炑八韓烤 (已結業)

來到九龍城朋友屋企附近晚飯，她手拿著炑八的傳單，說要試試這家韓式烤肉店。其實試兩個月前我在太子分店試過她新推出的下午茶$48餐，一直都記得那個抵食又飽肚的下午，對這兩個字一直深深的記著，所以我想也不想，就答應了她的提議。韓烤在香港從來都不便宜，而且heavy，所以只會偶爾一次，幸好因而對荷包負擔不太重。我們把餐牌前後重覆翻閱，發現要試到多款燒物又抵食的，又滿足到朋友又愛海鮮又愛肉，好像就是這個海鮮餐了。燒肉餐有點熱氣，要先來凍飲下下火。這天餐廳說有新飲品介紹，我就點了這個新出的魔法梳打，原來是藍蝶花的魔法，只要加上檸檬汁改變酸鹼值就會變色。前菜小碟有4款，每款都大大碟，還有生菜和沙律提供，可以待會兒把燒肉捲在生菜裡吃。很可愛的龍蝦尾，啖啖肉，我們六時多就到，店員有空檔協助我們燒龍蝦肉，看著透明的慢慢變熟透，吃落口啖啖咸鮮，不過份量偏少，有點未夠癮。芝士生蠔，望著粒粒芝士很是吸引，店員說待芝士溶到均勻後就可以食用。看著芝士慢慢變沸騰，忍不住拿來即刻食用。芝士吃落不膩口，反而是當中的生蠔未能完全沾上芝士香，而且這個時候的生蠔外暖內冰有點怪，但想說把芝士沸騰久點才享用，錫紙盤上的芝士慢慢卻有

團結！最近我的煲劇癮又回來了，今次是太陽的後裔，當然不少得去韓燒店感受一下氣氛吧。除了卡位、還有中間的開放式座位，更另有半私穩的座位給一大班人選擇。先來一客清新開胃的沙律。點了龍蝦尾套餐 $620，可以2-3人享用。套餐包括：龍蝦尾、大蝦、多春魚、八爪魚、厚切五花腩、牛肋肉、薄切LA牛骨、芝士生蠔、古早炸醬麵。古早炸醬麵：份量頗多，記著要趁熱品嚐！將全部拌勻，味道微鹹，麵質彈牙。青提子梳打：味道清甜而不假，還有真青提子！魔法梳打：有幾magic? 就是由藍變紫！原理是將檸檬汁倒在飲品內，慢慢會變成紫色！味道就給檸檬梳打。龍蝦尾終於出場了~先將新鮮的龍蝦尾放在爐中，旁邊就有泡菜蛋、芝士粟米。燒得剛好，肉質彈牙鮮甜，啖啖肉。這時候芝士粟米也剛剛好，拉絲芝士十分邪惡，而粟米也是很甜。還是頭一次遇上這樣「厚切」五花腩，實在太吸引，太邪惡。看上脂肪很多很膩，其實燒烤的過程中已將油份迫出。還可以配搭已醃製白蘿蔔片及辣醬，酸中帶出肉香，多一種層次，大大減低油膩感，相當之惹味！牛肉也不錯，沒有那種「蘇」味，我不嗜牛也能品嚐。大蝦，每邊燒8分鐘，然後剪掉蝦頭，蝦身則平放燒，炑八很細心，已開邊。燒得剛剛好

去到九龍城諗食邊間泰菜之際，見炑八banner寫有折，咁韓燒又唔會伏得去邊既，一於去試試。去到坐底即刻好多人黎幫我地開枱，鐵板外圈倒芝士粟米，泡菜蛋，青椒蒜，放低幾小碟，之後走開唔會感覺到催落單，嗌左個4人餐同酒，先上4個芝士生蠔好好味好鮮，有幾款肉同多春魚同蝦咁，普普通通唔係靚肉，亦唔係好新鮮既感覺，但都可以接受既，最後加左個五花腩肉片，好味，下次一定揀單點，精好過雜，同埋自己都怕唔好意思，係咁叫佢加小碟，但真係唔差服務態度，埋單有個行埋黎sell個app比我地，話有湯or芝士生蠔送，即刻試下啦，唔知係咁新推廣，連個職員都搞左好耐先幫我地驗證到，雖然飽飽，但送上芝士生蠔都撐埋啦，因為最好味係佢麻。

