潮龍清湯腩 (已結業)

前幾日，同屋企人去元朗行街行到肚餓就係附近既餐廳打算食個便飯。在芸芸人海當中發現一間門面不起眼，但性價平頗高的餐廳。入到去，店員好窩心咁推介餐廳特色的食物。但喺想食既嘢實在太多，我哋最終決定食1個飯+1個麵+1個小食，務求大家都食到唔同既嘢食。黃沙豬膶清湯牛腩飯豬膶切得厚同彈牙有齊豬膶應有特色。牛腩入口即溶，蘿蔔清甜無根，配合得天衣無縫。炸醬雲吞撈幼麵雲吞皮薄餡靚，撈混炸醬香味撲鼻而來，炸醬唔算辣，用黎撈麵食，越食越起勁。豚肉炸餃子餃子係即叫即炸，唔係翻熱二手餃，所以做到皮脆肉嫩！正如開段所講，店鋪性價比高，我諗主力做街坊生意，有機會再試埋其他食物。

潮龍清湯腩 🥩同朋友直入元朗， 未到晚餐時間，餐廳出面唔多人，就揀咗間清淡啲既牛腩麵店享用啦！🍲見佢有埋麵配碗嘢飲，食既多係元朗居民，簡簡單單50蚊內一餐都算既抵㗎！————————————————————— 🌟牛腩牛肚飯《$49》牛腩飯大大碗，醬汁係牛肉汁煮出黎既，滲入飯中，撈飯唔錯～🍚牛腩有四五舊，牛肚又有四五舊，都幾良心🤪🥩牛肚同牛腩煮得唔會過軟，都好大件，一啖飯一啖肉食得好滿足呀我～(⁎⁍̴̛ᴗ⁍̴̛⁎)—————————————————————🌟三寶湯飯 《$40》湯飯入面既飯都keep 到粒粒分明，有少少微漲，但係唔影響飯既口感！有扎肉、丸類、牛腩、牛筋，選擇幾多！🍲鐘意佢既牛丸有麻油味，食落好特別！🤤

收工入黎大西北，梗係要搵啲地道又抵食嘅野試下啦。小食：豚肉炸餃子（無激素無抗生素添加）皮脆得黎唔太油，入面啲豬肉都幾多，有少少香甜嘅肉汁，幾粒做餐前小食，份量剛剛好。仲要價錢先$10一份，真係超抵食！雙餅粉麵：清湯牛坑腩加冬菇木耳豬肉雲吞河粉牛坑腩半肥瘦，連少少筋，夠入味又夠淋，連埋筋好perfect！仲有個雲吞，皮薄得黎，冬菇同木耳非常爽口，加埋豬肉香甜多汁，好有口感同誠意。另外配料仲有蘿蔔，全部都好足料，食到超飽！雪梨菊花茶呢個老闆娘推介嘅飲品，係自家制嘅涼茶，用雪梨同菊花加蜜糖，每日新鮮製造。煲出黎嘅茶好清甜，而且飲得出好重嘅菊花味，夠曬清熱。值得一提老闆娘服務態度好好，同個個客人都有講有笑，好有人情味。

係咪冇乜心情食嘢, 求其去咗間麵平平哋食個麵, 咁就無意之中入咗呢一間清湯腩. 買咗好耐menu淨係叫咗個牛腩雲吞撈麵... 由於我六點幾入去, 店裏面唔多人只有兩三枱客, 樓面有一位招呼, 格局正常. 等咗五分鐘都唔使, 已整好做牛腩麵拎走返屋企先食. 打開個盒見到裏面有四片牛腩加三粒雲吞, 份量算多啱曬我. 不過由於叫咗撈麵個麵底都食唔曬. 雖然份量唔多但係牛腩出色好食, 半肥瘦入口有浸油膩感, 好正, 牛腩又炆得好冧, 至於雲吞就係豬肉雲吞, 正正常常. 埋單夾埋40零蚊, 可以一試.

