潮牛莊火鍋

营业中

休息中

❤️潮牛莊火鍋 (尖沙咀)尖沙咀金馬倫道23號金馬倫廣場2樓A號舖熱辣辣繼續打邊爐😝😝😝😝朋友話暑假完結前要gather 一下當然要食好西呢間火鍋店食物種類好多仲可以一人一鍋添我哋試左幾款靚牛🍲吊龍，牛腩心，肉眼邊同埋爪邊🥩最正嘅係有個溫馨提示話你知最佳食法🤩真係好細心啊💖💖💖D牛肉超級新鮮爪邊第一次試原來咁爽口😲大家都讚不絕口吊龍口感唔同肉味香濃🤤好軟滑入口即化🤭肉眼邊爽口彈牙煮5至8秒就食得☝️油脂分布平均👏🏻幾款都好正👍🏻價錢合理主角出場👉🏻👉🏻👉🏻👉🏻👉🏻就係象拔蚌喇切得好薄剌身簡直冇得頂好鮮甜好爽口非常新鮮😻仲有一個必吃小食椒鹽雞翼🥳脆卜卜，辣度啱啱好配埋蒜蓉好香口😛😛同朋友一齊大吃大喝食好西就係開心呢間可以繼續試😋😋#尖沙咀美食 #潮式火鍋 #牛肉 #打邊爐

昨日同媽咪阿妹一齊嚟打邊爐🍲因為阿妹鍾意食牛，牛肉嘅選擇都幾多既我哋揀咗牛腩清湯鍋，味道新鮮肉邊眼牛肉比較軟身，牛味突出，大約烚5秒就食得，因為佢好薄身，所以入口就食到牛味金錢牛展以前就食過醃嘅牛展，第一次打邊爐食，有幾特別，味道單純啲，食到牛肉嘅鮮，但係就硬身啲啲爪邊都係第一次食，佢比起其他牛肉更加薄身，個樣似雪花，烚大約3秒就食得，烚完之後食落口軟腍腍牛頭脊呢個部位幾特別，佢係長方形，肌肉比較少，因為我都唔係好鍾意食啲肥肉，質感軟硬適中除了牛肉仲有唔同嘅蔬菜，例如娃娃菜，粟米蕃茄菇等等，魚皮餃份量唔算好多，但係幾好食，手工餃入面係白菜豬肉叫咗個米粉嚟撈牛腩湯，同平時出面食牛腩米粉或者米線嘅味道差唔多

呢排成日落雨又濕又黐立立，心情唔好就食打邊爐氹吓自己！我哋就揀咗呢一間係尖沙咀嘅港式打邊爐，皆因見到佢食物種類都好多，最重要係每一個人都有一個專屬於自己嘅鍋，咁就可以揀自己最鍾意嘅湯底同埋食物，唔怕同人爭啦！现炸猪唛午餐肉午餐肉外皮香脆裏邊熱辣辣！而且呢隻牌子嘅午餐肉肉味好濃，亦都唔會太鹹！好食！蘇格蘭蟶子王蟶子王好大隻同埋好新鮮！簡單淥幾秒就可以食，肉質爽脆嫩滑！金鮪魚刺身呢個刺身都好唔錯喎！一啲都唔會腥，刺身切到好薄，食落都係鮮甜嘅！很不錯！牛肉我哋揀咗兩款，分別係肉眼邊同埋金錢牛𦟌！肉眼邊油脂會充足啲，牛味好重！金錢牛𦟌第一次食，佢嘅口感會爽啲同埋厚實啲，但係都係好食嘅！總括而言，呢間港式打邊爐食物質素上乘，最喜歡佢一人一鍋呢個設計，真係好貼心！

