潮樂園 (已搬遷) 新店位置

今日去咗潮樂園食嘢，試咗佢哋嘅滷水鵝肝同凍馬友，真係好正啊！😍滷水鵝肝真係好滑嫩，滷味又啱啱好，唔會太鹹，啲鵝肝又煮得啱啱好，完全唔覺得膩。👍凍馬友配埋普寧豆醬，味道互相襯托，啲醬汁帶啲鹹味，令到味道更加豐富。凍馬友本身唔係好油，魚味好香，一點泥味都冇，加上啲醬汁令到味道更加開胃，食落好舒服。😋份量方面都啱啱好，啲鵝肝切得啱啱好，凍馬友嘅份量同埋配料份量都啱啱好，令到食落好舒服，唔會太多太少。總括一句，潮樂園嘅滷水鵝肝同凍馬友係一道絕對值得試嘅菜式，特別係凍馬友配普寧豆醬，味道豐富又開胃。我會俾佢5星評分！⭐️⭐️⭐️⭐️⭐️

雞腳實在太鹹了 但老闆好人 願意退回食物 亦把我們的意見收到了希望下次幫襯是真的會進步了 其實其他食物都好一般 牛丸有少少驚喜外 蠔仔粥 尚算新鮮 同地方實在太細了 買外賣還好的 真不知道米芝蓮何來

看完美食一條街，便專誠過海。會一會它，怎知名不符實。今晚，買了卤墨魚，卤鵝飯外賣。墨魚唔爽。鵝肉無鮮味，卤水偏咸少少。外賣唔排隊，多人打尖。有點兒失望……價錢合理……

食午飯時，我同大少講我想食滷水鵝，附近有間潮樂園，不如去試下。大少已經提醒我，唔好咁大期望。舖仔細細，只得4個位。 有如一般滷水店，裏面有鵝片，鵝肉，鵝腸等等嘅滷水食物。本來我想食滷水鵝拼鵝肝飯，佢話鵝肝無得拼，咁我唯有放棄，只係叫咗鵝腸拼滷水鵝飯。少爺叫咗沙薑雞飯。每碟飯都有跟潮州鹹酸菜，同埋滷水豆腐墊底。望落去份量有啲小，我問大少好唔好食，佢只係話份量比較少。我估佢呢一餐都係食唔飽㗎啦。我碟滷水鵝拼鵝腸飯，啲滷水鵝好多骨，冇乜肉，鵝腸就好乾淨但係漂都冇乜味。唔怪得知大少提醒我，叫我唔好對佢哋有期望。我只可以講價錢街坊價，當普普通通食一餐頹飯。

今天買了一隻滷鵝水掌一隻鹅翼、一件豆腐、及一份鹅腸吃！完全沒有滷水未、好像白開水浸熟！完全冇任可味道、應真差、價錢又不是平、只是看過電視介绍才去試吓、不直再試囉！！！

除夕夜，在家做節，其實之前都試過堂食，不過依間餐廳既地方比較細。坐就冇咁舒服。所以如果想多d人食就可以去北角果間，果間大好多。坐得舒服d...我自己都鍾意食滷水雜錦，但人多就可以試多d款式。所以，今次就買外賣回家食，叫左個滷水雜錦全家食⋯都幾好食，咩都有咁⋯豬耳仔、鵝片、紅腸、豬雜。我朋友就係潮洲人，佢食完話食到家鄉風味。我就最鍾意食豬耳仔，唔係好咸。因為有好多滷水食物食完都會好口渴，但依間就唔會，所以可食得過。

今天在「潮樂園」外買了一盒滷水鵝片，定價是HK$148.00，在等待過程中，看見負責人將兩大片豆腐（不是普通的大，是十分十分之大），與及大量的花生放進發泡膠盒內，放完兩大片豆腐及大量花生後，整個發泡膠盒已經滿達八成。然後取出4份1的滷水鵝，開始切鵝肉片，看到負責人只用了¼隻滷水鵝當中的3份1，切了12片鵝胸肉後，便停止再切，即是只切了4份1隻當中的3份之1（=12份之1）。繼而將內含兩大片豆腐、大量花生及只有12片鵝胸肉的發泡膠盒交給我，我嚇到目定口呆，因為怎可能HK＄148.00，只買到12片鵝胸肉。因為4份1隻滷水鵝售價是HK＄128.00，所以我向負責人問為何售價HK$148.00，只買到¼隻滷水鵝當中的3份1（=12份之1），負責人支吾以對，只堅持要收HK $148.00，我當時感到愕然😱😱，原來香港真的有這樣坑人的店，真是香港人的恥辱。😡😡

