炎天丼 (已結業)

話說6月的時候，曾經來過炎天丼吃午餐，記得食物水準不俗，而且價錢合理，一直也想帶家人前來享用天丼. 直到10月家父放大假，才有機會一同到來午膳. 當天是閒日的星期一，記得餐廳比較細小，容納客人不多，特意早點前來(中午12:00)，不過來到時已經要等位了.大約等了20mins左右，才能入座，也算耐呢! 後來店員說，原來當日炸爐爐溫出現問題，所以出品較慢，怪不得見到吧枱的食客都在玩手機~ 由於我們一行3人，知道等到4人枱的機會緲茫，所以取票號時已告知店員，我們是可以分開坐的，反正我是來吃飯，不是來傾計，哈哈! 也幸好我是這樣想，否則應該20mins 也未能入座. 最後，媽媽坐了吧枱，父親和我則坐2人枱，不過坐吧枱也有好處，高腳椅下有個滕籃，可以放手袋，都幾貼心! 這次到來，見到餐牌的選擇多了海鮮天丼 ($68) & 唐揚天丼 ($65)，而我則再次回味海老天丼 ($58). 各款套餐已包括: 雜菜沙律 & 麵豉湯. 海老天丼 ($58) 等候了大約10mins，豐盛的海老天丼送到我面前了. 沙律菜配上特製醬汁，幾清新的; 麵豉湯不會過鹹，內裡亦有不少配料，是

大埔美食雲集，卻再一次選擇了炎天丼，因為實在太令我們念念不忘喇！我們及另外的客人都乖乖等著她開門，可想而知她的吸引力何其大！天氣很冷，侍應主動的詢問要不要喝暖水，好貼心，而且每次一飲完暖水都會很快地幫我們加滿，為這個冷冷的天氣增加了一點點溫暖。依舊是海膽天丼，炸粉薄薄，保留原有鮮味，把海膽天婦羅一口吃掉真是大享受沒有腥味，只有鮮味，暖暖即溶的海膽加上脆脆的紫菜和炸粉，真的不得了！大蝦天婦羅保留了蝦汁和蝦肉的彈口！蟹棒天婦羅則軟軟的，吃下仍有鮮味！店內用了珍珠米，所以很有嚼勁，其餘的天婦羅配菜也是相當出色，因為炎天丼的炸粉用量很少，令我們吃到脆脆炸粉的同時，仍舊可以吃到配菜本身的味道，真的平衡很好！溏心蛋天婦羅可以拌飯吃，味道也是一級棒！海膽太美味，不禁追加了！另外也追加了菜心苗和天丼內吃不到的菇菇！菇菇天婦羅因爲很細，所以炸粉的比例很重要，一不小心就容易變成太多炸粉了，但炎天丼還是處理得很好！太喜歡炎天丼了！

從大埔group & 媒體報導得知呢間小店，見到海膽天丼已經心心眼，bookmark後終於有時間黎食 !小店位於大埔榮暉花園商場地舖，隔離係明星酒樓，店外係巴士站。舖頭細細，大約20個座位而已weekend中午時間去到店內已經滿座，店外有幾個人拎飛等候，好在等一陣有位眼見店員好忙碌，但態度好友善! 讚 店舖係開放式廚房，食客一目了然，坐bar檯的話可以見到店員製造食物過程，天婦羅都係即叫即炸!Menu選擇唔多，只有5款套餐 : 海鮮天丼 ($68)、唐揚雞丼 ($65)、海膽天丼 ($85)、海老天丼 ($58)、 野菜天丼 ($55)每款天丼都跟沙律 & 麵豉湯 !我當然食海膽天丼一上檯賣相豐富 ! 主角係海膽(2件)，用紫菜包住炸，脆炸紫菜&天婦羅粉底下係軟綿海膽，雙重口感！配菜有幾款蔬菜 : 南瓜片，茄子，蓮藕 & 菜心苗！炸粉薄薄一層，外面天婦羅爽脆，內裡食物新觧juicy !炸菜心苗 & 南瓜片好好味 !另炸雞蛋有驚喜，一夾開係溏心，撈飯一流!不得不提係個飯好有嚼頭，誠意之作 !沙律 & 麵豉湯就普普通通，唔食都夠飽天丼set冇配餐飲，要另單點汽水、波子汽水等  !餐枱上有一

