潮龍清湯腩 (已結業)

體育館重開，第一時間與友人與鳳琴街體育館做運動。消耗大量體力後，當然要吃多一點補充體力。是次選擇廣東菜較為少油份，適合運動後進食，盡量增肌不增肪脂嘛。柱侯牛筋併牛腩飯 - $49華南的柱侯醬與牛肉就是絕配，醬汁濃郁滋味，配上牛腩特別嫩滑甘香，牛筋晶瑩的有點爽滑，蘿蔔清甜不膩。牛腩豬手撈 - $42同樣也有牛腩，中式豬手軟軟腍腍，吃得滿口油香。撈麵的醬汁用上腩汁，吸收了牛雜牛腩等的精華，好濃郁惹味。還配有高湯可一乾三濕。淨清湯崩沙腩 - $65原來想要瘦一點的牛腩應該是坑腩，不過錯有錯著，崩沙腩更加矜贵。雖略帶肥肉，但勝在連著軟筋有帶點嚼勁，肉汁又香甜。潮式腐皮卷 - $19腐皮卷切片邊緣的腐皮炸得很香酥，裡面主要有豬肉和蝦肉，口感頗彈牙。灑上少許蜜糖調味，還有點桂花味，平衡炸物的油膩感。油菜 +$7一人加一碟生菜不用爭，份量頗多，約有一整條。細炸魚皮 +$8魚皮新鮮炸起，還熱騰騰，香脆無腥味，鬆脆可口，還配上滾熱的高湯。凍雪梨菊花茶 +$8兩者味道均屬清淡，配合起來有點清甜，頗有消滯感凍檸茶 +$7

22/2/21潮龍清湯腩雖然依家開返晚市，不過家人話想外賣返去食，所以就叫左外賣。我哋叫左招牌泡飯、牛腩牛丸麵同一份潮式腐皮卷。因為係外賣，所以個飯同麵都分湯。先講潮龍招牌泡飯，材料有豬手、牛腩、雜丸、豬膶、紫菜，算足料，泡飯份量都好足，牛腩好入味、牛丸好彈牙，最讚係個湯底，清甜，好正，重點當然係無味精， 唔同個面晚湯架， 真係一款湯for 泡飯晚，鍾意飲湯既人會飲曬，而我就當然飲哂啦。至於牛坑腩拼牛丸麵，牛腩有清甜味，軟硬適中，不愧為專做坑腩既店，牛丸亦好有肉汁，食落感覺幸福～個麵份量充足，咬感一流，值得一試。潮式腐皮卷，$19，抵食，煎炸得啱啱好，香口，配埋酸甜醬，確係唔錯， 值得一試。最後不得不讚， 店家主動分湯上， 返到去整返熱個湯倒落去就剛剛好啦， 細心之舉！

今天媽媽在元朗跟朋友聊天，然後說今晚不煮飯了，所以我就直接到元朗找她吃飯。路過這間麵店，看到價錢挺便宜的就進來吃晚餐了 。牛腩雲吞河粉套餐（４８元）這個套餐雖然看起來比單點一個麵的要貴，但其實他包括了炸魚皮和凍雪梨菊花茶，所以其實價錢還算是不錯的！整個份量都不錯，牛腩挺多的，雲吞就有３個，還配有白蘿蔔，而下面的河粉也有很多！牛腩給的是清湯牛腩，吃起來非常嫩，不是肥的那種，而且油脂也沒有，因為是用上了特別的部位吧，真的很特別，所以能吃到的都是牛肉的清香。這裡的雲吞不是平常的鮮蝦雲吞，而且這裡特別的冬茹木耳豬肉雲吞，吃起來冬茹的香味很濃，又有木耳爽脆的感覺，還有豬肉的香，配合得不錯，而且雲吞皮也很滑。河粉也煮得剛好，很嫩滑的！套餐包的炸魚皮，份量挺足的，又炸得十分香脆，浸一下湯汁再吃就更好吃了！凍雪梨菊花茶，這個是這裡的特色吧，喝起來很清涼，又帶有菊花香，剛好吃完炸魚皮就可以用來清熱了！潮龍鴛鴦牛腩飯（５１元）這個一次過能吃上兩款不同的牛腩還真的不錯，給的牛腩份量也很足，飯又澆上了腩汁，還配有生菜和蘿蔔！柱侯牛腩煮得很入味，肉汁鬆化，又有點肥，所以吃起來會有油香！而清湯牛腩就給比別的部位，

