炎鳥羽

营业中

休息中

尋晚同男朋友睇完套日本電影，突然好想食日本野，不過個陣係黃金既食飯時間，我地又係尖沙咀，決定去藍馬商業大廈搵食，個到多小店，岩哂我心水😊之前都想食炎鳥羽，lunch去過一次，爆曬棚食唔到，今次Dinner竟然有位，真係開心又有d唔開心😅，因為都好想黃店生意可以多到做唔切💛講返野食先，今晚食既我樣樣都推薦😂😂真係好好食，唔係吹水。有前菜（每位$20）、厚切牛舌、美國蘆筍、豚肉荔枝卷、清酒煮蜆、稻庭冷烏冬、日本燒年糕、鱔、明太子蛋卷，真係有讚冇彈，兩個人食呢啲，我飽嘅，男友就7成，坐得舒服又喺黃店又好食，冇缺點😂如果真係要揀一樣特別建議食，我揀牛舌啦，簡單嘅調味，時間燒得啱啱好，擺落口熱辣辣，有肉汁，鹽燒，牛味，厚切既口感，所有嘢加埋一齊，真係值得回味🤤🤤🤤

工作忙碌 襯lunch time就去食返餐好既慰勞下自己🥰-天婦羅稻庭烏冬🍜午市有套餐 叫左個天婦羅烏冬 天婦羅剛剛新鮮炸起熱辣辣🤩香脆可口 炸粉唔會好厚岩岩好😋👍🏻選材方面分別有蝦🍤南瓜🎃蕃薯🍠同埋茄子🍆 樣樣有d唔會悶！因為要配合埋天婦羅所以烏冬湯底用左平較清既鰹魚湯 唔會令你食到好油膩好鹹既感覺😋貼心位值得一讚👍🏻-前菜&沙律🥗除左主食之外 跟餐會有個沙律同前菜沙律菜好新鮮 配合埋芝麻醬就加開胃😋前菜上面有d蝦乾配搭一齊食鹹鹹香香咁 -另外仲可以加$20叫多三串串燒🍢好抵食有明太子雞翼 燒豆腐 雞串等等 值得一試-🌟午餐套餐唔洗加一 所以套餐包前菜+沙律+味噌湯及飯(烏冬無湯)經OpenRice 訂座仲四人同行一人免費👫🎂🍮🍭🍬🍫🍿🍩🍪🍣🍱🌮🍔🍎人均消費💰: HKD $ 90Lamlam脷指數🤤: 8/10性價比⚖️: 8/10

香港人最鐘意就係食日本野，所以成日都放題放題。放題係好抵食但係有時追求質素都係對自己一個交代。同時幫襯黃店都係必要架! 呢間係尖沙咀既樓上日本小店，一上到去就見到黃到金既擺設加上佢和式既設計。一上到去就有種好親切既感覺，可惜既係人真係小左D 成間鋪得一兩檯客。前菜上左一啲我平時比較小食既野(醃青瓜蘿蔔，辣蒜頭)，但係點都要比比面，點知食落清新爽口，平時怕食蒜頭的我都忍唔住係咁食。刺身反而係全個餐比較普通既一項 唔係佢唔好食 只係其他太出色。點出色法係出色到我食完個天婦羅先記得自己無影到相。中間有淡淡肉既明太子雞翼，肥瘦均勻既和牛串燒，爽口既豬頸肉串燒，極度高質。點解我去到天婦羅先記得影相呢，係因為佢個海膽天婦羅係特別到嚇親我(小弟大鄉里黎)。一塊紫蘇葉包住海膽，啲粉好薄但係好脆身。咬到入去海膽甜唔腥 仲要好大舊。基本上食完呢道菜之後已經覺得呢間野無可挑剔 而家寫寫下都好掛住呢間炎鳥羽，各位手足一定要多多支持呀。下次一定會再去 希望可以見到各位手足一直享受呢到既美食。(BTW店員極度友善 態度5分滿分 我都要比6分) 一流餐廳，價錢親民，必須再食。

最近好想食日本野 有魚生有串燒果d就搵到呢間小黃店 午餐set好似幾平咁就決定去呢間食差唔多兩點鐘入去唔算多人坐低叫左午餐set之後侍應好快手上左d前菜比我地有麵豉湯同沙律 都係普通野無咩特別我再叫左罐可樂 $5其實我就覺得可以唔洗要汽水因為侍應們很好 係咁幫我地斟熱茶之後我同lunch set上枱啦咁我就叫左aab set $98兩個aa叫左三文魚同三文魚腩因為我真係好中意食三文魚b就揀左帶子底下有小量飯 飯上面有少少芝麻令到個飯勁好味咁我地加左$20要3款串燒最左手邊由上至下係汁燒白菌我覺得汁燒白菌係入面最好食既串燒好有菇菌既鮮味中間係汁燒豆腐 我個fd就話偏鹹左少少最下面係日本冬菇 都好味之後中間果碟係明太子雞翼都好味既 最欣賞係佢上面無骨最後係牛肋骨我諗牛肋骨應該係大約7成熟左右有少少韌 比較難咬 不過味道都算唔錯的居酒屋黎講 人均消費約一百都算幾抵食會再試

