烚時・滾動 (裝修中)

放工行到太子附近， 原本諗住食茶餐廳的， 見到烚時滾動好想入去試下， 於是就即興打邊爐了。 餐廳有地下和樓上兩層， 店員帶我們到上一層， 一坐低已經有9款不同的調味料給我們選擇，首先就叫咗一個蕃茄薯仔鍋$88，之後點的火鍋配料有美國肥牛$68，餃餃拼盤$78，芥末沙律球$42， 雜丸拼盤$58，午餐肉$22，紅薯粉$28， 油麥菜$38，青島$28。當晚突然很想吃蕃茄薯仔鍋， 紅卜卜的蕃茄湯底味道濃郁。 美國肥牛只需要$68很抵吃，肥瘦適中， 這個價錢算是不錯的了。 餃餃拼盤和雜丸拼盤都是打邊爐必備的， 還有我最愛的午餐肉必點！但芥末沙律球的味道反而不太喜歡， 感覺味道怪怪的，不是我杯茶。 紅薯粉吸了蕃茄濃湯的味道，真是好正！第一次來這裏打邊爐，店員們招呼周到，價錢抵吃，當晚見這間餐廳有很多熟客，氣氛非常熱鬧。

放工好想打邊爐就黎左呢到，我地叫左胡椒豬骨鍋($128)，湯底好正，鍾意飲老火湯嘅會好啱飲，我自己都飲左幾碗😁超級推薦大家先黎個小食，椒鹽雞軟骨 ($38)份量好足，比我想像多！而且唔會好厚炸粉，正！安格斯肥牛（$168）呢道嘅肥牛喺厚切，食落厚身，好好咬口，好新鮮，恰熟咗之後都一d都唔韌！！😍手打蝦丸（$68）蝦丸好食，重蝦味又彈牙，諗起都想再食☺️樣樣野都好好食，價錢唔會太貴，環境都乾淨，性價比唔錯，一定再食☺️

天氣凍定熱都抵擋唔到香港人要打邊爐既決心😂湯底有好多款選擇，我地選左特濃胡椒豬骨鍋。個湯好足料，好香胡椒味，但唔會太咸，同feel到無味精，相當唔錯！🤤材料方面我地叫左安格斯三角肥牛(大)，肉較質厚但又好淋，一d都唔韌，仲好有牛味！另外仲叫左紐西蘭羊卷肉，唔會好重’so’味，very good🤤仲有我好中意的珊瑚蚌，份量比我想像中多，仲要件件都好大塊😂另外仲有好特別的芝士小籠包，不過我覺得同芝心丸差唔多。當然仲有好多必點的烏冬，饗紷，菜心苗好喜歡佢呢到可以叫半份，因為2個人食的話終於可以叫多幾款唔同嘅野😭👍🏻👍🏻

好多好靚嘅海鮮今日同太太行旺角太子，以前喺同一個位置食個小炒，今次嚟到已經變咗一間火鍋店，有新野都想試一試。先食咗個鹹蛋魚皮，好味，但係都好邪惡，出街食冇辦法啦，返到屋企先至食返清淡啲。仲有我都係鍾意個調味料，好多選擇，我鍾意勁多蒜頭。湯底我哋揀咗鴛鴦鍋，一邊麻辣一邊番茄，我都係鍾意蕃茄嗰邊多啲，因為我唔食辣，留俾太太。好多好靚嘅海鮮，我哋兩個人，淨係叫咗鮑魚仔同埋廣島蠔，鮑魚仔好新鮮，都吾細隻，廣島蠔都吾差。手切肥牛都好食，有幾舊有少少筋，仲有手打四寶丸，我最鍾意啲墨魚丸，最後叫咗少少菜，有半分叫幾好。好飽 😁

