火山燒 (已結業)

昨晚去荃灣廣場買野就在附近揾食，可能是星期一的下雨天，好多食店也輕易揾到位，我們就比火山燒門口大餐牌吸引了入去，簡單裝修佈置很舒適的環境，我們點了‘’金標和牛肩胛肉眼‘’，用熱石燒既好處就糸自己可控制肉的生熟程度，上枱時候大约5成熟左右，昰我喜歡的，我朋友喜歡7成熟我就切開部份留在熱石上耐一點。另一味主莱是‘’豬肋骨忌廉滑蛋清珍珠米丼‘’，豬肋骨味道不錯但有少少比忌廉滑蛋搶了鏡，實在太香滑配埋珍珠米的飯香...入口感覺很滿足。主莱包一杯熱飲，我們點了凍檸茶每杯加3蚊，價格很合理。

口痕痕想搵間餐廳食石燒牛扒估唔到咁近係荃廣對面就有一間地鋪叫火山燒環境好精緻！服務態度好好👍🏻-1. 石燒牛扒叫咗個200G聖安娜安格斯封門柳大件得黎上枱時3-4成熟左右可以按自己心意燒至5成或7成入口肉質鮮嫩，牛味好重，燒完一啲都唔韌意想不到咁好食，有啲喜出望外👏🏻👏🏻👏🏻-2. 旋風蛋包飯另外叫咗個照燒泰國無激素雞扒咖喱蛋包飯雞扒好大件，旋風滑蛋賣相好吸引照燒汁味道剛剛好，冇蓋過雞扒嘅味道-3. 玉子燒仲叫咗個車打芝士玉子燒做小食擺咗一陣先食有種外脆內軟嘅感覺配埋特製醬汁幾有驚喜-4. 飲品最後叫咗兩杯特飲：葡萄巨峰梳打、炭焙烏龍茶玫瑰海鹽奶蓋大大杯好抵飲！而且甜度適中！-總括而言，性價比超高的日式料理一定會再食！

荃灣不嬲都好多好嘢食,今次經過見到有間門面唔錯嘅舖頭叫做火山燒，望一望個餐牌發現都幾多嘢食就決定入去試一試。照燒泰國無激素雞扒咖喱飯咖喱非常香濃，日式咖喱醬味道唔會太辣。雞扒分量充足，肉質嫩滑。蛋包飯嘅蛋好滑溜，食完感到好飽滿。自選意式風情天使麵（黑松露忌廉汁配千色蘑菇，煙三文魚）呢一個天使麵醬汁都幾杰身， 忌廉汁同黑松露既味道好出，味道唔太咸，而且店家絲毫不吝嗇三文魚嘅份量滿滿的，好推薦。香炒雜腸，用上蒜片及辣醬炒成都幾惹味。車打芝士玉子燒厚厚嘅玉子燒，蛋味香濃，偏芝士，仲有木魚同紫菜加埋醬汁十分滋味。茉莉花茶海鹽奶奶蓋好香滑，呢個花茶味道好清香，叫咗少甜味道剛好。

火山燒呢間餐廳既環境靚，無論燈光，餐具同食物既賣相，都係好岩打卡。係荃灣來講，係一個人氣日式食店。佢既晚市就經常吸引到好多人排隊光顧，不過餐廳下午茶既時段，就好清靜嫁喎。所以，有時我一個人食，又唔想環境太嘈，我都會揀呢依到店食野既。依個焗飯係我係到呢間餐廳第一次試食既下午茶餐。我期待係好多芝士，會拉絲個種。咁實際呢到既焗飯，都有芝士既，都拉絲既，不過佢既茄醬係非常非常特出，特別地酸既，遮蓋哂其他味。雞扒係炸過，都正常嘅。如果鐘意好酸既蕃茄醬味，咁可以一試。第一眼感覺係好大碟，份量好多，醬汁都好多。麵質既係偏硬同幼身既，忌廉汁偏淡，煙三文魚量都多既，仲左加左洋蔥粒。抵食既，食得飽肚既。呢個餐係我覺得三款之中最好食既，吉列豚柳上面加左片車打芝士片，加埋甜甜地既燒汁，撈埋粒溫泉蛋，同珍珠米，都幾夾。題外話：下午茶既餐都係送熱飲一杯，同一款餐湯（忌廉湯或麵豉湯）。