崩沙腩拼雲吞幼麵配自制雪梨菊花茶牛味極重既崩沙腩，腩上有薄膜，豐富膠質，連着少許肉，爽軟不硬，口感豐富;自家包既雲吞，餡料有豬肉冬菇木耳，有少少咬口得黎冬菇能夠帶出香味。 菊花茶帶有淡淡雪梨味，唔太甜，係飲完唔會口渴個啲，清熱一流。胡椒清湯豬手飯配熱檸茶叫個陣疑惑左一下，究竟係清湯定係胡椒湯😂😂結果係有胡椒味嘅清湯，甜甜既湯底帶有胡椒既辣同香。豬手外皮爽脆彈牙，肉質卻係軟軟的。豚肉炸餃子🐷🐷呢個值得再叫，香脆外皮，內裏juicy，肉汁好香豚肉味。

幾經辛苦今日終於夾到時間同個fd出元朗探朋友個bb，但夜晚bb要同爺爺嫲嫲食飯，我唯有同個fd去撐檯腳啦🙈兩個唔熟路既人隨意入左間清湯腩專門店，估唔到咁有驚喜！😮我叫左個豬潤牛腩泡飯(少飯)同一支雪梨菊花茶，朋友叫左雲吞炸醬撈幼麵同菜心～泡飯個湯幾重牛味，加咗啲唐芹好香👍豬潤同牛腩份量勁多！牛腩有牛既香味但唔會羶，肉質夠淋，好食！🤤豬潤有厚有薄但同樣都好爽口，火喉控制得好好！完全無腥味😋雪梨菊花茶喺店舖自家製，味道清甜滋潤👍朋友既雲吞炸醬撈幼麵都好足料，撈完個麵差唔多啖啖都食到炸醬，酸甜味岩岩好，個汁又唔會太稠或太稀😗雲吞似一口雲吞既size，有木耳係裡面幾爽口，皮夠薄👍元朗果然係一個美食區，隨便入一間粉麵店都咁出色！😛

這間位於雞地的潮龍清湯腩，有名你叫清湯腩，最出名的一定是食牛腩啦！清湯崩沙腩湯米崩沙腩爽口，牛肉味濃，切成厚薄適中的一片，湯底清甜有肉香，蘿蔔入口清甜又夠腍。雲吞炸醬撈粗炸醬味道酸酸辣辣，十分惹味，雲吞則不似平時的，反而似水餃，細細粒正好一口一粒，裏面有些爽口木耳，雲吞麵份量十足，食完超飽。潮式腐皮卷$10的小食都不錯，炸至金黃香脆的腐皮中間釀入豬肉，有點似炸扎肉。辣汁陳皮魚蛋魚蛋彈牙，反而似濃郁咖哩汁，十分惹味。最後飲返支雪梨菊花茶清下熱又健康。

弟婦和弟弟尚未下班，媽媽要照顧侄兒無暇煮菜，所以我直接買外賣回家和媽媽吃。媽媽想念潮龍清湯腩的香茜鮮蠔仔粥的味道，於是我去買給媽媽吃，孝敬她一番。雲吞炸醬撈的炸醬極橘紅色，將炸醬和麵條拌勻後色澤多美，炸醬香味隨著熱氣撲鼻而來，一入口就有種熟悉的味道。麵條均勻裹上醬汁，甜中帶微辣，甚有咬勁，非常討喜。雲吞皮薄滑溜，內餡飽滿，一下滑進口中，蝦肉彈牙，豬肉鮮美，雲吞可謂是炸醬撈的好拍檔。至於隨雲吞炸醬撈的熱湯相當清爽，一口吃炸醬撈，一口喝湯，真棒。潮式腐皮卷表皮炸得超酥脆，吃起來還有脆脆的卡滋聲，半點不油膩。豬肉餡料肉味十足，咬下還有些許肉汁流出，潮式腐皮卷絕對是一道美味可口的小食。豚肉炸餃子每一份都是現點現炸，不會預先煎好放溫涼，故餃子熱呼呼的，一打開盒子香噴噴。豚肉炸餃子餃皮金黃香脆，豚肉餡十分細緻，幾乎不太需要咀嚼，鮮汁在口腔噴發。香茜鮮蠔仔粥蠔仔給得豪邁，顆顆肥美肉厚，讓人心動，另外湯頭還加入肉碎，鮮上加鮮，飯粒融入濃郁海洋風味，一吃停不下來，難怪香茜鮮蠔仔粥是潮龍清湯腩人氣招牌之一，來到這裡必點。

