炊公館

营业中

休息中

相約閨蜜去吃午餐，炊公館是我經常會選上的餐廳，喜歡開揚的窗景，不限時的進食，擺位闊落。今天選了點心套餐，168元一位，兩位起。因為我們都是吃得不多的人，這套點心餐，有8 款點心，每款點心只有一件，再跟一碗蔥油麵及糖水，慢慢品嚐，正合我們心水。脆皮燒腩仔，上層脂肪和下層的瘦肉都有濃郁肉香，皮燒得脅點微焦，入口有聲，真是皮脆肉嫩。煙燻素鵝，有素菜包裹在腐皮內，雖然只是一小件，但入口也甘美好吃。松露高湯小籠包，小籠包的皮較厚，內層肉質與黑松露混和一起，有松露香，汁液豐富。原隻南非鮑魚酥，酥底鬆脆，有牛油味。鮑魚彈牙，一口可吃完。筍尖鮮蝦餃，餃皮厚度一般，不是薄皮，內層蝦肉爽口，份量足。蟹子西班牙豚肉燒賣，豚肉厚實，蟹子粒粒金黃，一口一爽口。焗叉燒餐包，包身軟塾，雖然包內叉燒不是太多，但醬汁味道好。鳳凰香煎珍珠雞，件頭大，整個被蛋汁包上，煎得脆脆地的糯米雞，味道很好，糯米不黏牙，內層有半粒鹹蛋黃，肉碎調味足。蔥油麵，小小一碗，油香稍為不足，我喜歡加醋吃，麵條爽滑。陳皮百合紅豆沙，吃得到所用的材料，嗅得到一些陳皮味，沙底稠密，甜度適中。如此有景有美食的餐廳，有兩個多小時的午餐時間，滿足了。

好朋友升職請食飯，揀咗炊公館，我哋一行三人揀咗點心套餐，甚有驚喜套餐共有兩個小吃、六款點心、一個蔥油麵及甜品，最令人回味無窮嘅一定係鮑魚酥食完即刻想encore，蝦餃同蟹子西班牙豚肉燒賣都好有水準叉燒歺包同香煎珍珠雞亦好好味，反而蔥油麵平平無奇令人有啲失望，紅豆沙也普普通通，令呢個套歺不能完美收尾不過最緊要係同朋友一齊傾下計飲下茶真係好開心，仲有維多利亞港景色欣賞，可惜侍應係冇人等位嘅情況下要我哋二點半埋單，又一扣分位⋯

係網上見到食評唔錯，同埋有海景位，就book左晚餐。砂窩雲吞雞很好味，湯夠濃，雞很滑。四季豆炒得很香，但偏辣。到主角龍蝦麵，有點失望，龍蝦很少肉，汁亦偏喊，啲麵由於太喊我食左一碗就放棄左，食晒啲龍蝦算，其實都唔多。同埋龍蝦鉗冇扑碎個殻，食到好論盡。Overall 都ok嘅，但有空間改善。

由於我同朋友兩人都唔太鍾意食甜點，所以我哋都專注搵一啲特色鹹點下午茶。見到炊公館有全鹹點點心下午茶，一於試一試。職員安排咗我哋坐窗邊位置，景觀幾開陽，29樓可以望到海。由於係下午茶，每一份食物嘅份量會比較少。點心套餐入邊嘅食物，味道普通，無任何驚喜。我哋為咗食小籠包，特登揀咗「點心套餐」，點知食到一半，職員先同我哋講已經冇晒小籠包，幫我哋轉牛肉球或者鹹水角，有啲失望🫠 我哋另外仲加咗炸豆腐，豆腐新鮮炸起，幾好味～如果落雨/天氣熱，當普通食餐飯，去坐兩個半鐘都可以嘅，不過我哋就唔會encore啦🫣

尖沙咀isquare樓上餐廳既view都唔錯架，今次小🐷帶小仙子去中菜炊公館試個中式Tea😌望到維海景色架😍點左個點心拼盤同開左支香檳 🍾️點心拼盤有2層：每款2件一哥鮑魚酥: 鮑魚好彈牙，酥好鬆脆😌焗菠蘿叉燒包: 表面夠脆，入面叉燒汁足夠唔會太乾野菌黑松露餃: 好重黑松露味😜西班牙豚肉燒賣: 豚肉好爽口，大大粒好好食鮮蝦餃: 蝦好足料，皮唔算薄，不過蝦夠彈牙😝香芋角: 外表炸到鳥巢咁，好香脆👍🏻香芋蓉好足料坐得舒服，又有set😉嘆住香檳，睇住維港景，又過咗一個休閒嘅下午😚

