潮福蒸氣石鍋 (已結業)

6月7日一個端午節的晚上，我和朋友到啟田商場4樓的潮福用膳，因為朋友愛吃冬瓜盅所以選址這裡，當晚全場滿客，我們除了order 冬瓜盅外，也叫了兩款小菜，當晚也叫左朝日啤酒，因為買一送一，非常抵，食物質素可算合格，可惜結果令人驚嚇，事關我們用餐到差不多10點，我發現有一隻手掌般大的老鼠從墙上爬下來，我眼見立即大聲尖叫，實在太驚嚇了，同行的朋友及隔離枱的客人同樣被驚嚇，當時部長只是站在發現老鼠位置叫食客不需要驚，該處已經放左老鼠藥，嘩 !，聽完大家食客仲驚，原來該位置常有老鼠出現，聽其中一位食客說，數月前已經在同一間潮福發現有老鼠，事隔數月仍然冇改善，我已經向食環署報告備案，以後亦不會再去。現在回想起也打冷震 !!!!!!!!!

裝修後都無來過呢到食飯，今日提前慶祝父親節，大家都對樓下的酒樓越來越失望，所以今次就選左來呢間厚福集團旗下的潮福吃晚飯。好多碟（飠送），碟碟都好大碟，基本吃到第三道菜已經滿飽了，味道偏咸，不過整體還不錯。最後還有壽包吃，大滿足。第一碟上的乳豬的賣相確實好吸引，見到都流口水了，吃一口，脆脆香香的味道流入口裡，真的好好味，平時怕肥少吃乳豬的我也不禁吃了三件哦。之後的龍蝦伊麵（感覺出場的次序好像有點混亂了），上湯多，麵的熟度拿捏恰當，龍蝦好入味，不錯。其他還有一道值得一讚的係‘千絲百花球’，用蝦整的一團波，外面一條條脆脆包裹住，大人小朋友都吃到讚口不絕。

爺爺生日，一家11口同他慶祝。選了家附近的這家街坊酒樓，吾想爺爺去太遠。我們決定散叫小菜，不想食套餐甘悶。食物不錯，吾系話好好味，正正常常已經滿意了，大家吃得好開心。不過服務麻麻，樓面企曬系度，叫又望吾到，MENU都系自己去隔離臺拿。不過我地去度先6點幾，已經好多野都話無賣，如白鱔同聖子都無，好令人失望。不過埋單吾貴，10大1小吃飽飽還打包了一盒才$1590，因為媽媽堅持埋單，不想她付太貴，為她省錢。

當一開始興蒸鍋就經常嚟幫襯，裝修新、服務好，嗰時就算爆場都排隊等食。不過可惜風光不再，而家裝修同設備舊、星期日都冷冷清清，個蒸蓋爛到要用索帶索住，真係見到都心酸。入門比知客姐姐說咗$388任食，原來海鮮都係配額每人一件，有半隻龍蝦、一埋蜆、一隻蟶子、一隻鮑魚同蚌，任食嘅係肉同菜....好彩海鮮係新鮮嘅，咁食埋單每人四百幾，抵唔抵、自己睇。三人份嘅蜆每人半隻龍蝦每人一隻蚌每人一隻蟶子一人一隻鮑魚任食嘅 就係呢D抵唔抵，自己睇呢次唔係第一次，但或許係最後一次之前食過唔差，所以唔比劣評，比個OK

早前來過這間店吃蒸氣石鍋，今次就來試試小菜熱炒。鹵水鴨非常入味，肉質軟滑，一入口已經骨肉分離，非常好味。本人非常中意吃龍蝦伊麵，但這個伊麵對我來說味道偏鹹，家人覺得還可以，清碟了。燒鵝雖然肥瘦適中，但肉質很柴，不推薦。乳鴿燒到恰到好處，皮脆得來也保持了肉質的嫩滑。龍躉兩味，兩個烹飪方式都很美味。炒翠玉瓜非常香口，令人一吃再吃。清蒸令龍躉肉很鮮甜，粉皮吸收肉汁十分入味，大讚。扇貝味道尚可，但粉絲口感較硬，可能放得比較久。粉絲海鮮煲是家人喜愛的菜色之一。粉絲吸收了高湯及海鮮的香味，當主食很有飽肚感。店員服務態度良好，用餐環境也算舒適。雖然這間酒樓主打蒸鍋，但其他菜式也表現不俗，可以一試。

