潮豐潮洲牛肉店

营业中

休息中

心事還是需要同朋友傾訴，難得有朋自遠方來，山長水遠入黎同我打冷。記得呢間餐廳吃過2次，第一次係打邊爐，今次我地2個人就決定吃小菜，因為用黎送啤酒，真係一流。雖然過佐晚餐時間，但一樣有好多人等位。幸好我地2個人，好快就就被安排入座。Order 佐1. 魯水拼盤 (咩都有d，岩哂心大心細既我地)2. 淑鹽九肚魚3. 菠蘿生炒骨加上2支生力，真係一生一大樂事上菜速度好快，拼盤好大份，2個人吃的確有d難道。友過勝在咩都有，咩都可以吃到。最出色就係個腸，好爽口，配上酸辣醬汁，真係一流。朋友就特別喜歡沾辣醬吃，唔知係咪自家制，感覺好特別同好香。寶物尋歸底，愈吃愈有喜。下面有肥豬肉同芽菜，肥豬肉對我呢位客家妹黎講真係驚喜到不得了，啖啖肥肉又香口。芽菜雖然俾人覺得係下欄菜，但我覺得可以登上大枱。配上魯水汁，一絕既送啤酒菜。淑鹽九肚魚，我就唔太喜歡吃魚。但呢款小菜係朋友極力推薦，試過兩三件，炸得好脆，而且粉唔會太過份！咬落口好鮮甜，啖啖魚肉。菠蘿生炒骨就更加唔使多講，火喉夠，炸得香。甜酸甜酸，配多2碗白飯都完全唔成問題！

臭渠嘅其中一條食街係大排檔集中地，潮豐係其中一家以潮州打冷為題嘅店舖。氣氛都係長期旺，今次第一次去食，睇吓點解咁受歡迎。大多數人都係嚟食打邊爐，再叫啲潮式拼盤，一路摸住酒杯底吹水，一邊嘆呢啲小食。我同男友就叫咗4款小菜。前菜係煎蠔餅，蠔仔都幾大粒，份量又多，有兩大塊，不過徧油，越食越油。其次上嘅小菜都好大碟，其實兩個人叫兩款餸都可以。叫咗半隻有葱油雞，啲醬汁都幾香。而雞肉都嫩滑，夠實淨。仲有蝦醬通菜牛肉，蝦醬味未夠，食唔到個精粹。牛肉就夠薄無筋，不過整體味道都係中規中矩。最後叫多碟椒鹽豆腐，食打冷點少得椒鹽野。可惜咬一口豆腐，似食咗陣風，有豆味不過入而無乜點食到豆腐，而且椒鹽味唔出，比食豆卜仲要失望。

平時過去食都okay ...今日打電話嗌個外賣 要炒蛋飯 很1隻蛋都吾知有無 ... 仲要收我40 50蚊星洲炒米 得1隻蝦 ..腐乳炒通菜 完全無腐乳味 ...洗吾洗甘呀 外賣就整得甘hea

每次做野辛苦就會想食蠔餅，條癮起攪到個人law law luen咁，所以收工特登搭車黎元朗！雖然得自己一個人，但仲叫埋蠔仔粥、鵝腸拼生腸同埋春菜腩肉水準仍在，無令我失望～肥死佢不過一於好少理囉～

每次想打冷，總會來元朗的潮豐。想要找的傳統打冷食品必定會找得到，蠔仔粥、煎蠔餅、鹽焗烏頭、紅衫魚、生腸等。但我最愛的還是滷水鵝拼盤。鵝片很多，每件都非常肥美，還配上墨魚、紅腸、鵝雜和美味的滷水豆腐，每一款的水準也很不錯。墨魚爽口，鵝片甘香，豆腐吸收所有肉汁，美味。而辣油也一定要提及，香辣惹味，讓你忍不住一口接一口的食。

