澳門咖喱王新鮮腩

营业中

休息中

放工友人陪我到佐敦的百貨公司幫家人購物後， 一入白加士街， 就望到一個好醒目的招牌， 而食店主打是我最喜歡食的🐂🐂， 我當然唔會放過啦！翻開餐牌有牛腩，牛坑腩，牛脷， 牛柏葉，牛丸， 牛肉及雪花牛頸脊……，配以不同味道 - 麻辣，清湯，咖哩及沙嗲……，再加上有其他菜式選擇，款款想食，如果我跟牛牛一樣有四個胃就好喇，就不用為選擇而傷腦筋👉👈！招牌清湯雪花牛頸脊米，話明招牌，一定揀牛頸脊，果然香滑， 一點也不肥，點埋醬汁真是無得彈。澳門咖哩薯仔牛坑腩飯，試吓澳門煮法的牛坑腩，炆得夠腍入味， 咖哩汁不辣配飯一流，而薯仔也被我吃光。上湯蘿蔔，煮得夠腍，好清甜 。無味精鮮茄湯， 新鮮番茄配洋葱煮成湯，加上少量指天椒 ，特出🍅味，飲落更暖胃。

尋日早了下班, 於是就立即約朋友去食過快飯 因為想早點回家休息, 最近就是太攰了~在佐敦近寶靈街左右周圍走一會兒, 發覺一間叫"澳門咖喱王新鮮腩" 主打新鮮靚清湯腩喲 於是就立馬入去找個位子了~ 店子內部裝修唔錯, 坐得好舒服, 環境衞生乾淨, 而且服務員又幾NICE, 招呼都幾親切~食物方面, 主打都唔少, 個人推介"咖喱/上湯清湯腩", 另外仲有"必食獲獎川醬干炒牛河", 相當唔錯~價位方面, 個人覺得好抵食! 因為佢有好多套餐(必食推介)都係5-60元, 目測好多人都係選清湯腩+白飯, 都係六十零蚊, 份量都幾大碗, 幾抵食喎! 必食獲獎川醬干炒牛河 - 好大碟喲!!!上桌就己香噴噴~~~用川醬炒真的好鬼治味架~ 而且呢個可以揀辣度, 我地係走辣~ 味道剛好, 又唔會太咸太重味, 而且河粉條條炒到入晒色, 好均勻呀~ 牛肉相當嫩滑, 夠鮮又冇渣呀~~~一碟足夠3-4人食呢~上湯清湯腩 - 我地加左HKD 30轉崩沙腩, 這個價位稍為高了少少,  因為要HKD 188 (158 +30),上桌時份量未算好多, 下面仲會鋪左啲青菜/蘿蔔, 雖然都好好味,  但

有朋自內地坐高鐵來港，下塌於佐敦，略盡地主之誼，相約吃一頓簡便晚餐，問想吃些甚麼，答案是牛腩。當然，吃碗牛腩河，隨處可吃到，但招呼朋友，不能這麼簡單，我知附近有家專吃咖喱牛腩的店，遂帶他去吃。餐廳面積不算大，但捧場客眾多，應該會不錯吧？他想喝港式奶茶，我建議他來杯奶茶紅豆冰，兩種香港特產共冶一爐，他一試便喜歡，紅豆夠腍，又不太甜，配奶茶的味道很夾。這裏的澳門咖喱薯仔牛爽腩飯是有名的，當然不能錯過，咖喱汁是靈魂，不算很辣，蘊含複雜的香料香味，層次豐富惹味，牛爽腩吸收了香味，加上牛腩夠腍，特別入味，我尤其喜歡有些帶筋膜的部份，腍中帶爽，口感一流，薯仔和牛腩是前世情人，經常與蘿蔔爭寵，但各有支持者，平分春色。咖喱食品，配白飯比配意粉好，似乎是一個定律。點了一個例牌招牌清湯牛腩給好友，牛腩整齊排列，有肥有瘦，肉味濃郁，脂膏甚香，下面是蘿蔔，清甜腍滑，連湯都鮮甜，因無味精。另外，點個上湯菜心以均衡健康，翠綠合時，甚對我倆口胃。

