灣仔冰室 (已結業)

簡簡單單幾句灣仔一至五晏就都好多打工仔出沒，好食個啲餐廳都好多人等位，呢間座位都算多，同埋黎地鐵站較遠，相對地唔洗等太耐。當日冇食佢嘅快餐，叫左個椒鹽豬扒飯$56啲豬扒夠味夠淋夠香口夠熱辣辣，唔錯，係打工仔嘅好選擇。但當日個快餐肉醬意粉就一般般，hea之作

今天跟朋友由尖沙咀坐小輪到灣仔碼頭，由碼頭步行到謝菲道附近，看到有間灣仔冰室，外面很多人，就去看一下，餐廳經典港式料理，多士、炒粉麵、三文治、小菜等.....我們肚子都有點餓，就決定取票吃個晚飯。我們大約等了十五分鐘，店內環境很好，很有港式茶餐廳味道，座位都算多，我們點了土魷蒸肉餅$78、豆豉陵魚油麥菜 $68、菠蘿生炒骨 $88、凍檸茶 $7 （跟餐），跟餐還有白飯。土魷蒸肉餅 - 肉餅材料很足，有很多配料，土魷味道很香濃，配合蔥花完美配搭。豆豉陵魚油麥菜 - 這道菜我想是香港人晚飯都必點的菜式，蔬菜都很新鮮，豆豉陵魚也很多，滿分。菠蘿生炒骨 - 生炒骨酸酸甜甜，很開胃，配上菠蘿波椒，配飯一流。凍檸茶 - 茶膽靚，沖調出來的茶也絕不苦澀。總評：充滿港式味道的冰室，下次會再來。

最近發現灣仔有一條街都幾多嘢食，我其實一直都鍾情於冰室，因為我覺得裏面嘅格局好有本土香港嘅特色，係一種過去嘅腳印，今日見放工有時間，就想回味一下呢種感覺。今日都好多人食，full晒～辣子雞丁用咗好多辣椒製作，辣椒嘅香味同辣味完全融入左雞肉入面，雞肉同辣椒嘅比例都相當平均，唔會出現雞肉過少嘅情況。魚香茄子又係一道我最鍾意嘅菜式，呢度以碟頭嘅形式上菜，更添冰室風味，魚香茄子嘅汁用嚟送飯真係一流，可以送到兩碗飯～奶茶紅豆冰好有茶餐廳特色，超多紅豆，完全唔會吝嗇，奶茶味同紅豆好夾，平衡得好完美。 木糠布甸呢度嘅木糠布甸嘅外型都相當吸引，用手推車的外型承載，相當有特色～除此之外，入面嘅布甸都相當高質，唔算好甜，但有種淡淡的香味，想食飯後甜品既話一試～

有朋友同我講「灣仔冰室」開張時請了很多明星，食物味道也不錯。今日難得同朋友經過，梗係要立即明星上身去食番餐啦。朋友最愛平靚正「常餐」，他叫了豬扒腸仔公仔麵，煎蛋多士及凍檸檬水。豬扒很大塊，遮住了條腸。朋友話好味滿足。我見到隻蛋同豬扒煎得很好。我見他吃得很咁開心，就多個「菠蘿豬扒包」。豬扒肉質嫩鬆化，而且又多肉汁。如果菠蘿包面再脆皮多d d，咁就完美了。我都點咗個套餐，「焗黑椒蘑菇雞扒意」及凍奶茶(少甜)。熱騰騰焗出來，黑椒雞扒很野味，份量很大，男士們的恩物。朋友見我食得慢，又忍唔住點了個「摩卡咖啡奶凍」慢慢嘆。個造型好爆，我也試了一口，味道不太甜有咖啡味。

今時今日，經常工作加班變得越來越普遍; 既然冇時間落手煮兩味，唯有找間食肆叫幾道家常小菜慰藉一番。 西蘭花炒蝦球用上中蝦仁，不單數量唔少，仲要係彈牙，有菜有肉，正 椒鹽鮮魷外層夠晒薄，所以咬落去好爽。本身味道已不錯，若點少少喼汁既話就更加鮮味添 平時好少煮菜膽雞的，既然呢到有，就order半隻試試。我其實經已覺得好嫩滑又入味，但職員告知我薑蔥霸王雞才是她們的皇牌，一定要抽時間再來紅豆冰飲過不少，較特別的是左手邊那杯奶茶紅豆冰，用港式地道奶茶配上粒粒紅豆，不會太甜又嚼口，唔錯