《炎鳥羽 (尖沙咀)》📍地址：尖沙咀厚福街12-12A號藍馬商業大廈17樓.🔥炎鳥羽這餐廳的牛舌芯大驚喜！一條長長的牛舌，大約只取最珍貴的20%為牛舌芯，餐廳以厚切方式鹽燒，脂肪肌肉組織逐漸變得嚴密緊實，口感彈牙，絕對不能錯過！由於是限量菜式，我們想追加時也賣光了，所以一定要快手下單💥.自製雞肉棒也是力推‼️配以日本生雞蛋黃🥚，把味道昇華到另一層次。非常多汁，調味剛剛好。.清酒🍶煮蜆也可一試，我們把整個湯底都喝光光，可見多好喝 哈哈.但我則不會說特別推薦刺身，水平符合預期，建議可盡情享受這餐廳的出色串燒！😋.⭐️性價比：4/5星💰人均：$400港元

8號波的晚上都有開，食物種類少左係正常，不過質素仍然keep得住！刺身基本上都好吃😋我最欣賞深海池魚，入口真係好甜！油甘魚腩肉質幾好亦有油香！食刺身係好滿足串燒食牛舌同鱔都有水準，不過今次燒0既鱔唔夠香，帶少少泥味有點可惜😅不過最驚喜0既係無影相0既𩶘魚烏冬，個湯甜到爆！$98飲個湯都抵呀！同埋我去0既時間有清酒買一送一，我擇左隻易入口，不過可惜無咩特別，堂食飲左枝，另一枝可帶走/存在店，好抵！

嚟到尖沙咀，行到厚福街，朋友就介紹嚟呢間居酒屋。嘢食選擇都幾多，從刺身、串燒、丼飯、烏冬都有。雞串燒都有好多款：我個人鐘意食內臟，所以點咗幾款內臟。雞心，雞肝，雞軟骨。自家製雞肉棒都幾推介！串燒味道惹味香口，但又唔會太鹹或者過火。內臟都處理都好好，唔會有騷味。墨汁炒烏冬：墨汁意粉食得多，炒烏冬真係無食過。墨汁濃郁，配烏冬都好夾。烏冬口感都幾好，滑嫩得嚟又幾彈牙。唔會過淋。環境幾舒服同溫馨，食物精緻，質素唔錯。

經朋友推薦嚟咗呢一間樓上居酒屋🤤果然係冇失望非常之滿意!!我哋係即日先打電話黎book位 見佢都好多人 應該係好彩咁岩有位🤣建議大家都提早book咗先🤫.首先一嚟就俾咗個前菜我哋 (後面先知原來係要收錢嘅)不過不失不過唔值$40😕睇個餐牌佢有做set嘅一人前 但見佢串燒份量唔多所以我哋散叫.🎈黑松露薯條$68驚唔夠飽所以叫咗一份🤣.🎈左邊係西京燒鱈魚($58) 鱈魚feel到係質素不差 夾一舊出嚟之後係會見到佢應有嘅油份🤤個人覺得唔加沙律醬都已經好好食推介指數⭐️⭐️⭐️⭐️🎈右邊係荔枝豚肉卷($28)呢一個食法真係好特別😍佢係用豚肉入面包住左一粒荔枝所以成件事唔會太油膩一串仲要有三粒 我覺得性價比係非常之高🤤推介指數⭐️⭐️⭐️⭐️⭐️.🎈左邊蒲燒鰻魚 ($48)呢個鰻魚真係非常之有誠意因為我哋係坐吧枱嘅關係 所以睇到廚師由一條魚切落嚟再燒成而家咁樣🤤佢個汁亦都係非常之惹味🤤推介指數⭐️⭐️⭐️⭐️🎈右邊日本秋葵豚肉卷 ($42)呢個係唔少居酒屋嘅常見菜式而呢一度做嘅都不過不失 都夠惹味💁🏻‍♀️個人就覺得性價比唔係太高🤫推介指數⭐️⭐️⭐️.🎈牛肋骨($42)呢間嘅舖頭名都有寫明個雞字都估到佢可能雞肉方面處理會比較

