火鍋薈 (已結業)

一星期話咁快又過，我男朋友又要同一班兄弟聚一聚，佢地二話不說都話黎火鍋薈食鷄煲，我緊係打去book定枱先啦！一去到老闆啱啱喺門口，仲親自帶我地入座，好鬼nice!仲話返左新雪糕，叫我地一定要試下！仲即刻幫我地落左個雞煲先！雞煲到，同上次一樣，雞又滑又多肉，味道濃，老闆仲親自拎左雲吞同水餃，係啱啱包起，新鮮好味，手打蝦丸，墨魚丸，肉丸，花膠必叫，其他食物新鮮好味，冇失準！食飽緊係試雪糕啦！老闆話本來有8種味，不過榴櫣今晚冇晒，有益力多，士多啤梨，綠茶，芝麻，芒果，豆腐，藍莓，隻隻味道好濃，好正，下次一定要黎試埋榴櫣味

同事生日飯局，經濟為大原則，試咗呢間新開邊爐任食好多人都未必諗到嚟深水埗區gathering 食飯，除非同一大班男人，就可能嚟呢區食吓少炒！D嘢正正常常，但如果計埋價錢，呢度真係冇得輸！加一後，人均不用＄200，雞煲加任食，你想點！（有圖有真相！＄158任食）佢個雞煲（至尊雞煲）無論雞，定個醬汁都ok! 雞入味唔鞋口！小辢慢慢食得出D辢味！豬潤切得唔厚，好易食！烏東係較優質果種，咬落有口感！羊肉味偏重，响玲老闆話自家製，不過老實講，我覺得買返嚟嗰D好食D！（不過都好好食！冇油益味）雪糕先不得了！本地製，七種味（老闆話冇咗芒果味！）好有心嘅老闆，唔係求其搵D "牛x公司" 雪糕 hea 做，起碼入D有心思嘅嘢！ 。。。不過，如果你真心想食嗰D牛牛公司雪糕呢度都有㗎！不過我哋冇食囉！ 希望呢間鋪之後會keep住D quality同親切嘅service啦！因為每個服務員都幾好人！起碼冇一個係黑面！

有日行西九龍見到對面有間火鍋店 於是就book聽日同女友媽媽三人行去試一試 去到上一層樓梯 上到去個個唔知係咪老細 好友善嘅招呼 係香港嘅火鍋店好小咁有禮嘅招呼 咁坐低首先點左個豬骨湯底先 黎到見到真係幾足料再叫埋d野食 張材料紙有好多野揀 首選必定係海鮮 有蝦 帆立貝試下 其次肥牛 芝士腸 蟹棒 午餐肉 生菜 響0 炸魚皮 蝦真係新鮮 食落去口感唔會梅 炸魚皮係特別酥脆 飲品方面都算係多樣化嘅 有樂天嘅韓式飲品 亦有七喜 道地嘅蘋果紅茶 烏龍茶 最特別有洛神花茶 食左大概兩轉幾 大家都開始有飽意 當然係食飯後嘅甜品雪糕啦 坐左無耐個陣老細話最入面有d果肉雪糕今日新反嘅 咁一定要試下啦三個人揀左藍莓 士多啤梨 同抹茶 果味就初初入口就小小酸 但食落好多果肉 真係幾正 抹茶就好濃味 食飽飽後就埋單走人 整體黎講係唔錯 材料夠新鮮 又有特色雪糕可以再食 下次黎就要試下出面小有嘅豆腐味先

琴晚收工去深水埗搵細妹食飯，天寒地凍，緊係搵個地方“碌一碌”啦，本身係一名火鍋愛好者，細妹係附近返工，問佢有咩好介紹，佢就話最近係西九附近開左一間新嘅火鍋店，聽同事feedback唔錯，又唔想專登出返旺角搵野食，就即管去試一試啦，點知，一試，竟然有驚喜喎!本來想試試個雞煲，但可惜細妹唔食辣，唯有試其他啦，今次就叫左個“滋潤花膠醉雞鍋”,等左3分鐘都冇，已經有人送到，一尼到，已經聞到花雕酒香，將雞連酒湯一齊倒落煲，唔洗5分鐘，一開蓋，嘩!不得了，一陣陣酒香同紅棗杞子味涌哂出尼，先飲啖湯，一個字!“爽”飲完寒意盡消，再食雞肉，簡單講重點，入味!肉質嫩滑!一食就食得出，廚房有花足夠時間心機去慢慢醃製，絕唔係粗製濫造，有用心，抵讚!食完雞，當然到打火邊爐啦，由肉食到各式蔬菜都應有盡有，特別一提，大家如果尼依度食，一定要叫滑牛肉同埋墨肉滑，蝦滑，包你唔會後悔，我encore叫左3輪，真係好彈牙，好新鮮!飲品方面，打邊爐又點少得啤酒啊，但可惜，老闆話酒牌仲要少少時間，所以你地如果想飲，唯有自己帶住上尼先啦，老闆話，雪櫃任放，唔會另外收費，但估唔到係，雖然冇啤酒飲，又比我發現另有驚喜，除左一般各類型