有時諗住求其食都會食到有驚喜既餐廳，唔試唔知原來有好多小店都臥虎藏龍。柱侯牛筋拼牛腩飯一試難忘，牛筋軟腍，牛腩非常軟熟入味，柱侯醬雖然濃郁，但沒有蓋過牛味，很好餸飯。除了牛筋牛腩，還有清湯煮過的白蘿蔔，非常清甜而且沒有根，好吃之餘亦中和了濃濃的肉味。胡椒清湯豬手麵，湯底清甜又帶點胡椒的辣勁，外表平平無奇的豬手原來口感非常獨特，外皮是爽口的，內裏軟腍，吸收了清甜湯底的豬手份外好吃。相信烹調方面花了不少工夫👨🏻‍🍳麵條爽口彈牙，沒有鹼水味😋椒鹽燒賣即叫即炸，外皮金黃色很香口，內裏熱辣辣，$10真是超值了。

成日食日韓西餐，今次就食返啲中式粉麵啦😆難得入元朗，就梗係要尋覓下有啲咩好食啦。晚巿時間見到呢間舖頭有好多人等外賣，一定唔會差得去邊，就入左去食啦😆🍜入到去選擇琳琅滿目✨，有湯麵🍜、撈麵🍝、飯類🍛。又可以自己配搭啲餸，認真唔知揀邊樣好🙈 店員都好熱情咁為我哋介紹，亦推介左幾樣食物👍🏻🍽三寶麵(豬膶、粉腸、酸菜)麵底揀左河粉，河粉係偏軟、較晶凝通透果種(個人比較喜歡無咁易斷開嘅河粉)。兩款內臟都好值得稱讚！💯豬膶煮得剛剛好，食落仲係好淋。(煮豬膶其實好考技巧，煮得唔夠又會生，煮得太耐又會好柴。)而粉腸冇腥味‼️呢個真係好緊要，一腥就會影響成碗麵。 酸菜爽口又開胃😋🍽雲吞炸醬撈食幼麵成日都好驚陣鹼水味，呢到完全冇呢陣味👍🏻，店員話炸醬有少少辣BB都食到嘅辣(呢句好深刻🤣) 炸醬食落酸酸甜甜少少辣，辣味係個餘韻到，有少少後勁，唔點食辣嘅我都接受到。😋雲吞係豬肉冬菇木耳餡😋 相比起炸醬，有少少遜色，所以建議叫 金牌炸醬撈😆 好味到朋友暴風式吸入，唔使5分鐘就食完。🍽豚肉炸餃子🥟餃子即叫即炸，熱辣辣，外皮炸得香脆，內餡依然濕潤💮🍽雪梨菊花自家製嘅雪梨菊花茶，有淡淡的菊花，無加糖精，唔會死甜，清甜解

久仰佢地嘅坑腩終於有機會試啦，的確好入味，而且唔肥膩，我試左坑腩撈，非常細心的有剪面，唔係咁多地方會咁做，睇得出是老師傅手筆。另外聽老闆提意試左豬雜三寶米線（豬膶/粉腸/豬利）其實我一向有少少怕食粉腸，因為好怕嗰隻粉得黎有腥味，又有少少苦味。但呢個完全無，而且粉腸外皮仲有少少爽，有咬口得黎唔難吞👍👍豬利份量唔講得少，有成4-5舊，好厚身。就連配菜白蘿蔔我都覺得好好食🤣🤣因我入晒清湯底個味。

