潮福蒸氣火鍋 (已結業)

剛踏入十月，就感受到陣陣涼意。就知道已經到咗打邊爐嘅季節啦！係深水埗接女朋友收工，去左地鐵站附近嘅一間火鍋店 - 潮福蒸氣火鍋環境乾淨企理，十分光猛通風系統都做得唔錯，就算後尾全場打邊爐都唔會煙霧彌漫叫左2.5小時任飲任食火鍋，每人$240，價錢就係正常邊爐價啦。食材除咗有一般火鍋食材之外，仲可以揀一款高級食材，分別係海鮮盤定食/ 極尚安格斯牛肉/ 招牌脆皮乳鴿。值得一提嘅係上菜速度十分之快，由落單到上齊食材只係五分鐘內完成，完全冇dum食客波鐘因為係門口水缸見到啲海鮮好新鮮，所以我哋點左個海鮮盤定食。有鮑魚、大肉蟹、元貝、斑塊、生蠔、海蝦。只能夠講一句，淨係呢個海鮮拼盤已經值回票價！鮑魚，味道唔錯，亦唔會韌大肉蟹，真係啖啖肉！口感又結實海蝦 食得出每樣海鮮都好新鮮，因為唔新鮮嘅話啲肉會好梅，但每樣海鮮肉質都好爽口，仲好鮮甜！唔知係唔係係喺門口水缸度即撈即處理呢另外都食咗啲常見嘅火鍋材料，質素就正常發揮，不過不失啦，以下兩款就特別有驚喜嘅。兩款手打鮮蝦丸同埋墨魚丸都十分彈牙！比一般嘅丸更結實，丸入面仲保留左啲鮮蝦粒同墨魚粒，令整體口感更加豐富。有真功夫！總恬黎講， 幾抵食呀！

最近有少少涼意，打邊爐🍲就最岩！兩個人想食多啲款又唔想周圍買洗一大餐，選任飲任食就最方便😄經過深水埗，記起朋友講過潮福都幾抵食，就去左食佢個海鮮火鍋套餐😋一坐低揀左飲咩先，呢度竟然有asahi同嘉士伯任飲，平時出面一定要on top加錢，當然要啤一啤佢🍻湯底實在太多選擇，最後選左椰子雞湯，估唔到都有半隻雞，唔係有雪味果種，唔錯！再黎岩岩炸好既脆皮乳鴿，好開心打邊爐都有乳鴿食😆之後到重點啦👏🏻係有六種海鮮嘅海鮮盤定食 （龍躉片，海蝦，桶蠔，鮑魚，大元貝同蟹），可能佢本身有自設既海鮮箱，海鮮款款都好新鮮，仲清洗得幾乾淨，鮑魚元貝都拆哂殼，食得方便又放心👍🏻個擺盤係有心思，可以打卡騙like🙈我地覺得只係呢個海鮮盤已經值回票價，特別桶蠔真係好巨型，有大半隻手掌咁大，連碗都放唔落🤣其他食物都有好多款，我最鍾意手打丸，好爽口，整體來講好高CP值！

疫情暫時緩和，所以今日陪老公去深水埗黃金商場買遊戲卡。商場內人山人海非常熱鬧，幸好人們都頗守法帶上口罩。在林林種種的遊戲卡中，老公終於買到了心頭好，我們也可以去醫肚了。正當我們討論今晚吃什麼時，不遠處就見到「潮福蒸氣火鍋」的廣告，我們互望一下就決定去試試。我們沿住扶手電梯直上1樓，這裡地方寛敞，每枱之間都有相當距離，令人很舒服。火鍋有12款免費湯底選擇，老公點了澳門豬骨鍋，此外每枱還送3個定食。豬骨鍋湯底 ： 有兩大舊豬骨筒，仲有紅/白羅白，粟米和香芹，白胡椒增加了湯底香味。定食1 海鮮盤：有肥嘟嘟的生蠔，鮮甜的大元貝，爆膏的奄仔蟹，還有生蝦，鮑魚和班片，全部都超新鮮。🐟🦐🦀🤤定食2 極尚安格斯牛肉 : 雖然不會入口即溶，但足以令口腔充滿牛肉香味。定食3 脆皮乳鴿 ： 外脆肉嫩，皮薄甘香的乳鴿，令人回味。除此之外，我們還點了一些火鍋配料和竹蔗茅根水，少少甜有蔗味，抵讚👍。在幾款手打丸之中，我最愛鮮蝦丸，彈牙又有蝦味，超好食。另外還有美國肥牛、鮮雞件、厚切魚肚、爽脆鵝腸、極品黑豚肉、竹笙、潮洲炸魚皮、山根和蔬菜類🥬。火鍋任飲任食時間有2.5小時，都只是每位$240全包，真是好抵食，今餐好

