炑八韓烤 (已結業)

放假晏左起身，已經夠鍾食下午茶。睇雜誌原來韓國餐廳都有下午茶食，炑八夜晚就食過，下午茶就要試過要先。睇個價錢又唔算好貴wor，有個主食加小食仲有野飲，又幾抵！環境幾闊落韓國必食既前菜,my favourite 泡菜！！！好食。小姐叫左個炸雞沙律，好大碟，正呀菜菜。上面個串個炸年糕，am....不是太岩小姐口味，外面係甜甜地咁，裡面又d硬。皮脆肉嫩，不過炸漿厚左少少。小食係泡菜煎餅，無諗過你咁大份wor！！2個人一齊食都好飽。而且味道唔差，酸辣的味道好開胃，如果煎得香脆一點更好。原來飲品加＄6仲可以無限添飲，wah坐成個下就都仲得wor！nice！

今日行街行到3點幾,見到依間韓式燒烤居然有下午茶食,所以,同友人就坐抵咗。裏面的裝修,分開一隔隔,有卡位,地方都好大。望下餐牌,唔錯,40多元,有多款選擇,有飯,年糕,炸雞沙律都有,加6元有飲品,10元多個小食。Bond 和友人揀了鐵板A骨飯和石頭牛肉飯加了韓式煎餅。飲品叫了柚子檸檬梳打和菠蘿梳打韓式煎餅,每份有兩件煎餅,旁邊有cream 做伴碟,咬開中間有芝麻,松子和花生,好香,餅皮煙煙靭靭。沾了點cream 吃,又有點甜味,中和了油膩感䥫板A 骨飯,很熱辣辣,用料一啲唔少,有5件T 骨,好入味,肉質好淋。飯撈上黑椒味的醬汁,很野味。吃到最後,飯還是熱辣辣的。石頭牛肉飯,用石鍋上,有多種配料,顏色很靚。有翠肉瓜,甘荀絲,芽菜,紫菜,牛肉,雞蛋,菠菜,撈埋韓式豆板醬和牛肉飯一起吃,梗直一流。一啖飯,有多種口感,加上芝麻,令到每啖飯都很香口。吃到最後,還有啖啖的飯焦,卜卜脆。柚子檸檬梳打,相當多的柚子肉,和檸檬一起攪勻,酸中帶甜,正好解除黑椒 T 骨的辣味。菠蘿梳打,有件菠蘿,攪勻後,全杯變了黃色,甜甜地,好味。最後,叫了個甜品,因無朱古力棉花冰沬,改了纯Oreo 冰沬纯Oreo 冰沬,

炑八下午茶 $48 超誇張下午茶 由下午2點半開始供應到5點 岩晒我依啲訓到晏一晏既夜貓 同埋今日突然勾起韓國菜條根見到佢甘抵既下午茶就諗住當行街既中途站上去歇一歇 止一止口痕 開始睇menu完全無諗過會上菜時候係甘既份量 成個套餐除左有石頭鍋/炸醬麵仲有前菜,海帶湯 , “迷你”泡菜煎餅/糖餡餅同埋飲品 飲品如果加6蚊仲可以任飲所有特飲 但原本個杯已經勁大杯 可以吾加都得 炸醬麵雖然同我之前去韓國食個碗既個醬吾同 但啲麵條好有嚼勁 所以好食 同埋拌完之後啲醬又幾均勻 同埋都好大碗 勁抵食 仲有半隻水煮蛋 同埋爽口青瓜 石頭鍋就係水準啦 但同平時份量差吾多 下午茶泥講好大 同埋佢個拌甜辣醬又吾會太重口味同太辣 岩晒我口味 泡菜煎餅又一飽肚之選 勁大塊但又話迷你 男朋友大食既話岩晒 不過我地最後都食吾晒 因為真係好大塊 有成六大塊 吾算太辣 但點佢既辣椒豉油就會加重啲辣 泡菜量都算多但個餅食落較粉 夠辣幾過癮既! 糖餡餅據說入面係紅豆 甜甜地有啲硬硬地既豆粒 配埋cream 我地好鍾意 男朋友隊左3塊 啲草莓甜既 梳打既話柚子檸檬勁好飲 好重柚子味 而