同朋友行完街諗住簡簡單單食啲嘢就算，朋友鍾意食粉麵，所以就揀咗呢間轉食牛腩粉麵嘅舖頭！嗰日行到有啲熱所以我就揀咗清湯崩沙腩撈，一嚟到份量都唔少，啲崩沙腩牛肉味好重，腩汁好入味，我自己覺得脂肪比例就好適中，唔會太肥！仲有不得不讚下舊蘿蔔，超林超入味！朋友叫咗坑腩魚皮餃面，坑腩對比起崩沙腩冇咁重牛味，佢嘅脂肪對比起崩沙腩更加少但又唔會好韌，另外湯麵最出色嘅一樣嘢就係，嗰個湯底，好清甜！朋友飲咗半碗湯🤣如果叫粉面可以加錢叫埋嘢飲，我就加咗$8叫咗個凍雪梨菊花茶，落單嗰時個哥哥話俾我知係佢哋自己煲！唔係講笑，好好飲，唔會太甜，飲完覺得好似好解渴咁！推介: 與其飲可樂凍檸茶嗰啲，不如試吓人哋自家製嘅飲品！其實本身見到隔離枱食炸魚皮，都好想叫，不過因為真係份量太多，冇叫到！下次再去一定會叫黎試吓！

是咁是咁的同個朋友，在元朗國洗完車，就急急腳去左搵野食！我們一行二人叫左兩款野食！清湯崩沙腩撈 $39坑腩魚皮餃麵 $37真心唔講得笑，當仲未諗到食邊款的時候，店家非常有禮貌地介紹！而且價錢非常親民！個麵底連少少鹼水味都feel唔到，件蘿蔔非常有咪，令我食指大動！湯底濃未冇味精，飲多兩啖都唔會口渴。崩沙腩非常軟腍，牛味十足！坑腩，入口即溶！冰凍自家製雪梨菊花茶在這個炎炎夏日裏，冰涼潤喉，一解夏日燥熱！

自己住屯門一帶，今日路經元朗搵食，想簡簡單單食餐晚餐，門口見到價錢平平地，就入去食下。老闆娘推介左香茅豬扒飯，話係即叫即炸。豬扒飯嚟到嘅賣相都算唔錯，豬扒大大件都炸得乾爽，份量算係多，食落口就十分鬆脆，配埋蔥油咁食相當惹味。之後叫左份三拼粉麵餐，揀左豬腸、豬潤，蘿蔔，配幼麵。湯底夠濃味，味道啱啱好但會唔太鹹。另外都點左佢嘅跟餐小食，叫左潮式腐皮卷同炸雲吞。潮式腐皮卷幾特別，食落感覺完全唔似平時酒樓食到嘅腐皮卷，令炸雲吞相對有啲遜色，略嫌有點粉多餡少。仲有值得一提嘅係個消暑雪梨菊花茶，天氣熱熱地去飲就十分清涼，同食物都好搭配，如果大枝d就仲正。呢個價錢嘅話有呢個質素都算係有良心，而且食物嘅質素相當唔錯，如果作為呢度嘅街坊我相信我都會成日幫襯。

同一個鍾意食粉麵嘅朋友去食下午茶，竟然可以喺元朗國食到我至愛嘅牛坑腩😻潮龍清湯牛腩真係不可錯過😍坐得又夠舒服，而且服務態度又夠親切!當我哋有選擇困難症發作時，就會好有耐心同我哋介紹邊樣好食，真係好窩心🥰❤️凍雪梨菊花茶自家製🤗少甜，又夠滋潤，夠哂解渴，必飲推介💯正正正👍🏻👍🏻👍🏻👍🏻👍🏻❤️牛腩豬手撈牛腩夠哂腍，肥瘦分明，牛味十足😋𡁻幾吓就已經溶化了，好正😻豬手炆得夠哂腍，一咬就即刻皮肉分開，唔會食到論論盡盡，而且夠入味，真係唔錯！白蘿蔔又夠甜，仲要係無渣😋最重要個撈粗，唔會有鹼水味之餘，入口夠爽，而且份量仲要勁多，食完真係好滿足😜❤️金錢肚雲吞湯河雲吞用木耳同豬肉整成，咬落又幾爽口，好味😋牛肚夠爽，容易咬開！河粉煮得恰到好處，又唔會一夾就散開👍🏻❤️椒鹽燒賣炸得夠脆，好惹味！❤️辣汁陳皮魚蛋汁夠香濃，無乜辣味，同魚蛋好夾，只不過鹹咗啲。