很久沒有食「打冷」所以隨意選一間試試。除了鹵水鵝併盤及毫仔粥可以算是好味外，其他餸菜只是一般。炒蜆一點「野味」的感覺都無，酸菜魚的酸菜是淡的，魚骨就多過魚肉。芥蘭炒牛肉因無芥蘭變了九菜花炒牛肉。牛肉非常鹹。另外所有餸都很油。其實六個人食五個菜未算太飽，但見吾系好對版所以就移步去食甜品算了！

我好喜歡光顧的潮州食店……每次來探望婆婆都定'必食的……很喜歡他們的蠔仔粥……特別已經識得那個煮蠔粥的姨姨……反而會落特別多蠔仔……所以真的特別好味……不過今次忘記了影相…… 生腸鵝腸都係我喜歡的……生腸好一般般……不太好味.……應該放了一段時間……鵝腸比較好……爽口……分量都夠多……要點白醋……加白醋真係好味好多…… 炒通菜……真係十分差……D菜真係好吾新鮮……好難食的一碟菜……完全食吾落去…… 炒蜆……算是好味的一碟……最重要冇沙……所以加分……味道同分量都算好好……推薦的一間……

曾幾何時路邊大排檔開到成行成市，但隨著時代的洗禮這種特色已買少見少。 幸好今日來到元朗的一處竟然見到成條內街也是擺每台椅在外...而且更不止一間。由於人太多所以等位也要靠邊站，幸好人多搵位都快點，一會便拿到位置了。 一邊看餐牌同時一邊見到四周的人也是以火鍋居多，但一來火鍋家裡可以吃得到同時始終店名是主打潮菜，正所謂入鄉隨俗還是點了不同的潮菜再搭上小炒。鹵水豬手: 豬手煮得算是入味，但豬手還是太黏骨以致不能全部吃下鹵水鵝: 鵝味倒不覺，反而滿是浸著的豉油味，而且肥油脂佔了很大部份。反觀托底的豆腐還來得好吃鵝腸拼墨魚: 用水拖拖再上汁沒什麼特色，但值得注意是切墨魚刀工不錯，切得薄身同時不會拖著另一片，鵝腸也很多每條很長豬紅: 明明記得點的是韮菜豬紅，但上台時只是有豬紅，豬紅老實說今晚最失敗作，太過軟身一夾易散，實在懷疑是否真豬紅豉椒炒蜆: 上台色香俱全，除了洋蔥大舊不散而太生其他都好好，蜆肉全開口而且入味，雖然有點辣但辣度剛剛好，惹味非常椒鹽雞軟骨: 意想不到好味，香蒜淮鹽椒絲帶起香味，雞軟骨份量多而且炸得乾身脆口，而且還配有一些腰果，相信很多人送酒之選炸蠔餅: 本來炸得幾香口而賣相也不差

是日夜晚突然想食打邊爐，咁岩行到千色附近，就同朋友黎到呢間鋪頭落腳。一坐低就叫左個炒蜆同一碟牛。話咁快d蜆就黎到，但果碟蜆真系令我覺得自己系度玩緊估邊個蜆有肉既遊戲。仲有大部分都系未開口，叫我點食？咁我就唔理住碟蜆，轉到碟牛肉度。曾經睇過呢間既食評話呢間既手切牛肉很不錯。但系食過後先知原來唔系。佢既牛肉切得比普遍既厚，但除左口感上既分別之外就真系好似系佳寶買碟牛肉翻黎自己打邊爐咁。而食左陣之後我朋友口渴想要罐可樂飲下，點知過左5分鐘左右都無人理。但我同我朋友其實就坐系門口位，點解會無人見到我地呢？呢間野服務態度欠佳，食物方面無乜特別，無令我再黎食既理由。