繼上兩星期吃過炑八Tea Set後，娘親大人念念不忘，造成了這星期再戰超抵食爆肚茶餐的結果…..休假日到荃灣的炑八分店吃下午茶，有了上次的經驗我絕對是把這下午茶當成Brunch來吃，沒想到荃灣店的人流比起太子會多出數倍，到店時只聞到四周飄來的濃濃烤肉香…但這並不能動搖娘親再戰下午茶決心。荃灣分店佔地寬廣，燈光與裝潢都採用暖色系，加上大窗戶的採光，令整家店顯得很明亮溫和。店內也有小圓桌與卡座，座位間空間充足，感覺舒適。各分店的下午茶Menu都是相同的，同樣是$48不加一，任選主菜一款+小食一款，配韓式清湯、前菜，加$6可以無限添加特飲。韓式清湯的海帶煮得軟稔而且非常入味，咸鮮的味道正好適合我這種重口味愛好者XD前菜只有泡菜與海帶兩款，以韓式醬油泡過的海帶偏硬身，質感正好與清湯的海帶完全相反；泡菜辣中帶點酸和咸，下飯一流！盛在鐵板中上桌的韓式炒粉絲冒著煙，粉絲的配料有蘿蔔、大蔥、椰菜、牛肉片，色彩豐富又香氣四溢。圓潤彈牙的炒粉絲已預先調味，單吃也可以，拌著配料一起吃口感更好。半肥的牛肉片不會炒得過老，咬開時有微微脂香在口中散出，要是分量再多一點會更好。注意：上桌時記得要不時將粉絲翻動一下，

在荃灣吃飯其實對有選擇困難症的人如我真是會病發, 因為有太多特色美食了!既然這天在TEA TIME 時間才吃第一餐, 還是找點飽肚些的東西。行過主打韓式燒烤的炑八燒烤有下午茶供應, 賣相看似不錯, 而且價錢還很吸引, 於是便空着肚子入, 飽到晚飯都差點吃不下地走。可能大家未有心理準備在午餐時間吃韓式烤肉, 所以發現餐廳人客不多。就是這個抵食的MENU吸引了我們, TEA TIME 只要$48便有齊前菜, 小食和主菜, 還可以加$6 有無限添飲飲品, 真係幾抵食。很快我們便揀了想吃的東西, 還想着會否有空間一陣再去吃甜品....紫菜湯和泡菜轉頭侍應便送上了。紫菜湯內有很多滑滑的海帶, 湯底清但有點"味精感"。幸好兩款前菜賺回不少分數! 大白菜泡菜味道醃得夠入味, 不會過酸或過辣, 辣中還有少少酸甜, 非常開胃。芝麻波菜幾有口感, 分量十足外, 還有陣陣芝麻香。韓式沙律菜有生菜, 椰菜和小番茄, 加上日式麻醬, 味道清新爽甜。韓式炸醬麵以黑豆而製, 醬汁偏黑偏濃, 內有點肉末和菇香豆乾。加上麵質較 煙韌和淡, 撈起來吃就剛好。淡吃起來除了味道不會過咸, 凍了吃味道也一樣OK。雖然只是下午茶