今天陪父母到灣仔買電話，嚮附近逛一輪後，見謝斐道有間冰室就入去醫肚。雖然叫做冰室，但都有不少即炒小菜。以灣仔區/近銅灣灣來講，價錢算是十分相宜菜胆雞是我媽咪讚不絕口的一道菜，雞肉很嫩滑，淋上用雞湯埋的芡汁後，雞味份外強烈 椒鹽鮮魷是我食小菜必叫的其中一款，呢間冰室制作時加了頗多的乾蒜及䓤花，份外香口及惹味 很多餐廳都有供應豉汁蒸倉魚，我欣賞的是這裡的師傅拿去蒸前，嚮魚身上了幾刀，這可縮短烹調時間，令肉質更嫩。雖則是短短幾刀，已能看出師傅是何等細心食飽飽後，整番個甜品，至算係完美。木槺布甸夠軟滑; 用阿華田及好立克這類有營材料做甜品，則好味又有益。另外，用以盛載的購物車亦好cute

昨晚係灣仔個頭附近學完車，好肚餓，離遠見到呢個黃色大大個招牌既冰室，就黎左呢間冰室醫下餓先，店員安排左我去卡位座,佢推介我食佢地新出既即烤黑毛豬叉燒大碗飯，加凍飲+$7，所以就叫左杯少甜既凍檬水，等左15分鐘左右就黎到啦，好香噴噴既黑毛豬叉燒配2隻太陽🌞蛋，一篤開隻蛋，d 蛋汁流落去d 飯度更加好味道，再食埋舊黑毛豬叉燒，唔多肥膏仲好多汁嫩滑，真係估唔到小小既冰室都可以食到黑毛豬叉燒！😋😋😋之後再後加個木糠布甸，佢好得意係有間車仔盛住個甜品，打卡一流！😍味道唔太甜，好creamy 既口感，幾好味道！😌+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

自從朋友去左灣仔返工，就多左嚟灣仔依頭食飯平啲選擇又多啲👏🏻灣仔餐廳林立，冰室茶餐廳依啲真係行幾步就見到間Lunchtime間間都預左要排隊咖啦經驗話比我知，無人排嗰啲都唔好入今日經過依間，見門口有人等，但又未算好長龍最後等左10-15分鐘左右就有位坐嗌左兩個廚師精選滑蛋叉燒飯($52)嗌左走葱好多叉燒好多蛋好多飯😂😂😂叉燒好腍，一啲都唔會硬🤤調味剛剛好👍🏻$52加$3有凍飲，大件夾抵食咸蛋蒸肉餅飯($54)肉餅汁好送飯依個餸好有媽媽的味道最後見佢加$15會有個甜品🍮就嗌左兩個嚟試下雖然個飯好多，正常都應該夠飽，但難得茶餐廳士有甜品，就好想試下Mocha味既奶凍🍮個手推車仔又幾得意😆入口淡淡既mocha味，又幾好食偷睇到隔離個椒鹽豬扒飯，好似都唔錯下次嚟試下先依幾款都好似好吸引，可惜lunchtime無嘢食有質素😋價錢都正常💸⚠️重點⚠️服務超級好lunchtime既茶餐廳，比人既感覺好多時都係比錢求人比飯你食咁依到既服務真係好到以為自己係食緊中價西餐餐廳咁啲侍應同收銀姨姨面上係有笑容咖😱😱😱好難得服務真心令人覺得食得好舒服

K這日碰巧帶小魔怪出灣仔，放工後，相約去謝斐道搵食。K喜歡吃家常小菜，千揀萬選下，揀了選擇頗為多元文的「灣仔冰室」。 店內裝潢設計，以懷舊為基調，牆壁上，貼有熟悉的灣仔建築物。小魔怪一看到，就嚷著說：「我哋返去舊時香港啦﹗」 茶記也提供自家製甜品，小魔怪笑不攏嘴了﹗ 餐牌選擇，應有盡有有，梗有一款啱你心意﹗ 天氣乾燥，最好來一杯滋潤甜蜜的熱檸檬柑桔蜜(+$11)。 K，要了一杯又酸又甜且鹹的凍鹹檸檬蜂蜜(+$13)。 小魔怪，要了一杯，充滿大家童年回憶的紅豆冰(+12)，紅豆粒粒飽滿，入口綿綿，煮得軟腍。 薑蔥霸王雞飯$65，除了一碟薑蔥雞和白飯外，還配有一碟油菜和是日老火湯。在百物騰貴的今天，真的是物超所值。所謂霸王雞，是把原隻雞浸熟後，切件上桌，墊底配上豉油，面層鋪上大量蔥絲、薑絲和紅椒絲，紅紅綠綠的，既好看，也好吃。 吃薑蔥霸王雞，先把雞肉蘸點碟底的醬油，再挾點薑絲和蔥絲一同送入口裏。薑辣蔥香豉油鮮，尋常雞件頓時變得惹味非常。雞皮爽滑而毫無肥膏，雞肉滑嫩且入味，K讚不絕口﹗ 鮮綠的油菜，健盈之選，配上蠔油，好吃。 蓮藕豬骨湯，也是真材實料之作。 滑蛋炒蝦仁$78，看似是一道很簡單