經常在收音機聽到穌絲黃我的節目介紹潮福蒸氣石鍋，今天決定跟朋友試一試這裏的海鮮晚餐。這裏有不同類型的晚餐，有火鍋有小菜及有蒸氣石鍋。最後決定蒸氣石鍋，試一試這裏的任食蒸海鮮。蒸氣石鍋套餐任食的不包括海鮮，海鮮是根據人數去配給的。任食的包括肉類丸類菜類及飲料。海鮮味道可以，但份量不是太多。二玉女方面亦做得非常不錯安格斯牛柳粒非常好吃。服務呀姐亦非常樂意用心解釋不同菜式的蒸煮時間。可能不是週末的關係，人數不算十分太多。

天氣轉涼，又到了吃火鍋的季節今天來到潮福，本來想吃火鍋的，但店員推薦蒸氣石鍋，畢竟這裡主打的是蒸氣石鍋所以決定試試看這次點了4人份量的「奄仔蟹餐」🦀 $988店員會先在鍋底放置白米、排骨和南瓜（熬成南瓜排骨粥），然後上面放置一個蒸架，一道接一道的把海鮮放在裡面蒸，旁邊會放置一個計時器⌛️，每一道海鮮大概需要蒸5-10分鐘脆皮燒乳鴿肉質鮮嫩，可是皮不脆，不過不失吧貝殻盛盆蒜茸蒸龍蝦奄仔蟹售罄，以小龍蝦取代還好味道鮮甜，肉質厚實蒜茸蒸北海道元貝吃完一輪海鮮，然後到和牛粒、蒸雞、田園四寶，肚子飽到快要裂開馬拉糕都吃不了，決定打包南瓜排骨粥雖然很飽，但南瓜排骨粥不得不吃啊～畢竟是整個蒸氣石鍋最精華的部分可是...我期望太高了粥一點都不綿，雖然它是集所有海鮮汁、肉汁熬成的粥～味道卻沒有很鮮甜，反而像是濃濃的味精味整體而言，海鮮的部分是不錯的，可是以這個套餐的價錢來說，略嫌有點貴主要是蒸雞和牛柳粒不夠新鮮，還有南瓜粥有點失望所以...試過一次就好了

同女朋友兩個食，之前同朋友十條友黎食過，唔錯！條女難得黎香港旅行特登帶佢黎食⋯估唔到咩臉都比你地丟哂！！！龍蝦細到食唔落口，後尾問過良心食店，話呢排係咁，咁算數。人地寧願唔賺我錢都唔昆我，值得讚！大排檔係講義氣D！醬油碟污糟又無人換，算⋯人手唔夠係咁架啦各種漏單⋯至少漏4次⋯成4舊水一個人架！都可以搞到咁，都算⋯人有失手。野飲有頭髮，少問題！我忍到！咁⋯⋯粥有蟲又想點⋯我點雞粥唔係雞蟲粥呀！以後叫我點敢黎食呀！唔夠人手同我講我去大排擋炒小菜仲抵啦！搵笨人多賺錢多就有服務，少錢當你臭四！

每次去都係食雞煲&打邊爐😋十分抵食，通常都係叫重慶雞煲，大約都係百多至二百多元一位左右。淨食雞煲都抵啦！😂野飲野食任飲任食，夜晚去都幾旺場，啱晒成班友去聚會！😂

今日我們一家人慶祝食生日飯，阿女今日兩歲生日，雖然係平日，但係我哋都訂定枱食飯，以免到時冇得食。 我哋選擇這間餐廳的原因除了因為位置近我們屋企之外，更加因為我哋知道呢間餐廳啲食材真材實料！好多時人哋啲BB豬係用普通的乳豬攞走了中間幾片扮晒野呀，但係呢一間嘅BB豬係真係用BB豬，非常之鬆脆，而且肥膏及肉的比例剛剛好。更令有介紹嘅係佢哋嘅上湯焗龍蝦， 1000多元的晚餐就可以有龍蝦食，他們的廚藝非常之好，以呢個價錢食到呢啲嘅海鮮簡直係超值！呢個真係要超級推介大家，因為我好鍾意食龍躉，佢呢個配合非常之好，他們放了粉皮在做底，粉皮入味吸收了啲魚嘅精華，非常正！呢一個翅的雞湯做得很好，唔會好濃又唔會太淡，而且有好多料，包括魚唇！炸子雞的味道揸得外皮鬆脆，又有雞味，他們的壽包餡料豐富，又有好多嘅蓮蓉同埋又有蛋黃，一定新鮮！另外提一提大家這裏不收切蛋糕費！自己帶飲品來也可！

