炎鳥羽

营业中

休息中

尖沙咀樓上店竟然令人置身日本一出lift已經見到清新和風佈置，令人好舒服，今次店員安排我地2人坐bar枱，更清楚地見到食物製作嘅過程，師傅嘅用心絕對値得欣賞。本來無諗住食廚師發辦，但見到價錢合理又有唔同種類嘅燒物揚物，最適合有選擇困難的人，所以要一人前，另外加小食share。最先到嘅當然係前菜然後就開始心心眼：刺身！肥美又厚，色澤均勻，非常新鮮，連平日我一般嘅八爪魚都好清甜。私心推介：明太子蛋卷、明太子雞翼真材實料，鮮味香口，唔係只得幾點襯色，蛋卷軟滑厚身，口感帶點鬆軟，雞翼漲卜卜好可愛！咬入去超過50%係明太子，呢種「喧賓奪主」我絕對支持😍揚物：如果你唔叫廚師發辦，我都會推介海膽天婦羅！ 外皮好薄，海膽微暖更加軟滑，鮮味突出，唔需要其他調味已經味道豐富有層次。燒物仲有邪惡的燒雞皮，朋友表示薄脆不油膩，牛肉亦吸引，日本茄子、冬菇，都係水平之作。日式燒物其中一樣令人喜歡的，正是不用強烈的調味更顯食材的特點。甜品：黑芝麻雪糕，香滑滿足。服務幾好，店員主動加茶同收碟，揚手好快有人過黎，每上一道菜會為你介紹日本人地道食法。

經朋友介紹一間尖沙咀嘅居酒屋終於有時間試下啦😚前菜 $20一份即送上前俾小妹😋俾小妹開下胃先❤️同時又好好食🤤今日呢三款小食分別係木魚茄子、紅蘿蔔青瓜、蒜粒木魚配上茄子😋味道更香 更特別清啖味道蔬果 配上 濃味面豉醬😋味道中和❤️同時好夾用上秘制醬汁配上蒜粒😋蒜味唔會太強 醬汁味都好香 唔怕辣口💛海膽海鮮炒飯$128大大舊海膽😋好香好鮮甜仲有好多蝦粒、魷魚粒⋯等爽口彈牙❤️好多海鮮之餘炒飯都好正🤤粒粒分明❤️熱辣辣好有鑊氣🔥火炙地雞皮醋物$48小妹覺得呢個特別得黎✨又好好食用雞皮包住啖啖材料😋雞皮燒好香 好有咬口❤️比起平時食炸餃子 只係食到脆口佢就好有咬口 彈牙 同時有啲脆口口感更豐富❤️明太子蛋卷$58熱辣辣嘅明太子蛋卷蛋卷味道同玉子燒一樣咁香甜😋配上好香好正嘅明太子✨味道更上一層❤️紫菜魷魚鬚天婦羅$58香香嘅魷魚鬚天婦羅😋咸味來自香香嘅紫菜❤️所以咸味剛剛好魷魚都好香好脆口❤️魚肉都好爽口加埋檸檬汁😋味道冇咁油膩 同時好開胃牛肉稻庭烏東$78好靚好香嘅鮮牛肉😋配上小妹最愛嘅稻庭烏東❤️湯底好香甜🤤好好味