以韓燒主打的炑八推下午茶，一個餐才$48，真心抵食，點都要一試！同一幢大廈，還有價錢差不多的沙X皇下午茶，兩者選一，當然要試試炑八啦！一個下午茶餐有前菜三款，當中以菠菜最好味。不知可否任添，因為四個人來到都只有一份，而下午茶餐食物份量不少，所以都沒特別去添了。主菜印象中有八款可選，當中以牛肉石窩飯最必點，最飽。店員會主動幫忙攪拌，可加韓辣醬，但友人不吃辣，我自覺不加辣醬是幾愚昧的，吃韓食不吃豆瓣醬…整個飯便失去特色了不是嗎？！熱辣辣，份量大，可能因為沒加韓式辣醬，風味就是差一點點。芝士五花腩，芝士超級多，卷到豬肉厚厚的依然有剩。至於五花腩一向都是肥肥肥，怕就不要點這個麻！要讚的是芝士醬頗香濃，沒有過鹹。最近吃過的芝士醬都鹹到不得了，好可惜呀。如果不怕肥，這個主食可以一試！我的炸雞沙律，上面有一條甜炸醬年糕，deep fry後脆卜卜的幾特別。沙律菜算新鮮，炸雞嘛，就粉醬略後，肯爺爺質素啦…每一個下午茶配一款小食，共三款選擇，分別有這個泡菜煎餅，沒太多泡菜亦沒有辣味，粉醬比較黏糊。但三款之中，以這款最受歡迎！沙律其實我覺得好好味，份量亦多，加入胡麻醬總錯不了！而最後一款是應該甜品…煎餅非常

炑八又有新套餐 有分牛肉同豬肉套餐 今次就揀左食牛肉 食物有：特級牛肋骨、LA骨、牛臉肉、牛胸肉、大蝦、多春魚、芝士生蠔、海鮮煎蔥餅、蔬菜、年糕ｰ牛肉既質素好正 肉香加埋油香😍不過LA骨會有d筋 會難咬d~ｰ海鮮都算新鮮 蝦係爽口既 魚就大大條ｰ最正最正就係芝士生蠔😱芝士唔會搶左蠔既鮮味 而且煮熟左之後既蠔都只係縮細左三分一左右 仲係咁大隻ｰ海鮮煎餅都係依舊好食 足料調味又好 不過再煎香d仲好另一樣炑八最正既就梗係佢既無限refill 芝士粟米同蛋 用芝士捲埋年糕同牛肉一齊食真係正到爆雖然話係二人餐 但係加埋前菜呀仲有個咁大煎餅 三個人食就啱啦 兩個人食就飽到上心口*****不是試食活動******

星期日同朋友在荃灣千色店逛逛，逛到又攰又餓，剛好到tea time, 上Openrice search吓附近有什麼好介紹，搵到這間“炑八”韓燒，一於試試韓式下午茶。餐廳地方寬闊，有不少靠窗卡位，非常開揚舒服，襯上似黃色燈的抽煙囪，蠻有情調的！$48的下午茶餐由2:30pm開始，包韓式清湯，前菜，主菜，小食及一杯飲品(加$6可轉特飲任飲)，非常豐富超值。主菜選了: 石頭牛肉飯~香噴噴熱辣辣，用料豐富，每樣食材都細緻均勻，牛肉亦香軟鮮嫩，再加上惹味醬汁一起攪混，令人回味！😋炑八炸雞沙律~外脆內嫩的炸雞沾上酸酸辣辣醬汁，口感十足；另有一串煙煙韌韌的韓式炸年糕；而以沙律做配搭則可減低油膩感，果然perfect match！👍👍至於小食，份量其實一點也不小，用料毫不吝嗇。炑八沙律 ~ 蔬菜新鮮澆以千島醬汁，零舍醒胃。糖餡餅 ~ 酥酥軟軟的外皮，內餡是軟綿綿的紅豆蓉，沾上柔滑的忌廉，甜度適中。邊食邊飲，份外relax 😎最後以入口即溶的“Red beans snow ice”($62) 作為餐後甜品，非常飽足，嘆了一個非一般的下午茶！

野食味道一般，唔算特別好食。問題係同男友食完就兩個都又痾又嘔。可能係我地唔好彩，自己腸胃又差啦。但員工既衛生意識都幾麻麻。首先全部野都係油又痴立立，作為間貴小小既韓燒可唔可以乾淨啲？一開頭抹枱已經抹漏兩大pat蒜蓉都視若無睹。幫你搬位又用你張餐巾抹晒成張枱。之後間唔中幫你燒下果陣，剪完生肉直接放把較剪上煎餅。好彩無叫醬油蟹，唔係真係痾死。叫左個海鮮拼牛肉既餐，兩人食好飽，每人埋單$310。無下次，見到個名都驚。

