潮龍清湯腩 (已結業)

這間潮龍位於雞地附近，個人覺得是一間少有地坐地舒服的粉麵店，有數張卡座以及4人餐桌，而且下午時份食客不多，幾寧靜. 至於食物選擇也多，吃了好幾次，除了牛腩外，也有一些特式丸類，值得一試~柱侯牛腩米 ($29)牛腩炆得幾稔，再配有幾件清甜蘿蔔，都幾好吃. 冬菇木耳雲吞米 ($27)第一次吃冬菇木取雲吞，一咬開有香濃的麻油味，爽口木耳及冬菇弄的雲吞都幾有特色!原味牛筋丸米 ($27)牛筋丸就普普通通~胡椒豬肚丸麵 ($27)胡椒豬肚湯就飲得多，但豬肚丸還是第一次吃，咬下去真是有濃濃的胡椒味，很惹味亦很特別，值得試下.熱奶茶奶茶夠熱且茶味濃，都不錯. 這間小店價格便宜，住在元朗的朋友可以一試~

牛腩面通街都係，而家出邊食一碗都要成＄40，最近比我搵到呢間清湯腩唔單止價錢平，啲牛坑腩簡直冇得輸。 今日買咗三碗外賣， 都係等左5分鐘左右就攞得。 我同老公都忍唔住兩個人食三碗牛腩面最正係佢有部閉路電視影住泊車嗰個位，唔使驚有人抄牌另外除咗牛腩麵佢個香茅豬扒麵都超讚， 必試。

隨意進入的小店竟然有驚喜？元朗一向都多隱藏小店~他們的味道可能比些名氣極大的店相差無幾 但卻不用排隊不用宣傳~靠的就是街坊和熟客生意，但好吃的用心的就會有人懂得欣賞。豬排飯~炸得剛剛好 不會過油或過於乾身！即叫即整~新鮮熱辣辣最喜歡的是這裡的湯飯，因為味精極少 雖然原湯原料味道會較淡，不過吃完並不會口渴。而且非常適合想吃清淡一點的我，經常要外出 下肚的都是油 味料 色素~吃的大多重口味 都市人就是比較偏好惹味嘛。所以要吃淡一點來調節下。特別是沒胃口時，湯飯才下得了胃喔。少吃豬潤的我，也不禁淺嚐了幾舊 鮮嫩！煮得剛好又沒有過老。豬手大大件，爽口帶出口感還有很多湯飯款式可以任君選擇呢~牛腩色澤均勻 是屬於比軟身 較腍那類，不會粘牙，而且非常入味。但媽媽則是喜歡吃比較爽口類。雲吞細細粒，可以一口祭。味道正常 餡料的木耳爽口看到牆上一張張小卡片，原來是店員會在用餐後遞上 讓客人寫點意見 好令服務質素再提升，頗特別的做法！公開式意見收集箱吃得很高興的小店，價廉物美 在餐廳來說算是比較出眾，相對於外面晚餐已經六七十元時 還儘量維持四十元左右。

今晚突然想食牛楠, 知道元朗有一間食牛楠又平又好食的,就去食了。由西鐵站去都幾易搵, 間店有崩沙腩,牛坑楠呢d 一般牛楠店食唔到既楠。但可惜以上兩款只可以配麵。因為太餓既關係,最後選左清湯牛楠拼柱侯牛楠飯清湯腩夠晒軟, 柱侯牛楠又夠入味。兩者做到咁出色,值得加分。下次可以再返黎食。

喺元朗都住左就快一年，每星期梗會經過呢間鋪頭幾次，但都冇入去食過野，明明清湯腩係我其中一款至愛食品，今日經過，唔肚餓都入左去試下！佢叫潮龍，唔知同其他什麼生龍昌龍等鋪頭有冇關係？唯一可以肯定就係佢同我講個兩間嘅牛腩一樣好味。睇睇餐牌，下午茶崩沙腩河粉賣28蚊碗，加2蚊可以飲雪梨菊花茶，諗都唔使諗，整碗先！再飲左枝雪梨菊花茶。未講碗麵好唔好食前，同大家講下點解我一見倒崩沙腩河賣28蚊碗，就雙眼放光。牛腩呢個統稱係由牛胸至肚底部份嘅一整塊肉，啖啖肉嘅抗腩就係牛胸兩側嘅牛肋肉，崩沙就屬於牛橫隔膜嘅兩側筋膜連肉部份，爽腩就有兩種，清湯腩鋪講嘅爽腩就係透明一塊冇乜肉嘅筋(與崩沙腩部份相連)，但如果去牛肉檔買嘅話，佢地會切舊爽口嘅淨肉俾你。據之前食開嘅清湯腩鋪頭講，叫得做牛腩嘅牛肉，裏面只有大概二成係崩沙腩，不足一成係爽腩，所以好矜貴，價錢貴抗腩成三成。計條簡單嘅數俾大家睇，牛坑腩街市賣約80幾蚊斤，咁崩沙腩（如果買倒的話要話）要110蚊斤，一斤十六兩每兩價值7蚊，三兩崩沙腩價值20蚊有多，雪藏牛腩大概係鮮腩嘅五份三價錢都要12蚊三兩。假設我碗粉有三兩雪藏崩沙腩，淨係牛腩成本，未計粉同埋湯底等等成

