潮福蒸氣火鍋 (已結業)

喺深水埗行完街，買完電子產品，就揀咗間餐廳食飯。其他小店就幫襯得多，酒家酒樓啲類喺深水埗就第一次食。呢度主打係食蒸氣火鍋，但因為時間唔係好充裕，所以就叫咗幾個小菜食。海蜇拼煙燻豬蹄份量都幾多，海蜇好爽脆，燻蹄嘅味道就比較淡。沙拉骨應該係即叫即整，非常新鮮。一字骨炸完之後再撈埋啲醬汁，食嗰時咬落去仲係脆既，好適合送飯。魚香茄子煲味道唔錯，但食到底就會偏鹹。煲仔菜嘅保溫程度非常之高，食完成餐飯，最咪食淨果兩舊茄子都好熱辣辣，冬天叫非常之唔錯。乳鴿都係即叫即炸，個皮脆卜卜，入邊啲肉好嫩滑。

潮福出左名食蒸氣火鍋，但其實佢d獲氣小炒都唔差，海鮮更唔講得少。我見好耐冇食過海鮮，口痕心思思想食，就黎左呢間抵食之選！我食7:00，人流都唔算多，枱隔得都遠食得安心。二人叫左兩餸一湯，食得好滿足！⭐️果醋生炒骨生炒骨好大碟，舊舊都係大肉黎有成廿舊甘多！脆皮粉漿唔會太厚，外皮炸得好酥脆。酸甜汁唔會調得好酸，食落有果醋淡淡地嘅酸味，配菜都好足料青紅椒菠蘿冇同你慳，食落好開胃。⭐️避風塘炒大肉蟹呢個先係今晚嘅重頭戲，一隻大肉蟹有足一斤四两，足足太過我拳頭。重蒜大火油泡隻蟹真係好惹味，蟹仲要好新鮮，d蒜片仲要炒到干身好香酥脆。避風塘炒蟹好講獲氣，呢d功夫菜屋企真係整唔到，價錢仲要188炸，真係CP值好高！⭐️原盅真味燉湯螺頭姫松菇燉雞湯，材料係晒個燉盅度，飲得出唔係味精湯，雞湯好清甜。功夫湯38蚊盅抵飲。食完仲有飯后果食，正！

今日放工買完啲電腦用品，同朋友決定嚟潮福食晚飯。講起潮福，大家都會諗起佢嘅任點任食蒸氣火鍋，上次試過都幾好食。今日坐低睇吓個Menu，發覺原來佢都有好多小菜選擇，有燒味，海鮮同埋家常小菜，仲要全部都係街坊價。今日同朋友唔係好肚餓，就決定試吓佢啲小菜先。兩個人點左椒鹽焗鮮魷，果醬生炒骨同埋海味雜菜煲。椒鹽鮮魷炸得金黃，份量好多。鮮魷爽口彈牙，椒鹽調味剛剛好唔會太鹹好惹味，唔覺唔覺就食晒。果醋生炒骨配菜除咗有菠蘿仲有青紅椒，炒得好有鑊氣而且酸甜開胃。海味雜菜煲煮得好清甜，係健康之選。埋單兩個人都係食咗二百幾蚊，以街坊酒樓嚟講抵食之餘質素真係幾好，正宗香港風味。最後佢哋仲送埋生果，鮮甜多汁，係值得支持嘅親民酒樓。

深水埗多野食就係人都知今晚去到深水埗潮福食晚飯 潮福主打係火鍋 不過我見我地得兩個人就叫小菜 下次打邊爐 我地叫左3個餸 海蜇燻蹄、生炒骨同埋通菜煲🥢先上枱既係海蜇燻蹄👅先入為主我係好鍾意食呢樣野不過潮福冇令我失望 作為冷盤既份量黎講兩個人食係好足夠 海蜇粗身得黎食落口好滑 絕對唔係出面果D即食海蜇 燻蹄就啖啖肉又爽口🥢生炒骨就煮得都唔錯🥳水平以上之作 我本身最怕食酸野不過佢做得個生炒骨唔會太酸 甜得黎咸咸地 配埋青椒 菠蘿送飯唔錯最後一個餸 見食左咁多肉就叫番個菜🥢啫啫通菜煲最遲上枱 不過好既野梗係要等啦🤩通菜煲一到就吱吱聲咁響 睇得出係即做同埋鑊氣夠😎通菜粗身食落有口感 而已配菜有咸魚 肉碎 蝦米仔 所以好香 配飯食就一流👍🏻