星期五放工，諗住買外賣回家，返咗五日工，要唞一唞唔煮飯，在電氣道經過一間小舖，見到個名好得意，叫做潮樂園，原來是一間滷味外賣店，開頭見到掛起一隻隻滷水鵝，夏天太多肉食，也沒有胃口。但見有人龍排隊外賣，羊群心態，應該係好野，不妨一試！原來他們除了滷水鵝，還有很出名的滷水鮮鵝肝，蠔仔/方魚肉碎粥，韭菜豬紅，手打魚蛋、墨魚丸、魚皮餃、特級牛丸⋯等。最後買了一盒細的滷水鵝片拼鮮鵝肝$188及韮菜豬紅$49，回家試一試。回到家吃還是熱的，要讚一讚鮮鵝肝片，味道很好，入口即溶，正！

有個同事新居入伙 , 一大班同事約左今日去打攪一下 , 上去打攪又點可以兩手空空呢, 主人家話今晚打邊爐, 等我諗樣野食加料又可以match到打邊爐先 , 行下行下就見到呢間叫"潮樂園" , 滷水配打邊爐 , 飲下啤酒都幾match呀 , 他們的門囗細細, 但招牌大大的 , 鋪頭亦好光猛 , 所以好易見到 , 不過經過都一定會看見因為門口都有好多人排隊大大的招牌, 個招牌都幾潮喎他們有個透明玻璃窗 , 看到裏面掛滿一隻隻滷水鵝 , 和放滿其他的滷水 , 可以在這裏參觀下選擇一下買咩好門口貼左好多明星幫襯過的照片, 咁多明星幫襯我諗應該都會好味他們主要是做外賣的, 門口有個易拉架 , 清楚寫明所有食品及價錢本來淨係叫個拼盤但見到有蠔仔粥又忍唔住叫左 , 個蠔仔粥非常之多料, 隻隻蠔仔都好飽滿 , 脹卜卜 , 比起其他餐廳的較為大隻 , 仲有滿滿的肉碎 , 個粥煮得很夠味這個係"滷水鵝大拼盤"  , 大拼盤乜都有 , 這樣乜都可以試下 , 裏面當然有主角滷水鵝 , 配角有鵝腎, 豆腐, 金錢肚, 五花腩, 豬頸肉, 豬大腸, 豬耳 , 他們滷得非常入味, 相信他們滷的時間控制得好好, 入口

今日去天后拎嘢，離遠見到呢間裝修咁新潮，但係掛晒啲鵝呀，紅腸呀係度，又見到貼咗好多明星相，於是行去八下。係門口睇，已經有個姐姐好熱情咁出黎推介，今晚要去個朋友屋企食飯，時間又咁早，咁買定上去邊食邊等都好~ 姐姐問我想試咩，我話想食鵝片，另外就等師父介紹啦，因為我啲朋友咩都食嘅~ 睇見選擇都好多，而且環境好乾淨，唔似出面一啲滷水店咁痴立立~ 等緊嘅時候又想食螄蚶，於是再加，嘿嘿！埋單二百五蚊左右~正呀！去到朋友度，急不及待開盒，超大盒，個個都話抵呀，入面仲有豬腸同豬頸肉。滷水鵝好入味，而且啲鵝仲好滑，唔會鞋同硬，豬腸完全冇怪味，仲要好淋，豬頸肉都好香，滷水汁又唔會過咸，唔洗10分鐘已經清晒~螄蚶好鮮甜，而且啲殼洗得好乾淨架，隻隻都白雪雪，雖然唔算好大隻，但係個汁都好入味，而且好新鮮，好正呀！

朋友從比利士回香港過年，邀請他來我家食晚飯，他又係潮州人，不如買滷水鵝加餸，相信一定喜歡。潮樂園在我家附近，平時行過見到掛在窗好色澤，滷得耐就上色入味，滷水汁以十多種藥材製成，汁靚鵝靚。鵝片鹹香又入味，肉質腍軟，甘香不會死鹹。本來想鵝片拼鵝腸，但已售罄。見到豬大腸清洗乾淨，不太多油脂。食落好甘香，有嚼口。滷水豆腐，濃豆味，香滑，口味清新。滷水煮得入味，款款都食唔停口，連在底的滷水花生。