晚餐唔想食咁飽既話通常都會去潮龍叫碗粉麵, 我多數都會叫牛筋丸米粉佢地既牛筋丸既彈牙又有牛味, 係個湯底略為清淡左d 而除左牛筋丸係我最愛之外, 佢地既辣椒油都好香, 而今次我仲加左份炸魚皮(細)炸魚皮夠脆身, 不過比較淡口牛筋丸米粉$22(外賣加$1)連炸魚皮(細)$5, $28一個晚餐, 都係一個唔錯既選擇

近幾近愛上了四處尋覓好味既牛筋,這裡的牛筋茶餐只係28, 當然不能錯過啦,.點左牛筋米,總覺得食牛腩牛筋都好,米粉總會是必配之選(雖然這碗米粉太淋), 這裡的牛筋夠淋,入味 ,而且仲食到淡淡的八角花的味道, 仲可選擇雪梨菊花茶,味道清清甜甜.不錯.

要品嚐絕世美食，不一定要付出天價。事實上，在香港有很多隱世食肆，偏佈各個社區和街頭，他們都努力炮製出不同的平民美食，以飽大眾口福。而到處發掘它們的存在，就成為我們這些老饕最大的樂趣之一。這天，我和女友來到這間位於元朗的清湯腩專門店。潮龍的地址並不難找，它的附近有一檔顯眼的菜檔，找到之後向前走數步便是。餐廳內的環境尚算整潔，有很多卡位。非常推薦這樽自家製的雪梨菊花茶：單買的話要$9 (跟餐只需$6)，沒有放太多糖份，味道清甜，消暑止渴一流。只要$26便可以吃到一碗招牌牛腩麵/米/河粉，不敢說是最便宜，起碼價錢親民，肚餓時隨時叫一碗來吃也不會有心理壓力。熱騰騰的牛腩河上檯。女友因為喜歡牛味濃郁，選擇了坑腩；碗中除了牛腩，尚有5片白蘿蔔，可說頗有所值。坑腩入口嫩滑鬆化，令人喜出望外；蘿蔔有一點渣，但甜味不俗。我和女友一樣，比較喜歡牛味濃的坑腩。以撈麵來說我覺得牛腩的份量少了一點。另外，這裡的麵就只是普通的鹼水麵，口感一般。總結：平均來說，無論在價格甚至質素方面，潮龍比起旺區某些知名的牛腩做得更出色。小店有小店的好，今次我又再深深體會到了。滿意度：(5個 為滿分)

好友結婚當然要去賀賀佢，縱然是要走到入元朗也在所不惜....這樣也好，反正又再度給小弟一個機會入去飲飲食食....夜幕低垂，一衆食肆人氣鼎盛，摺枱摺椅開至成行成市。若不是之後要去飲宴的話，便馬上呼朋喚友衝過去開張大檯去宣飲豪擦一頓....食店數量多得眼花撩亂，間間都想入去試一下。行行重行行，最後來到這一間清湯腩店，食一碗腩河....時候太遲，沒有了崩砂腩，唯有只能嚐到最普通的切腩....咬一下，肉有點韌不夠鬆化。再吃多口，肉就黏在牙縫之間，黐牙了....試一啖蘿蔔，夠淰但卻欠了清甜之味，是很普通的....湯底初飲時有些鹹，再嚐真一些，喉頭滲出丁一股牛骨的鮮與香。看來倒是真材實料的....河粉是滿滿的裝於碗上。以二十三大洋一碗的價錢，算是十分值吃....不過之後還要吃東西，故此只吃了一半左右就收工....論水準是沒預料中的好。在云云的食店中揀了它，看來我也會有走漏眼之時.....

感冒仍未清, 所以唯有清清地食碗麵算~~~就算想就腳關係..所以選擇這間未吃過的潮龍~店內細細但是坐得舒服的, 大約七時到達不算多人只有兩, 三枱客人. 油菜走油, 因我不喜歡油淋淋的菜, 在街外吃油菜預了是不抵, 但我無菜不歡所以貴都要吃~ 芥蘭爽脆但不粗身. 我喜歡吃粗粗的芥蘭.我自己其實很少吃撈麵, 但今日不想吃湯因海次吃時都會吃得很多鼻水, 而家鼻子已經不舒服所以點了撈麵. 牛筋不錯很腍但醬油太過鹹了, 已把醬油撈好麵但仍然是鹹鹹的~~~~~~~~~~麵質普普通通. 但份量則不算少啊~配上淡淡的清湯, 還可接受, 如果醬油淡一點會更好.清湯果然是清湯...差點一些味道也沒有. 而飯則用碟上, 這樣不太好因為不方便用清湯撈飯. 但牛腩卻十分出色, 腩位十分腍牛味出色, 只可惜其他配味配不上這出色的牛腩. 把整個分數大大降低了~味道不錯不會太甜.價錢還可以, 但其他麵店更為出色, 所以我想都不會再光顧了~

