為食龍 (已搬遷) 新店位置

係依個大集團紛紛同我哋香港人割蓆嘅時勢，唔少小店反而挺身支持我哋哋，實在叫人感動！呢間以腐皮壽司做賣點嘅舖頭，更係之前集會遊行嘅時候為市民免費提供食物。作為一個有良心嘅香港人，要回報呢d良心企業，當然就係要去幫襯佢哋啦！為食腐皮系列明太子三文魚（$20）黑松露帶子（$22）蔥吞拿拖羅蓉（$22）柚子左口魚（$22）全部都好大舊好足料！個人最中意明太子三文魚，微微辣好開胃！（背後嘅巴斯同視力表好有共嗚）溏心蛋薑蔥雞扒丼（$48）雞扒好嫩滑，同個蔥油汁好夾，飯量勁多，超級飽肚！正飯團黃金魷魚（$18）明太子三文魚（$18）唔記得影咬開咗嘅樣......同腐皮壽司一樣好足料（見唔見到黃金魷魚嗰舊爆餡）成間舖細細，只有企位，但裝修設計同環境都唔錯，真香港人自會明白！支持！感謝！

行過比個店面吸引，周圍都有恐龍既元素，同店名一樣，非常有趣。食物份量同恐龍既食量都差不多，非常大份。爆汁肥牛丼同吉野家差不多，連個味道都係差唔多。腐皮系列我地叫左黑松露帶子粒、鰻魚玉子燒絲、蔥吞拿拖羅蓉、名太子三文魚，腐皮非常清甜，令d飯粒都有少少甜既感覺。黑松露帶子粒既帶子係非常大粒，黑松露都係一d都唔吝嗇。鰻魚玉子燒絲鰻魚汁非常香，亦帶有少少甜味。蔥吞拿拖羅蓉d拖羅雖切左粒，但都食得出係好肥美。黃金魷魚飯糰飯糰有淡淡既washabi味，完全岩曬中意食washabi既我！魷魚切到一條條咁，口感非常特別。蟹膏飯糰一咬落去係好香好濃烈既蟹膏味，之後飯粒既香甜味慢慢滲出黎。總括而言，食物份量同恐龍既食量都差不多，非常大份，而食物質素都唔錯。另外值得一提既係，餐廳無座位，只能外賣或立食。  

放工去銅鑼灣睇戲諗住睇戲前食少少野如果唔係睇完先食飯就好餓🙈本身諗住督魚蛋燒賣但咁熱唔想企係條街到食熱野就上OPENRICE搵下附近有咩揀見到依間食壽司舖入面又有位企係到食就去試下睇嚟老細好中意恐龍🦖🦕入面好多恐龍擺設我覺得最靚係一幅用磚砌隻恐龍出嚟既牆野食主要分三類：便當、腐皮壽司同埋飯團我地兩個人叫左三件腐皮壽司同一個飯團辣味三文魚：好味😗 少少辣 唔會蓋過三文魚味吞拿拖羅蓉：上台果陣我地淨係見到面頭d吞拿魚粒 覺得有d奇怪 原來下面鋪滿魚蓉😆超足料柚子左口魚：左口魚好新鮮😋 同個柚子味好夾總括嚟講腐皮壽司都好食👍🏻 塊腐皮唔會太甜相比飯團就普普通通 冇咩特別本身見到$20-$22一舊腐皮壽司都覺得唔平但見到實物咁大件就覺得唔貴食完更加覺得唔少野😂見到隔離有人食帶子壽司 帶子好大粒😮下次再去食其他款☺️