今日在佐敦搵食，路過這間餐廳，給他們的牛腩味所吸引，地方不算大，但座得舒服，茶餐廳的格局，牆上貼上餐廳的主打美食相片。見餐廳名就知道這裡出名的是咖哩及牛腩，所以一定要試一下吧!先來一個清湯牛坑腩配生麵，牛坑腩比牛腩更有油花，半肥瘦的，又香又腍，用清湯的做法，不但可帶出牛腩的鮮味，加入白蘿蔔還可以幫助提起湯底的甜味，蘿蔔亦相當清甜腍身入味，生麵亦沒有鹼水味。另外來一個咖哩薯仔金錢肚，份量頗大，咖哩香濃，香辣適中，薯仔腍身，配上金錢肚都是第一次，金錢肚爽口彈牙，蜂窩肚吸收了所有咖哩汁，十分惹味，送飯一流。另外，清清地叫多一碟菜心，嫩綠脆口。

澳門咖喱王 @ 佐敦早排經過佐敦…搵緊去邊食”afternoon tea“時...俾我餿到咖哩王三個字…🤔🤔🤔。好吸引咁…😍😍😍原本諗住坐低即叫咖喱牛腩試下…點知見到個下午茶餐牌…有個”必食獲獎川醬乾炒牛河“ (個名老lin咁長…😆😆)...講到又攞獎又必食…唔係唔試呀😌😌…碟野黎度出哂煙…😍😍😍。個樣炒得幾靚仔…河粉成條條唔會碎濕濕…味道可以形容係麻辣乾炒牛河…非常野味…牛肉都可以…唔會話乸到霉哂…食完隻碟唔會好油…唔錯唔錯(可以美人照鏡…😂)...下次會試下佢地既咖喱牛腩…到時再匯報…

同朋友係佐敦做完瑜珈本來打算輕食，點知行過見到澳門咖哩王就被朋友拉住入去幫襯咁辛苦運動志在食姐😂晚餐時間關係 入面的座位差不多滿座餐廳的裝修亦帶有少少懷舊味道店裏播的都是八九十年代的音樂很有八十後的故事回憶食店以牛腩為主打當然要試下澳門咖哩薯仔牛腩牛味重但不會有羶味咖哩味不算辣而且十分香口，薯仔非常入味另外也叫了川醬干炒牛河少辣第一次食干炒牛河是不油膩而且川醬味道是非常獨特 少辣也十分夠味，香口再叫了口水雞雞肉食落嫩滑唔會過鞋口水汁亦十分出色，惹味因太多肉類最後都嗌了上湯椰菜椰菜十分爽甜中和吃了這麼多肉都罪疚感總括來說雖然外表是一間茶餐廳裏面食物令人有意想不到既驚喜

朋友知道我好喜歡食牛腩，上星期特地帶我去位於佐敦新開的一間餐室食牛腩。❤️餐牌上有各種各樣菜色，除牛腩、牛頸脊、牛肚外，亦有羊腩等等，種類很多包括炒河、炒飯、泡飯、湯河，咖哩飯等等⋯選擇多不勝數！我好喜歡食牛腩河，來到這裡立即叫了招牌清湯牛坑腩河粉。牛坑腩好爽，夠淰，不實，好有牛味。特別要贊下個湯，清得來有蘿蔔和牛肉味，可以成碗當湯飲。😋我們當然要食下必食獲獎王中皇雪花牛頸脊川醬炒河。炒得很香，牛肉不太厚，有口感，不錯！我們另加湯，呢碗番茄🍅湯好濃番茄味～熱柚子茶亦好足柚子😋

終於等到歲晚前週末，當然要放縱一下慶祝！在佐敦附近找食就找到了這家。餐牌選擇算多，但來到當然要試試咖哩。本想叫蔬果咖哩，但老闆說此咖哩不辣，最後我們點了澳門咖哩牛腩飯。咖哩汁香濃，很好下飯！可惜太肚餓忘了拍照。最出色是肉餅，煎得香脆並有微微酒漕香味。我們是叫例牌的，份量較大，自己吃的話可以叫肉餅飯。牛河也不錯，可是比起其他餸菜就相對一般了。叫的是小辣，同枱的覺得辣了一點。看著鄰枱的清湯腩炆得幾稔，下次再試！