潮牛莊火鍋（尖沙嘴）❣️餐廳位於旺區金馬倫道，晚飯時間人氣非常旺。店內位置闊落，坐得舒適。最緊要冷氣啱曬打邊爐，就算係夏天絕對冇有怕。呢度主打新鮮牛肉，仲有各種不同的稀有部位👍🏼除咗牛肉之外，都有其他肉類、刺身選擇。🌟加拿大象拔蚌 🦞無論係刺身、火鍋都恰到好處。師傅刀功盡現，切得薄身，大小一樣。口感層次豐富、爽脆無比、軟熟嫩滑。肉質百般鮮甜，完全冇腥味。令人不能停口。🌟牛頸脊🐂顏色鮮紅中帶有密密的雪花紋、細膩的油脂紋。油脂比例不算高，口感嫩滑得來充滿彈性，牛味相當出眾，簡直係牛肉天花板。🌟爪邊🐄爪邊係牛肋骨包圍牛腩附近的肌肉。帶薄筋膜，腍滑得來又略帶爽身，超級有咬口。牛味香濃帶點甘香。🌟金錢牛𦟌🐃非常稀有特別的部位。油花、筋膜紋理清晰可見、平衡相間。脂肪比例相對少，但肉味香醇，充滿嚼勁。

呢間位於尖沙咀金馬倫廣場嘅潮式火鍋店主打手切騸牯牛肉，有好多牛嘅唔同部位可以食到，我哋嗌咗職員推介的爪邊，建議煮5-8秒就食得，另外仲點咗坑腩爪同金錢牛展，每款都有寫明要灼幾秒。爪邊果然幾好食，口感煙靭，最鍾意嘅係坑腩爪，見到肉嘅色澤都幾新鮮，入口嫩滑，點埋醬汁就更開胃。湯底方面揀咗養生烏雞湯，入面真係超足料，包括有黨參、杞子、圓肉、北芪、紅棗同烏雞，滋補得來又鮮甜，打邊爐之前忍唔住先飲咗兩碗湯先。最後仲點咗份手工韭菜餃同五寶丸拼盤10粒！可以一次過試晒手打牛丸、蝦丸、墨魚丸、梅菜豬肉丸同陳皮鯪魚丸，我最鍾意墨魚丸夠晒彈牙，另外陳皮鯪魚丸都幾特別。

尖沙咀金馬倫廣場有間主打食牛的火鍋店😋重要是騸牯牛的系列好少有，有好多不同部位的牛肉，始終唔同部位口感各有不同，所以小編點了三款不同部位的牛，有吊龍，金錢牛𦟌和爪邊🥩見到隔離枱伊手工餃大大隻，點了一份手工韭菜餃🥟🌟爪邊是牛的頭胛部位，帶有一點點簿筋膜，口感腍滑，略帶爽身，入口甘香。灼約5-8 秒就可以食。🌟金錢牛𦟌是牛的小腿肌肉部分，經常活動的位置，所以肉質口感比較韌，但牛味很濃，不肥不膩。 🌟吊龍是接近牛頸脊的位置，味道較為清甜，又軟滑。小編覺得呢款肉味最濃，而且油份亦重。🌟手工韭菜餃每粒都飽滿爆餡，重要每日由火鍋店人手包製，夠新鮮👍🏻水餃皮厚薄適中，煮後餃子內佈滿湯汁精華。潮牛莊火鍋 (尖沙咀)📍尖沙咀金馬倫道23號金馬倫廣場2樓A號舖

潮牛莊火鍋喺尖沙咀金馬倫廣場真係有驚喜。佢哋嘅金錢牛𦟌嘅肉質鮮嫩，滋味濃郁，一碰即化，令人回味無窮。另外，吊龍嘅湯底清甜鮮美，帶出肉質嘅原汁原味，每一口都能感受到龍嘅鮮甜。肉眼邊同牛頸脊都係不容忽視嘅美味選擇。肉眼邊肉質彈牙，牛頸脊則帶有濃郁牛肉香氣，入口滑嫩。潮牛莊火鍋嘅用餐環境舒適，服務態度親切，令人感到放鬆自在。價錢合理，食材新鮮，質素出眾，值得一試。潮牛莊火鍋提供的食材質素高，口味豐富。