小胖爸媽好愛喝茶，所以小胖一有空都會陪兩老去嘆番一盅兩件，小胖媽的朋友話呢間茶樓好抵喝介紹小胖媽去，食過之後發現真係唔錯，尤其係下午茶時段，真心抵食又好味。小胖和胖爸，胖媽下午茶時段去，去到人好多，但因為個場都幾大，所以等咗一陣就有位坐，因為早餐食得唔多所以我地點了金絲香芋酥，xo醬炒蘿蔔糕，香茜牛肉腸，脆皮燒乳鴿，麻辣口水雞， 原隻鮮蝦餃同野菌炆伊麵，超多嘢食 當然仲有好多其他選擇但我哋只有三個人，所以未食過的等下次再試，因爲每份的份量唔少😆去外面食飯小胖最怕食物太鹹，但呢間的食物調味適中，不會過鹹或淡小胖推佢的麻辣口水雞，佢的口水雞加添了 潮州橄欖菜，有點特别，但和口水雞又意外地夾，佢的辣屬於小辣。脆皮燒乳鴿也推，佢係新鮮燒，熱辣辣，佢的皮好脆而且乳鴿本身的味道已經好足，不需要額外添加嘅鹽，加咗返而太鹹，其他食物質素也不錯，再加上呢個價，真心抵。

今晚放工去咗深水埗黃金數碼商場買電腦用品，買完野之後見到樓上都有好多人上去食嘢，原來係潮福蒸氣火鍋，以為剩係得打邊爐，原來都有小菜架！今日雖然係平日，但入座率都佔八成，有好多人都係嚟打邊爐🍲！呢度啲海鮮睇落都好新鮮，見隔離枱好多都叫炒蟹，蒸魚等等！夏天炎炎，呢度都有時令冬瓜盅，滋潤湯水！見隔離枱啲燒味拼盤都好似唔錯，我哋都叫咗一隻乳鴿試試！呢度都有好多時令小菜可選擇，價錢都好合理，一d都唔貴喎，唔怪得知咁多人嚟食啦！紅燒乳鴿$38，呢個價錢都幾抵食，乳鴿一啲都唔細隻，炸得香口，乳鴿皮又脆又甘香！鐵板煎釀茄子🍆$65，送到嚟咋咋聲，原條茄子配上蒜蓉豆豉汁，送飯一流！果醋生炒骨$68，排骨炸得鬆脆，配上甜酸汁開胃到呢！後記：呢度啲小菜唔錯，好有鑊氣，而且價錢可媲美茶餐廳，又坐得舒服😌，下次一定會再嚟幫襯！

最近疫情稍為緩和返少少，今日終於約左個frd出黎行下街同食個飯🥺🥺🥺行左大半日又熱又肚餓　想搵個地方坐低涼下冷氣慢慢嘆返個下午茶。上openrice一search 見到近深水埗地鐵站附近間潮福蒸氣火鍋都幾多好評，所以決定試下佢😹😹我地去到果陣做緊午市特價，所以門口都幾多人排隊攞位。我地等左15分鐘左右就可以入去！ 原隻蝦餃皇：特價時段都係$9.8一盎，比足4粒超級超級抵食！👍🏻👍🏻👍🏻椰汁西米糕：一食入口好重椰汁味但我覺得偏甜左少少麻辣口水雞：雞肉都幾嫩滑，而且唔會太辣，對我哩啲唔食得辣既人黎講都算易入口👅👅五香牛展：牛展幾爽口，食落去唔會好綿同散。海蜇拼燻蹄：天氣熱，食ｄ冷盤就降下溫就最岩。出面餐廳賣果ｄ燻蹄，幾片已經好鬼貴，哩度都係賣$38連半份海蜇，好抵食！👀👀沙薑豬手：我覺得沙薑味唔夠重，可以落多少少調味會好ｄ流沙煎堆仔同埋醬汁蒸鳳爪就同平時食開果ｄ差唔多，不過不失兩條友食左8樣野連埋茶位都係$253，食到飽飽每人都係百零蚊，仲可以坐係度慢慢吹下水涼冷氣。💪🏻💪🏻