財爺唔派糖，唯有自己節衣縮食，睇吓去元朗可唔可以搵到超級經濟嘅一餐，結果搵到一餐$40都唔使嘅餐廳，晚餐喎，咁抵，唔食對唔住自己個荷包啦首先食佢個香茅豬扒，聽老闆娘講都係招牌菜，所以大胃就嗌嚟試吓，一上碟蔥油勁多，豬扒又勁大份，仲要幾嫩口，唔難咬另外就梗係食佢地嘅牛腩啦崩沙腩油香十足，入口即化雲吞一口過，仲有啲木耳餡牛筋呈啫喱狀態，煙煙韌韌，好入味河粉又唔鬆散啦，食得好爽快而且好難得一見會配上白蘿蔔，索晒湯汁𠻹加$8仲有養生茶𠻹唔怪陸續有咁多街坊幫襯啦

老公之前已經食過一次大讚佢地湯底好味夜晚叫左外賣encore,等我都試下餐牌有好多選擇，唔食牛腩既話，最平$40 已經有個三寶麵我地叫左一個泡飯，一個豬扒麵，再加個酒菜油菜揀左菜心，番到屋企仲好翠綠，烚既火候都岩岩好招牌泡飯有齊四樣料，份量都唔少下，仲有勁大碗白飯跟試一啖個湯底，果然好正，唔好睇佢甘清，味道已經夠哂濃，夠牛腩味，浸住d 配料，配料吸埋d 精華，真係好好食豬手唔會蘇，夠彈牙爽口豬潤唔係好粉個隻，係我地鐘意既爽口牛腩唔駛講，夠淋又入味湯加埋d 飯食，真係飯都食多d我叫外賣個陣，店員有特別推介豬扒係即叫即炸將飯轉麵亦唔駛加錢豬扒份量好多，面頭淋埋d 蔥油，好香豬扒夠淋又無咩肥肉，好好食配既湯都係清湯腩個款加$3 有雪梨菊花茶下下火～～飲得出好足料，菊花味好出個湯底真係好有驚喜～～絕對係encore 之選

(先要同大家抱歉， 食到一半先記得影相)我係一個好鍾意食牛腩嘅人， 但係住咗元朗咁耐都未食過呢一間， 我記得有朋友介紹過話好好食， 所以有一日晏晝就去咗試下。首先我嗌咗一個牛肚牛腩麵， 跟住我媽咪嗌咗個 崩沙腩撈麵。 崩沙腩即係牛嘅橫隔膜附近嘅肉， 分量好少而且口感特別好。 首先啲牛嘅味道非常之入味， 好淋好有口感一啲都唔硬， 最難得係啲湯底唔會好重味精， 唔會好鹹， 好難得。 即使唔係崩沙腩， 而係我嗌嘅普通牛腩， 水準都非常唔錯。重點係價錢非常相宜！！！！！

雖則我住元朗區，但係好多嘢我都未食過，今日行過呢間潮龍清湯腩，經過好多次聞到都好香，今日的起心肝入去試試。疫情原因客人唔多，雖則係一間小店，店主都為各位客人量度體溫 .. 等等！三寶麵任揀三款，可以一試。我點選左豬膶、滷水腸、墨魚丸米線。見到啲湯底，好明顯係用豬膶滾起再加入米線，湯底好鮮甜👍（一讚），豬潤新鮮嫩滑👍（二讚），滷水豬腸唔會滿滿肥膏👍（三讚）。看似一間咁細嘅小店，為何有咁多讚？真心講以$39的價錢，食到呢碗米線，我真係覺得抵讚。

響香港，又平又好食嘅豬潤麵真係唔多。今日竟然俾我盲舂舂搵到一間。$38 就可以食到一碗三寶面豬膶唔怕太薄，好食過深水埗嗰幾間。我仲揀咗豬腸同埋牛粉腸，簡直一次過滿足我三個願望。罐裝可樂只係買$8，如果有細支裝可樂咁就更加好啦。講返碗麵，今日我點左河粉，份量極之充足。湯底夠味配上白蘿蔔而唔係青菜，使到湯底更加清甜。通常一碗豬膶麵響出邊要成$50，呢度大腸都唔錯所有肥膏都清理咗。一路食一路睇餐牌，原來佢仲有好多唔同類型嘅食物，既然有椒鹽豬扒飯，下次我會試呢個