天后最近開了間潮州鹵水店， 只做外賣。老友唔話得，專程由天后拎到過海比我嘗試，剛巧晚上餸菜沒有肉類，大小姐放工回來看見有鹵水鵝馬上話好嘢☺，二話不説，馬上開飯。鵝肉鮮味嫩滑，沒有肉騷味，一般鵝腸有很的肥膏，但這裡已去清了肥膏，不是肥鵝腸，所以不怕不健康，可以吃多Ｄ😜，鵝腸非常之爽脆，滷水味不會太咸，有很香的花椒八角但又不會太濃，味道很適合我，還有豆腐及花生真是豐富，後來看清楚老友send來的照片，還有很多其它鹵水款，下次可以揀多几樣😄。

朋友去完旅行，買了一些特色酒回來，叫我去他的家品嘗。不可以空手上去，行過電氣路，見到潮樂園，得，帶滷水鵝做手信。店細，只供外賣。見到掛在窗的大大隻的滷水鵝，色澤佳，見到就想食。要了滷水鵝雙拼：鵝片及掌翼。鵝片吃起來啖啖肉，皮香不帶膩，味道陳香沉厚。掌翼滷得鹹香惹味，最啱佐酒。豆腐滑溜，入味及放在盒底有滷水花生，大大粒。

約完朋友在天后食TEA 後行過遠處就見到呢間掛滿好多鹵水食物， 舖頭燈光都幾光猛原來是潮樂園，行埋去睇下玻璃窗見到有紅腸、鵝掌、鵝腸、 鵝賢、鵝翼、鴨舌、墨魚、鵝片等等。 久違了的滷水，因家中附近都沒有潮州店，就決定叫返個拼盤今晚加餸先 我睇見樣樣都想食，決定叫這個滷水鵝片三拼 可以自己點選喜歡的款式。 第一個感覺就是開口問野 店員態度同語氣的確不太友善 真的令人廢解 呢道專做外賣自取，不切堂食 滷水食店都非常深受藝人歡迎！ 下次一於要試下手打魚蛋先 可以打下邊爐 喜歡啖啖肉及少少怕肥的話可以揀鵝片 家人打開已經話聞到滷水氣味，滷水鵝三拼有三款包括鵝片、鵝翼、鴨舌。 底層有滷水豆腐同花生。 試上比人多人叫皇牌滷水鵝片，肉質入口嫩滑，切片不太厚 滷水汁夠香鵝皮煙韌口感 ，入口啖啖肉 皮香卻不帶肥膩，味道陳香沉厚。 來一杯酒同花生，真爽 滷水鵝翼 夠翼也不錯味道適中不會過鹹 咬落去感到好有咬勁 滷水豆腐都夠滑嫩帶有陣陣豆香味 飽肚感也很夠，老人家吃都冇問題軟硬度適中 花生大大粒香口又濃郁 滷水鴨舌入口爽同淋身好入味，鴨舌也皮彈肉滑 吃下少少肉就成條骨退出來，感覺相當

早排和老公去清風街用膳時，已經留意到以潮州打冷作招徠嘅《潮樂園》，喺電器道街口開咗間外賣專門店，主力銷售滷水食品，不過由於當天另有節目，未能抽空一嘗店裡出品，所以趁這天碰巧要來天后理髮，就決定過去店子八吓，順道為晚餐斬料加餸。到埗後，先細心研究一吓門外的易拉架餐牌，食物款式都幾豐富，除咗有一般的滷味，例如滷水獅頭鵝、滷水鴨、鵝翼、鵝掌、鵝腎、鵝腸等供應外，店子還設有潮州打冷食品，如潮州凍花蟹、凍大眼雞、凍元朗楊氏烏頭、潮式生醃獅蚶、手打魚蛋、炸魚片頭、手造魚皮餃及特級牛丸等，可供選擇，不過要留意，有部份食品需向店子提早預訂。選購了一盒滷水鵝片雙拼 ($168)，包括有鵝片和五花腩兩款，回家後把滷水食品拿出，原來店員早已於包裝袋內放入了酸汁和滷水汁各一包，讓客人可因應個人喜好，為鵝片自行調味。揭開盒蓋一看，鵝片分量不多，擺放得唔算密麻，不過鋪排得很整齊，而下面一層就放有五花腩，並以滷水豆腐和滷水花生墊底。先挾起滷水鵝片一試，肉質細緻軟腍，沒有死鹹或過分的香料味，而且鵝皮煙韌、鵝肉亦嫩滑無渣，配合陳年滷水汁，入口香而不嗆，美味非常。至於下面的滷水五花腩，肉質雖然是有點粗嚡，而且有好件望落去