太耐無打邊爐，依家疫情緩和左少少，所以約左朋友黎深水埗潮福打邊爐食晚飯。20:30入座真係好抵，每位205加一，仲按人頭送乳鴿，海鮮拼盤同安格斯牛肉。贈品都值回票價雖然係酒樓，但係有卡位同埋啲位都好寬落。火鍋點左四川麻辣湯底，配菜方面選擇都好多，有我最中意既牛柏葉同鮮淮山乳鴿雖然係送既，但咬落去都啖啖肉，亦都唔係攤都凍晒先比你個種。海鮮拼盤，正有蠔有鮑魚有蝦同蟹。抵呀！甘大支asahi都係任飲呀，同場仲有嘉士伯!好抵飲

成間舊同學因為疫情關係,於是大半年沒見,約左咁耐,琴日終於約戰海鮮大餐半放題,眼大肚窄變眼窄肚大，個個同學大聲『嘩』『嘩』『嘩』, 係咁講話「好食呀」，蒸完一輪勁新鮮鮑魚, 大大隻青蟹, 龍蝦, 有我勁中意食既大中小蜆, 又有龍躉, 同埋象拔蚌都有得食 再黎....放題蒸雞肉, 蒸牛肉, 蒸埋馬拉榚... 一路食一路問點解可以咁新鮮咁好食，最後岩岩食既所有海鮮同肉既鮮味同甜味既精華,一一咁樣罐注入下底的大煱粥入面,感覺就像日本的龍蝦麵豉湯個種震撼！！！個個食到勁飽都話要食埋個粥去，冇得輸！真心到一個點 ，其實又好食又好飽。

之前係呢度食過蒸氣火鍋，海鮮都幾新鮮同幾抵食，今次就嚟食下小菜。小菜都幾多選擇，有燒味、有小菜、海鮮、炒粉麵飯。我哋兩個人叫左兩個餸一個湯都夠食。疫情嘅關係啲枱都放得開咗，坐得放心。今日食6:30 ，我都係習慣早食飯，坐得舒服啲，又唔使等位，正。叫咗一個果醋生炒骨生炒骨嘅粉漿唔會太多太厚，啱啱好，份量都幾多，酸酸甜甜叫咗碗白飯送飯。仲有好多菠蘿粒好開胃！另外叫咗個椒鹽九肚魚嘩，一上菜熱辣辣真係要小心，咬落口外脆，入面熱辣辣😂差啲辣親條利，不過證明真係啱啱整起！點一點啲醋食，啲魚好夠滑，好正！平時呢味餸會去大排檔食，呢度又有冷氣坐得又舒服，唔錯。仲叫咗一碗燉湯，真材實料，完全冇味精，又唔油，清清地飲完唔會口渴。食完飯，店員仲俾咗碟西瓜我哋食😋

今日收工去深水埗黃金商場行街買嘢。行完之後，見到潮福，就上去試吓啦。今晚星期四都唔算好多人，好快安排座位俾我哋，入左間房坐 。途經見到佢個海鮮區，都幾多海鮮喎，可以試下。呢間野有得蒸海鮮或者食小菜。我地兩個女仔今日都唔餓，就唔揀任食既蒸鍋。叫左四個菜一個湯。即日原盅燉湯幾晚都出街食飯，耐冇飲湯，就問是日靚湯係乜野...姬蟲茸燉雞湯，正。盅湯好足料，有幾舊雞肉，三四舊姬蟲茸，仲有兩舊螺肉。椒鹽焗鮮魷熱辣辣炸得香脆可口，魷魚肉大大條，爽口彈牙，配上惹味既椒鹽，好味，令人夾完一條又一條。手拍青瓜海蜇天氣甘熱，冇乜胃口，想食一些開胃醒神既食物，就諗住試下點涼拌小食。呢個手拍青瓜海蜇，清甜爽脆，實在係醒胃之選。豉椒炒海貝起初以為係炒蜆，點知係比蜆大三倍肉既海貝。D 肉冇沙，豉汁味幾香，岩晒撈飯食。份量仲要成座山甘高，抵食。啫啫芥蘭煲熱辣辣、香噴噴甘上枱，夠晒鑊氣又惹味，dup本落左好多蝦乾，大大條。價格大眾化，香港地道風味，味道中上，性格比高，晚飯宵夜好選擇。雖然我哋坐左入房，但係間房成日都會有侍應喺度幫我哋落單加茶加水。加分！下次再試蒸氣火鍋同長腳蟹😍😍