今日落大雨 出街都無得周圍行本身想去其他地方食因為太大雨 等到細左少少終於係商埸到行到出來求其搵一間黃店食去左呢間近THE ONE 附近的厚福街的樓上舖食日本野店面唔大 感覺乾淨因為都已經2點幾 好多野都賣完午餐SET都配有沙律湯前菜三文魚親子丼~$88三文魚同三文魚籽用料新鮮 最鐘意三文魚籽係口入面卜卜聲的口感特上三色丼~$128呢個真係好正有好多唔同料 本身我真係以為得3種剌身點知係有海膽 三文魚 帆立貝 吞拿魚蓉 三文魚籽同白魚全部都好鮮味不過男朋友嫌細碗左少少呢餐可以用$20 叫3款串燒真係估唔到呢到先係精華唔小心同男朋友叫左好多同款 不過唔緊要因為真係太好食 一啖真係唔夠喉明太子雞翼燒得好香脆 D肉質仲鎖住係雞肉加上明太子餡 真係好味到想食好好多多隻汁燒豆腐又係燒得好正 外表金黃香脆入面豆腐仲係有水份 仲好有豆香真係好香口多春魚同牛肋骨都係非常香脆 唔會過燶又保持到水份真係估唔到$20 都可以食到咁高質的作品下次一定回來食串燒

黃店好多人食！要等等先入到去，欣賞下出面leng leng裝飾！幾中意佢個前菜，有茄子木魚絲，青瓜、蘿蔔配醬同埋辣咸蒜頭，好特別的前菜，好食，淡濃濃的配搭。叫左個海膽海鮮炒飯，第一啖食落去即刻諗起媽媽的煮的炒飯，好有煮家的感覺。感覺好似鼓油炒飯，d蝦仁又多又彈牙，重點係個海膽好甜！介紹下個牛吞厚切，呢度ge串燒係我非常推介！佢好厚好juicy，油份夠，亦無overcook，口感非常好。我最中意係呢個日本芝士年糕，超級好味！佢個香味勁遠已經聞到，煙煙unun，芝士味極重，絕對必食！個日本冬菇都好味，燒得剛剛好，口感同味道兼備！呢個柚子芥末墨魚鬚幾特別，淡淡的柚子香氣配埋小小芥末辣，原來都幾夾！個雞蛋卷就賣相一般，味道咸左少少，太濕。整體黎講，串燒真係好食，收工想同frd吹下水，飲番杯，呢度相信會係好地方！

好耐冇去日本，突然間好想食日式居酒屋，尖沙咀都特別多居酒屋，諗起依間好多人食過，等我回憶下日本居酒屋風味😌雞肉棒 $42蛋汁加埋日本豉油簡直係絕配，雞肉燒至金黃色，沾滿晒豉油同蛋汁一齊食，口感非常Juicy🤩，雞肉仲要好腍添😋 ，每人一支唔過份🤣明太子雞翼 $56脹卜卜明太子雞翼，外層即炸特別脆口，塞滿晒明太子裏面辣辣哋，肉質嫩滑，好味😋日本秋葵豚肉卷 $42煙燻過嘅豚肉，油脂分布特別香沾滿秋葵特別新鮮爽脆，一啖口感唔會有草青味，好想再encore😋美國安格斯牛柳 $78燒至微焦，除咗安格斯牛柳口感較腍，肉汁好Juicy😋明太子飯團 $38唔到你唔信，呢間正宗明太子飯團，飯團燒至金黃色外面脆卜卜😚，裏面飯粒軟綿綿配合明太子帶一點鹹香嘅味道， 再加埋包住爽脆紫菜，簡直係完美組合😌稻庭烏冬 (冷) $58不妨一試冷烏冬，冷麵汁好清甜帶點鹹味，而入咗鵪鶉蛋同蔥花撈勻，成件事原來係更加提升味道，烏冬質感爽口彈牙關東煮 $58 去得日本食嘢點唔少得關東煮，諗起之前喺日本食嘅關東煮🍢好食到令人回味，今次我就叫咗一個關東煮裏面好多料份量都比較多有白蘿蔔清甜冇渣🤩，獅子卷同日本魚蛋夠彈牙，略為覺得關