今日去左佐敦見到澳門咖哩王新鮮腩店內裝修幾有特式，細格磁磚，比較光孟食物選擇種類都多叫左一個必食川醬雞扒干炒公仔麵$85（有雞扒或豬扒選擇）有幾隻辣選擇，因友人唔食得太辣所以叫左個BB辣澳門咖哩薯仔羊腩飯$84冬天最適合食羊腩，再配埋咖哩薯仔羊唔羶另外加左兩無味精鮮茄濃湯 $6個湯比較足料，蕃茄味濃仲加左個清湯蘿蔔蘿蔔比較清甜食落無渣👍因為天氣太凍所以最後叫左杯熱菜蜜本來想飲奶茶紅豆冰，唯有第下次再黎食既時候飲

今日午餐 去咗佐敦逛街， 順便食嘢所以搵咗呢間澳門茶餐廳。 呢間餐廳標榜新鮮牛腩， 同埋有獨特配方嘅澳門咖哩， 我見佢menu上面嘅廚師推介都係咖哩牛腩飯， 所以決定一戰。舖頭 唔算大 ，大概十幾張枱， 整體感覺都算係乾淨， 而且店員服務都算周到。呢度上菜都算幾快， 叫完個飯大概一分鐘到就上菜。 個咖哩味係幾特別， 同平時食嘅日本咖哩或者印度咖哩，泰國咖哩等味道差好遠。 佢好集中係某一兩種香料味， 但我個人覺得呢種香料味搶咗整體咖哩嘅味道， 牛腩都算係幾新鮮， 煮嘅時間都算啱啱好， 口感同味道俱佳。一個飯配一杯飲品， 約莫六十幾蚊價錢， 價錢正路。

這家在佐敦新開的牛腩店，牛腩味道超班，值得力推。餐廳新裝潢好，乾淨企理。後來發現，原來牛頭角都有分店。餐廳主打牛腩，但除此之外，還有提供其他食物，如口水雞、羊腩、肉餅和公仔麵餐等，選擇都不少。來到牛腩專門店，必吃牛腩是常識吧。點了一碗清湯招牌牛腩，牛腩顏色偏紅，原來是由於以藥材餚製所致。牛腩湯頭加入了含當歸等二十多種藥材來煮，味道特別鮮美。牛腩採用了新鮮貨，牛肉味超香濃，炆得很軟腍，頂級水準！牛腩底放了白蘿蔔墊底，充分吸引了牛腩湯頭的鮮味，好吃得不得了。此外，還點了一碟雪花牛頸脊川醬炒河。牛頸脊肉味很香，川醬少少辣，味道剛好。炒河很有鑊氣，味道相當不錯。

同朋友玩完健身，又係時候搵野食啦！行到去佐敦，唸住搵間茶餐廳食個切雞飯啦！見到e間餐廳坐滿晒人，咁我都無睇餐牌就入左去啦！坐低左之後，望下個餐牌，唔係平時茶餐廳嘅級數，係一間專做牛腩嘅餐廳，重話係用新鮮牛腩，咁我地就點左個澳門咖哩薯仔招牌牛腩啦，個人認為招牌其實就真係唔可以亂認呀！做衰左就會好大鑊呀！另外第二個菜我地都諗左好耐，唔知食咩好，跟住就同位哥哥吹下水，問佢食咩好啦，哥哥好強烈推介個獨創即煎酒糟肉餅，好啦，信你一次，最多中伏就以後無幫襯啦，再加多個鮮茄濃湯。p. S. 店員都幾好傾同幾有禮貌，讚。蕃茄湯到啦！到好足料，絕對唔係茄汁煲茄膏，同埋真係好有住家湯媽媽嘅味道。之後招牌咖哩牛腩出場啦，賣相可以接受，而放上枱之後都有陣陣嘅咖哩味，真係聞到都預測到自己會食兩碗飯呀！咁就試下啦，佢面頭係牛腩，底部係薯仔，非常合理。牛腩夾落去唔會話散晒，師傅時間控制得好好，咁就跟住放落口啦，非常香口嘅牛味，牛腩有肥有瘦，腍滑不黐牙，牛腩炆得非常腍及入味，非常酥香，絕對係一級貨，咖哩都非常香口，因此我已經清左一碗飯啦。跟住到肉餅出場啦！賣相都幾好，一人有一大塊食。咁就試下先啦，食之前其實都無咩期望