今晚，太太，阿囡，我同媽媽，四個人 專登走去食68蚊龍蝦。 今日，雖然係星期六，但係呢個特價優惠都照樣可以享用，我哋去到就馬上叫咗兩隻做芝士伊麵，另外三隻就用蒜蓉開邊蒸。老婆，話要叫多兩隻乳鴿做前菜。呀囡話肚餓，所以再過蒸馬拉糕畀佢食。最后全單連加一都只係$563。芝士焗龍蝦～食得出好香的芝士，伊麵好明顯亦係柯打后，先至走去整，唔係預先整好曬，所以性價比特別高。另外，蒸龍蝦係我哋當晚嘅主菜，每人一隻蒜蓉開邊蒸。不但可以食到龍蝦嘅味道。睇得出呢間酒家，食用嘅龍蝦係非常之新鮮。當然，佢地嘅前菜，炸乳鴿。上菜時仲係好非常 熱，肉質好正，同埋乳鴿係仲有肉汁流出。蒸馬拉糕方面，香軟幼滑，阿女不經不覺食咗半底咁濟，最後我哋全部人抱住我到離開，非常之滿足。完全值得推介畀大家～臨走前，詢問過呢個優惠做到幾時，經理佢話暫時未清楚，幾時完結。但係有呢個優惠機會，大家把應该把握機會記住早啲去食呀。

藍田啟田商場商舖雲集！除了些平價電器用品店數間名牌超級市場亦有所以久不久都來這裡shopping....星期一相約朋友在此商場買點日用品！晚飯時間我們第一時間就想起這裡其實未出發行街前都預了來這裡因為剛剛上星期試過覺得超值，很難不回來再試試的今天坐的位置感覺開揚落地玻璃可觀望商埸人來人往都叫有氣氛...問清楚特價龍蝦是否真的仼叫！因為很多做特價的酒樓！通常做法是2至5人一隻6人以上先可以2隻！就不客氣一口氣就三隻除了上湯及芝士焗原來可以蒜蓉開邊蒸蒜蓉蒸波士頓龍蝦，賣相了得一望落去對辯對眼，睇得到新鮮！每隻約十二兩重，肉質尚算實！用蒜蓉蒸，食出龍蝦的原汁原味...單食龍蝦感覺單調再加半隻脆皮雞脆皮雞半隻被炸成金黃色.薄薄的雞皮炸後不會滿口油雞肉嫰滑, 大家都吃得很滿足.整體服務不錯，周不時都有換碟加水。值得一讚滿口笑容最後主動問我地要唔要生果！有得送點會推呢。今天滿載而歸。

同朋友在附近買東西吃晚飯時間朋友堆介我是第一次光顧這店！在商場不怎樣起眼的一間店舖！沒有豪華的裝潢，但環境算清靜入坐經過一個大魚缻見到大量游水海鮮朋友說食物水準都算幾好。我們就坐下叫菜。大家在煩惱點菜時看見有特價套餐選擇...價錢又吾太貴，又就選了這個餐。燒鵝例牌份量少，上枱熱呼呼皮嘅油份流出黎滋潤左D鷄肉調味得亦好入味, 真係好好食!清蒸沙巴龍躉看魚旗就知很新鮮份量不少，阿姐話有二十兩真的足夠兩大男孩分享蒸魚的火喉控制得恰好。見到波士頓龍蝦有特價於是又叫上湯波士頓龍蝦一隻及上湯波士頓龍蝦伊面底各一碟蝦肉爽口彈牙，上湯汁唔會好杰！配金黃色的伊麵，麵質仍煙韌！調味不錯，份量兩人剛好埋單每人約二百元超便宜上菜速度算快服務員不停換碟而且有笑容算吾錯這商埸算交通方便仲有好多特價海鮮想試試其他小菜亦吾係貴下星期來找朋友大有機會再來

正式踏入夏天，慣性放假去藍田室內泳池游早水，可惜今日去到摸門釘，唯有去飲個茶食個包。啟田商場有兩個選擇，我地揀左頂層嘅潮福，全場幾乎爆滿，幾經辛苦搵到個門口位搭枱。望住滿缸龍蝦景...兩個人就叫左三個點心，傳統一輩飲茶又點可以無蝦餃呢？蝦餃皇、羅漢齋腸粉、豉椒蒸鳳爪。羅漢齋腸粉三大條、饀又爆滿、好食又比較健康蝦餃皇奀癡癡乾淨淨，同隻匙差唔多大小都叫自己做皇，仲要特點價錢..豉椒蒸鳳爪味道正常，都好上色好入味嘅兩丁友飲左$97

服務差，食物差，環境差，用具差，唯一好的是不用等，因為沒人食。去到叫左個四人蒸氣石鍋，個餐其中一樣係有四隻細蟹，之後佢同我地講沒晒細既，變左話一人得半隻大既蟹，仲要好地老馮接受，來到好似得兩隻細既蟹。仲要食到一半個蒸氣石鍋壤左，佢又沒同我地換枱，只係拿去第二個蒸氣石鍋蒸，蒸既時候，個阿姐就睇電視，過晒時間先拿返來。