其實已經去過潮福好多次，因為住得近，不論係飲茶、晚飯小菜、任飲任食火鍋，以及蒸鍋都試過，質素真係唔錯嘅！今次唔特別講蒸鍋或者火鍋喇，因為都有好多其他評語，況且，蒸氣火鍋嘅食物其實來來去去都係嗰幾種點解會話意外驚喜呢？係近期有一個象拔蚌刺身優惠，$498 原條象拔蚌刺身！好多其他火鍋店嘅象拔蚌刺身都起碼成千蚊，仲可能只有一斤左右。但係呢度嘅象拔蚌刺身竟然係差不多有兩斤！！真係鮮甜，鍾意食嘅話真係覺得超級正！！

我一向都話深水埗餐廳就多，但酒樓冇乜幾多間，又或者有賣點心嗰啲舖多數都唔太好食。呢日想食心點(小新叫法)飲啖茶，同事就推介我去「潮福蒸氣火鍋」，我一直以為潮福淨係食海鮮添😅。我同同事下午一點半鐘去到，餐廳好熱鬧好旺場，咁都合理嘅，因為佢好抵食，有大量特價點心同孖寶套餐等👍。下午茶市就要兩點先開始。由於太耐無坐低飲茶🥢，我哋就好似新聞所講咁「報復式消費」，叫咗好多嘢食🤣。家鄉銀針粉($18.8)，最鍾意食銀針粉嘅我一定唔會錯過依味❤️。我有一刻幻想過佢係湯浸，但原來係三絲炒，味道幾好，夠味又唔油；而且份量多，飽肚之選。煎釀茄子($16.8)，呢度嘅茄子係巨無霸呎吋🍆，釀魚肉亦非常厚身，真材實料！原隻鮮蝦腸($18.8)，蝦腸當然唔少得大大隻蝦🍤，鮮蝦肉質彈牙。三條腸粉，每條有兩隻蝦，腸粉本身都算滑。醬皇金錢肚($20.8)，金錢肚有成七至八件，並搭配白蘿蔔墊底索汁🤤。呢樣點心嘅精華所在係個汁，重口味帶點微辣，但並不纏人。杞子燒賣皇($14.8)，燒賣有四粒，味道較為普通，不過不失。但平日燒賣多數賣成頂點或者特點，而家咁嘅價錢就有交易，仲平過地鐵站啲乜乜先生😳，無乜可投訴。脆皮乳鴿($38/

今年生日因為疫情和限聚令等因素，都沒刻意慶祝，放工後和太太在深水埗黃金買了一些電腦用品後轉入欽州街抬頭望見潮福蒸氣火鍋的招牌，突然勾起很久都沒吃蒸氣火鍋了，便提議太太一起進去試試。進入酒樓後侍應細心向我們介紹想打邊爐還是海鮮蒸氣火鍋，雖然蒸氣火鍋較打邊爐貴一點，但太太說生日食好一點，果然沒選擇錯！桌面寬闊足夠擺放很多食物和飲料侍應姐姐端上一盅老火靚湯，再送上一盆鮮美海鮮立即令我眼前一亮，因有我至愛的龍蝦、聖子，鮑魚等等……和內子各人一邊龍蝦，烹調時間由侍應姐姐較好，完全不用自己費心，時間剛好令龍蝦肉質鲜嫩美味可口紅燒乳鴿聖子和鮑魚一起烹調，完全滿足我這個海鮮迷的胃口再來一個班塊，肉質鮮嫩，完全吃不出坊間一般養魚粗糙味道。當然還有一些蒸氣火鍋必備的手打丸和肉類，也是用心出產的美味食品，值得推薦一試最後可品嘗充滿精華既粥底