星期日放假當然要訓晏一點，出到街行已經下午茶時間。入左黎呢間韓式餐廳食個下午茶再去行街。餐廳內既裝修跟韓國的都十分接近，有可伸縮既抽氣扇。環境都算不錯。下午茶餐有兩個前菜一個湯加埋個主菜仲可以另外叫多樣小食，睇落都覺得十分抵，特飲加$6仲可以無限飲，可以坐係到慢慢吹水。海帶湯個人對湯無咩要求，只是要來食飯前先飲下湯水等胃可以適應一下，普通例湯水準。小菜(泡菜/海帶)泡菜味道不錯，辣椒既香味好夠又不會太辣口都幾岩香港人食。另一碟睇餐牌係海帶但上黎既似係一般韓國食既菜，都幾清淡的。炑八沙律菜都幾新鮮加上胡麻醬十分開胃，另外想唔到係佢份量多到可以兩個人食，下午茶食呢個份量好似正餐咁。糖餡餅呢個餅做得唔錯，外皮煎得幾香口，入面包左沙糖/花生等配料十分可口。石頭牛肉飯有牛肉及好多蔬菜配料，加上辣椒醬將佢搞渾，隔左一陣仲可以食埋飯焦，香口爽脆，份量亦跟正餐一樣，沒有減少用料。炸醬面面條十分有彈性及粗，好有口感，加上好濃既炸醬撈埋一齊就成為左好正宗既韓既炸醬面，份量同樣是多得驚人，食完可以放D再食晚飯。飲品點左柚子檸檬梳打及韓國人 參蜜，除左好味之外仲可以無限加飲，可以慢慢係到放鬆享受下假日既休閒埋

呢間食店太子總店已食過, 嗰時晚餐有韓燒烤食， 但今次試左荃灣新分店佢地2pm至5pm提供既tea set可點一個主菜 送一個小食 加6 蚊 多一杯飲品**無限添飲**...炸雞沙律 48 蚊 with 迷你煎餅 0 蚊食主菜前 會贈送 韓式紫菜湯 菠菜 同 韓式泡菜炸雞係韓式炸雞(6,7件) , 炸雞皮厚得黎香脆 似薯片, 雖熱氣 但配以韓色醬中和酸甜開胃。 雞肉被皮覆蓋keep住温度 口感嫩滑， 配以側邊既芝麻醬沙律 , 而加多串有4 件炸查左煉奶既炸年糕 炸粉上面仲有黑芝麻 甜得黎又夠香 極邪惡！小食方面迷你煎餅， 雖然薄但切開有6 塊一d都唔迷你， 煎餅邊煎到香脆， 入面質感十分鬆軟 , 有好香既葱味同少許韓式辣醬味 唔錯柚子檸蜜 加6 蚊 無限添加 正整體係疏打水整成 , 而杯底勁多柚子 另有一片新鮮西柚同檸檬 要黎增加酸度 , 清清甜甜 幾啱食完濃味韓國野後飲以想食tea揾轉國食物黎計絕對係平靚正之選

知道炑八韓烤 佢而家做緊下午茶時段...其實真係好抵食,48蚊仲要免加一一大個飯再送煎餅或沙津或糖焰餅!一入到去..其實都好多窗...好光猛....映相一流....之後就睇下MENU其實下午茶餐佢都有8個選擇架我見到比我發現到....原來佢呢到有得食醬油蟹....下次一定要食呀好.....一嗌完野食..D員工就會幫我倒D蛋醬落個獲到...原來仲有得分泡菜...架...我覺得有落埋泡菜...好味好多呀..仲要煮到佢岩岩熟....之後我嗌左個石頭牛肉飯Rice mixed with beef - 48蚊好大兜...真係好大兜...材料都好足夠...之後佢令外仲有一碟辣醬比你自己撈落去個飯到架..(但我冇映到..哈哈)口感十分之厚....將熟飯同飯焦撈埋一齊....再一齊食落去..又硬又軟...之後再夾埋岩岩熟既牛肉...真心呢個超讚好....要試呢個呀之後再嗌左個炒粉絲嗯,,,我自己覺得...呢個比個石頭飯更好味...好濃..好重...胡椒粉味啊~之後個粉絲仲有牛肉係到架成日覺得韓式炒粉絲好難整得好味..一係就好油...一係就冇味...但呢個真係煮到岩岩好...如果會去食既話...呢個一定

