潮式腸粉 (已結業)

****以下純屬個人意見, 或者揀唔岩時候去啦***估唔到第一次寫食評就係比負評....去到唔使等位 但係等左成幾分鐘先有個姐姐行出黎可以寫野叫左潮式腸粉, 炒粿汁, 另外本來仲有一碗薏米粥上菜速度都幾快 首先食左個腸粉先 覺得 始終食唔慣潮式口味 因為裡面雖然好多料 但係除左蝦米同腸粉之外, 我幾乎食唔出有咩餡.....另一個炒粿汁 個味有D似乾炒牛河, 仲有個扎肉, 同埋大量芽菜, 叫做算係咁啦最後薏米粥到我食完走果刻都冇黎到 埋單果時叫男朋友同佢講 佢話扣返 男朋友另轉頭問我個數目岩唔岩老闆即刻黑晒面同唔多好語氣咁話扣返你個粥咪幾錢幾錢囉 行左出門口發覺老闆用個唔係幾"老黎"嘅眼神望住我地 真係唔會再有下次成個場上至老闆下至樓面都賭緊馬 我到底去左馬場定係潮式腸粉？

7點前去到...店員都仲食緊飯...於是我地就坐o係下慢慢揀o野食~ 三個人叫o左四樣o野~ 1) 炒裸汁 個名好得意~ 呢個好似粉咁o既o野好煙韌~ 仲有好多芽菜九菜同少少扎肉~ 不過味道係濃o左d~ 熱辣辣上檯...掛住食唔記得影相~ 哈哈~ 2) 潮式腸粉可以加錢加蠔或蝦...我地就要返普通o既豬肉~ 其實都好足料~ 有好多菜...蝦米...又有蛋~ 好滑好好味~ 3) 兵乓豬肉筋丸老細推介~ 話唔係日日有...一於試o下~ 真係好大粒!!! 一定大過兵乓波~ 初時以為係筋會好韌...點知唔係~ 好爽口好好味~ 仲同埋紫菜湯一齊上~ 正~ 4) 綠茶煎餅少少甜~ 同埋芝麻味重過綠茶味~ 入面又係煙煙韌韌~ 不過真係要熱食先夠脆...凍o左唔好味...(不過老細講相反o既o野...哈哈...)呢度d o野食幾特別~ 唔係好多地方有~ 所以都仲可以嚟好幾次試多幾樣~ 

星期日晚餐, 當然同老公去試下新菜式. 今次去試下元朗呢間潮式腸粉, 位置於鳳翔街鄰近消防局.  今次老公點了雞絲粉皮, 潮式腸粉, 脆炸肉丸, 青瓜, 魚蛋紫菜湯和炒裸汁!!開胃小前菜是爽口的甜甜酸酸青瓜, 份量多抵食!! 湯水是新鮮又彈牙的魚蛋煲紫菜湯, 紫菜有好多, 一碗兩人都足夠!! 雞絲粉皮是手撕雞, 雞肉煙煙韌韌, 粉皮亦很薄, 配搭了麻醬好好味非常香!! 脆炸肉丸肉夠鮮嫩, 味道好香口, 點埋醬汁令味道更上一層樓!! 潮式腸粉皮很薄, 裡面有材料有菇最後招牌菜係炒裸汁, 裸汁煙煙韌韌半透明狀, 配搭了芽菜, 韮菜, 豬肉, 裸汁完全吸收了汁後, 食落份外更感好味!!