今日嚟到深水埗呢間酒樓打邊爐，呢度火鍋係任食任點，定食形式。飲品有清熱嘅竹蔗水，亦都有汽水同啤酒，可以任飲🍻一坐入嚟有花生同茶，火鍋醬料可以自己出去拎一開始落咗湯底先，我哋揀咗椰子雞煲，有包半隻雞。湯底好有椰子味，唔會好似以往食過一啲椰子雞火鍋咁冇乜味等湯底滾嘅同時就有第一樣定食 — 脆皮乳鴿😋兩個人食總共有一隻，整得好香，加鹽/豉油一流👍🏻第二樣定食就係海鮮盤，好足料有鮑魚、扇貝、蝦、蠔同龍躉魚片。仲有就係本身菜單話有蟹，但冇晒轉咗瀨尿蝦。特別一讚食材全部都大大隻有肉，亦都好新鮮好鮮甜😻魚片亦都冇乜骨第三樣安格斯牛肉好有牛味，切片厚度適中👍🏻另外就係其他配料任嗌，特別推薦手打丸，同機打真係有分別😆選擇都多，朋友特別鍾意食肉，再落肥牛質素都唔錯。鍾意海鮮同打邊爐嘅朋友值得嚟試吓😋

今次黎到深水埗試一試潮福嘅火鍋，依到服務質素唔錯，員工都算有禮貌，依到係一個價錢任飲任食，火鍋湯底選左椰子雞，而依度嘅海鮮開頭會有一set跟埋，有元貝，鮑魚，蟹，海蝦，桶蠔，龍躉片，隻蟹好多羔，總括黎講海鮮都算新鮮，其後都有乳鴿同安格斯牛肉送埋，不過只可送一次，其餘火鍋食材都不過不失，種類唔算太多，不過都足夠，湯底味道好重椰子味，雞都好滑，我通常好少食湯底嘅雞，不過今次就差唔多食哂，飲品方面有提供酒類飲品，汽水個類就一定有，所以飲品方面都算滿意，總括黎講大家去開去深水埗食野，不妨去依間潮福一試！！

最近疫情嚴峻，百業蕭條。但世事無絕對，今日喺高登電腦中心，就有另一番景象。電腦商場，人山人海，原來因為最近很多學生都要在家網上上課，電腦需求大增，砌機舖頭反而忙過不亦樂乎。平時來砌機，一小時可以起貨。今日老闆說要等三小時，無奈就在附近找個地方歇歇腳，醫醫肚。正在徬徨之際，忽然眼前一亮。在欽州街黃金商場1樓，有間潮福蒸氣火鍋，有扶手電梯直達，可以嘆茶。潮福地方十分寬敞，佈置簡潔。雖然常到深水埗電腦商場逛，但今日都係第一次幫襯潮福，嘆個下午茶，歇歇腳。下午茶有多款點心、炒粉麵飯選擇，而且都是街坊價，經濟抵食。坐下就叫了極品燒鵝瀨、點心紅油抄手、脆皮燒乳鴿、鮑汁炆鳳爪、XO醬炒腸粉、雪菜肉絲炆米和甜品清潤薑汁糕。極品燒鵝瀨夠大碗，燒鵝肉肥美，帶油脂香，瀨粉滑溜。紅油抄手一碟有6粒，皮薄餡靚，紅油酸辣味度調得恰好。脆皮乳鴿38蚊隻，鴿身不大不細，件頭適中，即叫即炸，外表脹卜卜又富光澤，鴿肉嫩滑，外皮香脆，很好味。鮑汁炆鳳爪，爪肉肥厚，滲滿鮑汁，炆得又冧又入味。XO醬炒腸粉，腸粉配蛋絲、洋蔥、椒絲、芽菜和蔥花炒至微焦，上枱時熱辣辣，滿滿XO醬香味。至於42蚊碟的雪菜肉絲炆米，絕對是超值之選。雖然

疫情關係，最近很少外出吃午膳。今天心血來潮，同事說想與我去飲茶，於是我們便到了公司附近的「潮福」吃午飯。點餐紙的食物種類非常多，有午市特價點心、是日推介、炒粉麵飯、燒味小食，包羅萬有。點心整體來說，夠熱，大份，十分足料，價錢合理。不得不推介的是「羅漢齋煎脆麵」，我非常喜歡吃炸麵底，不過不是每個地方都做得出色，潮福卻滿足了我的要求，面底炸得非常鬆脆，完全沒有油膩的感覺，配上羅漢齋簡直絕配。最後來個薑汁燉鮮奶，熱呼呼的送上枱，吃得出濃郁的鮮奶味，散發出陣陣薑汁味道，大讚。期待下次再來！