食消夜，隨意入了間雲吞面餐廳，二人叫了兩碗面*炸醬面* 炸醬未唔夠濃，甜辣味不夠，但肉絲多，不過不失，面質都尚算彈牙*雲吞面* 大大粒雲吞，但蝦不夠多同新鮮，面質和湯底不錯*秘制辣椒油* 香濃，夠辣👍

同老豆黎元朗有事做，做完之後已經係晚飯時間，路過雞地見到呢間潮龍清湯腩感覺不錯🤔位置望落都幾舒服整潔，不如就試下啦！😌入到去發現都幾多選擇，除左必有既粉麵之外，仲有飯同小食😯而且價錢都唔貴，由二十幾到五十幾都有，簡直係糧尾恩物👍🏻👍🏻我就叫左個清湯腩河粉，本身對佢好大期望，可惜味道一般咋😅湯底味道唔算特出，而牛腩都唔係好入味🤔🤔不過蘿蔔都幾甜，又大舊！ 份量方面，我一個大男人食完勉強夠飽，不過女仔黎食就應該都幾飽既！其實咁平都唔應該有咁多要求，所以覺得都OK既😂👍🏻不過真係唔好有太大期待呀

夜晚約左係元朗做運動，有D肚餓又唔想食咁飽，所以諗住搵間平平地份量岩岩好既麵食。係雞地行下行下就黎到呢間舖頭，平時行過都有留意下，同朋友聚會唔會食呢D，自己一個就正好啦。雖然呢度係出名食牛腩(睇個名都知)，不過個日唔想食牛，所以就咁叫左碗豬大腸粉腸麵。豬大腸就好多地方都有得食，但我好少食粉腸，所以都唔係好知係咩味。食落幾得意，粉粉地咁，唔會污糟但又有豬腸個種味，唔錯唔錯～

很多元朗人都知道元朗有兩家牛腩名店，嘉麗園這老店可謂名傳千里，引來不少區內外，甚至國內及老外遊客光顧，老闆鬍鬚佬是是出名的「寸」傢伙，不過「寸」得起，牛腩出品確是一級棒。後起之秀有麵傳世家，牛腩出品亦絶對出色，依我的井龜之見，他們出品不輸品店華姐、九記。但要吃手切牛腩，元朗其實還有第三家好選擇，它便是本遍主角潮龍。以性價比而言，較上述兩家都高很多，龜龜經常吃他們的崩沙腩河粉，一碗只賣HK$32，崩沙腩只佔整幅牛腩的兩成，乃筋肉相連最為味美的部位，平常一家麵店一碗都會索價接近HK$40。看下圖，鹵水牛腩炆得香滑入味，河粉為滑溜靚貨，最令龜龜滿意的是那口香濃的牛湯，甘香濃郁。龜龜常在下午茶時段光顧，惠顧任何麵食都贈送熱飲，加HK$3可轉凍飲，本來性價比以甚高的麵食，變得平上加平平平！

間餐廳都算方便就腳，位於市中心地段。店舖都好是正吓！多數做街坊生。由於太內沒有食過泡飯，所以忍唔住叫咗個跑法。潮龍招牌泡飯＄48。呢個泡飯有豬手，牛腩，豬潤，雜丸，紫菜。個湯底一慣清湯味，味道適中。特別欣賞個雜丸同豬手。價錢同個味道算合理。

下午好晏先出街搵野食，就諗起呢間午市好多人既清湯腩星期六日仲要排隊、搭枱！好在平日既4，5點去到無乜人下午茶大份夾抵食，同平時份量一樣，仲多左禁野飲！叫左碗清湯腩麵，就禁牛腩 唔叫坑腩都好淋

所謂崩沙腩，硬過樹皮。53元碗比·17元碗都無得比。蘿蔔還可以，味道Ok，但下次請我再去食都多謝l哂。老板娘話換左你啦，可能今日沙腩唔靓，大佬，53元碗都比得咁樣所謂招牌牛腩。以後冇幫襯!做衰元朗個招牌，元朗身为美食地方，牛什，牛腩,牛丸最出名，整間咁嘅所謂牛腩專家，提名魚腩專家還可以，比行家試過，影響全港分店，香港人要求專業，貨比3家，真係食過都怕怕. 上次去旺角個間都冇咁差，貴D都冇所謂，但都冇壹分錢货，超差評。