與老婆去元朗百老匯看『孤星淚』後，正好到了午餐時間。本來想去吃粥與腸粉出名的發X的，可惜人太多，連門口的臨時餐檯都多了兩排。沒辦法，試試其他的吧。回頭走到這家『潮式腸粉』，門口貼著小義金剛採訪的照片，所以也就大膽一試。心想有電視推介，應該不會差到哪裡去吧。可惜。。。叫了4樣，普通的豬肚鹹菜湯（價錢：$20），招牌潮式炒粿汁 （$40), 潮式腸粉（$25）,炒石螺（$58）。說實在的，如果是有心整的菜式，這個價錢我覺得不貴。所謂新潮的潮式，只是在米粉裡加了番薯粉就是了吧？現在的人什麼都是口感口感的。叫豬肚鹹菜湯，是試金石。豬肚加鹹菜，那『甜味』何來？很講功底的。 豬肚倒不像是冰凍過的，但豬肚湯清如水，不要說『甜』，應有的胡椒味道都欠奉。唉，有點失望。接著上菜的招牌潮式炒粿汁 （$40)，是老闆娘親口推介。上台時，沒有試味已經聞到很大的味精味道。樣子看來像陳村粉皮，只是加了番薯粉，其實有過韌的感覺，加上味精多到『咸』，真的有種被『加幾難』（同鄉人）騙的感覺。 味精這麼重手，也太赤裸裸了。炒石螺，可謂這餐勉強可以及格的菜，但也是很重的調味。這就是招牌的潮式腸粉：摻有番薯粉的腸粉一片，包著用

所謂特色既腸粉,咁緊係同平時食既好唔一樣啦..呢個腸粉有芽菜,生菜仲好似有d蛋,蝦米同冬菇,仲有好多好多汁..冇錯!唔係豉油~係汁呀!!呢個就係呢間鋪頭推介既主打蠔仔腸粉..粉皮夠滑,食落每口都係餡料..滿滿的,但味道偏淡少少..潮式菜肉餃,這個不過不失,像普通炸餃子一樣,配一d酸酸甜甜既醬汁,都唔錯啦!!最後一個拍青瓜,呢個拍青瓜好似用好多甜酸醬整咁..我覺得一般總結黎講~對於嘗試新事物的感覺不錯..可以一試

很多時候吃東西也吃環境，吃環境也吃感覺，親切的感覺最能感動食客，微笑更能帶動愉心的心情吃出更美味的東西。這家餐廳吃的當然是潮式食品，門外已見到貼上很多報章雜誌的食評，那就進內試一試。點了蠔仔腸粉，潮式煎芋頭卷，潮州四寶拼盤和糖醋骨，由於個人比較喜歡重口味和特別味道的食品，所以覺得這家餐廳不錯，糖醋味濃，肉很林；四寶拼盤比較普通，只是普通炸物；煎芋頭卷在食評比較少人提及，但其實十分有驚喜，賣相一流像米通，炸得脆脆的又一點都不油膩，芋頭味也很出色想一整碟的吃；夜了點店內少人點，老闆特地提議我們移動到比較寬敞的位置，一路吃一路覺得很滿意，所以老闆也是親切的笑，突然端來了一碟潮式炸豆腐，說是特別送給我們試試，本身也很開心有特別的禮遇，一吃下更覺得熱騰騰的豆腐，外面超香脆裡面超軟滑，配上鹽水加蔥汁帶出的味道一流 !!!!!!!!!!! 然後是蠔仔腸粉，感覺有點像台灣蚵仔煎，汁的味道也ok。臨走的時候不忘感謝老闆這一餐有心的晚飯也感謝他送給我們的一碟豆腐

　　對香港人來說，最有名的潮州菜莫過於打冷和鹵味，腸粉卻少聽。朋友聽到我說要食腸粉，面有難色，望住旁邊的牛腩麵店，就知道她心裏想甚麼。我說：「放心啦，信我。好吃的，而且會飽。」她瞧瞧兩邊店面的人客量，又看看「潮式腸粉」這邊貼了許多顆小儀和金剛的頭，還是跟我走進去了。　　其實我又憑甚麼叫她放心呢？我也是第一次光顧這間店啊。當然人生有許多第一次，逼我們滿懷信心去面對。我只是單純知道潮州腸粉是甚麼來頭罷了，至少我的確知道一碟腸粉就可以滿足女孩子大小的胃。　　我們只有兩個人，她說還想留肚子吃甜品，於是只點了蠔仔腸粉和炒粿汁。我告訴她粿汁和粿條的分別：　　「粿汁一塊塊，厚而韌；粿條則是類似河粉。其實河粉在潮州話裏就是粿條，讀音似貴刁，所以星馬泰式那種吃到滿口是黃色色素的炒河粉，就叫炒貴刁。」　　我講解得一臉認真，朋友卻覺得我的樣子很惹笑。果然女孩子就是這樣，甚麼都覺得好笑。　　粿汁在我印象中不是特別好吃的食物，我不喜歡它的韌性，而且太大塊太厚，伴湯時也有點太黏。所以我也不喜歡吃薯粉。（粿汁正正就是加了薯粉）不過我吃過的粿汁都是放湯的，拌鹵水，加腩肉、芫茜之類，是正宗粿汁。桌上的炒粿汁比起在菜單上

