐：鵝片鵝肉不柴不韌，不過肉地不夠豐腴。鵝肝滑溜無異味，其他亦討好。但滷水不夠醇厚，亦不夠香，神韻和層次感欠奉。蝦棗蟹棗：不俗，但份量小，每樣只得三件。方魚芥蘭：芥蘭青嫩爽脆，方魚香口，是整夜中至好的菜式。川椒雞：略鹹香酥鴨：不是太特別蠔烙：沒有粒粒蠔仔，漿粉亦太多。潮州炒麵綫：料多，有肉絲、魷魚絲、韭菜、芽菜等等，可惜鹽也放得多了點。糖醋麵綫：一般韭菜粿：上枱已煎好並切件，韭菜無碴，但味道遠遜於曾記和元合。芋泥：一般翻砂芋：未夠班。當私房菜還沒有成行成市，蘭桂芳唐樓有一私房潮州菜，老師傅手藝極之了得，他的翻砂芋，至今無人能及。總括而言，食物只是普通，但收費不高，大多介乎$40+和$60+之間，若以此為考慮，一吃無妨。

我十分同意教主嘅說法。我上次嚟就係貪佢人少少, 夠靜局, 但今次嚟 (可能是星期五嘅關係), 排隊搭電梯都要十分鐘。上到去, 老板娘立即問我們人齊未(有禮貌的), 我們說尚欠一位。不久, 又有一個部長又問我們人齊未, 我們答未。 最後一個類似老板的物體 (有潮州口音)不耐煩地問我們人齊味, 如是者10分鐘問三次, 再解釋今天嘅位比較緊張; 於是我的朋友不高興, 反駁他如果咁趕, 我們可以走去第二間嫁, 點知果個類似老板的物體(lou打格局)對我朋友說你依家想恐嚇我呀, 跟着便走了。我的朋友原本想放低茶錢便走, 但因為星期五銅鑼灣的確難搵食, 所以便留下。不過就很驚被加料。點菜嘅時候又不斷問點齊未, 話驚住你後補會耐噃。(按:其實上菜很快，廚房值得一讚)同意教主一樣想法, 如你咁趕, 好應該訂位時跟我說, 而不是不斷的趨趕，令我們非常冇癮，於是未夠九點就去了Pacific Coffee 繼續下場。這間店子是我介紹給友人的, 今次咁嘅經歷, 令我很不好意思, 以後都不會去了。

之前幫親過兩次, 第一次覺得d味道都ok, 加上老板娘殷勤招待, 所以, 先有下次. 但埋單時問她, 乜唔係用DBS信用卡食滿$500, 有九折咩?, 老板娘話近中秋節, 多人旺場嘛! 所以暫停, 叫我哋體諒下, 平日嚟食就有. 當其時比面老板娘咁好招呼, 就算啦! (是去年的中秋節).到第二次是在同年的年初七, 當日都是一樣旺場, 我哋一行大人加細路12個, 當天有位(類似老板的類體), 嚟幫我哋寫菜, 當我哋每點一樣餸時, 佢就問要唔要加大, 我們表示想試多幾款唔同菜式, 問佢咁每客份量有幾多? 他就(副副氣氣)話一人一嚿都冇, 我問佢即係幾多? 佢話7,8嚿倒!我便話OK啦, 因唔係個個人都鍾意食. 佢就話你哋自己諗啦, 驚你哋唔夠食, 等陣再加單要好耐! 我話唔緊要, 到唔夠食先再加, 我哋趕時間. 佢就話到時你哋唔好嘈話耐就得! 冇幾耐d餸就(噓噓聲)嚟晒, 食到一半(類似老板個件類體)就嚟問我哋夠唔夠食, 要唔要加餸? 我話重未食晒唔知喎, 要的話我叫你呀! 之後, 佢就過咗第二張枱. 聽到佢同第二枱講, 你哋d嘢齊晒囉, 上埋糖水比你哋啦! 個枱客就話:我哋有個生日蛋糕未

我以前只係會煎鵝肝食, 平時o的滷水鵝肝, 豬肝之類o既o野都唔多食, 因為覺得好乾, "張"住個口同條脷。上次同家人去食飯, 佢o地一食o的鵝肝, 個個都掙住繼續食, 咁我梗係唔執輸試o下, 點知真係好滑, 好嫰, 真係唔似平時食o既.......我宜家得閒都會買一盒淨鵝肝外賣返屋企....真係好好味...不過上次我o地食o左1000幾蚊, 我問DBS係咪有9折....個waiter話冇囉....係咪promotion完o左?