每次去日本都會去燒鳥店，呢間燒鳥真心有驚喜😌 叫咗幾款食物都中上水準～佢係逐樣逐樣咁慢慢送上食物，好適合情侶/數人聚會，可以慢慢坐低傾計，可以好享受咁食餐飯😌🍡 雞皮 $28 / 雞腎 $28 / 牛舌厚切 $48牛舌真係不得了！！！🤤 呢個我超級推薦🤤 燒得啱啱好，外層熟中間好粉嫩～ 肉質本身高質，唔需要其他調味都已經好食😌 雞皮好脆，燒得好香～ 上面只係灑少少鹽都已經好出味！🤤 雞腎都不錯，燒得啱啱好～🍙 燒飯團 $38有醬油、三文魚、明太子三款味道，燒得啱啱好，外層烤得脆卜卜是食落似脆米，入面就有普通飯嘅口感😙 三文魚烤至微暖～ 食得好特別😎🍣 三文魚刺身 $48刺身正常發揮～ 冇乜雪藏味😗🍗 日本地雞唐揚 $58新鮮炸起的炸雞🍗 炸粉唔厚亦唔會太硬，雞肉有肉質，不過雞肉可能醃耐咗，有d d鹹～🍲 牛肉稻庭烏冬 $78牛肉好粉嫩又有牛味，好好食～ 冇諗過烏冬上面塊牛肉都咁不錯😙 都有兩至三片牛肉～ 烏冬煙韌，但如果再硬身d就perfect😌另外佢每位一入座都會附上前菜，前菜都唔馬虎，食得出好有心機😗 有香菇娃娃菜、青瓜紅蘿蔔配麵豉醬同牛膀😗 每款都醃製得唔錯😙😙 呢間一定會回頭😎

最近疫情有啲緩和跡象，終於都可以約返朋友出黎食飯。今次試咗間居酒屋，無論環境同食物質素都非常唔錯。大家值得一試🎉。Dinner好似有2個時段：分別係6:30pm同8:30pm入座。我地揀咗後者... 建議大家book定檯先，咁就唔使黎度排隊等入喇。店面唔算好大，大概有10幾張檯。就算第二時段入都坐到滿晒... 始乎人氣幾高wor～一開始黎到既明太子雞翼已經好有驚喜！雖然有啲微辣，但係入口juicy惹味 ❤️ 接住落既雞皮同雞軟骨都唔好錯過，高質到喊出黎 🙃飯糰不過不失，可skip。但接住落黎既菰菜類串燒就不的了！我最鍾意茄子串。佢呢個唔係加好多蒜蓉燒，而係好有日本味道加咗嗰啲脆脆... 醬汁都令人想一食再食！so tasty😋😋唔夠飽既朋友仔都可以叫埋關東煮～如果大家唔鍾意放題，又想喺搵間有心既居酒屋品嚐高質日本料理，不妨過黎試下呢間良心小店。雖然人手唔多，但店員都成日加茶。十個讚👍🏻👍🏻

今日Lunch去咗炎鳥羽食， 因為同事們話想食好D，又話想食日本菜，好彩餐廳喺公司附近唔使行好遠，唔係實熱死。其實之前都有食過dinner，之前係放咗工去食，未試過食午餐，不過應該水準都唔會差。見到有午市套餐，有主食之外仲包括前菜、沙律、味噌湯。加幾蚊仲可以加嘢飲，性價比好高。我揀咗三文魚親子丼。三文魚及三文魚子都好新鮮，加少少豉油同wasabi好快就食晒D飯。份量足，有7-8塊三文魚，切得幾厚有足夠口感。加上前菜、沙律同湯，真係好夠飽。

食唔到明太子雞翼，可惜店員表示無供應 cryyyyy😭唯有下次再試啦如果無睇食評，可能會覺得嗌黑松露薯條好傻🤯但係食評真係無呃人，好好味，值得架！啲薯條好幼，但係條條都充滿薯味，原來用靚薯仔整既真係好唔一樣。發現新大陸咁😆至於唔係用醬咁點黎食 我都覺得幾新奇，咳咳～係口乾左ddddd咁😜海膽炒飯都好好食呀好少喺香港食海膽，呢間唔錯wor雞肉棒我係第一次食篤爛生雞蛋，覺得幾好玩醬油撈蛋汁，食多串都得😃仲嗌左其他串燒，每一條我都滿意多謝～ 唔客氣了～ 😋

