点心代表 (已結業)

朋友仔勁中意美少女戰士，成日哦我話好想好想試，咁就同佢來一次！人都好多，被安排係個勁迫嘅位置，左右隔離都係美少女戰士嘅super fans，影佈置影食物，出一樣嘢就影一張相！美少女戰士主題嘅點心真係勁勁勁貴！！我地二人點左三樣佢主題嘅點心，有鮮蝦腸粉、流沙包同雞肉咸水角！其實我都無咩期待，唔太難食都好滿足！的確無廣告咁靚，有好多顔料係個腸粉同流沙包度，流沙包仲有啲微出水走色跡象不過如果純打卡呃like，目標達到！但知叫三樣嘢一定唔夠飽，就叫多兩樣非主題系列，無謂餓住肚仔走咁慘慘！叫多個炒飯同燒賣，正常味，但唔會有茶樓即叫即做嘅蒸氣同好味！

帶外地來的朋友食點心！之前睇OpenRice見有啲人話好睇唔好食，本身都少少淆地，但食落都幾好食㗎喎！美少女流沙包一見到啲五個包，就真係少女心都出晒黎😂有紅豆，芋頭，綠豆，奶黃流沙同仲有金鑽鳳梨！我人認為最好食嘅係芋頭同埋奶黃流沙餡！餡料唔太甜，而且麵包好軟熟！美少女蝦餃味道好okay喎！唔算得係皮薄，但好有𡁻頭！餡黎講，唔太鹹，味道足！除咗美少女系列之外，我哋都叫咗平時有嘅點心！菜餃，飲茶一定唔少得！本來以為佢哋淨係食gimmick，但係原來普通點心都拍得住酒樓㗎喎！燒賣每一粒燒賣裏面隻蝦都彈牙，肥豬肉都好香！總括嚟講，食物都OK，不過環境就麻麻哋啦，我哋預先book咗位，咁佢哋安排左我哋坐外邊嗰啲卡位，張枱就搖下搖下咁，一路食就一路怕佢會反。而且我地坐得好遠，每次要叫好耐先有人應！

不嬲都係sailormoon die hard fan屎🤑🤑一直都好想嚟呢度瘋狂影相好多人都係話啲食物真係麻麻地 咁我都有哂心理準備去食元素表一坐低打開menu😽😽😽嗚啊～～～好想叫哂啲野食嚟逐粒逐粒捧係手心仔度影相呀好～靚～呀啲野食咁價錢又真係偏貴小小諗左好耐終於揀好🕵🏼‍♀️等咗唔係好耐就到齊喇飲杯蜜桃沙冰先我未飲過一杯同個名完全冇關嘅野飲㗎野飲上面啲蜜桃粒好似一個唔識蒸魚嘅人係蒸完魚之後是但扔啲葱花上去裝飾下充撐下場面咁完全冇蜜桃味 🧐野食就好好多冇大家講到咁難食啫正正常常嘅味道啦但就真係好靚好靚好靚好靚蹂躪完佢地一輪先捨得放入口🤙🏼ok喎可接受喎始終有個主題 啲野食又整到咁靚 野食都預咗唔會食到好似家燕姐咁大叫好好食呀㗎喇根本都係影多過食嘅我覺得都算係機會難逢 鐘意美少女戰士唔好錯過呀～～冇後悔🤪但去一次夠喇！哇哈哈哈哈

// DIM SUM ICON // 美少女戰士系列既點心, Sailor Moon簡直係童年既回憶, 咩少女情懷都出哂黎😂。叫沙冰或熱飲個杯仲可以拎走。美少女戰士流沙包有五款口味, 分別有台灣金鑽鳳梨🍍、奶黃流沙、紫芋蓉 、北海道十勝紅豆、宜蘭綠豆。紫薯包點好好味, 紫薯味香甜突出。 食呢籠蒸包既時候充滿驚喜, 因為你唔會知道包點裡面係邊一款餡料, 所以就要睇下你好唔好彩, 攞中你想食嗰個包點。我推薦呢度既紫芋流沙包, 岩岩蒸好既包點好軟熟, 入面有超多香甜既芋泥😍, 紫芋味突出, 帶點蛋黃既鹹香, 有流心效果。溫馨提示: 包點定要趁熱食喔～食完我即刻再encore多一籠紫芋包俾自己食~

起尖沙咀行緊街夜晚突然好想食點心 就醒起宜家dim sum icon 係美少女戰士做主題（其實好似做左好耐）就順便黎打下卡唔係每款點心都有美少女戰士主題架 叫點心既時候要注意不過背景就keep住播美少女戰士主題曲同插曲 好有 feel流沙包好可愛呀！整得好靚咬落去入面唔會太熱 但有流心 推介！哩個栗米球就冇咩味糯米飯都整得好精緻 不過都係冇咩咪同男朋友研究左一陣上面張紙係食唔食得最後因爲摵唔開 我地估係食得食點心緊係要食叉燒腸好味！上湯娃娃菜 有d太咸娃娃菜可以煮淋d太夜唔敢飲茶驚訓唔著 叫左橙汁又幾新鮮幾好飲啵溫馨提示：每位至少要叫一種飲品