收工到附近食餐好慰勞自己！荃灣廣場附近有石板燒西餐，名為「火山燒」，多款牛扒選擇，份量亦有兩款選擇，飲品款式多的是，相信總有一款符合你心意。聖安娜安格斯封門柳 200g配蘋果冷泡茉莉花茶高溫石板一直燒著牛扒，完全不用放牛油，放牛扒上去即時冒出煙石板非常熱，煎牛扒時會彈出油份大家小心別靠近石板，可戴上店鋪提供的紙墊保護衣服高溫煎牛扒好處是能夠封鎖住肉汁，快速煎熟牛扒防止牛扒變韌、過熟上菜時牛扒是五成熟，之後的熟度就自己決定石板高溫持續時間很長，吃到一半時間仍感受到高溫封門柳這部位牛肉味濃郁、肉汁豐富，有嚼勁、肉質嫩滑脂肪含量不高，都是「啖啖肉」蘋果冷泡茉莉花茶淡淡香味，足以中和牛扒膩感，而且非常解渴SRF金標和牛肩胛肉眼 200g配炭培烏龍茶玫瑰海鹽奶蓋和牛肩胛肉眼脂肪肉質比例均勻，不會太肥膩口感嫩滑較高，牛肉味香濃也不遜色不過這款油份相對較高，所以彈油情況會較高和牛肩胛肉眼有少許筋、口感帶點嚼勁建議不要切得過薄，保持口感餐盤更提供泰式辣醬和燒汁，感覺不一樣，大家可以自選！炭培烏龍茶香濃甘醇，更有淡淡玫瑰味海鹽奶蓋加上香濃茶底，口感豐富

呢間餐廳以日本風格為主，提供好多種菜式，有蛋包飯、鐵板燒、意粉、烏冬🤤 之前經過荃灣成日都見到排長隊，以晚市嚟講佢地價錢合理，食物質素高😋🥗🥣 套餐 $29每款主食都可以加套餐，任選三款前菜，我最鍾意係香蒜野菜，入面有椰菜生菜金菇等，大份得嚟又香口，係健康之選。餐湯味道較淡，仲有清新既蟹子沙律配麻醬汁，食完已經幾飽下。🍝🍄🐟自選黑松露忌廉汁煙三文魚意大利麵呢個自選意粉可以配搭唔同種類既食材同醬汁，總有一款啱心水。除咗煙三文魚，我仲揀咗千色蘑菇同溫泉蛋，流心既溫泉蛋非常juicy，撈埋濃郁既黑松露忌廉汁，非常香口，仲要份量多🤪🍜🦀 日本蜆帝王蟹柳手打烏冬依個烏冬賣相好吸引，好似日式白色既濃湯好鮮甜，有大大條蟹柳同蜆肉，鮮味出曬黎~ 配上手打烏冬，食落彈牙又滑身。火山燒 🍝🍛🥩 💛💛💛荃灣大壩街75號人均~$100#hkfoodie #foodiehk #hkfood #foodhk #tsuenwan #tsuenwanfood #荃灣美食 #荃灣 #西餐 #日本菜 #hkcafe