繼續幫襯黃店💛今晚黎到尖沙咀 炎鳥羽食串燒🍢室內裝修以灰色木質為主，座位坐得舒服，幾有氣氛。座位下有個籃仔，可以放袋。夾公仔app認證💛不分深黃淺黃呀！枱面有塊alcohol pad, 食飯前抹一抹手就確保衛生啦😉前菜前菜係餐廳assume大家要的，所以唔想試的客人記得同侍應講聲呀。前菜有3款，由左至右分別係魚漬，醃青瓜蘿蔔，同辣蕎頭(我估😂) 魚仔漬物入味好食，加枝清酒配小食冇得頂🤤青瓜同蘿蔔條點上麵豉醬，濃味得黎保留清爽的感覺。最尾一款咬落爽口。明太子蛋卷黎得居酒屋成日都忍唔住叫蛋卷食😂蛋卷煮得剛剛好，蛋滑溜不會煮得過老。夾少少蘿蔔蓉放上蛋卷面，感覺更清新。荔枝豚肉卷普通的配搭，優質的味道😍串燒黎講最愛呢個荔枝豚肉卷！豚肉燒得黎唔會太硬，加上非常多汁的荔枝🍒咬落好多荔枝汁好正呀🤤燒白鱔白鱔彈牙，有少少鹽調味，加上檸檬汁感覺冇咁dry😋燒日本岩蠔好耐冇食蠔啦😭入口覺得好幸福❤️厚蠔肉，加埋葱花蟹籽點綴，一啖放入口好正🤤雞骨豬肉腸Juicy腸仔🥰每次串燒必叫雞肉棒又係必食之選😉免治雞肉棒加上豉油同滑溜的蛋汁🥚和牛炒飯點都要叫返碟飽肚d既😂和牛炒飯粒粒分明，和牛粒有牛味 香氣撲鼻😜

/炎鳥羽🇭🇰💛/#sa尖沙咀篇 #sa良心小店篇➖➖➖係尖沙咀發現一間幾高質嘅居酒屋🏮而且係黃店呢 佢哋曾經仲有捐款、表態💛下次有機會再想食下其他串燒小食～➖➖➖1️⃣前菜 $20/per head ⭐️⭐️⭐️有三款小食 包括銀魚乾、蒜頭、紅蘿蔔青瓜平時都食蒜 但唔會成粒就咁食🤣 不過佢有秘製醬汁 所以都唔會太大味紅蘿蔔、青瓜都幾脆口 無陣怪味！▪️▪️▪️分數:6.8/10➖➖➖2️⃣明太子蛋卷 $58 ⭐️⭐️⭐️⭐️💫呢個真係唔錯 推薦👍🏻👍🏻大約有6小件 份量算多而且蛋味夠香濃 好少係香港都食到咁重蛋味！入面包住明太子粒 微辛 幾惹味又唔會蓋過蛋香▪️▪️▪️分數:8.5/10➖➖➖3️⃣雞肉棒 $42/串⭐️⭐️⭐️⭐️都係第一次配蛋黃食 呢個食法好多居酒屋都有雞肉棒肉質有嚼口 仲混合左雞軟骨 再多啲就好先將蛋黃攪勻 再點埋食又幾夾 又係糖漬 甜甜地好治癒嘅感覺✨😝▪️▪️▪️分數:7.8/10➖➖➖4️⃣牛舌厚切 $48/串⭐️⭐️⭐️⭐️可以加埋檸汁食 牛舌預先切成三小件 夠方便而且真係夠厚肉同juicy 牛味幾濃✨▪️▪️▪️分數8/10➖➖➖5️⃣牛肉稻庭烏冬 $78 ⭐️⭐️⭐️💫牛肉半生熟 有啲似越南河嘅生牛肉大約有4-5片 湯底湯郁 有啲