之前無意中睇雜誌見豬小姐賣廣告, 覺得個名好得意, 就貪得意試下搵, 有無豬先生啦......根著同樣係開飯睇見食評....話呢間潮龍好味d, 咁咪去試下囉~~~初入門口見得好小客人幫襯, 都有d貪心......本著黎到一試, 就去試下佢地既清湯腩啦~初試湯底好味.....不過如果加番小小胡椒粉, 應該味道再提升好多~豬潤, 牛腩都好味, 前者好爽口, 後者唔勒......個湯同泡飯湯底一樣, 好味~唔算好咸蘿蔔好甜無渣崩沙腩邊位有咬口, 肉都林, 粗麵有皂水味.......差dd溫馨提示, 2月6日-2月15日係休息既~想食就快d啦~

同班同事黎呢到食lunch 一睇招牌就知主打食牛腩!我叫左個鴛鴦腩粗麵$27鴛鴦腩 = 清湯腩 + 柱侯腩份量都算大, 有好多牛腩, 牛腩好淋, 肥瘦適中, 比較鍾意柱侯腩, 味道比較濃配上粗麵, 很棒!一定再黎!

新居樓下一帶可謂食肆眾多，花多眼亂，最近亂打亂試中，發覺這間位於潮式腸粉旁的潮龍，有著很出色的牛腩!始終是新店，小店裝修比一般牛腩粉麵店較骨子；然而推著BB車的兩口子，一般都享受不到室內雅座，要在外面的露天位開餐。首訪是在上月中，逛完街（沒錯，又是買寶寶的東西!）後媽媽餓壞了，帶著寶寶來到這裡，隨便點了一份侯柱牛腩飯($32)。時約六時，店內食客不多，成品很快上檯，賣相比預期中誘人，馬上趁熱一試：嘩，牛腩十分入味，肉質鬆化微帶脂香甘腴，好好吃啊! 同碟的白飯軟硬適中，粒粒分明，撈上腩汁又是十分好吃，唯一未達標的，是配菜的蘿蔔片，煮得未夠軟稔呢。此飯附送例湯或熱飲，當晚媽媽要了熱檸茶，打算餐後作消滯之用。當晚就坐室外，想不到竟惹來小飛蚊垂涎，筆直降落在茶中! 媽媽硬著頭皮向店員反映情況，她很爽快馬上答應換過一杯新的，真感激她!此店的牛腩如此美味，價位又相宜，事後媽媽當然向爸爸推介了，在家裡沒飯開的夜晚，也會帶著寶寶一道來用餐。侯柱牛腩飯($32)是必然重溫的項目，再吃牛腩美味仍然，蘿蔔則仍然欠佳，整體上還是令人滿意；爸爸更要求多加腩汁，以令白飯吃來更加滋味滿瀉!兩口子也試了侯柱牛筋飯(

好耐無去清龍食野,今日下午茶時間行過入左去今次自己一個去,入到去仲煩緊食咩麵個陣,個侍應同我講「而家有飯餐,仲跟埋餐茶」咁我就貪得意叫左個香茅豬扒飯(其實有湯飯,但係我個人唔多鐘意食湯飯)碟野黎到份量好夠,而且蔥油唔錯,甜豉油仲拍得住燒味鋪而豬扒都ok大塊,味道都唔差下次去食既話,大家都不防試下個豬扒飯而柱侯牛斤同柱侯牛腩飯買相幾好睇,但係好唔好食就唔知啦....而我就會試清湯牛腩飯,午餐時間去應該就差唔多,因為真係幾大份

今日係元朗，又唔想特登走出九龍食晏，所以去咗呢間潮龍清湯腩。舖仔細細，食物選擇亦唔太多，但餐牌就頗有心機，圖文並茂。叫咗個清湯崩沙腩麵，再加杯凍奶茶，合共$26。一碗崩沙腩麵放係面前，只得三數件崩沙腩，究竟崩沙腩是否這麼矜貴，哈哈。睇嗰樣，都蠻可以，的確係有層膠質係度，食入口都算爽腍，但牛味不足，而且肉嘅份量相對比較少，若果可以多d腩肉，口感更佳；碗內亦有幾片蘿蔔，不過蘿蔔唔靚，味道帶苦；湯底則唔夠肉味，淡淡的；麵本身普普通通，唔夠彈牙爽口。凍奶茶亦唔夠香滑。一星期內，食了兩次頗差嘅清湯腩，下星期真係要過海搵華姐先得