尋日同男朋友出深水埗黃金 睇下手機配件😊之後見到間任食火鍋 就去試下啦系要上樓既😬但留下啲姐姐好熱情😁😁上到去 裝修幾特別 吾知系咪上手既類似韓國feel 安排左坐卡位其實地方幾闊落 抽風幾好講真 大家都知打邊爐啲衫會吸到好大浸味所以抽風真系好緊要👍🏻👍🏻👍🏻坐低order左個豬骨煱😊尼個時間緊系去拎醬料 拎野飲醬料都系大路野 野飲多數系汽水 最特別系有洛神花草同夏桔草 都系一揸架👍🏻個湯底不得不讚 有豬骨 雲耳 蘿白仲有都重既胡椒 飲一啖立刻暖胃叫左肥牛 花膠 午餐肉果啲要讚既一定系花膠同墨魚滑😁😁啲花膠好得意 張住張住口甘墨魚滑外面多數都無墨魚系裹面但尼度竟然有呀 有咬口不得不讚👍🏻👍🏻👍🏻食食下個老闆行過黎話翻左d新雪糕有幾隻味 身為綠茶控既我當然系食綠茶味雪糕吾太甜吾太甘 岩哂我尼個價尼個環境同服務態度算系高質👉🏻👈🏻會再選擇食尼間😝😝😝😝👏🏻👏🏻👏🏻👏🏻

天氣凍凍地 行住街等個fd收工 個fd係深水埗收工 話公司附近開左間新野 任飲任食打邊爐～係街吹到咁凍最好打下邊爐暖身 都唔知佢係咪早有預謀！哈哈～係樓下姐姐已經好熱情招呼我地上去～上到去問下推介咩湯底 唔食得辣想清清地！店員就推介叫個蕃茄薯仔湯 等緊既同時當然睇下有咩醬料同飲品～醬料有6款 蔥 生蒜 炸蒜 香茜 辣椒 麻醬 款款我都鍾意～全部混晒！至於飲品我就揀左自家煲既夏枯草～清清熱 涼涼地 解渴一流！自家製唔會太甜 味道岩岩好！埋番位湯底已經送上 奶白色既湯係用豬骨每日新鮮淆製 蕃茄味亦夠濃郁 好正！火鍋配料都有好多款揀 手切肥牛 豚肉 羊肉係我地3個食肉獸必點！3款肉色揀紅潤新鮮 切得幾薄 落鍋幾秒就食得 味道唔錯無雪味 正～之後再叫左菇同菜 西洋菜新鮮嫩綠 唔會好老～我就好鍾意食菇 所以叫左茶樹菇 冬菇同雞脾菇～呢度d有樣野好好 唔會漏單 而且份量岩岩好 唔會過多浪費～最驚喜係有花膠同帆立貝 花膠好厚 咬落黏口 好有膠質～而帆立貝熟左都唔會縮水 goodgood！仲有1樣係我地3個都覺得好食 就係流心南瓜丸！1咬落去入面d南瓜溶就流出黎 味道其實唔似南瓜 好特别食完想再食～最

男友同成班fd一行十人又飯聚，佢地都話黎返呢間火鍋薈度食，話個雞煲好鬼正，材料選擇多又新鮮，帶子鮮味，粟米超甜，喪叫肥牛，手打蝦丸，四寶丸，枝竹，水餃，雲吞，樣樣都好味。黎到爆晒場，好在一早訂左枱，今次叫左個皮蛋芫茜湯鍋食住先，好夠味，又多皮蛋，唔洗㸃豉油都夠味，等齊人叫多個雞煲，同上次一樣，水準keep到，啲雞又滑又多肉，絕不欺場，食足兩粒鐘，飲品除左有樂天之外，仲有佢地自制嘅洛神花茶，甜甜酸酸好開胃，一定要試。食完仲有雪糕食，芝麻味同紅豆味最正，前後食左四杯！