呢日同fd買左飛係time square睇戲，得返半個鐘時間食野，四圍搵快食餐廳，點知揾到呢個驚喜！佢店面唔算太顯眼，但我地見佢係立食式快餐，menu選擇都好多，就入左去。首先我地叫左個腐皮壽司餐盒，揀左4件我地鐘意既口味。左起分別係：三文魚牛油果，柚子左口魚，明太子三文魚同埋饅魚玉子。4件都好出色呢，我最鐘意係柚子左口魚，油脂好豐富，左口魚好香，而且好足料。明太子三文魚個醬好好味，有小小辣辣地，正喔。另外點左兩個飯團，一個係黃金魷魚，係我至愛，另一個係蟹膏，朋友話食得出蟹膏新鮮好味！兩個飯團既餡料都好多，唔會有食緊白飯既感覺。另外再加左一個牛肉飯，加咖喱汁。我絕對可以講佢既牛肉係好食過某大牛肉飯連鎖店。另外食得出佢咖喱汁係自家製，加左好多大大塊既蔬菜，好健康。不過個飯真係好大，後尾我地都食唔哂。叫左兩個餐盒佢送左兩杯綠茶，正適合我地行返過戲院個陣慢慢飲，消下濟haha店內裝修好hip，枱面有一個痴滿打氣貼紙既巴斯光年，咁岩我地就係打算睇toy story 4，真係岩！希望小店都可以加油啦！

同S响時代廣場睇完龍珠展覽，佢就帶咗我嚟呢度食壽司。兩個人買咗幾個腐皮壽司、飯團、咖哩飯，就企响店內食埋先走。望落材料新鮮、顏色吸引，每件腐皮壽司都好大件，食完係好飽嘅，突然諗起田中。柚子左口魚腐皮，左口魚爽口清甜，輕輕一炙更甘香，加點柚子更開胃。蟹膏飯團內蟹膏滿滿，飯粒飽滿軟熟不鬆散。牛油果三文魚腐皮，牛油果口感軟滑豐腴，加埋三文魚粒， 鮮味可口。黑松露帶子粒腐皮大大粒帶子味道鮮甜，配埋黑松露醬更好味。西京三文魚飯團，餡料三文魚味道香濃，同又香又軟嘅飯團好夾。吞拿拖羅蓉腐皮，吞拿魚粒新鮮有口感，拖羅蓉香軟肥美又嫩滑，口味清新又 唔腥。 咖喱牛肉飯，牛肉份量好多，肉質鮮嫩多汁，配埋紅蘿蔔、薯仔粒、香辣咖哩汁，開胃之選。仲有味噌湯，完美。食完出來，舖頭已經夠鐘關門嚕。

認識我既都知我有某程既強迫症，堅持同執著, 本來我仲有好多食評要順住日子打，但今日整完野去左呢間試，就要先放出黎!原因唔係特別好食，影得特別靚，環境點點點... 而係...話說，我地見到呢間野既廣告好一段時間，但都未有機會定醒唔起，咁今日搞掂哂就去左試呢間，一入到去初頭只focus叫咩，但我視線好快就落左人手畫既pepe到... 點完餐，見到有其他食客幫手貼，一向8婆既我就當然八下做咩啦！原來佢地幫手貼打氣字句上飯團到，由於佢係立食，位有限，我只好企埋一邊唔好阻佢地. 之後都有問，原來夜尐會有義工幫手拎去荃灣! 耀華街租唔平，小店一間，今日去仲要好似死城咁... 雖然我唔知佢意願，但真心想同大家介紹呢間hungry dino! 佢以呢個價錢，我覺得值架! 尐野都新鮮，唯一挑剔係無咩位，所以我建議大家外賣啦！ 支持下本土小店! 其實我並唔知店主點諗，唔知佢想唔想揚，但真心希望大家可以去支持下佢地!

今日放假，一早約左屋企人去銅鑼灣飲個早茶，之後陪屋企人去街市，所以途經耀華街，見到有一間鋪頭仔，細細間，但門口張menu就勁大張😂因為咁，我比佢吸引左，停低左腳步🙄原來係一間賣日式食物既小店，見到腐皮兩個字，我已經心心眼😍，唔理咁多，食左先講🤣一口氣買左6件返屋企做午餐😎我最鍾意佢既明太子三文魚同埋蔥吞拿拖羅蓉，呢兩款係相對出色，而其他款就不過不失啦！另外佢一d都唔孤寒，d料鋪滿晒係面👍🏻價錢方面亦屬於中等啦，唔算太貴，鍾意明太子同吞拿魚既朋友，值得一試👍🏻