諗住平安夜晏晝度度都會full, 所以食中餐諗住少人食d, 見到社交平台 佢有個tea set $308/2人好抵就去試，點去到見到好似好少野所以改左叫$188/人既點心set x 2 人，埋單四百幾…去到門口個reception 扎馬尾女人態度唔係十分好不過都唔使等唔使剩就算….我同另一枱二人一齊入去，我地入先，但個女人點左我去有條柱擋住嗰個二人位，雖然都有景但條柱搞到我好似被隔開左咁，想要另外張枱點之佢己比左一齊入黎嗰枱坐，咁算啦無出聲由佢..坐底後佢一輪旋風式擺底左d點心…除左頭兩碟叫做有少少擺得靚dd, 之後嗰d大部份係蒸籠上，同去茶樓無分別…味道都係普通茶樓….同叉燒一齊嗰舊野，食落有陣好似食煙嗰d煙臭味，我諗緊可能係煙薰定咩可能我唔識野only, 但我老公居然話佢嗰舊無任何煙味，可能真係我唔識但個人覺得唔好味…全程最好食係個蝦多士另外佢比隻羹有d污糟，不過費事叫佢換了我自己抹…食食下，有兩籠野佢黎嗰時叠埋一齊，我地食左上面嗰籠，未拎開食下面，個馬尾女人走黎咩都無講無問收走左我嗰兩個籠，我即刻話下面好似仲有野，佢先擺底拎走上面個籠，但正常都講句唔好意思呱，無！佢無講任何野仲要

環境一流 寧靜 當晚我是在炊公館 但是餐單吃了阿一海景飯店的食物味道 十好滿意 上菜時間也 會因應客人食完一道再上下一道 個人十分喜歡牛尾 極力堆介 入口即溶 加上牛味很濃 真的想一試再試 如果吃量大建議還是吃套餐 再加叫一點比較化算 但環境加上這樣的食材我覺得是不錯的

光顧688套餐， 上砂鍋海參分餸時，竞然附上一隻活生生曱甴在碟上，侍應還奉上枱時才發現，即時拿走，連道歉也没有。在飯餐時，還有小蜘蛛在枱上走動。糖水更是微温而已，要重新翻熱。結賬時沒有折扣也沒有任何歉意。整餐晚餐簡直是一個災難。這間靚景食物差服務差的可關掉啦！

等了４個多月，終於等到2021夏季 香港餐廳週，第４次體驗香港餐廳週，預訂了16間不同的餐廳 (包括４家贏家版餐廳)，期待！這１檔的第４站，是尖沙嘴iSquare：炊公館餐單：148/位 午餐#點心，有３款：黑松露野菌餃，餃皮一夾就穿，沒吃到有黑松露味！蠔皇叉燒包，今餐比較好味是這個！蜂巢香芋角，放涼了，底部都是油！#腿蓉海皇豆腐羹，味道比較淡，勝在夠熱，已經算合格！#魚湯杞子浸時蔬，娃娃菜未煮熟，還很硬！#高湯廣東雲吞，這個好味亦夠熱！但每人只有１粒，感覺不得體！#香滑芝麻糊，本餐最好味是甜品，質感細滑，甜而不膩！套餐以上，加了一哥鮑魚酥(58元/件，加了３件)，又是不夠熱，味道大打折扣，失望！服務：不好！環境：不錯！可惜沒有坐到靠窗的位置！總體評分：比較之前２次的用餐體驗，食物和服務明顯退步了！

今天相約舊同事共聚午餐，找個大家的中間點，isquare 地鐵站上打風落雨也不怕。我們四個人就揀了個四人招牌午市套餐，食得豪少少望住個咁靚個view都抵啦午市繁忙時間餐廳亦不滿坐，傾偈也不覺太嘈吵。一開始每人一碗沙參玉竹雪梨湯，湯不夠熱辣辣跟住先上點心，野菌黑松露餃，好香菌味！鮑魚酥反而淨係得個樣跟住再上龍蝦麵，個麵不是伊麵，好似米粉咁樣，老實講龍蝦肉就不多但等了一會才拿剛剛燒起的片皮鴨給我們看一眼，便為我們片皮，可惜塊荷葉皮有點厚，食了兩三片又飽又牙倦最後要吹單才上埋鴨崧！