前幾日睇到某雜誌介紹呢間食天婦羅丼，仲要係大埔，所以揀左周日同老公黎試，我地好準時11:30黎到，所以唔使等位，餐廳好細間，所以坐位有限，唔想等真係要早d到。我點左個海胆天婦羅丼，老公就點左海鮮天婦羅丼，佢呢度係即點即炸，保持新鮮。佢呢度賣點係有溏心旦天婦羅，基本上每個set都有一隻，份量的確唔少，大大件，除左海胆，我就略嫌佢少左d，同埋一般，未至於好鮮甜。另外食落口，天婦羅唔係好熱，感覺唔似即炸咁，不過老實講呢間餐廳唔收加一，又大大碗食到你飽，已經算唔錯。

又到左可以四處覓食既星期日啦朋友帶左我黎呢間食野..佢話呢度既炸菜心脆卜卜好好食菜心都可以炸? 好期待.. 好想食呀入到去座位都比較窄.. 但為左食好野..唔緊要啦!叫左個海老天丼同海膽丼飯, 終於食到炸菜心啦!!個口感好得意..唔會太厚粉真係岩岩好~同埋所有食材都好新鮮好滋味! 炸海膽真係第一次食..都幾新鮮.真係好想再ENCORE, 再加埋個流心蛋,無得頂呀!回味無窮, 再會幫襯

嗰日入完大埔出席活動後，約了住附近的朋友一同吃晚餐，朋友本來想去吃啤酒炸魚的，但最後卻吃了新的天婦羅丼店。事緣那天早上開始沙聲，朋友聽到說炸物不好，怕我會咳得更兇，但天婦羅也是炸的，我也不懂解釋，哈哈！剛開業夠一個月的天丼專門店，主打幾款的天婦羅丼飯，餐牌底面印刷，非常簡潔，價錢由55元起跳，最貴的海膽天丼也只是85元，有湯及和風沙律附送，不設加一服務費，單看未吃已覺得性價比極高。朋友點了唐揚雞丼炸雞粉漿不厚，肉嫩多汁，八件排列整齊放在丼飯上，再加上適量的沙律醬令雞件更惹味，少量的飯素令白飯更有吸引力層次感。米飯是日本米，比較圓滾滾及質感軟綿綿。我叫了最貴的海膽丼飯，因為我愛海膽，海膽用紫菜包著炸，脆身的紫菜包著入口即溶的海膽，沒有腥臭味，超驚喜！另外，仲有大量的天婦羅伴吃，南瓜，連藕，茄子，青椒，菜心等，全部都是粉漿薄薄的，不覺得油膩，是關西風味。中間有一顆流心蛋，把蛋破開蛋漿緩緩流出，伴飯吃沒得輸，好快就吃光一碗丼飯！平常都沒吃過菜心天婦羅，估不到炸後不會油淋淋外，口感竟然脆到似薯片，正！附送的麵豉湯都是認真製作，足料又不會很重味精。海鮮盛合，一份有齊炸大蝦，蟹柳，魷魚各二。一上枱

玉桂跟同行人都對天婦羅沒什麼特別喜好，所以本身只帶著吃名氣的心情一嘗炎天丼的味道，但無論環境還是食物也令人相當驚喜！也許因爲已經接近下午兩點左右，所以不用等位。地方不大，但吧檯座位下有籃子存放物品，也不怕弄髒私人物品。餐具和水是自助式的，所以最重要是潔淨度！餐具沒有水漬，應該是抹乾後才放置在此相當令人滿意呢！水是加上檸檬的，水壺亦看不見雜質和水漬負責清潔的員工值得一讚，相當細心！玉桂點了個唐揚雞丼，雞肉仍然保留肉汁的味道，整體調味和份量很平衡，不過雞肉相當令人飽滯，哈哈！同行者點了個海膽天丼，天婦羅很薄身（連蔬菜天婦羅也很薄身），不太油膩（天婦羅不油膩真的很重要），海膽很新鮮，調味相當出色，同行者直呼：「原來不是天婦羅不好吃，是之前尚未吃到這種」！最後追加了溏心蛋和海膽這兒的溏心蛋也是天婦羅喔！因為留肚子吃追加食物，所以沒怎麼吃沙律和味噌湯，但味噌湯料子也是十足的！價錢在大埔來說絕對不是平價，可是如果放在九龍區還是合理的。配合食物質素而言，其實是絕對可以一試的。