第一次來潮豐，之前吃過的友人同我講記緊散叫食物﹗是日氣溫急降，卻枱凳放滿街，位位打邊爐，人人唔怕凍似的，情景相當震撼﹗現場所見，不少食客都係叫一大碟的什麼肥牛餐、海鮮餐等，是相當大埋頭的拼盤，但望落牛肉同食物好似雜亂得要命﹗還是散叫，點了胡椒豬肚雞鍋，$148﹗湯頭濃白，胡椒味香噴噴，雞件多，豬肚亦腍，很不錯啊﹗一煲三個人食，吃完已半飽了﹗加多個大手切肥牛，$168。牛肉切得厚身，看不出是牛味相當濃，少少韌，但味道是很不錯的﹗見對面枱叫餐的全是半肥半瘦像煙肉的美國肥牛，還是散叫的好味﹗加多個菜，五六支啤酒，埋單位位$180，尚算抵食了﹗

由大學光顧至今，潮豐一直是我的心頭好。最愛它的火鍋，精髓是那手切本地牛和生蠔，很是滿足。而它的打冷，也是水準之內，蠔餅一直是老師父主理的。前一陣子，潮豐沒有再開了，非常失望，難道倒閉？然後，知道它又重開了，從紅磡看演唱會後乘車到元朗。結果令人失望，不再是回憶中的潮豐了。來一個肥牛鍋，阿姐說出一堆火鍋湯底名......"有沒有清湯, 有馬碲那個?"我問。阿姐竟一頭霧水，說沒有，我少說也吃了那清湯６年了，難道易了手？要了皮蛋莞西，結帳才知要加錢，一個不濟的湯底......肥牛來了，又一波的失望。男友說那牛只是牛輾，我吃著，也覺根本不是以前充滿牛香的本地牛肉，很多筋、邊位，充本地牛也算了，還要選最差的，邊吃邊失望，比一般火鍋店還差手打魚付，就是最普通那隻。蠔，與以往不能比，那蝦極糟，全死掉的養蝦，小小霉霉的。怎可以如此......男友看了看老板，明白了，該是父傳子，弄得如斯田地裝修"新"了，卻不是一回事，以前還有風味，現在只搞裝修，不務正業，食物非常不擠不再來了，潮豐只活在回憶中。

一行七人去到, 要求俾大張大台, 問了幾個侍應, 都無人睬我地, 如果只好坐一張中台, 七個人逼到死死下張台真係唔大, 一個gas爐, 兩碟火鍋料, 已經無位了, 什錦大窩, $208, 皮蛋湯底10蚊牛肉的水準差到無倫, 仲話自己係牛肉店.. 唉其他的料, 蠔, SIZE細得可憐鵝腸雞腸一大堆, 食完包你超超超標, 所以我地只係食左少少就放棄丸類的水準還好九肚魚, 魚片, 魚腩各一件起, 兩件止蝦有6隻之後就係墊底的生菜了九菜豬紅, 咸到無人有, 連埋幾罐汽水, 埋單 $490有找, 平均每人70蚊, 唔係貴, 但食唔飽囉, 連以前好出名的牛肉都失晒水準, 以後唔使考慮再來

元朗有好多街邊"打冷", 潮豐都ok 細蠔餅 $33,但係大蠔餅$38, 所以多數叫大, 好味!!一月一日,三個朋友去左這裡打邊爐,結果叫了細鍋 $168 湯底另加 $10, 豬骨湯底,有好多料,有D辣, 叫了大蠔餅+一碟牛肉,不錯都新鮮,不過好少,每人一百,不錯,好飽,開心新年飯!!

2條友係元朗搵食天寒地凍最 M 打邊爐即時諗起潮豐 / 正記結果選擇了潮豐 細鍋 $168 湯底另加 $10細蠔餅 $33 好味 3支啤酒 2罐可樂細窩兩個人都食唔哂 一般大路火鍋食物 最名貴係幾隻生蠔 牛柏葉已經唔係以前既黑色牛柏葉 價錢還記得早兩年細鍋只係 $128烚烚吓~~往上看千萬不要高空擲物 (漒水)

炒蜆少肉..個程度好似叫人客玩揀殼...鵝肉.好甜...有的怪俾辣椒油我送...哈哈的服務生好少交流....態度唔差....價錢160元...有的貴