今日喺謝斐道食lunch 見附近旺記同華嫂都超多人排 懶得行就試咗呢間灣仔冰室😂 lunch都係正常茶餐廳選擇 就唔特別寫啦 (長期偷懶😂) 50幾蚊個飯有餐飲 幾好味 算係抵最主要想分享一下：lunch加15蚊有西式甜品 幾新穎😂 有好立克奶凍 木槺布甸嗰啲 我同朋友要咗mocha奶凍之類 又幾好味喎 咖啡味好香 唔求其 個甜品仲放咗喺架有灣仔冰室logo嘅車仔上面 幾可愛😆順帶一提 呢間餐廳嘅夥計都好有禮貌 上菜擺餐具嘅時候我講唔該 叔叔竟然話‘唔使客氣 我哋多謝你就真’ 作為香港人 我簡直受寵若驚😱😂 有幾可去茶餐廳 啲夥計會咁有禮貌 我都係幫襯左70零蚊姐😂 而家一路打呢篇食評 一路諗翻起都有啲想喊😢(just kidding)簡單分享完畢😛👋🏻

在灣仔約了朋友睇戲，睇戲的前後，當然要先吃個午飯，十二點幾，周圍都係人，食飯時間水洩不通是灣仔的餐廳標記。 經過一班KOL博客的上網攻勢和唱好，在灣仔華嫂冰室，人流更加是嚇人，就咁用肉眼睇條人龍，我相信排一個鐘都未必食得到。 用一個鐘來排茶餐廳，我依然不明白這是一個什麼的concept。 人生那有咁多時間排隊，就好似子孫一樣，是有quota的。 當然我唔會同佢癲，就在隔離的灣仔冰室，也是非常多人，也有不少好評，咁啱經過，當然進去吃個快飯先睇戲。 就算多人，也不用排咁耐，幾分鐘便好了。 先點第一樣是菠蘿豬扒包。 記得認識這間餐廳是因為這個包，大大件豬扒厚厚實實，加上蕃茄和生菜，焗得又鬆又脆的菠蘿包，甜中帶鹹，好味道。 可能你會認為佢係抄隔離華嫂，但我上網看過對於這間餐廳的菠蘿包，也有不少正評，事實也不錯。 女友一直想吃北角的黯然銷魂飯，未去到北角個間，女友叫了黑毛豬叉燒飯，黑毛豬叉燒非常大舊，肉質肥美，燒得垂涎，加點醬汁，送口飯，好配合。 雖然那個太陽蛋不是煎得十分好，但只是賣相問題，加條菜，感覺健康一點。 我點了熱奶茶，最基本的茶餐廳質素，熱滑茶味濃。 女友的奶茶紅豆冰

灣仔地方其實十分大，不論是西餐廳、中式、茶餐廳都林立在這個地區，雖然地區本身是商業區，但是食物的種類也不少。在香港，其實我覺得茶餐廳跟冰室的類型十分近似，這間稱自己為冰室，我倒是覺得像茶餐廳多一點。先姑勿論是茶餐廳或者冰室，但它的種類是同時包含茶餐廳和冰室的食物，包括黑毛豬叉燒飯、黑松露多士、各款小菜、甜品等等，有些款式根本在茶餐廳是不會有的，但這裡卻有呢。真想不到在茶餐廳/ 冰室也可吃到布丁和奶凍，一會再說說是什麼味道。 黑毛豬叉燒大碗飯 $68看到黑毛豬叉燒飯的餐牌，已急不及待想吃黑毛豬叉燒飯。黑毛豬叉燒飯當然跟平時的叉燒飯不一樣，叉燒應該是「梅頭」肉，比起我們平時在茶餐廳或燒味店吃的叉燒軟稔，肥肉也不多，加些豉油和蛋是典型的港式味道。 黑松露杏片脆多士 $36平時在茶餐廳多吃多士，但黑松露多士真的是第一次吃，應該是這間餐廳的自創食物。多士有8小片，細心留意會看到有4片是烘得比較焦的，另外4片則比較正常，也許就是它的特色。每一片上面都加上杏片、煉奶和黑松露，看見的時候還以為黑松露配煉奶和杏片會很奇怪，這是少許的情況中，我感到又鹹又甜是好吃的，有黑松露賣到$36也算是這樣了。咸蛋蒸肉