收工一聚早兩日喺荃灣西拎返部之前要維修嘅屋企電話，跟住就順便同埋個friend一齊食埋飯先返屋企，我哋去咗荃灣西西鐵站附近嘅一間餐廳，叫做火山燒，每人叫咗個餐同埋小食，食到飽一飽就返屋企，嘻。頂級高腰西冷200克再加多杯凍奶茶$151呢個西冷非常之厚，我諗至少有三本書咁高，應該都有5cm。然之後放咗喺一個好熱好熱嘅鐵板上面，呢個鐵板非常之熱，眼睇塊西冷擺落去好快就已經熟咗，跟住自己就跟手反轉另一面，每嗰邊都好快已經燒到熟左。牛嘅香味同埋鐵板嘅香味，好快陣陣傳入我的鼻。因為燒得唔算好熟，所以咬落去鬆軟可口，原汁原味嘅西冷就係我口裏邊咀嚼。仲有配埋餐廳嘅特製醬汁，增添一些風味 。仲有跟埋一碗白飯，食完啱啱好飽晒。卡邦尼煙肉火腿溫泉蛋天使麵然後叫杯熱檸水$78溫泉蛋撈埋天使麵，就係一個完美嘅配搭，本身卡邦尼煙肉火腿天使麵已經有醬汁，再加埋我整爛咗個溫泉蛋撈埋落去，成個醬汁即刻昇華左另一個層次。天使麵雖然好幼，但係每一條都好有彈性。小食就叫咗個大阪章魚燒$38每一粒都有章魚喺入邊，仲有醬汁，被諗返起自己之前日本旅行，哈哈。埋單連埋+1服務費就係$294，平均每個人就係$147。

本身期望唔高，但冇諗到咁差，塊牛硬到可以掟死人。食個lunch食到谷鬼氣。打去餐廳同佢講，仲叫我嗌多個餐，另外送多個餐俾我。不過冇人送到嚟禾。我邊度食到咁多嘢，重點係我個lunch冇着落。喺塊牛扒食唔到啊，你送多個餐俾我有鬼用咩。我仲要嗌多次foodpanda俾多次運費……

近來睇到好幾段製作旋風蛋包飯的短片，自己心思思整咗兩次都失敗穿窿，就同屋企人試吓搵附近餐廳的旋風蛋包飯！火山燒的石燒牛喺荃灣區頗出名，同屋企人都食過幾次，水準維持得不錯，餐廳座位闊落坐低傾計都舒服。香煎奈良手打芝士牛肉餅咖哩蛋包飯 $88完美的旋風！除了好看，半熟的蛋口感更滑。牛肉餅上有原片芝士，配上咖哩、木魚碎、紫菜，整個咖哩飯十分豐富。牛肉餅牛味濃郁有肉汁不會死實實👍🏻SRF 金標和牛肩胛肉眼 200g $168石燒的優點可以完全自己控制熟度，我食生啲、屋企人食熟啲都可以調節。肩胛肉眼肉質有口感、無筋，和牛的味道濃郁，有油脂香氣。彩虹棉花糖焦糖凍朱古力 set+$12好濃朱古力味，如果可以加重焦糖味更正！可能因為朱古力甜，再加埋棉花糖就更甜，屋企人嗜甜就覺得好正，我就只可淺嘗了。整體出品維持得唔錯，會繼續嚟食😋

今晚放工相約了朋友出葵芳影狗狗景，入葵芳影相前，我們已定了晚餐今晚這間吃，之前吃過，食物水準好味，環境好靚同坐得舒服，今晚我們叫了金標和牛肩胛肉温泉蛋丼牛肩胛肉切得簿簿一片，入口好香牛肉味同特別嫩滑，温泉蛋連飯入口，飯透入好香蛋味凍彩虹棉花糖特濃朱古力極上燒豬肋骨忌廉滑蛋丼豬肋骨特別大件，燒得好豬肉香味，入口好有厚度感同霖，滑蛋特別嫩滑同香蛋味凍彩虹棉花糖焦糖朱古力色彩真係好靚，杯上舖上粒粒棉花糖，一啖入口感到焦糖味，朱古力味好香，甜到剛剛好