路經此店, 見門外寫著「港澳第ㄧ腩」丶「百份百無味精餐廳」丶「選用百份百新鮮牛腩」。 這樣吸引, 隨即拉着朋友入內, 要品嚐一下。茶餐廳格局, 但精心的裝潢較一般茶餐廳特別。 必食招牌清湯牛坑腩泡飯 : 一放在面前, 已聞到香氣四溢。 湯底清, 並非常香。 牛坑腩腍而不散及入味, 白蘿蔔吸收了清湯腩湯, 非常美味。 必食獲獎川醬干炒牛河 : 可選小丶中和大辣的川醬。 初次嘗試, 我就點了小辣。 川醬辣味不可小看, 使牛河更香辣惹味。 嗜辣的人可試辣度更高的川醬。 牛河炒得均勻，而片片牛肉嫩。 全港獨創即煎酒糟肉餅 : 見其寫着「即煎酒糟肉餅」已大感興趣, 還註明是「全港獨創」, 以我來說, 那是必食之選。 以人手刴的肉餅, 煎得外脆內嫰, 兼且帶着香香的酒味。 凍柑桔蜜 ($21) 丶 熱奶茶($16) : 凍柑桔蜜啖啖濃厚柑桔味, 不太甜, 好味道。 朋友亦說其熱奶茶香滑。註 : 星期六丶日丶紅日, 一律全日加$7。

食過返尋味，今日再去佐敦食澳門清湯腩。星期日晚上八時，客人不算多。好多明星都品嘗過呢！菜單多選擇， 薄餅， 咖哩都有崩沙腩配蘿蔔必食，湯底帶點酒味，崩沙腩有別於普通牛腩，外層帶小小脆，內層肉地爽，蘿蔔應該浸咗很久很久，又淋又入味。即煎酒糟肉餅顧名思義煎得極香口，肉餅帶出酒味，肉質超鬆化， 很特別！！健康D, 點多了一碟菜湯底都係清湯腩，菜很翠綠。 紅豆冰不是間間都好味啲，這間的紅豆，奶味濃，紅豆淋，非常值得一試。

話說有日去開佐敦搵朋友，大家都未食飯就諗住行去牛奶公司啦，點知都未行到朋友就話呢間店裝修幾靚又幾多人食，於是即刻改變主意入左去啦😂其實佢就正正牛奶公司前少少😂裝修幾有特式！店細細其實選擇種類都好多，朋友點了即煎酒糟肉餅同招牌牛腩河，我就叫佐個咖哩飯！仲特別叫佐個上湯蘿蔔試下！即煎酒糟肉餅打得好鬆軟食落到點都唔油膩，送飯一流！招牌牛腩河，牛腩好淋身食落一點都唔難咬個湯超清甜！咖哩飯係讚的，重口味可以澇二碗飯！呢個飯既份量都唔夠食😂牛腩好淋好入味，超出預期係有驚喜的。其實佢除左普通牛腩部位之外仲有牛坑腩爽腩同崩沙腩，呢啲高質牛腩當然要加錢啦！但睇在場食客其他腩都好受歡迎，我地今次就叫普通試試。最令人難以置信係個上湯蘿蔔，就咁睇價錢會諗$40得果幾粒蘿蔔....第一下飲啖湯係甜的！唔小心嘩左聲😂蘿蔔完全入味好淋好多汁，呢個價錢係食功架！臨走果時仲想到老闆話呢到啲牛係用公牛，全部都醃左，係特別重牛味同難得的！老闆仲係收銀位後面貼左好多相，證明真係無講大話😂👍🏻