喺灣仔開完個會都差唔多8點幾，攰到暈咁制，喺附近嘅茶餐廳醫完肚就快啲返屋企瞓，點知又俾我撞到間好嘢。首先大胃同事就叫咗半隻沙薑雞，茶餐廳啲雞通常都又乾又凍又冇味，心諗算啦都係求其食。點知上枱嘅時間大家都好驚喜，第一隻雞係熱嘅，肉質彈牙多汁，一啲都唔乾，質素可以同出名嘅酒樓媲美。另外個同事就叫咗個雞扒腸仔通粉，通粉同腸仔就唔特別講啦，因為都係差唔多，不過塊雞扒就要講吓，個味道好似去食泰式燒雞嘅味道咁，不過唔辣嘅，帶少少甜，有少少黃薑粉味，煎到啱啱好，冇雪味。我相信材料都係新鮮嘅。我就見到門口張叉燒煎蛋飯嘅相，影得唔錯所以就想試下。嚟到嘅時候嗰兩隻荷包蛋煎得好靚。叉燒都係用嘅梅頭肉做嘅，肉同埋脂肪比例都啱啱好，每一啖都食到油香，食落帶少少爽口，估唔到茶餐廳都食到個咁正嘅叉燒飯。之後再叫咗杯奶茶紅豆冰，奶茶味濃加埋紅豆一齊飲，好特別!味道都好夾，唔太甜，好似飲緊台式嘅奶茶咁，不過味道就係正宗港式奶茶。食到尾嘅時間跟餐仲可以加錢食埋個甜品，我就揀咗個好立克奶凍。奶凍上面係栗米甜脆脆，奶味就比較濃但係都食到有好立克嘅味，size都唔細㗎。估唔到間茶記可以做得咁好。下次可以再嚟幫襯。

今日再次同兩老黎食飯，老豆話鍾意呢度抵食夾大件，最啱炒番兩味再加個炒粉麵😙。✨小菜跟飯/例湯，呢個青紅蘿蔔湯好好飲，清甜得黎又夠味，唔會好重味精感。 ✨時菜炒魚柳（$88): 娘親最愛既西蘭花炒青衣魚柳。魚柳真係大大舊，而且好入味，份量都唔少。配料仲有韭黃，草菇，送飯一流。✨菠蘿生炒骨（$88）： 生炒骨外皮好鬆脆，食落啖啖肉，唔會剩係得d 骨，絕對係開胃菜式。✨廈門炒米（$65): 真係超大碟，味道酸酸地我幾鍾意。入面有蝦，叉燒，火腿，蛋，芽菜，洋蔥，韭黃。材料都幾多，真係好抵食同飽肚。✨上次無食到甜品，今次要補番。本身想食木糠布甸同埋阿華田蛋糕，不過無晒😞。最後叫左兩個奶凍，本身對茶餐廳d 甜品無咩期望，但真係估佢唔到咁好食！✨摩卡咖啡奶凍：黎到有架手推車，真係勁得意😍。食落好香甜既咖啡味，而且質感係好軟滑，真係好香！✨好立克奶凍：呢個味道相對較清新，阿立克味唔算好濃，但係同樣嫩滑。呢個加左粟米片脆卜卜，另有一番風味，甜品跟餐加$15都幾抵食。✨估唔到亂打亂撞比我試到個咁高質既甜品，食完真係叮左一聲，食開飯一定要試埋。埋單三個人除番每人唔使一百蚊，但已經好飽好滿足，又多一個飯堂lo

朋友在灣仔上班，經過見到灣仔冰室中午時間大排長龍，今晚試試晚餐。我坐在卡位，難得覺得寬敞的冰室。店員互助關係融洽，有說有笑，街坊鄰里也打成一片，很有人情味的冰室，令我也感到溫暖舒適。薑蔥霸皇雞半隻 $135，見到餐牌照片很吸引的樣子，半隻雞的份量很足夠二人吃，雞好滑，熟度剛剛好，薑蔥很香，平時不吃蔥的朋友也吃到舐舐脷。溫馨提示吃的時候要小心點，因為有些少碎骨。小菜送白飯或例湯，因我們怕太飽，點了例湯，濃濃的不算很精味，明智之選。即烤黑毛豬叉燒大碗飯 $68，黑毛豬叉燒汁有少許酒味加上甜甜的汁，很惹味，還有兩隻太陽蛋，煎得不太生也不太熟，黃黃的蛋黃美得來，配飯吃一流。轉粒粒紅豆冰+$12 ，是椰奶，很香，紅豆甜度適中。來到冰室很自然會點杯凍檸茶小甜+$7，有風味。加配甜品木糠布丁+$15 (原價$26)，木糠布丁的味道正常，木糠多一點會更好。最吸引我永遠也是那些無無聊的裝飾，那架「灣仔冰室」的手推車實在太可愛，為甜品加分。