同個frd黎食lunch, 我叫左個特上三色丼，佢個lunch set抵係抵在可以加$20有三串串燒個set有跟前菜，沙律，湯，呢堆都唔會係hea你既質素，菜又新鮮，湯又唔會太咸，前菜既菇都幾香。刺身全部都好鮮甜！比我想像中更加好，雖然份量唔多，但對普通女仔黎講都夠了。重質不重量呀 加錢既串燒都唔會將貨就價，睇得出佢地都會好認真咁燒，最鍾意食就係個燒豆腐同埋明太子雞翼，燒得香口惹味，又唔會燒到有燶味套餐加廿蚊就有三串，講真真心抵😍擺盤都靚靚仔仔咁，有樣有實際呀整體來說，性價比算高，有品質！

好耐冇出街食飯，好想食日本野同飲生啤。我fd話試吓一間尖沙咀上樓嘅居酒屋，炎鳥羽。餐廳氣氛唔錯，有Bar 枱4個位，另外有四張二人枱，兩張四人枱，仲有間房仔 。疫情期間枱與枱都有做阻隔👍我哋6:30上去已坐滿一半，聽到如果冇訂位，係冇得wall in😑好在我friend有訂位。本身想試海膽但冇海膽❌想食串香葱豚肉串又冇❌又會咁啱得咁橋，唯有試其他嘢，今晚最緊要有杯生啤🍺沖繩大啤$58，爽！每人有碟小食，睇返單，每碟收$20蒜頭（開胃唔爆辣）魚仔（甜甜地）青瓜條蘿蔔條雞軟骨串$28本身鐘意食雞軟骨，配啤酒串燒雖然份量比較的骰，勝在香口，好味😋店員推介雞皮餃子$78有五件，上枱好香，口感好特別，咬開好Juicy，熱辣辣香口，又似似地讓雞翼，店員好推介，黎到必食。🤗安格斯牛柳串$78叫七成熟，係好有肉汁，唔un ,好食，我都鐘意👍鵝干多士$58可以因怕太「灟」關係，我覺得偏細件，同比較油，不過味道ok嘅，都滿足到我太耐冇食鵝干👌和牛炒飯$138樣子一般，但份量好夠，一碟分到三碗飯，個飯好有牛油香味，配料有蟹子，蔥，蛋，和牛，食完碗飯飽曬。總結：環境舒適，氣氛唔錯👍串燒同推介雞皮餃子出色，呢度

尖沙咀厚福街H8上樓呢間炎鳥羽黃店💛 好多人食😊😊肚餓記得早啲嚟!!日式串燒真係食極唔厭，呢度再加埋啲fusion菜🤩 有特色之餘味道仲一流👍👍非常推介呢個牛油果吞拿魚他他 🥑🥑大大件牛油果上面配上新鮮嘅吞拿魚他他🐟🐟再用紫菜包住一口size🤤🤤 成個味道同口感都完美結合❤❤ 必點!!!厚燒牛舌😍😍好彈牙!! 燒得啱啱好! 大推😋明太子燒雞翼🐤🐤雞翼夠大隻，兩邊燒到金黃色🤩雞翼脹卜卜入面塞滿咗明太子🐔好惹味👍銀雪魚非常嫩滑🐋🐋而且有魚油香，燒嘅時間拿捏得剛好，如果大份啲就perfect😂😂飯團當然係飽肚之選，不過燒得非常香口的代價就係有啲硬同乾 😅一定要送茶🤣🤣🤣 不過燒飯團就係咁㗎啦😝鍾意食飯焦嘅人一定好鍾意😜😜

為食的仔仔，話好想食稻庭烏冬，但我又好想食串燒，之後上openrice 睇，都幾多人推薦呢到，就決定來食了。我們早幾日已經打來book ，所以去到就有位，我地仲有得座bar 枱，仔仔好興奮，因佢不嬲都鍾意睇人點燒串燒野食。我地叫左以下幾款野食:西京銀雪魚 ～ 超滑點小小沙律醬一流。浦燒鰻魚 ～ 醬汁濃一啖一件，正！日本地雞唐揚 ～ 細心的侍應會提我地好熱岩岩炸起，小心慢慢食， 炸得皮脆內嫩。炸薯條（黑松露）～ 睇價錢以為好唔抵食小小薯條要60幾蚊， 嘩估唔到來到超香，超有驚喜喎！每條薯條都痴住黑松露，仲要即炸薯條係好食d。稻庭烏冬 ～ 仔仔話要食凍嘅， 一來到即爭住話要自己食哂， 當然最後都係我包尾， 汁夠凍，烏冬夠彈牙，唔怪得仔仔咁鍾意食。燒飯糰（明太子）～ 飯燒得好脆口，幾得意。下次要同fd 來先得，因見到好多清酒飲。