真抱歉7月光顧的小店拖到現在才發評看到facebook文章介紹，大埔居然有價錢經濟實惠的天婦羅丼，正合小資女原則~環境方面，小店日式風格，店面比較狹窄，坐得有點擠迫，坐位不多。最重要是抽風做得比較差，店內有油煙味~食物款式只有三款天婦羅定食: 海老，海膽和野菜，配以沙律和麵豉湯，價錢全部都很實惠食物都是即點即做，大約等十多分鐘才到~點了海老丼和海膽丼~海老丼有一隻蝦，蝦雖不大隻，但新鮮彈牙海膽丼有兩塊海膽海膽用紫菜包住炸，味道鮮甜天婦羅炸皮薄又脆，不會一團炸粉炸得死硬，亦不會油淋淋野菜亦甚有驚喜，原來菜心都可以作天婦羅，我愛吃的茄子炸得綿綿不油膩，另外有溏心蛋亦作天婦羅，拌飯一流!飯量十足，絕對吃得飽這個價錢就如此質素的天婦羅定食，晚市也不設加一服務收費，CP值極高!!

覆完診 又係搵食時間朋友推薦過之後都心思思想黎今日終於有機會鋪頭真心細 得10幾個位 不過反而重有日本居酒屋既感覺好快個海老天丼就黎不過個重點唔係隻蝦係炸蛋!!!!!!!!!!隻蛋重要係流心架d蛋汁撈埋落d飯到 好正個飯本身都加左d飯素同豉油 覺得唔夠味可以自己再加4種蔬菜有菜心 蓮偶 南瓜同茄子最令我有印象既係炸菜心無諗過菜心變做天掃羅都可以甘好食蝦天掃羅就好新鮮 粉漿都好薄身成間鋪既店員都好好服務 好有禮貌好難得香港有只賣食物一種既専門店值得支持

最近俺發現已好幾星期沒有光顧炎天丼，有點掛念小店天婦羅的味道，於是便起程前往小店。七點多時，俺一去到小店門外，已發現有約10人在等位，幸好俺們一行只有2人，到達後剛好趕上最後的二人位，能夠馬上入座，真是幸運！而兩分鐘之後出現的一對情侶，則來遲一步需要等位了…一拿出Menu, 俺們便發現Menu改了版, 除了原有的三種丼外，更新增了海鮮天婦羅丼和日式炸雞丼，身為「試新嘢勇士」的俺馬上點了這兩道新菜式！等了一會，日式炸雞丼先行上菜，一碗有齊流心天婦羅蛋和炸雞（食人全家XD），以及少許生菜：炸雞的質地其實比較似烤雞，頗香滑可口、不油膩，惟這次的蛋不夠流心，和沙律醫略嫌有點過多，但整體來說值得一試！再來海鮮天婦羅丼，比$58的海老天婦羅丼多了三塊甲紋魷魚和一條日本蟹棒，蔬菜類則一樣：甲紋魷魚雖然很小塊，但吃下去頗香口；而蟹棒則不是一般由魚肉製成的假蟹棒，是用蟹肉製成的，味道頗香甜。現在多了這個選擇，看來之後俺應該很少會再叫海老天婦羅丼了！

某星期日又同Mr.No 係屋企Hea hea咁渡過，唔想煮飯，得知最近大埔開左間以天丼做主打既小店，一於渣車過去試下先。小店位置係明星酒樓隔離，相當易搵，舖位細細，除吧台位只有幾張2人枱。由於我地6點幾就去到，所以都有好多位置選擇，揀左吧枱角落位置，可以一路食一路望入半開放廚房，睇住佢地炸天婦羅既過程。不過有樣想講，由於open kitchen，油煙味都有d重，希望抽氣系統可以有所改善。望望Menu，簡單！只有3款天丼，海老，海膽及野菜，我同Mr.No分別叫左海老同海膽，套餐包沙律同麵豉湯。係呢度食野係唔收加一，所以水同餐具自己搞掂，其實我覺得咁樣仲好，方便食客同waiter，有時去d餐廳，想話要杯水係會問到你燥，明明我要比服務費但完全得不到服務，咁倒不如自助仲開心！海膽天丼 $78一望個樣就相當豐富，即叫即炸，熱辣辣，海膽有2件，用紫菜包住炸，海膽份量都唔少，配菜有炸茄子，炸南瓜，炸蓮藕同埋好特別既炸菜心苗，而且仲有炸溏心蛋一隻。海膽似係加拿大海膽，炸完暖暖地更加軟糯，味道鮮甜。海老天丼 $55張生叫既海老天丼，除了將海膽變成兩隻炸蝦，其他配菜基本上係一樣，海老雖然唔算好大隻，但肉質

