灣岸餐廳

营业中

休息中

噚日去咗荃灣，本來想食餃子，人哋話荃灣好多，但係唔知點解行來行去都搵唔到，最後行到一條巷仔見有間小店，心諗呢個位都做到應該有啲料到。佢都有好多選擇，午餐 menu 有寫明「馬拉」咖喱牛腩就揀佢，果然係好 original 嘅港式咖喱，牛腩鬆軟入味，唔係臨上枱之前淋上面嗰種，加$6 仲有杯／樽紅豆冰，食咗一半先記起自己依家唔受得椰汁嘢，但係好食就繼續，夜晚唔掂再算。食完行出門口再回頭望望，綠色嘅門窗有啲似離島西貢啲小店味道夾埋裹面掛牆兩支結他，真係好有型 😂 噏咗咁耐，間餐廳叫「灣岸餐廳」。

這間餐廳每一朝早都有一班大約五六個怪獸家長到餐廳食早餐，嘈到拆天，我以為一大清早入了酒吧一樣？想安靜食早餐都不可，當中談話講這學校那老師，最有趣當中夾雜了粗口，大嬏全餐廳人不是想聽你班人講甚麼事情，也不想知!可否不再騷擾到其他客人呢？請安安静静可以嗎？再是這樣嘈雜環境再不會幫襯你這餐廳，其他餐廳環境安靜很多!希望餐廳注重環境!😵😵

因為開係巷仔，係無意中發現，估計開得係呢d位置又生存到，應該有其特別之處，見餐牌選擇都幾多，所以決定一試，我點左佢既招牌馬來咖哩牛筋牛腩飯，呢個咖哩有好多特別香料，牛筋牛腩好冧，好入味，完全同普通茶餐廳唔同，都只係62蚊，抵食！仲有大大杯凍飲。問老闆，先知原來個廚係酒店出黎做的，唔怪得d咖哩咁特別。下次再試其他。

前日19-9-2021(Sun)晏晝,老公突然話拎嘢落荃灣,咁我哋順便食晏兼買啲餸啦,原本諗住喺熊貓酒店商場食,但咁啱lunch hour人多,所以都係放低咗啲嘢至再諗.放低後諗住去返熊貓酒店,但老公話唔去嗰喥喇,佢諗起潮洲仔食堂(https://www.openrice.com/zh/hongkong/r-%E6%BD%AE%E5%B7%9E%E4%BB%94%E9%A3%9F%E5%A0%82-%E8%8D%83%E7%81%A3-%E6%B8%AF%E5%BC%8F-%E7%B2%89%E9%BA%B5-%E7%B1%B3%E7%B7%9A-r535629)同滿粥(https://www.openrice.com/zh/hongkong/r-%E6%BB%BF%E7%B2%A5-%E8%8D%83%E7%81%A3-%E6%B8%AF%E5%BC%8F-%E7%B2%A5%E5%93%81-r168554),咁我哋就沿沙咀道行,經過潮洲仔食堂望一望,都係唔食喇,咁繼續向前行,但無意心被我見到位於巷內,”灣岸”嘅招牌,就八卦行入去睇,睇見佢門口菜牌啲嘢好似幾啱輕食,於是決定食呢間.

呢間餐廳位置偏僻，唔留意都唔知巷仔入面有間餐廳，今次同朋友快食lunch，一於試試佢1:30左右入去唔算多人，得幾枱客人星期一至日都有唔同既餐牌，我要左個馬來西亞咖哩薯仔牛腩飯（$49，包餐湯&熱飲）餐湯係好普通既忌廉湯加2塊仔蘑菇，飲左半碗就算咖哩薯仔牛腩唔錯薯仔好粉好好食，牛腩都夠腍，只係有1-2塊太瘦咬唔爛咖哩汁食得出有加唔同香料煮，好香只係對我黎講有啲偏甜

灣岸這店，在荃灣橫街窄巷內，相信荃灣友才會懂得過來這裡。從沙咀道轉入了橫街⋯⋯餐廳內掛著兩個電子結他，相信店主喜歡音樂兩個結他中間有一度鐵門牌寫著:洗手間(工程進行中), 可是期間有幾個熟客如常使用，相當奇怪⋯⋯牆壁上寫著五顏色的餐牌，可供選擇。還有西式早餐供應港式早餐圖文並茂，由$21 -$40, 另外還有很多加推項目。由於運動前，打算吃點澱粉質，選了秘制炸菜肉絲米粉，可是上枱時和相片很大落差幸好看見枱上有一大樽菜脯無限量添加，一看覺得此乃自家制菜脯，菜脯帶咸，但和米粉很夾愛人點了大路的五香肉丁更改福麵加$5，現在已經很少茶餐廳有福麵食了，曾有食店告知，因為來貨貴，加得多錢，食客唔Like ⋯⋯凍飲加$3，個人喜歡這類樽裝凍飲杯整體上，食物質素一般，反而欣賞他們的一些細節位⋯⋯看看價錢單最後給我發現寫著:放下手機，放鬆心情，享受生活對，用餐時，真的要放下手機，和對方好好溝通，享受進餐的過程

2018年6月12號 上午11點悠閑想搵少少嘢食，比門口嘅spaghetti carbonara 張相吸引左入去。有好多常餐快餐午餐早餐特產但係就係見唔到Spaghetti carbonara 餐。因為時間關係啱啱仲可以點早餐。如圖：其實碟野冇問題，只係缺少咗少少heart：牛油塗得唔均勻、scramble egg變咗唔知乜嘢煎蛋 份量應該剩係得半隻蛋、隔左幾晚嘅粟米乾爭爭凍冰冰、當然炸魚& mayonnaise都係中下貨。伙記高談闊論好大聲，佢哋面對面傾閑偈都好似嗌交咁，更加唔好講收銀同水吧嘅對話。清潔程度係一般茶餐廳水平，即係你唔會好放心咁成隻手擺喺枱面。老闆們問你自己，開舖嘅時候你夠唔夠膽赤腳喺鋪頭行嚟行去？收鋪嘅時候你會唔會好安心咁放隻手係枱面上邊？我想食呢度寄語飲食業：食材裝修舖位係有成本價，但係heart係唔使錢㗎。牛油塗得均勻啲可能需要多1至2秒時間、太陽蛋嘅effort小過scramble egg、如果真係要出scramble egg 其實可以預先整、粟米粒可以塗少少牛油隔水蒸保暖⋯講下杯奶茶。質量都冇乜問題，there is a tea spoon when serv

2016年8月6日，下午茶， 因為唔想去茶餐廳這類比較就自己腳， 每週我都會來， 間中見个男人唔響度， 每次食物質素and服務都係差啲， 今日件西多超差， 可能蛋漿好貴啦！ 塊包無蛋浆，一油炸， 麵包索曬油超難食， 唔係對面個人食左我一半可以話成片掉得

在網上看到有人介紹這間荃灣新開的餐廳，今日下午做完運動，就帶2位朋友仔一齊黎試下，網上介紹必食這個「法式芝士流心厚多士」下午茶連飲品都只係$20(凍飲加$3)。多士即叫即做，大約要等10分鐘，新鮮熱辣，一切開流心蛋黃汁流出，香脆多士加上芝士再沾上蛋汁，真係好味到呢........，伙計還介紹可灑少許鹽少許黑胡椒，味道更野味。