招呼極差!!比我地入左間房仔坐,但後面係走火通道,幾次有人進出,極之干擾。食物方面非常一般!鵝肝亦唔係想像中咁好食!d service係超差!比間房仔我地,但就有個waitress鬧我地咩又唔係包房閂咩門!叫佢比d碗仔我地飲湯又唔理我地。野都未食晒就走入黎問我地係咪食晒,係就埋單先,因為出邊好多人等。我地個個都勁嬲,總之以後都唔會再去!!!咸菜豬肚湯: 一般。咕嚕肉: 比較ok。潮式蚝仔烙: 麻麻。鮑魚潮州粥: 算係咁。金牌三寶: 普通。腿茸紹菜: 普通。絕不推介!!!!!!

朋友帶左黎呢間食潮州野, 一向都覺得 d 野都係凍冰冰不過原來都有凍有熱, 味道仲唔錯 tim滷水鵝片, 點少少酸汁 (4分)滷水鵝奸, 口味唔錯, 不過唔係人人都鍾意 (4分)蠔餅, 點少少酸辣汁, 惹味 (4分)欖肉炒四季豆, 個人覺得麻麻, 朋友話之前食過好 d (3分)蠔仔粥, 味道一般 (3.5 分)凍魚, 大眼雞, 點面豉醬, 幾惹味 (4分)侍應好似催你落單咁, 不過我地又係慢左少少....但耐心少少會較好老細幾好人, 同 d 客有傾有講, 氣氛唔錯

同朋友去食晚飯, 打電話訂左七位,食物叫左：鹵水鵝肝鵝片，方魚炒芥蘭，蝦早蟹早，蠔仔粥，蠔餅，香蘇鴨伙計好主動介紹菜式（多數介紹貴野），份量加左大（但唔覺得囉）其實ｄ食物真係幾好味！係個蠔餅麻麻！而且有電視睇！好好七人共$850

Haven't come to this restaurant for long time since its relocation to Causeway Bay Centre. However, quality of food is deteriated and disappointed me so much. In addition, the service was so bad that I never seen from other restaurants in Causeway Bay. So bad, waste my time to come....and I would not go to that restaurant again...never!!

終於食到喇!同caren2個食左3碟野~雙拼(鵝肝拼鵝腸),鴨舌同蠔餅~不過都食唔晒!3樣都好食,d味又唔會太濃,d蠔同鵝腸亦冇沙,洗得好乾淨~鵝肝就真係冇得頂!如果唔係咁飽ge話真係想再叫多碟~下次會try蠔仔粥~and then環境都比我想像中乾淨同大~good!

2個人SEARCH完OPENRICE就決定來潮州村試吓, 叫左個排骨春菜煲, 潮州炒麵線同埋梅子蒸白鱔(有人忘記影碟鱔)老實講..此店D食物真係唔錯有D似上次我回鄉食既味道...D麵線炒得唔錯又多D芽菜仔又唔油, 春菜煲老實講煮得正過我亞媽唔知係咪佢加左D白蘿蔔呢個湯都好甜; 個鱔真係好新鮮D肉夠彈又入味....此店盡對可以再去.

同朋友去食晚飯, 好在呀媽提我打電話訂位先, 如果唔係實無位!環境方面:光猛企理. 不過鋪面其實好細, 得o個十幾張檯. 所以唔訂就可能要等好耐! 因為都幾多人去的. 食物方面:正宗地道. 食左鹵水鵝肝鵝腸, 咸菜鱔湯, 沙爹牛肉河, 方魚炒芥蘭, 綠豆爽糖水... 炒野夠晒穫氣!服務方面:招待熱情. 安排入坐都幾快手, 伙計會主動介紹菜式, 同埋提醒份量. 不過上菜稍為慢左d.價錢方面:本來就okay 啦, 有指定credit card 就仲抵d.