<除左蒸氣鍋 小炒都正>🔥好多人都知 潮福係食蒸氣鍋 但原來佢小炒都十分唔錯 夠鑊氣 而且價錢相宜 食個小炒飲下啤酒都正！🍴豉油皇炒麵 78 蚊🍜豉油皇炒麵最緊要夠乾身 呢個炒麵夠乾 芝麻大葱芽菜增加口感 🔥炒麵比較幼身爽口 豉油汁咸度剛好 點少少辣油更正更惹味🌶️🍴果醋生炒骨 68 蚊🐖炒得好夠鑊氣既生炒骨🔥紅綠椒加上爽口既洋葱 同菠蘿🍍 生炒骨 出面夠香脆 個果醋汁酸甜開胃 豬肉幾煙靭 juicy正🍴沙嗲金菇肥牛煲76 蚊🐂一上枱熱辣辣既肥牛煲 肥牛同粉絲都落足料 肥牛 牛肉味濃 口感彈牙 醬汁夠入味 粉絲更加係吸哂汁 要黎撈飯好味👍🏻😄#肥牛 #粉絲煲 #中菜 #沙嗲 #生炒骨 #炒麵 #豉油皇Score 平均分 <7.6/10>Taste 味道：👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~👍🏻#潮福蒸氣石鍋深水埗欽州街94號黃金商場1 樓~~~~~~~~~~~~

極品燒鵝王 - $92呢碟例牌燒鵝，佢個肉質比較軟身，口感吾錯，肉質比一般燒鵝店好食嘅。另外份量都幾多，有好多嚿都好多肉， 點少少酸梅醬送飯食。薑蔥大魚頭煲 - $85魚頭煲因為佢放咗好多蔥，蒜蓉，同埋薑落炒，所以好香口， 炒得好夠鑊氣。見到隔離枱食碟沙拉骨，賣相吾錯，咁我睇返個餐牌都係68元，下次可以試下環境方面呢度係酒樓嘅裝修呀，裝修唔錯，枱與枱之間有一定距離， 絕對唔會有擠迫嘅感覺， 另外呢度有啲卡位， 鍾意坐卡位嘅朋友可以早少少來或者book位。

距離地鐵站的路程只是5分鐘，一樓全層，地點非常闊落。店內亦有很多選擇，用料新鮮，有蒸氣煱、火鍋、小菜，非常多選擇。今次食小菜。原盅燉湯非常夠熱而足料，有雞、豬亦有非常香嘅菇。其他餸菜份量亦非常大碟。這裏的服務態度也非常好，整體非常滿意，下次會再嚟試吓蒸氣鍋同埋火鍋。食味非常夠味。打邊爐都係2xx一位全包，而蒸氣火鍋都只係3xx，鐘意打邊爐同蒸氣火煱既朋友亦不妨可以一試。至於，講到小菜，呢間真係平民價格，街坊生意。下次定必再來😘😘😘😘😘😘😘😘

深水埗一向都有好多好野食，今晚去完黃金商場買野，就去左<潮福>食晚飯。<潮福>比較出名既係蒸海鮮任點任食放題，大約都係$3xx左右一位，非常抵食。不過睇完個餐牌，發現原來小菜都有好多選擇，仲要全部都係街坊價格，真心想試一下!!<豉椒炒聖子王 $128>好耐冇食過聖子王，聖子王有4大隻，非常新鮮，肉質爽口彈牙，炒得好惹味!!~<金蒜蒸北海道元貝 $138>大大隻北海道元貝，用上粉絲金蒜來蒸，元貝夠曬新鮮，蒸得火喉剛剛好，沒有過老，入口有鮮甜味道，連粉絲都吸收曬元貝既鮮甜味，非常好食!!~<奇妙沙拉骨 $68>沙拉骨份量不少，有好多件，入口外面微脆，咬下去啖啖肉，酸甜度適中，非常惹味。以呢個價錢來講，實在抵食吖!!~<鐵板煎釀原條茄子 $65>呢個茄子一上枱熱辣辣，原條甘上，服務員仲幫我地切成小份，非常細心。茄子上面既醬汁非常濃郁惹味，魚肉夠彈牙，同茄子極配!!~ 以份量同價格來講，又係抵食之選!!<豉油皇炒麵 $78>豉油皇炒麵炒得幾有鑊氣，麵質幼身彈牙，炒得夠乾身入味。最後仲