「飛身到天邊⋯」不停心裡唱著這首歌！這餐廳簡直幫我重拾童年回憶。還記得小時候最喜歡愛野美奈子，一坐下就見到她，十分開心呢！😁我們兩個女仔來，戰鬥力都不弱，共order了五個點心一個飯。✨鮮蝦帶子餃：唔捨得食啊！每個餃子都印上美少女戰士的靚樣，五個戰士齊齊整整的，很不想破壞她們的完整😆！幸好點心籠上面有個美少女戰士的小卡子，我未吃已經想住要把它帶回家收藏了。😂不過始終都要食😂😂 蝦餃皮薄而有QQ的口感，入面的餡料也豐富，吃到一粒粒的蝦和帶子，味道不錯！✨鮮蝦春卷：炸得很香脆，外層好似薯片般又薄又脆！入面是鮮甜的蝦，味道較蝦餃的蝦濃味。我覺得ok,配上泰式辣醬吃，也不錯！✨麻辣小籠包：小心熱！會爆汁的！很有趣的是，它有點像韓式的辣，小籠包內的肉質也鮮甜，好食！✨流心西多士：這個賣相好得，食落就一般！上層的心型變身器，是糖霜曲奇，我試了一小口，味道⋯⋯⋯我相信正常人是不會吃的。但西多士霜上蜜糖食，是正常味道的。不過我們這塊西多不太流心。✨香煎糯米雞：是我很喜歡的小小兔裝飾啊！☺️味道也不錯，上面有一層蛋餅，加上煎香了的糯米雞一起吃，感覺很香口！✨黑松露炒飯：黑松露都算多，炒飯的味道滿滿的蛋香味

作為美戰迷必定要去朝聖，最初唸住呢啲卓頭野，一般都只係得個樣、唔好食，但事實又真係唔錯，雖然唔平，不過食完冇中伏既感覺。而且所有食物上既裝飾品都可以帶走，絕對滿足又食又拎既慾望。

朋友見到點心icon而家係美少女做主題二話不說立即約我去潮聖其實這個主題已經做了一段時間, 只是她不知道呢今次去到餐廳, 見到都唔係好多人,可能熱潮過了吧餐廳周圍環境都見到美少女的蹤影就連用具Manu都是用美少女的今次點食物是點公仔的...喜歡那兩隻貓所以點了貓貓流沙包喜歡冥王土星就點了紫芋包再來點五位主角的腸粉然後再多點一個鳳爪排骨飯味道就....不過不失啦我諗去呢到食既都唔係比佢質素吸引飲品就點了一杯奇異瓜沙杯...(連杯)$99我就點了杯芒果沙冰好明顯佢地係用外觀吸引客人...味道就不評論了

遲咗出呢一篇食評，因為前一排好忙，今日終於可以寫到呢一篇食評啦！呢個係大家嘅童年回憶美少女戰士點心，之前經過尖沙咀見有啲肚餓，去咗呢一間點心代表度食美少女戰士嘅點心做下午茶，可能因為係下午茶嘅關係四點幾冇乜人， 所以好快就可以入座 叫咗兩籠點心一個係帶子燒賣另一個就係流沙包。 兩個點心嘅賣相都好精緻，打卡一流，不過味道就一般般。燒賣上面嘅帶子都算大塊, 但係味道就並不是太出色。 包嘅皮得偏厚, 味道同普通流沙包其實差別不大。 呢間點心代表勝在有好多打卡位，出面有好多佈景板，可以俾大家影相，不過去完一次就唔會再去第二次啦。

因為朋友好鍾意SAILOR MOON，同我講話點都想去呢間餐廳朝聖一下，打下卡。我本身對於卡通主題既餐廳唔太有好感，因為覺得好多都係得個殼，直到望住個餐牌個時先感覺到陣濃郁既伏味，我堅持我呢個諗法係岩既。其實我地都係志在打卡，一早已經食左野打定個底，去到個時都係叫左兩個點心影下相咁，基本上有sailor moon做主題既點心，都60至70蚊一個，價錢上真係貴得唔太抵。美少女戰士鮮蝦腸粉 ($69)呢個真經典，以為腸粉應該都係比較穩陣既選擇，點知皮好厚，又無蝦咁濟，又凍，完全感覺到好似食左一堆色素落肚咁。PRISM HEART COMPACT煎蛋燸米雞 ($59)呢個係填肚之選，中規中矩，尚可接受。簡單黎講，如果你本身係美少女既粉絲，我覺得食物既質素真係唔係重點，黎打下卡真係無乜所謂，因為食物個樣都真係精緻（雖然我唔鍾意），但如果你真係想食好東西，就真係最好諗清楚先黎。