去到尖沙咀 揾食首選一定係厚福街 中日美韓泰菜全部都有齊🥳呢間日式居酒屋主打串燒同刺身 食物精緻得嚟又高質 仲要係黄店～個日夜晚去到接近full booking 建議想食就上去OpenRice book定位先😋✨每位都會有三款前菜✨最驚喜係個味噌醬 將平時普通到一個點嘅青瓜同紅蘿蔔 變到一款好開胃嘅小食.👉🏻左口魚邊($98)當日限定嘅其中一款料理 魚嘅口感好肥美 都好新鮮但可能坐正個風口位 食物温度唔夠暖🤧.👉🏻明太子雞翼($28)外皮脆 内裏有滿滿嘅明太子好足料雞翼調味唔會過鹹😽.👉🏻日本A4和牛($168)叫左7成熟剛剛好好有肉汁嘅鮮味 入口即融omg 調味重手左 可以減少啲鹽.👉🏻燒日本茄子($22)茄子表面放左木魚碎 一咬落去啲汁都出晒嚟 超juicy~~.👉🏻牛舌厚切($48)呢個都幾驚喜 可以燒到外脆内軟又係爆多汁 好出色！——————————炎鳥羽尖沙咀厚福街12-12A號藍馬商業大廈17樓

係尖沙咀附近放lunch，搵到呢間野，睇環境又唔錯就試下去到招呼都唔錯，午餐menu都叫多選擇，最正既係嗌set lunch 可以加20蚊有3款串燒揀，最後嗌左2個set 6串。因為所有野都係即整，所以唯一提醒就係趕時間唔岩黎食，其他…我無補充！！！！！最近似日本食到既味道，仲可以要求d乜🤗🤗飛唔到又思鄉一定要黎！！個天婦羅烏冬仲貼心到烏冬會清d怕食野炸野會咸會油，所以係專登清d淡口味d，剩係呢種做法已經贏左香港好多日本食肆！！！

難得一次出外晚餐尖沙咀厚福街性價比勁高ge居酒屋有好多特色串燒🥰居酒屋嘅感覺-鵝肝雞翼😍真係覺得好特別聽到佢個名真係忍唔住叫太邪惡啦好juice 入面好多餡仲熱辣辣真係想食完一隻又一隻-墨汁黑烏冬墨汁意大利粉就聽得多黑烏冬就第一次聽烏冬軟身得來 比起意粉相對地彈牙襯托着魷魚🦑口感十足非常之特別份量都勁大啱晒兩個女仔食最重要嘅係食到個咀黑晒然後一齊合照🤣-三文魚燒飯團 🍙🥰必叫！黃金燒飯團我真係第一次食一直喺度諗明明呢個係主食之一點解會最後尾先至送到黎原來好戲在後頭一嚟就噴曬煙咁原來真係即叫即整非常之特別金黃色嘅外皮其實就係飯團燒到飯焦帶有飯焦嘅香氣外脆內院入邊仲夾住燒三文魚非常之特別同埋出色其實真係好想食多一個下次再嚟嘅時候一定要一次過叫兩個因為製作需時即叫即整-厚切口舌 同 日式豬大腸 去到居酒屋又點可以唔食厚切嘅牛舌同日式豬大腸口感鬆軟絕對唔痴牙😋調校過嘅特別醬汁再加上少少檸檬汁非常之開胃簡直想食完一串又一串仲有好貼心消毒紙巾都準牐好😍