之前睇某報紙介紹過呢間"潮式腸粉" 訪問過呢度嘅老闆, 佢話佢係新移民, 佢日日喺舖頭，唔知香港人同內地人嗌交-"我所認識的香港人都好好人，對新移民好支持，我好感恩！ 希望大家能和平共處....... "好! 就嚟試下-- 蠔仔腸粉 $31.00--米漿腸粉皮幾煙韌, 包着芽菜、生菜、冬菇、蝦米、土魷同埋主角蠔仔, 可能有蝦米、土魷啦, 帶出海鮮甜味. 不過內藏生菜芽菜, 就食得比較"論盡" 最後要出動較剪 (好在我每次同百厭仔出街食飯都有較剪跟身啫) 潮式炒粿汁 $38.00--似港式乾炒牛河, 不過牛肉換咗扎肉. 粿汁煙煙韌韌幾特別. 味道唔錯. 潮式酥皮豆腐 $25.00--豆腐雖然外脆內嫩, 但豆腐入口味道怪怪地, 可以用苦味來形容, 可能係呢味菜嘅特色呱. 但絕對唔係我杯茶, 我真係接受唔到囉.埋單 $94.00

週日下午茶時段到了此店，店外貼了金剛小儀做生招牌的剪報，以為內有乾坤，誰知服務及食品均令人沮喪。坐下落了單近20分鍾食品還未到來，一查才知流程故障未能知會廚師，及後姍姗來遲，一碟薄薄焦燶的蠔餅呈現眼前，雖還熱騰騰，但最重要是整碟10吋直陘的蠔餅能數得出不夠10顆蠔仔，晴天霹靂驚為天人，成本$8竟賣$38。幫襯此店一次嫌多，極難推介。

看過食評, 看過雜誌發現這家潮式腸粉十分特別, 原來舊址在葵芳很多雜誌和電視台都已訪問過了. 今次搬了去元朗對我來說實在太方便了, 加上款式新穎怎能錯過呢~約六時四十五分到達, 掂內不太大只供約二十位客人便滿坐, 雖然時間尚早但已在門外開了枱, 我們不想坐室外因怕有煙民唯有等一等, 等了五分鐘左右便能入坐. 帶位的待應男生我估只得十三, 四歲, 看似家庭式生意, 否則他們就請童工了.店外店內都有不少訪問的剪報, 飲食節目的照片.餐牌內原來有很多潮式食物還未吃過.圓餅形的腸粉登場, 因方便給大家看看內裏的乾坤, 所以已把腸粉中間開包~~~~~~~~內有生菜、蛋、芽菜、蠔仔, 蠔仔不算大隻份量適中, 但蠔味十足, 除了蠔味外整碟腸粉都不覺得有什麼味道, 非常之清淡~~~~~~~~~~~~~~~~~粗粗的粿汁條很好味, 感覺有點像在吉隆坡吃的炒粿條, 但味道沒有那麼濃, 配上芽菜和一些類似扎肉絲的物體, 不錯~炸豆腐好像是這店出名的小食, 但真的不合我口味, 我覺得有點臭豆腐的味道......不知是否太重豆味呢?????雖然新鮮熱辣炸出來, 豆腐亦很滑, 但味道真是不太接受到, 旁邊有些汁感