逛完時代廣場想來食點小食看到OpenRice這家店覺得滿吸引人的從時代廣場走過來不到3分鐘室內裝潢明亮菜單種類還滿多的 樣樣平價因為不太餓隨便點了幾個腐皮壽司吃看看總共點了四款來試試三文魚牛油果新鮮的三文魚配上口感滑順營養豐富的牛油果，好好食鰻魚玉子像是縮小版的鰻魚飯，口感滿好的，鰻魚份量也很多唷黑松露帶子兩個巨大的帶子，上面鋪了點黑松露，吃起來十分清爽明太子三文魚最後這個是口感微辣的三文魚配明太子，肥美的三文魚吃起來非常爽口整體而言腐皮卷系列口味都算不錯 價格也算親民飽足感也十足唯一可惜的是店內沒有任何座位區，只有靠牆壁兩張長桌子 建議大家外帶回家比較方便吃唷

喺銅鑼灣行下街見到呢間立食外帶店Hungry Dino 見裝修同埋菜式都幾新奇有趣同特別, 所以就決定同朋友入去試一試入面嘅所有裝飾 都係以恐龍作為主題 相信店主同我一樣都係好鍾意恐龍圖案嘅人 而入面賣嘅食物主要係飯糰, 便當為主 價錢由$1x 到$50 不等呢個唔多講啦 香港有良知嘅良心食店招牌為食腐皮系列- 明太子三文魚 $20, 鰻魚玉子燒絲$20, 黑松露帶子粒 $22, 甜蝦蟹子$20 (由左至右) 我覺得呢一個為食腐皮不論味道同埋創意都係滿分 用上軍艦壽司嘅概念 改用腐皮包住飯粒 再將不同嘅配料放上腐皮壽司 非常有心思明太子三文魚腐皮 用料好新鮮同埋非常足料 可以見到啲三文魚溢曬出嚟鰻魚玉子燒絲腐皮 入面有唔少浦燒鰻魚粒 非常惹味黑松露帶子粒腐皮 喺腐皮上放上兩三塊新鮮帶子 在配上濃味嘅黑松露粒 味道相當出色甜蝦蟹子腐皮 四條甜蝦好有秩序咁放喺鋪滿蟹子嘅腐皮上 食落去好fresh懶人便當 - 爆汁肥牛丼$48 (加咖哩汁 +$4)見到那人便當樣樣菜色都咁得意 我就揀我最鍾意嘅咖哩牛肉飯食啦呢一份牛肉丼用上牛味同埋油脂味好重嘅肥牛 所以每一啖都好有爆汁嘅感覺 識食一定要加埋咖

發覺原來食過幾次都未寫過食評，由於在附近上班，知道開左間外賣車仔便當，立即來試！每次都無令我失望！有選擇困難嘅我，揀車仔便當嘅時候，真係好難選擇，因為款款都好吸引食過三次，材料都十分新鮮，牛油果生熟恰到好處！飯上嘅紫菜簡直係畫龍點睛之後亦試過平價之選，香葱雞扒飯，大大兜都只係$48可能我比較細食，飯只係食到一半好多香蔥！雞扒份量十足！之後一次排隊等 order 時，見到前面叫左個方格魚生丼，好靚可以一次試幾款嘩！不得了，個炙燒左口魚超好味！ 個陣油香希望佢可以保持到水準，會定期幫襯

今日黎到銅鑼灣行街，行到累累地就搵間野食下。比我發現左呢間餐廳。店面細細地，但係食物質素一啲都唔輸蝕架。首先叫左兩杯茶，呢道既綠茶係茶包黎，味道岩岩好，淡淡既綠茶甘香已經好開胃啦。之後叫左四種唔同既為食腐皮系列，其中有黑松露帶子粒，黑松露味道好好，加上帶子粒非常新鮮，兩樣合咪一齊食真係配合得好好，再黎我呢最愛緊係明太子三文魚，大大啖食落去感覺真係一流。重有甜蝦蟹子，口感好爽。最後有蔥吞拿拖羅蓉，味道甜甜地，都係唔錯既選擇。跟住叫左兩個飯團。一個係黃金魷魚飯團，啲魷魚好滑身好爽甜。而且顏色金黃，真係好好味。令一個係蟹膏飯團，真係神仙級享受，呢個配合真係超正。無得輸呀。最後叫多個爆汁肥牛丼，咖哩味好香濃，啲肥牛肥瘦適中，撈埋一齊食真係好正。