尖沙咀厚福街有好多餐廳食肆，位於當中一座大廈嘅樓上鋪，平日入座都要等位㗎，我哋等咗15分鐘就有位，最好大家去之前訂座先喇💁🏻‍♀️未點菜之前已經有前菜，茶位每人$20~啲嘢食真係幾特別，一碗嘅係調好味嘅茄子加木魚絲，青瓜同蘿蔔配味增醬，仲有一樣係微辣嘅蒜頭，個汁配搭幾好。另外係自家製雞肉棒，啲肉係腍身，燒到好甘香，攪勻左啲甜豉油同埋蛋黃，口感更滑💁🏻‍♀️後面嗰碟係好多人都叫嘅明太子雞翼，以為佢有啲明太子塗沒喺雞翼外面，原來係包咗喺入邊！明太子醬撈埋其他配料，食得出雞肉嘅香味之餘，散發微微嘅香辣😋推推而家冇得去旅行但係好懷念日本便利店關東煮嘅味道😩呢啲魚卷中間有餡料，做得好似！明太子蛋卷，等待嘅時間比較長，但呢半個鐘係值得嘅！ 平時韓式蛋卷啲蛋老晒，呢個仍然keep到好多汁，仲有大量嘅明太子😚好食！牛肉讚岐烏冬，需要一讚啲牛肉好薄而且冇筋🤤但係烏冬略嫌腍身~牛肉嘅份量一啲都唔少~靠湯底嘅餘溫整熟佢💁🏻‍♀️日本秋葵豚肉卷 燒到好脆嘅豚肉薄薄咁包住啲秋葵😙仲有檸檬汁可以落~

厚楅街多野食我唸冇人會唔同意今次黎呢邊覓食見樓下廣告有間日本野個名幾得意上去試下環境乾淨開放廚房仲有omakase 食望住廚師整也是一種享受今晚不是太餓選擇散叫牛肉烏冬牛肉份量多，七成熟食個陣剛剛好烏冬好滑配搭湯底是一種滿足叫左幾款串燒牛舌厚切絕不馬虎juicy來得剛剛好切既厚度吃出牛味露筍豬肉卷露筍冇乍，爽脆鹽燒雞翼熱辣辣新鮮燒一咬爆雞汁而且肥大雞翼食完再想食唐揚炸雞感覺用酒調味過香口沒有雪藏味清酒煮大蜆這也是我最喜歡的大蜆厚肉大粒清酒味濃同行朋友把蜆湯都飲唒不需花巧卻好好食整體環境舒服服務態度好好加埋sake買一送一好適合三五己放工chill下

難得一次的朋友聚會，我們找了一間位於尖沙咀的居酒屋聚聚。呢間係一間網上高人氣的食店所以都期待它的美食。我們一行8人 坐左店內最入的長枱， 地方有點擠 但環境裝修都十分日系，跟日本的居酒屋不分伯仲。店內環境較暗，令人感覺放鬆。我們這一班人由於有一段時間沒有到外用膳，今次要好好大吃一餐。由於有孕婦以及不吃生的朋友，我們主要叫了串燒，炒飯以及鍋物。我們叫了 牛舌、紫菜炸薯條、燒粟米、芝士年糕、燒飯團、燒雞軟骨等等。 還叫了一碟沙律， 炒飯。紫菜配薯條呢個組合是完勝的， 十分夾， 令人食到不停口*特別推介*。燒牛舌。牛舌十分厚實 非常有口感❤️。日本芝士年糕。呢個燒日本芝士年糕是我食過最好食的芝士年糕。因為燒完關係， 配埋紫菜咬落去有米飯的香味 ，中間的芝士有融化的感覺。真是好好食下次去一定要再食牛舌同芝士年糕呀

久違地同朋友一聚，被介紹到去依間高質黃店，一坐低已經有前菜食。左起：冷茄子、味增醬蔬菜條同蒜頭。因為唔食原粒蒜頭所以唔知味道如何，不過蔬菜條好爽脆，蘸味增醬好好食。厚切牛舌要大讚！真係好有份量，一串有三大片，而且燒得岩岩好，外脆內嫩，完全唔韌，一個人食晒三片無難度！食完即刻encore叫多幾串食🥰燒粟米既外貌令全枱都忍唔拎手機出黎影，好粗🤣燒到金黃色既粟米好甜，鐘意食粟米既朋友一口氣食左兩舊！芝士年糕都要重點highlight🤤薄薄既年糕燒到岩岩好，脆卜卜，一啖咬落去入面既芝士即刻湧晒出黎！好震撼！咬完第一啖都不自覺地講左句：好好味啊😋依款真係推薦大家要試試！露荀豬肉卷既露荀好爽口，豬肉薄薄地包住露荀係相對清新既一款。賣相唔靚但好食既紫菜魷魚鬚天婦羅。紫菜味好重，炸粉有點厚但炸得相當香脆，每咬一啖都可以做ASMR。黑松露薯條都係好脆好脆好脆，黑松露味都好突出，作為伴酒小食一流。總括黎講，食物質素同環境都高分，約埋朋友一齊飲下sake傾下計會好relax。店舖座位唔多，要記得預先訂位喔！