昨天和朋友到了荃灣吃了個豐富 "炑八韓式" 下午茶，值得一讚的是一個極為足本的下午茶👍🏻😋 坐下不久，店員介紹了好幾款下午茶套餐，當中我們選擇了 "雜錦拌飯" 和 "迷你煎餅" 套餐，前菜方面有 韓式泡菜、海帶和韓式清湯！隨後是炑八沙律. 整體來說味道還不錯，份量真的多了些！ 大大碗石鍋雜錦拌飯，熱棘棘的鍋飯中放了生雞蛋，食時候需要自己加上韓式醬汁再拌一下就可以嘆到美味拌飯 Q版迷你煎餅，外表好似 Pizza 一樣，但味道帶一點點鹹味，更需要點少許醬油，非常特別的煎餅😊口感還是軟軟的，值得一試. 餐飲方面，我選擇了 柚子密賓治， 柚子味特濃，不太甜，正合我的品味 這個價錢（$48）這個份量，真是不可思議

同fd出黎食韓國菜，有下午茶，唔一定食韓燒。前菜有三款，菠菜最好食。炑八沙律，好多麻醬好食。芝士五花腩，兩樣都係肥死之物，咁好味抵死！食韓國野點可以少得炸雞，啤酒吖唔該！石窩飯好熱好香，滋滋聲，多辣醬好味。煎餅好大塊，好飽好多泡菜好味。唔記得左係咩名嘅韓國甜品，甜甜地un un地，塊菠蘿好hea。炑八冰沫無得輸，好食過甜品舖，又甜又有奶味。飲品，顏色靚，夠凍又解渴。食幾好食，但人手嚴重不足，想揾個伙計難過乜。

呢排韓風好勁，荃灣呢處都開左幾間韓國菜。行過大班西餅門口，有個人派傳單，原來樓上開左韓國菜，真係留意唔到喎。見傳單上D午餐都係四十幾五十幾銀，即本上去試下。上到去得幾枱客，緊係啦！呢個位唔顯眼嘛！呀水知道有間韓烤咩！點了個鉄板牛助肉粉絲。呢度要彈一彈落單個呀姐，我話要粉絲，點知佢幫我落左白飯，另外佢問我飲咩？指住加$6特飲，佢問得我飲咩，我就以為套餐送野飲啦！之但係佢指指加$6特飲，咁我就問下佢有冇D唔使加錢？之後佢指特飲下面果欄熱飲，咁我咪叫左杯熱個囉！等緊食果陣再睇下個餐牌，飲品果度上下兩行都係加$6喎！呀姐，你玩我呀！收到張單，果然要加$先黎涼菜，有泡菜、涼拌波菜和海帶，三選一。我要左波菜。但我想讚一讚個湯，通常例湯都冇乜期望，但係呢個豆芽湯，飲到小小咸魚味！感覺似係真係韓國人煲嘅！講返轉頭個粉絲，呀姐入錯左白飯，黎到我緊係要換啦！不過呢度D服務係真係幾好，一般會拎走個白飯，加番D粉絲，不過我等左好耐，原來佢地重新煮過比我，黎到個鉄板熱辣辣，出晒煙，“正”！呢間D醃料好正宗，跟在韓國食到嘅差唔多。牛肋肉又多，粉絲又入味！一流！差唔多食左一半，另外一位待應走埋來問我有冇入會？我話冇