天氣凍凍地同男友又想打邊爐，咁岩行完西九見到對面有任食邊爐就諗住試下啦位置都幾方便，就係正正西九門口對面7-11，環境企理、乾淨、唔會有油煙味。先雞煲後邊爐。叫左個滋補花膠醉雞鍋，貪新鮮試下新野丫嗎！未黎到果陣仲驚緊會唔會陣酒味好重，試到先知酒味唔會太濃，重有一陣花雕酒香！掉埋啲雞落去煮就勁入味，因為雞索哂個湯汁，連豉油都唔洗點已經好足味！唔係雞有雞味咁簡單，係雞本身好新鮮、無乜雪味，加埋個湯！真係要比十個讚！！！！建議未落邊爐料之前可以飲下個湯，好清甜！絕對唔係味精湯，花膠紀子同雞都係實材實料！基本上打邊爐D配料好齊 應有o既都有，但竟然估唔到有埋帆立貝、滑鮮牛肉、花膠同牛骨髓呢D咁少見o既都有得叫冬天飲真係好滋潤 最欣賞個滑鮮牛肉、有鮮味、唔會好un、唔會腥，超推介！第1 round怕眼寬肚窄，都唔敢叫太多，但寫左人數上去，反而黎既份量真係岩岩好！足2人份量！唔多唔少，唔會食左2-3 round就夠。終於可以每樣都試食左岩食o既先再叫！全部食得哂！野飲方面可以再多D選擇，不過我都麻麻地汽水，但鋪頭入面o既洛神花茶同夏枯草就真心讚唔會太甜又唔會愈飲愈渴，可以解到打邊爐o既油膩，口感清

昨晚朋友介紹呢間$158任食火鍋，食物質素奇高及非常新鮮，尤其是手打丸，鮮牛肉，牛骨髓，南瓜丸，鱔片，墨魚滑，皇帝菜...最搞鬼係叫雞煲同其他湯底是一樣價錢，個雞煲絕對唔會輸比其他主他雞煲店鋪，但我想下次試下豬骨煱。現時未有啤酒賣，好彩樓下就有間7仔，買左幾支大妹，老細話好快會有啤酒賣。D服務員亦好細心，個個都笑口常開，非常有禮貌。走前食番個雪糕，滿足滿足。這樣的價錢食到如此食材，我一定會再來。

火鍋薈應該係新開，之前經過都唔見到有間咁抵食既火鍋店！今晚就同朋友黎左打邊爐了。餐廳都供應左好多唔同既食材~唔會食黎食去都係得個幾樣！至於飲品就係自助型式既，有個香桃味既忌廉鮮奶都幾好飲~又唔會過甜！飲多幾樽都唔怕湯底方面我就簡左知蕃茄薯仔湯底~味道好有「家」既感覺！好似屋企煲既湯咁~無味精至於仲夠哂味道跟住叫份手打墨魚滑~老闆講係自家制的~所以落足料！食落口感爽口彈牙！夠哂入味，陣陣既墨魚香滲出黎呢手切肥牛~色澤紅潤夠哂光澤！唔會雪到變哂冰咁~輕輕一拖就食得而且牛味香濃！肉質軟淋配埋香惹麻醬一齊食真係不得了南瓜流心丸，呢款丸真係從未食過~一咬開入面既流心餡料半溶狀咁流出黎！味道超讚唔知點解有少才芥末味~更增加口感！層次更豐富必食魚皮亦非常香脆~唔會有腥味同埋無油益味！堅係新鮮甜栗米亦香甜，粒粒晶瑩剔透~最後仲有雪糕添~夠哂滿足！咁既價錢食到呢個質數同埋員工服務態度仲好好添wo!! 必定推介比大家

幾日前路過呢間鋪門口俾店員熱情介绍有乜好食，结果今晚就嚟試吓啦。首先叫咗個豬骨湯底，再叫火鍋料，有脆骨鲩腩及鲩魚片，肉質果然夠爽脆，水餃餡係菜肉雲吞既材料，啱晒鐘意講求健康既你。田鷄肉質夠滑,粟米清甜,流心南瓜丸亦第一次食,加上仲有花膠仔、牛骨髓、木耳等食材,每位都唔洗$160蚊,都算係平民化收費。