打邊爐真係無分季節，有想法就行動🤣朋友話要食靚牛，於是乎就搵到呢間潮牛莊係尖沙咀金馬倫廣場，地點十分方便去到首先當然睇吓叫乜牛😜見到有款叫爪邊幾得意又好少見😲另外再叫咗穩陣嘅牛頸脊仲叫咗冬瓜片，同索湯底一流嘅野生竹笙同埋仲點咗一份手工水餃皇🤤爪邊肉味香濃有咬口，肉質會偏瘦啲但非常有咬口估唔到咁好味！而家好貼心有講灼幾多秒咁就唔會煮過龍晒咗啲牛啦😋😋牛頸脊脂肪比例分怖均勻，入口啖啖牛油香😍真係令我個胃覺得十分之滿足☺️☺️冬瓜同竹笙都好新鮮，吸收晒湯底嘅精華，真心無得輸！😆😆另外大推水餃皇，大大粒又足料，手工包嘅餃真係好有心思。同朋友仔食到捧住個肚走啦😬

餐廳係一人一鍋，衛生之餘又可以自己淥自己食，食牛肉有啲人鍾意食生啲，有啲人鍾意熟啲，自己有個鍋想食三成熟又得，五成熟又得，全熟又得，悉隨尊便，非常方便🥰🥰🥰火鍋店強調用騸牯牛，即係出生後至一歲左右會進行閹割，公牛閹割後激素減少，精力保存，脂肪比肉長得多，牛身比較肥美，脂肪會更均勻地分布在身體不同部位，有如雪花般細緻的紋理，難怪咁受歡迎😋😋每碟牛肉都會提供建議最佳煮嘅時間，好細心🫶🏼🫶🏼😋😋除咗牛肉，仲有鮮甜嘅加拿大象拔蚌😋😋擺盤好似幅畫咁靚，有花有樹有草，切得厚薄均勻，每塊大小都差不多，刀工很好，見到每塊都充滿光澤，證明新鮮，新鮮就會爽脆，爽脆就會彈牙，彈牙就會好食，真係一個字，爽！😋😋😋

朋友從外國回來，快閃見面，同佢一齊去食好嘢，佢話好掛住打邊爐，即刻約係大家都好就腳嘅尖沙咀去食餐高質素嘅騸牯牛火鍋。騸牯牛即閹割的黃牛，牛隻得以保存更多脂肪，而且脂肪更會均勻地分佈，牛隻變得肉質鮮嫩甘香。今次我地特別點了金錢牛𦟌（Beef Shank）、吊龍（Rib Eye/Sirloin）、肉眼邊（Rib Eye）同埋爪邊（Chuck Short Rib）嚟試下肉眼邊同爪邊都係菜單上推介👍🏻之選。最欣賞每碟都會有提供「最佳食用方法」～熱灼約5-8秒，我地即刻係到一齊數8秒，落上嚟食滿滿牛香味，肉味口感一流，好香好嫩滑，果然係掂！一邊品嘗高質騸牯牛火鍋一邊暢談一番，真係難忘的一晚。潮牛莊火鍋 (尖沙咀)尖沙咀金馬倫道23號金馬倫廣場2樓A號舖

黎到環境都幾乾淨舒服，坐耐左冇趕客走～店舖好多牛肉款式，見到同我早兩個星期汕頭見到既款式差唔多，咁就知應該黎岩地方～叫左牛頸脊、吊龍同金錢𦟌，唔同部位唔同風味。個人最愛吊龍～因為佢再油香感出啲，唔覺得膩個種。但男友就鍾意牛頸脊，因為牛味再濃啲～金錢𦟌口感偏爽口。如果成班朋友大家唔同口味可以叫多幾款都得～除此之外嗌左個金鮪魚，我本身唔太食魚生所以冇乜comment。但啲朋友話佢好新鮮，唔係放題任食質素。之後再叫左生菜、豆腐同魚皮個啲，但冇影。正常發揮唔會差既野。但最估唔到係雞翼尖。我地後加既，因為食到最後大家吹水飲野，係超入味🤩鍾意噒骨既朋友可以試下～