推薦指數 ： 🤩🤩🤩呢排為食龍咁Hit, 一於去試下先。為食腐皮系列，一共有九款口味🤟🏻今次就嗌左三款淺嚐淺嚐🤪柚子左口魚HK$22三文魚牛油果HK$20黑松露帶子HK$20老實說就真係一般無咩太大surprise🙈😁賣相同店員服務係好好嘅，不過壽司味道就中中等等😜 🍣壽司飯醋可以再多啲，而且魚生份量都Ok! 但牛油果實在太生了，口感有差別。但腐皮味道係唔錯，加上配搭唔同魚生配料，有mix and match 的感覺！一次過試到唔同口味👍🏻👍🏻👍🏻

呢間位於銅鑼灣嘅日式料理店🍱以外賣日式便當為主，有冷有熱，新開無耐喺Open Rice 已有唔錯嘅評價，趁著今日gym🏋🏻‍♂️前想食少少野，就過來試吓！.叫咗 #方格魚生丼 ($58)，魚生飯將餸菜分成一格一格，五顏六色，一睇就令人好開胃🤗，當中包括三文魚粒、吞拿魚粒、左口魚，蛋絲、紫菜及青瓜，非常豐富，而且味道都唔錯👍🏼。呢個價錢魚生份量都唔少，仲包一大杯足料麵豉湯，啱哂附近嘅上班一族同埋成日無飯開嘅阿叔。🤣🤣🤣.P.S. 今日818📅喺香港人另一個好重要嘅日子，大家一定要團結、冷靜、加油💪🏼！呢間外賣店為咗大家整咗好多免費飯團，行到肚餓嘅人士可以嚟食。阿叔一向都好支持良心小店，小小恩惠，永記於心，我代好多香港人多謝你哋！🙏🏼🙏🏼🙏🏼

第一次來，環境不是很大，但設計獨特，有好多可愛的擺設及裝飾，感覺好舒服！播放著輕快音樂，好正好放鬆！可惜的是無椅子坐下來品嚐，如果有1-2個坐位就更好！服務好好，男侍應幫忙耐心點餐。要介紹嘅喺爆汁肥牛丼，比連鎖又亂炒基層員工的好食一百倍, 牛肉片堆到成座山咁, 肉嫩汁多, 肉質鮮嫩有嚼勁, 好吃到爆，隔著螢幕口水流了一地.。而且仲附有味噌湯, 順口細緻。蔥呑拿拖羅腐皮，魚生切成粒粒，再用呑拿魚溶墊底。呑拿魚魚油雖然不多，但味道清新， 唔腥，用料十足。 

有人情味的一間小店，去過你就知😌每次經過都俾佢入面森林綠色系嘅裝修吸引眼球，經過好多次但每次都快關門...試唔到一直念念不忘今日放工特登飛奔出去就係為咗試試佢🤭結果冇令我失望！簡直就係要將佢介紹俾大家因為時間好緊迫，今次淨係試咗兩件壽司，岩曬趕時間嘅你😂下次先試埋其他🤤為食腐皮系列：甜蝦蟹子$20平時唔太好腐皮嘅我，今次都要讚一讚佢醬汁剛好唔太甜，薄薄地嘅腐皮包住暖暖粒粒分明嘅日本米，甜蝦好新鮮，面頭仲要舖滿快要滿瀉嘅蟹子，脆卜卜口感大增柚子左口魚$22呢個真係值得一讚，下次會再encore每次去到壽司店都必點左口魚，多數店都係就咁灸燒但係估唔到加咗柚子再灸燒係會咁夾，左口魚魚油非常豐富，配上微微嘅柚子，感覺冇咁膩之餘仲好fresh😋