本身打算黎九龍城食泰國菜，點知見左有間炑八，個fd就發左癲話要食lol 無計啦就下佢，雖然我自已都好中意食韓燒XD嗌左個龍蝦尾餐，店員推介就試下啦！ 龍蝦尾-幾甜幾彈牙，大蝦4隻-新鮮而且細細隻蝦頭都有羔，多春魚4條-口惑一舨，八爪魚一大條-甜到好弓鼻，但食落唔辣幾惹味，豬五花一份-厚切好正一啲都唔肥，牛肋肉唔記得幾塊-牛肉好重好淋入口即融，薄切LA牛骨幾舊-有啲軔但幾好味，芝士生蠔4件-好正好新鮮可惜一人得一粒，炸醬麵-甜甜地幾岩女仔食。餐既份量唔算多，所以我地extra order左個醬油蟹-送飯大fit，多羔，個汁超正！仲嗌左個海鮮煎餅-薄薄地，都幾多料，好香口！

今日同久未浦頭的表弟食飯，哈，表弟係很可愛的，因為工作叫左佢幫手，所以請番佢食飯，但佢食左我隻車佢話食韓燒，去左九龍城，因為佢住嗰度就佢wo佢遲到，我一個人等，一上去店員就極速招待整個泡菜egg同cheese粟米，其實我以為係會再加嘢係cheese粟米，原來冇，哈，去到最尾cheese燶燶地，chi曬唔係食到好多，但泡菜蛋就正，微辣小酸勁開胃呀條友仔唔貴唔食，食龍蝦餐lol，不過620蚊份，又真係幾大份，夠2 - 3個人食呀好多款前菜，只係食泡菜，不過唔夠入味可能新淹？上菜喇上菜喇，先黎個炸醬面，oh太正宗，甜甜的，面小小淋，我不喜好，但表弟話好好食，佢可能內外都成了個oppa，所以食得好hapi同時店員主動話代煮龍蝦，咁我就等食了，龍蝦爽，而且鮮甜，燒了都保持juicy 呀，而且蝦肉結實，唔會悔悔，正Cheese 蠔蠔，超正，蠔熟時嘅蠔mix曬係cheese度，正呀，我又勁好cheese，而且cheese味又冇cover蠔味，兩者又balance到，gdgd咁大舊五花膏我只係食一粒仔，哈，因為太肥了，我剪左d膏膏，肉肉好細粒，肉好鬆fa，油花香口，點解表弟食咁多都唔肥肥架，我就唔敢食

今晚約朋友嚟個韓風星期一，又係大家展示食力嘅時候啦！首先前菜嚟個醬油蟹開開胃先！醬蟹肉質軟滑，入口濃濃醬油鮮味，因為味道濃郁，所以通常配埋白飯食，一啖接一啖真係好好送飯，果然叫佢都做係實至名歸！龍蝦尾餐 ($620) - 龍蝦尾, 大蝦, 多春魚, 八爪魚, 豬五花, 牛肋肉, 薄切LA牛骨, 芝士生蠔, 古早炸醬麵, 年糕龍蝦啖啖肉, 肉質爽口鮮甜!! 大大條八爪魚好有咬口, 原來點芝士係好好食嘅, 其實對於芝士控嘅我, 芝士可以講係百搭之物! 牛肋肉一D都唔韌, 好有肉汁, 而牛骨肉質就比較結實, 配埋泡菜食好惹味!!芝士生蠔煮到熱辣辣, 好似食緊芝士火鍋咁!!韓式炸醬麵同中國嘅炸醬麵真係大不同! 韓式炸醬麵完全無辣味，仲帶有少少甜味, 個醬好黏稠, 拌麵時都要花D時間先攪得混, 而麵條質地較硬身, 唔會溶爛, 幾有咬口, 我就喜歡配埋前菜醃蘿蔔一齊食, 中和咗炸醬嘅甜味, 食得更加滋味!都係第一次韓燒燒年糕食, 燒完又係點吓D芝士食, 煙煙韌韌非常不錯!!牛臉肉($168) - 醃制味道唔錯, 比起牛肋肉味道更濃郁, 肉質爽嫩, 食落幾有彈性.柚子檸檬梳打($32) – 充滿柚子