平時吃得平平地，偶爾吃一餐貴少少，舒緩一下工作壓力，一於化壓力為食力。炊公館的用餐環境一流，一大片玻璃窗，天色佳時望著維港景色品餐，真是讓我食得好開心的。今日和友人點了一份午市商務套餐，現在吃套餐有7折優惠，每人不用300元，而食材卻是米芝蓮級數，經理說因為此店為阿一鮑魚集團，出品不差。套餐有四道小食，四種點心，有湯，兩個小菜，飯和湯水，份量不算多，不過菜式精緻，每道菜可慢慢品嚐。四款小食，用白色花型瓷碟盛載，每碟有兩人份量。蜜汁叉燒，一小條，肉質厚嫩，蜜汁味甜。五香素鵝，帶煙燻味，腐皮包裹著蔬菜絲和冬菇絲，口感佳。子薑皮蛋，子薑薑味濃，甜酸而不辣，流心皮蛋，配合子薑同吃，也是美味。潮州炸豆腐，驟眼看外型像多士，面層煎得香脆，內層軟滑，是一道香口美食。四款點心，都是兩人份，每款一件。一哥鮑魚酥，迷你鮑魚，煙韌彈牙，不過酥底就硬身少少，不夠鬆化。荀尖鮮蝦餃，皮薄蝦爽，啖啖蝦肉。蟹籽蒸燒賣，肉質爽口，燒賣帶點香菇的香氣。焗菠蘿叉燒餐包，酥皮面層，內層叉燒醬汁豐富，包身軟熟。吃了前面的菜式後，湯也上檯了，川貝鱷魚肉湯，湯的色澤不深，味道較淡，唯一好是湯很熨口。兩個小菜，鮑汁波蘭鵝掌配天白花菇

一行6人分2枱坐，分別叫咗一個2人午餐同一個4人午餐，2人餐啲食物都上得快同keep住有嘢食。4人餐就出事啦，一開頭上湯、點心同片皮鴨都快嘅，點知等到花兒也謝了都未上生菜鴨鬆同龍蝦麵。三催四請後問個職員幾時有，佢仲要話自己係part time 員工佢都唔知。後來終於知道點解，原來要等埋另外2枱都係叫咗4人餐嘅先一齊煮同上菜，席間我哋見到唔止我哋一枱催促。講返啲食物，4人餐個片皮鴨嘅餅皮厚到食2塊就飽，生菜鴨鬆份量少得可憐，2人餐個肉好咸，最過份係2人餐嘅甜品，本身係熱糖水，但又因為要等無限耐，職員提出可轉dryers 朱古力雪糕，好啦一打開根本就係溶咗再雪返嘅質感，重要硬到食唔到。成餐唯一可取之處係個無敵海景，但咁嘅質素真係令人幾失望。

What’s not to love about dimsum with a stunning view! Tried their HKD 168 all inclusive dim sum lunch set.My favourite was the shrimp toast (蝦多士 - crispy exterior, combination of bouncy and soft fluffy texture, didn’t feel oily at all), also really enjoyed the shrimp dumpling (蝦餃/Har gow - filled to the brim with shrimps!) and shao mai (燒賣), though both were quite heavily seasoned. The abalone tart 鮑魚酥was nice too thought I still don’t think the buttery tart base matches the savoury abalone, but

做特價餐，388一位，加一每位450。 又貴，又唔好食，又唔飽，食物質素比不上屋村酒樓。呢個價錢，呢個品牌，唔應該係呢個食物質素。大失所望，一定冇下次。高級食肆 ，做到呢個食物水平。。。。好難理解。自己睇相就明。(補充，相中的皮蛋，义燒和肴肉是4人份量, 其他是每個菜每人一小碟)。不過個香港夜景，真係無敵。

同一家人食晚飯Champ Kitchen位放isquare 29樓，個view勁靚嘢食勁好味，各款中菜都由阿一飯店集團主理，情侶浪漫談心同一家大細最都啱食招牌菜式片皮鴨，一隻連二食都只係HK$288，在炊公館都可以品嚐阿一飯店著名原隻鮑魚菜式砂鍋炒飯、脆皮龍崗雞、紅酒燴牛尾推介比大家Wow 一哥親自主理蜜汁叉燒、沙薑雞絲海蜇、潮州炸豆腐，脆皮百花炸大腸抗疫湯水 - 沙參玉竹雪梨雪耳煲豬鍵阿一海景 原隻鮑魚配天白花菇伴唐生菜紅炆原條海星班紅酒燴牛尾片皮鴨脆皮龍崗雞鵝肝鮮蝦雲吞招牌砂鍋炒飯蓮子紅豆沙精美甜點#ChampKitchen #炊公館 #阿一飯店集團成員 #katkatfoodies 位於iSquare 29樓的中餐廳炊公館