今天和家人到荃灣廣場購物，見天氣炎熱，不想回家做飯，於是便到對面的「火山燒」吃個晚餐。我喜歡這餐廳舒適的環境和美味的食物。餐廳用掃QR CODE 落單，方便快捷。“200g頂級高腰西冷“，牛肉新鮮爽口，紋理細緻，入口多汁而不靭，口感特別好。“蒲燒雙層鰻魚滑蛋丼”，兩大塊蒲燒鰻魚，忌廉滑蛋特別香滑，還有紫菜和鰹魚乾，配上大大碗照燒汁珍珠米飯，非常惹味，值得推薦。套餐+$29 有配菜，可四選三，我們選了“麵豉湯”、“香蒜野菜”和“蟹子沙律”。“香蒜野菜“是美味的蒜蓉炒椰菜。飲品：西洋菜蜜、奶茶港式奶茶香滑，茶味夠濃。一頓豐富又美味的晚餐，我們都吃得撐著肚子，非常滿足。

同朋友行完街見肚餓就去咗火山燒食dinner。Menu 上有丼、小食、意粉、烏冬、當然最吸引係石板燒牛,夠經濟抵食另外我哋加咗$29便有升級套餐,套餐有湯、沙律、炒雜菜和炒雜腸四揀三1️⃣美國頂級牛板腱(200g)呢嗰頂級板腱牛扒都幾大塊,而且厚身,放在熱石上燒,可以自行烹調熟成度,大約等30秒就反轉再燒,燒到外香內嫩,肉質仲好juicy而唔會難嚼,配埋軟熟嘅珍珠飯食2️⃣香煎奈良手打芝士牛肉餅蛋珍珠米丼牛肉餅鬆軟多汁不油膩,因手打關係,肉身都幾嫩滑,口感比出面一般較粘,不會一咬就散開。至於嗰旋風型蛋包飯,雞蛋好滑充滿蛋香,撈飯食味道好夾3️⃣凍彩虹棉花糖焦糖朱古力呢杯朱古力滿滿棉花糖,色彩繽紛,甜度岩岩好,飲一口已經涼透心

朋友成日捐窿捐罅搵好嘢食，今次我哋就嚟食石燒牛肉。🥩聖安娜安格斯封門柳用高溫300度石板燒著牛扒，高溫煎牛扒除可即刻煎封鎖住肉汁外，令牛肉肉質嫩滑而封門柳這個部位牛肉味濃有嚼勁。🍛香煎奈良手打芝士牛肉餅咖喱蛋包飯手打芝士牛肉餅很厚實，咖喱汁香甜味濃配搭蛋包飯一起吃真的絕配。🧋炭培烏龍茶玫瑰海鹽奶蓋一杯飲品有齊幾種味道，口感很豐富炭培烏龍茶夠香濃甘醇，淡淡玫瑰味配海鹽奶蓋很特別。🥤凍黑糖薑茶這杯黑糖薑茶很夠薑，超濃薑汁加上黑糖喝了很舒服又潤喉。

今日特登同女朋友一齊出嚟火山燒食午餐 試咗個封門柳石板燒同漢堡扒蛋飯 電子落單後出餐速度意外地兩個都非常之快 封門柳肉質非常好 輕輕的用鹽調一調味 快速煎完兩邊後放在熱辣辣的石板上就可以上枱了 另外一條漢堡扒亦都對得上價錢厚厚實實的配上蕃茄汁非常開胃

在荃灣的地方，多是一些小店，而今次我收工後跟老公要去的是一間日式小店小店裝修簡單，充滿日式，而光線充足空間感也很大而我點了一個牛肉飯牛肉肉質好鮮嫩，充滿肉味，口感不硬牛肉入口即溶化🙏🙏而牛肉飯外表簡單，但肉汁豐富及新鮮跟餐有一杯朱古力奶，味道適宜，不會太甜，好飲🤟面上有cream及棉花糖，令朱古力加分，評分昇華而老公即要一份鐵板牛排🥩餐職員知道後，因而給予老公一件鐵板專用的防彈油衣老公每煮一次牛，都有很清脆的牛扒焦香聲音而香味也十分搶鼻這餐又好玩，又好食🙏🙏老公跟我說cp 值也很高，下次一定會再來