當日同老公去深水埗買電腦用品，行左一個下午，天氣又凍，又肚餓，所以一心想食打邊爐。^_^係西九龍中心行落對面就見到意間火鍋店，就隨便入去食啦^_^。店鋪位於一樓，地方寬敞，座位舒適。^_^自助式醬料^_^自己可以隨喜愛調較。 飲品任飲，最特別有自家制的涼茶。^_^夏枯草同洛神花茶，打邊爐最岩飲涼茶下一下火。湯底有六款，最抵食一定係雞煲^_^平時一個雞煲都需要百幾二百蚊，我眼見在場好多人都叫，香味十足^_^。但我同老公早一天已經食過雞煲，所以今日就想用湯底打邊爐。^_^今次叫左滋補花膠醉雞湯底^_^材料新鮮，好少任食火鍋店質素^_^個人十分推介鵝腸，清洗乾淨，食落肥美有咬口。擺放仲有心機，砌成有朵花形^_^打邊爐不能缺少的響鈴，原來都係該店每天新鮮自家製，十分香脆有咬口。有別於一般盒裝現成買到的。牛肉親鮮，肉味濃，肥瘦適中^_^讚重點推介牛骨髓，超好味，肥大肉厚，質感非常。海蝦新鮮大隻^_^手打丸類，彈牙^_^。丸類有隻南瓜流心丸，我第一次十分好味^_^內裡甜甜南瓜蓉，外面魚旦，不錯。當然任食雪糕都是任食的完美句號。^_^整體各方面都不錯，價錢實惠^_^材料新鮮好味，食物飲品都有自家制。

1月1日新開始去試屋企附近新開既「火鍋薈」，未去之前都已經聽過街坊好評。大約7晚上左右就上去開始開爐，有雞窩，豬骨，濃蕃茄薯仔湯底，樣樣吸引，最終我選了豬骨，奶白色新鮮豬骨熬湯，火鍋紙過百種選擇，肉類我試左豚肉、手切肥牛仲有真材實料既花膠😋😋真花膠呀出乎預期。所有食物都可以無限refill，飲品我成晚都係飲夏枯草，聽聞自家制👍🏻最後來個綿花杯雪榚做happy ending！總括來講價簾物美 ，食材足料，環境舒適唔會好迫，會再來😋😋

經朋友不停推廣介紹新開張，決定黎試一試，果然無失望！正！未開始食就俾佢地個環境吸引，非一般火鍋店，樓底高，大部分圓檯，寬敞舒服，唔會食完成身味道！員工態度一流，會不時介紹食物，仲有老闆拎d新鮮豬血出黎每檯問，好有誠意好用心！我地點左牛𦟌、手切肥牛、黑豚肉，仲有花膠，無錯係花膠，任食店邊可能有花膠，抱著即管點下態度，黎到目定口呆，係真正花膠唔係掛名！而且唔會縮到變水！真心正斗！份份牛肉豚肉唔會雪到變味，其他店好多時會雪到「梅」，但依間好新鮮，紅檔檔，而且大大份唔會小氣，仲有新鮮手打魚雲，我最鍾意就是九肚魚，唔會腥，條條肥美，唔會瘦猛猛！我仲加叫多兩份，停不了口！ 火鍋料離不開丸呀菜呀，本人就最喜愛菇類有成五種菇咁多！正！由其秀珍菇！爽口！菜方面有白菜苗、娃娃菜、西生菜、油默菜、仲有下火既西洋菜，放埋落窩一齊滾住變西樣菜湯，I like it！仲加點左芋片芋絲，至愛超甜粟米，店家用心切到剛剛好！面係用出前一丁架！加插：甜品係兒時回憶維記綿花杯，有多種口味，芒果、紅豆、雲尼拿、朱古力、芝麻等，我同屋企人試暈哂最鍾意當然係經典朱古力同雲呢拿啦!哈哈價錢黎講真心誠意抵食，乾淨新鮮，任食材料，唔會

第一次上到去環境感覺好舒服～從來都未試過打邊爐可以叫花膠食！ 雞煲又好食！ 價錢又便宜～ 我哋四個人先至六百蚊左右埋單 ～服務員態度又ok！ 除咗啲蝦麻麻哋之外，其他有都好好食～依間嘢ok值得去食下