原本同朋友去行山，可惜一落車就落大雨又行哂雷咁惟有放棄啦落左山之後點都要搵啲野滿足一下心靈嘅，就去食餐好架啦之前已經諗住有機會就黎呢到試下，就今日啦！以為會好多人等位，不過可能黃雨所以即使假日都唔係好多人，店員安排左我地坐吧枱。我一早就決定係黎試海膽天婦羅飯架喇，點知………店員話無海膽…咁無計啦，我試海老天婦羅飯，而友人就點左海鮮天婦羅飯兩款嘅分別就係海鮮天婦羅係多左魷魚同蟹棒嘅由於我地坐吧枱而佢又係開放式廚房，所落左單之後我地就見到廚房即煮喇等左十幾分鐘後就有得食喇嘩，賣相已經非常吸引喇！急不及待要試下！有麵豉湯同埋沙律跟餐既, 沙律有椰菜絲再加左少少沙律醋, 酸酸地又醒胃海老天婦羅飯: 所有野都係新鮮即炸, 脆口得黎但又唔油膩喎最鍾意食佢個蓮藕, 口感好有趣, 外面鬆化內裡蓮藕脆口炸蔬菜咬落去口感好似食緊紫菜咁既聲, 薄薄又脆炸茄子佢係界左花先去炸, 好睇得黎又好食, 入面依然係軟綿綿嘅！友人點嘅海鮮天婦羅飯最有趣一定係非呢個炸蛋莫屬喇！外表好似已經炸到好熟入面會實的的咁，點知一切開入面仲係流心嘅！蛋黃汁撈飯簡直係一大享受，再有甜醬油俾你無限任加真係好開心！食完呢個滿足嘅午餐之後，

店主貼出告示指每日限量供餐，賣完即止，飯係用日本米煮製。套餐之一海老天丼，中央位置放咗一隻半熟蛋，蛋的四周用一片蓮藕、一大片南瓜、一件茄子同兩片葉層層疊咁冚住，堆砌出一個高台，拱照中央一隻炸蝦，碗邊放一片紫菜，擺法有啲似金子半之助。炸漿本身帶咸味，加埋灑喺餸面的味粉同飯入面的醬油，成碗飯好夠味。咁多樣炸物，搶先食炸蝦，入口咸咗啲啲。粉漿炸出嚟夠薄身兼脆口，蔬菜片切得較一般日式食店的厚身同大件，絕對討好。跟餐沙律同麵豉湯都係淺嚐咋，前者菜較硬，後者略重鹽。唔飲湯冇問題，店方有開水供應，小姑心想若果有茶飲就好喇，可能慣咗光顧日式食肆係會飲茶。吧枱高腳櫈的櫈底設有一藍子，供客人放置隨身物品，夠細心。不妨做多步，好似日本人咁加多塊布冚住個藍，客人一定會用得更安心。

全set餐有一個湯、沙律同一個天婦羅飯。成個餐無得輸，全部都好好食。成個飯有大蝦天婦羅、蓮藕天婦羅，仲有其實蔬菜。炸得剛剛好，蝦還內鮮外脆，粉漿也調好味。中間有温泉蛋一隻。面鼓湯都合水準。有鼓油和wasabi粉調味，整碗飯更有層次。

台灣戲劇導演李國修說「人，一輩子能做好一件事情就功德圓滿了。」我好喜歡這句名言~而每次遇到只賣一款食物的餐廳都會想起這一句。台灣及日本都有很多只賣一種食物的餐廳，香港相對較少，因為香港人都愛多花款~此店只賣天婦羅丼，就這份執著已經夠吸引我，敢於香港賣獨孤一味的確需要一份好強的執著方能做到。大概過了食飯時間，所以人不多~牆上貼有為保持食物質素，食物均於落單後即制，制作需時若15分鐘，而日本米每次需煮兩小時，所以售完即止。大概人不太多，天丼好快就上枱。海膽天婦羅丼賣相好靚，海膽好鮮甜，而當中最神奇的一款天婦羅是菜芯天婦羅，更神奇是出奇地好食; 天婦羅粉都有經過調味，有別於平時常見的天婦羅，飯亦有調味，珍珠米粒粒分明，每一口都有豐富口感，喜歡更可添加一試秋葵味粉，更野味~ 牆上除了貼有溫馨告示外更貼上由山形県出產特別栽培米的米袋，感覺食得更方心。雖然餐廳不是日本人主理，但老闆是一位曾於日本留學的香港人所辦，抱日本人的認真作風帶回香港，絕對是一間值得支持的小店，而重點是，這個天丼只售$78，不喜食海膽的亦可選擇野菜天丼、海老天丼或海鮮天丼全都幾十元有交易。餐廳不設外賣亦沒有訂位，要食就最好避開