香港必食港式火鍋潮牛莊火鍋📍尖沙咀金馬倫道23號金馬倫廣場2樓A號舖椒鹽雞翼(自家制)雞翼份量多，香氣撲鼻，外皮香脆內裏Juicy 肉質嫩滑，配上椒鹽烹調，非常惹味，令人食唔停口加拿大象拔蚌不得了！超級鮮！！象拔蚌色澤通透，味道超級鮮甜，口感爽脆彈牙，以刺身享用最適合不過，沾上豉油，倍感鮮味牛頸脊鮮紅柔嫩既牛肉片中佈滿著油脂雪花，猶如日本既“霜降牛肉”。口感肥嫩而具彈性，滿滿牛肉既肉香手工水餃皇每粒都飽滿爆餡，大大粒，每日由火鍋店人手包製，水餃皮厚薄適中，餃子內裏佈滿湯汁精華，美味千層凍豆腐完美吸收了湯底嘅精華，味道鮮甜，豆腐層次多，富有口感且豆味香濃，令人齒頰留香

南非鮮鮑魚每一口都能感受到鮑魚的鮮美與滑嫩，其肉質飽滿，彈性十足，加上恰到好處的調料，更是美味至極！麻辣雞尖鹵大腸（自家制）辣度適中，既有雞尖的鮮美又有鹵大腸的軟糯，兩味交織在一起，既下飯又解饞。自制的現炸響鈴外酥內軟，咬一口就能聽到「咔嚓」的響聲，香脆可口，是解饞的小食首選。清湯騸牯牛坑腩選用新鮮牛肉，不使用任何凍品，經過精心燉煮，湯底清澈鮮美。牛肉燉得恰到好處，入口即化，讓人回味無窮。#尖沙咀 #潮牛莊火煱 #美食 #新鮮牛肉

好耐無打邊爐，太想食啦 ，即約朋友去食！朋友好中意食牛，而且火鍋必定要有牛肉先開心嘅！佢話呢度用嘅全部都係新鮮肉，唔用雪藏野，夠晒新鮮。佢又話除左火鍋，佢嘅《咖哩牛腩撈粗》都好正，又真係喎，好香濃惹味，肉又唔柴，薯仔又入晒味～火鍋牛肉方邊由佢發辦，佢嗌咗《牛頸脊》、《瓜邊》、《吊龍》、《金錢牛展》，全部都好吸引，肉色新鮮，脂肪紋理又靚，輕輕滾一陣就食得啦！好濃肉味，肉質好嫩，金錢牛展再帶點爽口！呢餐牛肉火鍋好掂～ 朋友無介紹錯！

就算夏天都係一樣咁鍾意打邊爐🍲打邊爐嘅時候加埋大大嘅冷氣其實都好舒服🌟今次就特登嚟到尖沙咀嘅潮牛莊火鍋🥰餐廳嘅環境好大，都幾乾淨衛生㗎～揀正放工時間去食！！最正就係佢有好多配料都可以一次過放喺側邊自己添加，唔使行出行入或者舖頭set好晒食物方面我嗌咗📌手打五寶丸牛丸、豬肉丸、蝦丸、墨魚丸+鯪魚肉丸！粒粒都好大粒，彈牙之餘仲食到肉感。平時喺出邊食嘅多數都係好多粉嘅感覺，估唔到呢款手打嘅肉質真係好好👍📌韭菜餃呢一款嘅質素都好高！ 有嫩滑彈牙餡，仲有埋韭菜的綿軟口感，充分地將韭菜香味散出來，又可以突出韭菜的鮮味，味道好濃郁🤩🤩📌牛頸脊 呢一款嘅位置係喺牛頸部個塊微微突起，最經常活動肉的核心部分嚟架！😋又紅又嫩的牛分佈住雪白的油花！食落嘅感覺係脂肪較平均，有肉味有咬口加上肉味濃郁💕📌牛柏葉我一直都好鍾意食牛柏葉！估唔到佢真係好大兜😍牛柏葉質感有一定脆度，口感有一種清新的香味！口感爽滑彈牙🥰