很久沒外出吃飯了，這天與朋友決定來次邊爐 我們去了深水埗這家店打邊爐，去到的時候因為比較早（大概六點），也沒有什麽人。坐下之後店員先幫我們下湯底，我們選擇了醉雞湯底。這個任食套餐包了一隻烤乳鴿，皮挺脆而且味道很好吃，不太油膩。而另一份就是海鮮拼盤，份量非常足！蝦，龍蝦，扇貝，鮑魚，生蠔，魚片。湯底來了，店員即場幫我們下醉雞，很期待。我們先吃海鮮，扇貝和龍蝦都非常鮮甜，而蝦就略小。 鮑魚和生蠔就正常發揮，而魚片挺出色，很滑呢！而湯底中的醉雞也很滑，我們之後還叫了一些牛肉，肥牛，牛丸和墨魚丸。當中牛丸不錯呢～總的來說，這家店的中式邊爐不錯哦

疫情之後都好少飲茶, 今次同媽咪黎到潮福蒸氣火鍋, 見到酒樓既枱分得好開, 大枱都限住坐2位, 食得好放心~因為午市無做小菜, 所以我地都係主要叫點心~實在太耐無飲茶, 2個人都叫左好多款點心!!粉果同蝦蛟個皮都好煙韌, 唔會蒸到爛晒, 有口感又唔太厚, 入面仲好足料,, 讚另外燒賣都好食, 入面勁大粒蝦!燒腩仔都值得一試, 因為豬皮真係好脆好鬆化, 而且燒腩真係1層層,香口又唔肥膩, 相當唔錯, $58抵食!!overall 點心新鮮蒸起, 唔係蒸到爛晒果d, 抵食好食!!

好多間任食火鍋，揀呢間係因為佢除左任食火鍋，啤酒（係青島大啤👍🏻👍🏻），打邊爐前仲可以嘗一嘗食雞煲先😂仲送三個定食，真係好多野食😋第一個定食：海洋盤第二個定食：極尚安格斯牛肉第三個定食：脆皮乳鴨佢個乳鴨好好食，肉質嫩滑、皮薄甘香，普通乳鴿大，淺嘗好好留肚食其他野。我地叫左椰子雞鍋，雞好新鮮，湯底清甜，之後再滾海鮮（蟹唔錯 多膏）。之後再點其他菜，餃，丸，午餐，淮山麵....(好多野揀)我地食足，飲足2.5小時 $240/per 1 全包，收貨啦👍🏻

早前出去深水埗買充電線，經過黃金商場見到有間酒樓有任飲任食火鍋，同老公都肚餓就決定入去食，店舖位於商場一樓，上到去望到店面都好開揚，左邊有一大個魚缸放海鮮，侍應安排我地入座及遞上點菜紙，平日時段每位$240，已包醬料及加一，每人仲包1份海鮮拼盤、安格斯牛肉及脆皮乳鴿半隻，其他嘢食飲品任飲任食。湯底我地選了鴛鴦鍋，海鮮拼盤包括龍躉件、桶蠔、扇貝、鮑魚、海蝦及蟹，由於老公唔食海鮮，全部變成我的囊中物！海鮮放清湯底，其他食物放沙嗲湯底，特別一讚是龍躉件和鮑魚，新鮮夠彈牙！乳鴿即炸送啤酒是絕配！安格斯牛肉一般沒有牛肉味！另外仲叫左炸魚皮、鵝腸、芝士腸、支竹、娃娃菜，鵝腸爽脆沒有腥味，老公大讚好味，最後加多一碟肥牛和娃娃菜就投降了，飲左4支嘉士伯抵返。

雖然疫情嚴重咗，不過喺咁難捱嘅星期一，最需要火鍋嘅加持，點知打打吓邊爐，突聞噩耗，星期三打後冇得夜晚堂食，對於成日出街食飯嘅大胃嚟講，真係世界末日，唯有今餐擦飽佢任食邊爐仲有乳鴿送，真係抵到無輪，仲要外脆內嫩醉雞雖則得半隻，但好大份，而且好嫩口𠻹藥膳鍋好濃藥膳香，呢個時候補一補啱喇安格斯肥牛都幾厚吓㗎有海鮮拼盤包埋先抵，扇貝、蠔、魚同鮑魚都好鮮蟹更係啖啖肉，爆晒膏𠻹嘢飲任嗌更係冇得輸自由配搭醬料，實在令人振奮任叫嘅選項都好多種類，包食得飽淮山麵好吸收到湯嘅精華㗎，飽到咁，無憾邁向沒有晚餐的日子