睇完《太陽的後裔》，戚起條筋好想食韓燒，所以就去炑八試下呢個龍蝦尾套餐($620，2-3人用)。套餐既presentation好靚，用tea set層架將唔同既肉食放好。單係燒烤食物已經勁豐富：龍蝦尾、大蝦、多春魚、八爪魚、厚切五花腩、牛肋肉、牛仔骨、芝士生蠔，另外仲要加個大大個既炸醬麵，兩個人食隨時會飽到反艇。既然主打係龍蝦尾，就先食佢啦！一條尾切出黎都有五至六塊肉，分量唔差，龍蝦肉爽口彈牙，抵食。之後到五花腩，好厚身，燒完之後肥肉保持爽口，一層肉一層脂肪，夾埋可以無限添加既生菜食，無得輸！燒原隻八爪魚之前，店員教我地要用生菜墊底黎燒，無咁易燶。八爪魚用韓式辣醬醃過，夠香辣刺激，八爪魚好彈牙，不過分量頗多，食唔晒浪費左少少添！芝士生蠔共有四隻，全部用錫紙碗裝好，燒既時候只要成兜放上去就得。生蠔幾肥美，燒熟後仍然脹卜卜，夾埋鹹鹹地既芝士汁食，唔錯。大蝦同樣有四隻，燒時可以加少少鹽去調味，令鮮味更突出。食牛仔骨最怕韌，但呢度既牛仔骨就完全無呢個問題。肉質夠軟，調味帶甜，好好食，係龍蝦以外既推介。多春魚本身係我既飛佛，所以唔駛講，好食！唔好忘記既，係爐邊既泡菜蛋同芝士粟米，前者夠滑，後者帶

今日又同為食戰士搵食，當然又去到美食天堂九龍城，本身想打邊爐點知周圍都爆哂，突然見到有間炑八！當然無慮即決！入到去，呢間啲位幾多，個場好大，坐得好鬆動！安排我地坐卡位，有別於之前，我地叫左個佢地推介嘅海鮮拼盤，另外叫左兩個湯，海帶湯係大推介！清甜，海帶味重，非常好飲，另外佢嘅生蠔仲好鮮，架埋啲芝士，正！最後我都係忍唔住叫左個牛肉眼，牛味濃郁，肥瘦均勻，性價比抵呀！總括黎講，炑八真係精彩！

今日又同為食戰士搵食，當然又去到美食天堂九龍城，本身想打邊爐點知周圍都爆哂，突然見到有間炑八！當然無慮即決！入到去，呢間啲位幾多，個場好大，坐得好鬆動！安排我地坐卡位，有別於之前，我地叫左個佢地推介嘅海鮮拼盤，另外叫左兩個湯，海帶湯係大推介！清甜，海帶味重，非常好飲，另外佢嘅生蠔仲好鮮，架埋啲芝士，正！最後我都係忍唔住叫左個牛肉眼，牛味濃郁，肥瘦均勻，性價比抵呀！總括黎講，炑八真係精彩！

九龍城雖然雲集多家亞洲風味餐館，提供東南亞美食、廣東菜、潮州菜及道地甜點等，不過，近日實在太多人去韓國同太多韓國資訊，令到我成個人都「韓」哂，所以去到九龍城都來食韓烤！ 一直都唔係敢食醬油蟹驚肚子痛，今晚有兩位老友一起，加上店員話每日由仁川運到，便膽粗粗試一試！肉質比較腍，經醬油醃製過之後，味道不但鮮香，而且好甜。蟹膏味道都好鮮，加上醬油同蟹膏嘅味道比較濃，再加埋紫菜一齊撈，味道的確唔錯。套餐包括：龍蝦尾、大蝦、多春魚、大八爪魚、五花腩、牛肋肉、LA牛骨、芝士生蠔、古早炸醬麵、injeolmi甜品年糕。每個爐邊都有芝士粟米跟泡菜蛋，芝士軟綿綿加埋甜甜的粟米，非常有口感!!店員還會不停添加！龍蝦尾，肉質爽甜。八爪魚放在生菜上燒烤，八爪魚好似跳舞一樣，加溶了的芝士，相當惹味！牛臉肉有醃過的，用生菜包著吃，中和了油膩感，味道不錯！套餐還有跟一個甜品, 點了豆粉紅豆冰沬, 就是韓國特色甜品！大大粒紅豆加埋滑滑的冰沬和一粒粒麻薯，口感與味道呈現很大對比，但整體十分匹配！有冰火感覺的injeolmi甜品年糕，熱辣辣年糕配凍冰冰雪糕，味道不錯很有心思！這個晚上吃得很愉快，而且價格相當親和，分量十足

