炎天丼 (已結業)

原打算同bb 食日本野見佢平平地又咁多好評就一於試下啦！環境ok、唔係我最中意個種設計、不過還可以～ 欣賞佢張台幾Chu ~唔怕個碗掉落地不過地方較小，坐吧台有點迫食物真係一流～好少食到咁好食既天富羅～仲以為佢只係最出名係天富羅～點知成個餐牌都係天富羅！我地選左海老同野菜兩款天富羅飯～ 野菜好特別、有菜心苗！點解好食？我諗係因為佢唔太油，炸漿唔太厚、熱騰騰、白飯都係感覺幾新鮮、比平時日本米細粒、較易消化食物份量好足！食到好飽飽謝謝招待

真心難食，唔知點解全部人比好味公仔!海膽臭既，配料又少，個麵豉湯睇落好似好足料，但飲落勁淡。咖哩和牛飯得四粒骰仔咁細仲要用天婦羅煮法炸完全食唔到有牛味。唔會推介

二人午餐點了海鮮天丼及海膽天丼，還有前菜沙律菜及足料熱辣辣面豉湯。最出色的居然是丼當中的「天婦羅菜心」，熱丶薄脆丶而且入口即溶。海膽因炸後有點失真丶失了鮮味，但尚算可以。海鮮丶流心蛋及其他配菜也不錯。份量超多，食到中段已經很飽，尾段上顎仲埋甩皮，對我來說太熱氣吧！>~<整體正評，值得一試。PS.最後在Facebook like佢地個page，就送咗兩包一星期內到期的「日本直送」日清麵，今晚可以返去試埋。

開業咁耐依然要排隊。。。全店只有4個丼選擇，今次揀咗海鮮天丼同唐揚天丼。。。先講個飯，粒粒脹卜卜，濕度剛好唔會黏口!海鮮天丼有蝦，魷魚，蟹棒，蓮藕，茄子，仲有菜心，啲到嘅天婦羅維持到水準，唔會炸到乾曬，入口係唔會油淋淋，特別要追加個菜心天婦羅，真係炸得好出色!基本上大部份食客都有追加菜心!講埋個唐揚天丼，啲個就一般般啦～啲雞冇咩味，仲炸到有啲乾同炸到縮細曬同海鮮丼有點差別!

今日小草同大草放工去左大埔覓食，突然想起一直好想試嘅炎天丼，於是我地就去左食喇。去到炎天丼我地兩個都一同選了海老天丼，丼飯包括了大大隻嘅蝦、菜心苗、茄子、蓮藕、南瓜同流心蛋，即叫即炸，熱辣辣，份量都相當之大，味道比想像中好，隻流心蛋流出黎既半熟蛋汁再加埋天丼汁一齊撈飯，真係絕配！最特別既係菜心苗，用炸粉炸完出黎依然好嫩！小草認為可以再追加多一份添！總括黎講，以呢個價錢食到呢個質素嘅天丼，絕對值得一試！

星期日同男朋友踩完單車入左大埔市中心，當時大概六點左右，見有啲肚餓所以想食埋野先出番去。記得上次入大埔食過一間天婦羅好好味，好脆，每一件都係新鮮炸起，好回味，上次七八點黎到都要等一陣，見今日咁早，所以決定今次都食呢間。由於時間尚早，我地去到既時候一個客都冇，唔洗等就入左去。我地叫左兩個海鮮天丼，再加左件南瓜，因為海鮮天丼冇包的。個海鮮天丼包括沙律，湯，蝦，魷魚，蟹柳，菜心，茄子，流心蛋，然後一片紫菜同鋪滿飯素既白飯。等左大概五至十分鐘就有得食，唔知係咪滿心期待，到食果時有啲失望。黎到果時啲天婦羅林既，可能要等所有炸物都炸好先上，所以仲有啲凍凍地添。流心蛋仲要唔流心，反而炸菜心幾脆口，但佢好薄而又沾滿麵粉漿，所以有啲油膩。成餐飯最好食應該係另外加5蚊果件南瓜，熱辣辣，又脆。

聽朋友講話呢間餐廳好食，重話食完之後買埋佢支飯素，咁我今日就去一試，睇下是否如佢所講😂我同家姐今日六點左右就去到啦，可能因為時間尚早，都重有吉位坐低之後，家姐點咗海膽天丼，我就要咗海鮮天丼呢個就係海鮮天丼啦！有個麵豉湯同沙津，正常味道。隻蝦炸得好出色，蝦肉依然爽嫩，裡面重有茄子、蟹棒，重有個我做係魷魚嘅物體都係做很好好，唔會覺得肥膩，食完冇咩罪惡感😎🤟🏻不過，最特別都係碗入面有隻天婦羅糖心蛋！用黎撈飯，再加埋佢啲秘製醬汁，再大量落佢啲飯素！真係冇得輸！兩個丼飯，埋單$153（晚餐），算好抵食啦😋😋

