灣仔冰室 (已結業)

同同事食晏嗰陣時經過謝斐道突然發現開多咗一間 港式茶餐廳， 於是入去試下。 夥記極力推介我哋食焗飯同咖哩， 於是我就嗌咗個豬扒焗飯同咖哩雞飯。 首先講豬扒焗飯， 豬扒軟硬適中， 唔似出面啲茶記用鬆肉粉拿到塊肉冇曬質感， 估唔到仲有兩大塊豬扒厚切， 份量十足， 焗飯亦有炒底， 夠乾身夠香。 焗飯個汁唔會太酸, 仲有我至愛嘅芝士喺上面, 勁. 好食過一哥焗飯多多聲.而我同事就食咗個咖哩雞飯, 個咖哩汁好有層次感. 有啲似日式咖哩唔會好辣, 辣中帶甜. 雞肉都做得好嫩滑, 入口唔會鞋, 啲咖哩汁用嚟撈飯真係一流 我覺得呢間茶記唯一唔好之處就係啲卡座位比較狹窄, 好彩我同我同事都係纖瘦之人, 仲未頂住個肚腩 不過呢份量真係太過多， 覺得有啲浪費食唔曬。 對呢間茶記有唔錯嘅印象，下次必定會再嚟試其他菜式

嗰日食左個土魷蒸肉餅 出乎意料的好食豉油同肉質都好好 再多口一問原來佢地係用緊師傅級嘅中廚另外杯奶茶也不錯環境地方幾新淨 睇得出有放心思冰室黎講服務態度都良好 啲waiter 唔似平時呼呼喝喝啲冰室waiter 嗰次我改完熱飲變凍飲之後再轉番熱飲 佢地都笑笑口 平時嘅話已經被開炮了卡位好窄價錢方面會感覺上略高 不過我就覺得值 因為灣仔都冇乜邊幾間茶記冰室d食物特別好食 所以講食物質素嘅話呢間唔錯最後可能新開張 啲野多錯漏 如果運作上可更順暢的話更好

灣仔區 難食性價比最低的新店小弟叫早餐，牛尾湯通粉配煎蛋餐飽，收費38元。點知！牛尾湯通粉，只係得湯及怪味通粉，多粒蔥都無，餐飽無牛油。 試問收費$38元嘅早餐點解會差成咁。 嚇我一跳。 另外，我敢講個所謂嘅湯根本同牛尾扯唔上關係，唔信？ 去試試！