上次豬先生豬小姐食過炑木嘅特色下午茶感覺相當不俗 但炑八始終係主打韓燒 試下佢嘅燒肉都好正常姐 今晚就尼到九龍城分店 叫左個龍蝦尾套餐 環境同樣闊落舒適 k-pop music照舊 坐卡位嘅我地表示we are ready 一坐低店員就即時送上前菜 一共有四款(泡菜 芽菜 海帶 白蘿蔔) 相信係指定前菜 豬小姐認為炑八嘅蒜味芽菜同甜酸海帶至醒胃 前菜是可以refill的店員係鐵板側邊位準備泡菜蛋 芝士粟米 蒜頭 係等緊主菜之時 就有沙律菜食住先 沙律菜都算新鮮清爽 芝麻醬夠哂多 足夠撈哂成兜菜 龍蝦尾套餐供兩至三人用嘅 套餐包括有 (龍蝦尾 大蝦 多春魚 八爪魚 厚切五花腩 牛肋肉 薄切LA牛骨 芝士生蠔) 除左海鮮同生肉 另外會有啲菇菌類 年糕提供比大家燒 仲有古早炸醬麵 injeolmi年糕 好豐富好期待呀！  店員首先會幫我地燒龍蝦尾 大大隻嘅龍蝦肉一燒吱吱聲香噴噴 店員手勢純熟 相當專業 如果我地自己燒嘅話一定會浪費左 燒到一半會加入檸檬汁 龍蝦尾肉質剛好 彈牙嫩滑 唔需要點任何醬汁已經鮮甜十足 肉汁鎖哂係龍蝦肉入面 無流失汁液情況出現 啖啖新鮮爽肉

到九龍城等朋友下班吃晚飯，泰國菜本是熱門選擇，經過炑八韓烤餐廳被一張龍蝦海報吸引大家即時改變主意。店舖面積夠大座位多大家一致決定燒龍蝦。前菜有四碟，都是泡菜、大豆芽等甜甜酸酸的，還多了份沙律菜，胡麻醬很好味，沙律菜也新鮮接下來主角上場有店員上前幫手，一尾龍蝦放進'烤爐，很快就可以食用了，蝦肉熟而不老，口感比美慣常用芝士焗的烹調方法還有四隻芝士生蠔和海蝦，體形龐大的八爪鱼夠奪目厚切豬腩肉有点嚇人，不過將它慢火细煎，逼出油份再用生菜包著食用，原來一點也不肥腻而且爽口甘香芝士蠔細细隻，帶微咸的海水鮮味牛肋肉和薄切LA牛骨，質數都不錯，八爪魚爽口彈牙，不過要留心燒烤的時間，過熟就不好吃了，還有圍邊的蛋漿加了泡菜，味道豐富了，另一邊是栗米芝士，而且可以潻加，如此份量足夠三人食用，最後用熱鍋上的雪糕甜品冷熱交融加點果仁，味道夠特別，建議用年糕一起進食，否則會感覺過甜。

團購買左198二人午餐 明明買時係寫一碟做單位 去到連半碟都無 五花腩得兩舊 牛肋骨肉七條加埋都未有一碟 夠膽死收人198另加一 咁嘅價黎碟肉個一刻真係火燒頭頂做生意都唔係咁無良心呀真係即刻想報海關之前試過正價食晚餐 食物質素唔錯嘅，正價係ok嘅肉質中上，爐邊蛋任食，仲有芝士邊最鍾意係佢個厚切五花腩不過一個團購就攪死自己個名檢討下啦

食飽晚飯諗住行吓消化吓，點知就係街角見到炑八個宣傳牌，又比呢個韓冰征服咗，同行朋友打去問齋食甜品唔食晚飯得唔得？佢一話可以，"消化"呢兩個字即刻消失得無影失蹤。去到就同店員講我哋只係食甜品，佢哋仍然奉上前菜3碟，仲同我哋講食甜品都可以食吓前菜架。前菜有泡菜，菠菜同醬油海帶，泡菜一D都唔辣，只帶有酸味，菠菜爽口，海帶唔會太咸但唔夠爽口，前菜水準一般。 好啦！我哋要食嘅豆粉紅豆冰嚟啦！冰面有大量黃豆粉同杏仁片，完全足料！唔單止面頭有紅豆蓉，裡面都夾有紅豆蓉同煙韌年糕粒。紅豆蓉甜味已足夠，所以唔駛落煉奶都得，杏仁片好香脆，配埋d年糕同豆奶冰沬真係好好味，無嚟錯食呢個冰！！