這所天婦羅專門店，有別於一般的日食小店：第一：除天婦羅之外，沒有別的食物；第二：全店由大廚到待應皆由女性主理；第三：為保障食物素質，此店不設外賣；第四：牆上説明準備白飯需要兩小時，售完即止。這天我點了海鮮天婦羅丼(4*；$68)，它包括一隻大蝦、一條蟹柳、二片魷魚、一片蓮藕、一條菜心和一隻流心蛋，並奉送一小碟椰菜沙拉和一碗麵豉湯；倘若想吃得更豪的話，可以添加兩件海膽天婦羅(5*)，盛惠$38。由於每張單都是即叫即做，需時大概十五至二十分鐘，剛炸起的天婦羅果然是香氣四溢，咬它一口確是鬆脆可口，炸蔬菜新鮮爽脆，抵讃！在吃飯前，我先在飯面淋上秘製天婦羅汁和灑少許調味粉，再把流心蛋和白飯攪勻，蛋黃汁把飽滿的白米粒粒包着，令本來平凡的白飯吃起來味道更豐富。在香港吃天婦羅有沒有比炎天丼更佳的選擇？當然有！像一宝、天秀的專門店大有店在，但幾何級數的價錢是否能迎合每位食客的口味，那就要看看當天銀包有多豐厚了，哈哈！

新界唯一天丼，叫了海鮮天丼，價錢合理，份量也好，可惜海鮮不是新鮮貨，一試就知，流心蛋冇流心，可幸的是應該用日本米，整體來說，合理但唔impressive，繁忙時段人比較多

這次來到大埔尋找美食，試試朋友推介的「炎天丼」。說實在，本身我以為是魚生之類的日本菜，誰知這餐廳主打天婦羅。哈哈，既然入去了，就試試吧！我點了個海鮮丼，內有蝦、蟹肉棒、魷魚、茄子、蓮藕、流心蛋及菜等天婦羅，非常豐富。天婦羅脆而不油膩，亦保存到食物本身的鮮美，很美味，隨丼還有湯和沙律。朋友亦點了唐揚雞丼，不是天婦羅，但同樣好食。晚市以這個價錢來說算是便宜，食物質素又好，性價比很高。原來旺角還有分店，下次可以再去食！

一踏入店內，便看到店內出售形形式式的海膽飯素、日本米、杯麵等食品，花多眼亂呢。地方細細的店舖，牆壁上有掛勾給客人掛物品，令人想起日本的食店。店內有數張細枱，也有吧枱，一人最方便，二人世界最也好，三人以上飯敍的話感覺會太擠迫了！晚上不滿座，只有兩三組客人，感覺還可以。如果滿座一定會好迫。店內只有數款丼定食，可追加單件天婦羅，印象中還有咖喱飯。桌上有三款調味料：海膽飯素，七味粉和豉油。個海膽味素味道一般，不吸引。海老天丼定食$58隻蝦細細隻，但有蝦味。野菜天丼定食$55其實兩款丼的天婦羅內容差不多。天婦羅大大件，感覺扺食！加上大碗飯，一定夠飽！天婦羅脆而不油，炸得好。不過由於大碗，食得慢時D天婦羅好快凍，凍咗就冇咁好味了。但隻蛋就好細隻，冇乜蛋黃，冇蛋汁餸飯呢～雖然好大碗，但好吃，食得一乾二淨。個味噌湯ok啦。個沙律一般般。

天海丼飯，有蝦和藕，天心菜，番薯等蔬菜天婦羅。炸的還是不錯的，不油膩，搭配米飯正好。米飯配上飯素和店裏特供的醬油格外美味。一碗量很大，非常滿足。很實在且值得一試。

天婦羅專門店，應該做得好專。最基本既天婦羅汁都無，居然只係用黎食凍烏冬個汁，好咸，蘿白溶又無。個粉好厚，似食緊中式炸物。天婦羅丼無咩汁，好乾。飯上加左日本味精。味噌湯都預左係即食湯包，開都可唔可以有誠意小小。好淡。比較特別既係炸菜心。$68 唔大值。$48會合理啲。

第一次食 以為會好細碗飯 點知食到好飽地方雖然細 但枱面好似去咗日本咁嗌咗個海老天丼 嚟到個陣見到好大碗天婦羅落枱個下仲熱 放咗一陣先食都好脆最特別係流心蛋都係炸過仲流心 好勁呢間餐廳比我感覺係重視處理食物質素只係餐牌選舉比較少 但絕對有下次

每次路過都想食但湊住bb人多就算了前幾日6點左右見無乜人入去終於試到職員見我揹著bb，安排我坐4人枱我叫左海鮮丼好驚喜！隻流心蛋好好食！用黎送飯一流！菜心天婦羅第一次食好新奇有機會可以再試！