之前一直想食 潮式腸粉但上次去未開,因為係早上10點左右,,原來係11點先開.!我地係11點左右去到,所以人唔多..! D 服務幾好,,已經介紹我地有咩招牌食物!我地叫左招牌腸粉, 上碟之後幾驚喜...,主要都係菜,冇咩肉..食落去一般,因為真係好淡.!冇咩味,但一定好健康..HAHA之後係潮式熱拌粿汁,我地冇加料,但味道OK啦,,口感QQ,彈牙,佢的配料幾夾,花生好香脆,好有好潮州特色!湯底好飲,好鮮甜不過最好食的係潮式炸豆腐!!!等左十幾分鐘,但真係好好食,,,好滑呀,食落好似炸cream/milk,因為好香同好滑,原來係老闆自己整,怪唔知咁特別,好有豆的香味.!!仲可以點一個汁,我覺得咸咸地,唔可以點太多!

在 1 月時，我見到殿堂級食家 Yan 一篇有關 <潮式腸粉> 的食評，令我這位在香港土生土長的潮州人亦想一試！ <潮式腸粉> 位於元朗，距離我家不遠！放工由上環搭地鐵轉西鐵，很快便到達元朗。元朗西鐵站行過來，大約 10 分鐘！這裡的老闆娘是潮州人，她把潮式食物改革！ 讓食客容易接受！ 相信店員大致上是家人吧！如果，點菜的話，最好是找這位女仔幫忙，較為勤快醒目！ 另一位中年女人，則要食客重複食物名稱！原來，潮州人同樣迷信！ 我見到招財貓及風水擺設咬金蟬蜍雙管齊下！講真！我甚少食潮州菜，就算媽咪煮的通常是家常小菜；久不久會弄打冷菜色，如凍大眼雞、凍烏頭、凍花蟹...等。店子供應的潮州菜色算不少！ 包括：潮式小食、潮式粥品、炒粿汁、炒飯、....。真令人眼花撩亂！因為，我想試潮式腸粉，但又恐怕不夠飽肚，所以，叫了一碗潮式熱拌粿汁！潮式熱拌粿汁 $23配料：肉醬、蒜蓉、花生、菜脯、芽菜、芹菜。口感爽脆的芽菜、配合芹菜的清幽香氣，加上蒜蓉增添滋味！ 肉醬令整體不會太乾，正好發揮中和作用！ 爽口的菜脯是潮州菜的靈魂，這特色配料當然不能少！味道層次感豐富！ 不過，肉

返工後的首個週末，爸爸媽媽終於有多些留家；不過留家的時間也沒有閒著，而是全天候看顧著寶寶，來到晚餐時間也多得婆婆來頂一頂，才有短短一小時下樓吃飯。早前留意到樓下開了一間有趣的新店，叫潮．潮式腸粉，就去了一試。不知是新開關係抑或其他，當晚兩口子去到時，店子幾爆滿的，也等了約5分鐘才有位。一坐下，店員就問要茶還是蕙米水，當晚二人要了兩杯各一；原來後者是新開張免費送的，微甜的口味幾討好。港式豬腸粉及粵式蒸腸粉吃得多，潮式腸粉可是第一次見，當然要試試! 二人要了一份的招牌潮式腸粉($28)，成品的組成有點似蠔餅，不過改用上用上軟滑腸粉皮，並以蒸取代炸，裡面的食材包括芽菜、生菜、煎蛋、魷魚等，吃起來咸咸滑滑的，食感特別，但稱不上十分美味，一試無妨，令人回味再三就不會了。反而女店員推介的另一款小食---潮式酥皮炸豆腐($28)頗有驚喜，皆因豆腐有著金黃薄脆外層，而裡面更是幼滑如忌廉，口感特別令人難忘!最後還點了一份大的蠔仔粥($38)，此粥份量與用料都十足，可是味道很咸、太咸，味精也很重，吃慣了清淡住家菜的媽媽不太接受得來。這次埋單$94，不貴，但感覺食物的水準還有進步空間，希望小店做順了會有進步