嘩。。。 先前已聽過朋友親身經歷講呢間野有幾伏。。。可以食野食到有鐵絲係入面............無論係咩卡通crossover. 唔同時期都有唔同卡通fans 係fb分享伏況!!點估到今日會輪到我呢？今日約左客出黎傾野, 咁由佢發板揀地方, 我都唔好意思話轉場~所以照去啦~間店D配件係好配合主題，快子座都好靚～餐紙都係ＳＡＩＬＯＲ　ＭＯＯＮ～由於都係出黎傾野為主, 我只係叫杯飲品~咁正常好似叫芒果會PAY SAFE!芒果沙冰. $49 WELLLL... 其實佢地知唔知咩叫沙冰?!痴線, 呢杯野係碎冰+ FANTA + 3粒芒果肉~~~真係多謝哂..我見識少呀~又一次擴闊視野原來沙冰可以咁樣整家~呢個係朋友點既大包 $55..我冇睇到個大包係咩味~旦佢一切開黎食我聞到有陣腐乳味 我覺得會搞笑左D不過我冇問朋友係咩餡..好似好奇怪咁~哈~~~黎呢度都真係食卡通同佈置, 食物味道同服務係零!!!! 點餐時唔知要每人點一款飲品,唔知幾時會有杯墊送, 亦唔知幾時可以有扇羅~呢間野應該係SAILOR MOON 派黎報復社會既~

早前尖沙咀某大型商場吹起了美少女戰士風，我亦同好友一齊去湊下熱鬧，影下相，順便試下開業已久，經常同唔同卡通人物聯乘既點心代表。首先，打電話去book 枱只會得到員工好串既一句：無得book 喎。但後來在點心代表既facebook 又睇到佢地一早已出post 有得做online reservation 訂枱。但打去果陣員工完全無提及過，明顯員工都唔知有呢一回事。放工之後即時衝去商場，先影相，再行pop-up store, 到時間差不多就去點心代表食飯。由於當日時間尚早，餐廳都無乜人。當日點左黑松露炒飯，炸春卷，帶子蝦餃同鮮蝦腸粉，仲有兩杯特飲。先講值得一讚既係黑松露炒飯。由於當日飯既選擇唔多，於是就揀左黑松露炒飯，聽落應該無咁伏。上菜之後發覺比預期既細份，兩個人食只分到每人一碗，晚飯而言唔太夠份量。但味道方面就令人喜出望外，黑松露令到成個飯好香，加上炒飯炒得夠熱，配上粟米，翠玉瓜等蔬菜，值得推介！略嫌美中不足係炒飯油左少少，如果可以少番d 油就更好。炸春卷亦非常唔錯，夠熱亦夠脆！相當香口！但帶子蝦餃同鮮蝦腸粉就令人失望啦！首先帶子蝦餃有5 粒，兩個人食分唔到。其次，感覺上帶子同蝦味道唔m

被鋪頭的門面吸引左，點知個侍應態度無禮，座位之間相當狹窄。飲品包裝相當醜陋，食物賣相不靚，質素仲好麻麻。特別係個陳村粉真係難食，又話即叫即整，點知入面係凍。個侍應仲要迫我們每人叫杯野飲。茶錢每人收20蚊，各人叫左兩款不同的茶，最終來左壺茶，完全無乜特別的茶包，收20蚊，實在相當貴。2粒花枝丸收40蚊，味道麻麻，相當不抵。鋪路賣點只有季節性的卡通人物造形點心。今期係美少女戰士，會有紀念品送上，若係super fans 會接受的，最慘係突然會在廚房有熱氣濆出，真是無下次

帶著我的小小兔去潮聖 知道點心icon推出Sailor Moon點心系列急不及待第一天7月15日推出就衝去試食😍😋 好在有家聰媽媽10點前去到排隊😘我地先可以坐到有美少女poster前既檯😍最開心係小米，因為佢話好鐘意Sailor Mercury喎🤣 啲食物真係好靚～好靚～好靚呀😍😍（重要的事情要講3次🤣）靚到我同小米都唔想整爛啲食物🙈 仲有好多紀念品帶返屋企😍 商場內仲有好多Sailor moon影相打咭位😁我地3條女喪影😍眼見好多人帶左sailor moon公仔產品去影相好在我都有隻~~🐰~~~行走的小小兔~~🐰同我一齊影😆💪🏻 慶幸小米都同小米媽一樣好鐘意Sailor Moon❤️我地都渡過了一個愉快又興奮的星期天早上 餐廳送的Sailor moon杯墊 (每月都會送出不同款式的美少女戰士) 5個美少女的腸粉好靚呀, 不過無乜味道 叫左個小小兔糯米雞比我個小小米食, 糯米雞塊煎蛋上面既食物印紙好靚, 但咬唔爛    美少女蝦餃, 正常蝦餃味道, 都幾好味 靚到唔捨得食 露娜, 阿提密斯 的奶皇流沙包~呢個好流沙, 好味 今日食SAI

When I was a child, I really liked these cartoon characters, and everyone played different roles. When we grew up, there was their appearance, and it appeared in a dim sum restaurant, really cute! Everyone wants to take pictures. the food is average.so interesting.But we waited for a looooooog time.