今日同老公去太子買順勢療法嘅療劑，突然間好想打邊爐，就入咗去烚時滾動，個名改得好得意，我哋坐低左叫咗個鴛鴦湯底，一邊係我老公最鍾意嘅蕃茄薯仔湯底，另一邊係我最鍾意嘅麻辣湯底，打邊爐梗係唔少得牛肉啦，我哋叫左手切嘅，啲牛肉超級淋，又有牛肉味，我哋仲叫咗佢有廚師推介嘅幾樣食品，廣島蠔，上枱時見佢雪到硬晒，諗住一定唔好食啦，點知好甜，又有鮮蠔味，雖然沒有筒蠔咁大隻，但係都有十隻，好抵。另外，不得不提嘅係即炸嘅鹹蛋黃炸魚皮，好新鮮好脆，差不多成碟我食晒，好邪惡呀！另外我哋叫左鮑魚，每人兩隻，好鮮甜呀！如果係生日聚會唔收切餅費又唔收開瓶費，可以自己帶蛋糕同酒黎開hotpot party.

香港嘅大型火鍋店好多都試過，今日食一間本土啲嘅火鍋小店，支持本土有心人經營。呢間位於太子站附近嘅小店，聽店員講開咗半年左右，餐廳有兩層，座位都坐得舒服，而且唔會趕人走，有電視睇，仲可以自己轉枱添！最欣賞係小店裏面嘅人情味，跟住佢走過來同你吹吹水，又問下你覺得食物點樣，感覺佢哋好有心做，食得開心，值得支持！食物方面，佢哋種類都有唔少選擇，我哋兩個人黎食，平均人頭$300， 食物質素好唔錯，食到攬住個肚走。我哋叫咗鴛鴦鍋，一邊係蕃茄薯仔，另一邊係清酒煮蜆。蕃茄薯仔湯嘅材料好豐富，而且味道好濃郁，飲得出真係真材實料煲出嚟嘅味道。清酒煮蜆嗰邊味道亦都好好，仲有好多蜆，起碼有10幾廿隻，每隻都大大隻，好滿足。配料方面，手切牛肉我哋只係叫咗半份，但係份量極多，非常抵食，淨係食肉都食飽了。手切牛肉嘅肥瘦適中，就算煮得耐左少少都仲係好林。蝦滑都算大份，夠彈牙，好味道。另外幾欣賞呢度嘅配料好多都可以叫半分，就算唔係一大班人嚟食，都可以試多幾樣配料。韭菜餃同芝心丸我哋都係叫咗半份，分量剛剛好，味道10分唔錯。蔬菜盤有三種蔬菜，分別係菜心、通菜、生菜，全部都好新鮮。聽店員介紹話呢度椒鹽炸雞軟骨好好食，咁我都

時段：- 星期二晚上 位置：- 地鐵站出口步行約5分鐘裝墴：-有兩層但係就被安排坐地下嗰層，雖然對住 一對成日又開又關嘅自動玻璃門，但好彩有電視睇。 食物:- 選擇左 1) 鴛鴦湯底 : 一面係椰子雞另一面係蕃茄。2) 黃金炸魚皮3) 手打蝦滑5) 鮮四寶丸6) 美國肥牛7) 西班牙豬梅肉8) 豆漿首先一定要試嘅就係黃金炸魚皮，入口香軟鬆脆又有強烈嘅鹹蛋味，唔使放落個鍋度都已經食到舐舐脷。跟住落黎就係手打蝦滑同埋四寶丸，雖然食落口感覺唔係特別突出，但食得出係誠意之作。打邊爐我就一定要食牛，呢款美國肥牛雖然大大塊，但係"錄"完之後仍然入口鬆軟十分嫩滑可口。仲有係第一次食嘅西班牙豬梅肉，入口好有質感，而且好快溶喺口腔入面，直達喉嚨。而鴛鴦湯底調味適中，而且椰子雞個邊真材實料，雞肉滾完之後仍然保持質感。打邊爐梗係唔少得嘢飲啦，今次我就試咗飲普通豆漿同埋黑豆漿，雖然只係樽裝飲品但係配合呢個鴛鴦湯底同埋啲食材都係非常之夾嘅。呢度亦都有經典嘅九宮格調味盤，有九種唔同嘅配料任君選擇。服務:- 落單同埋上菜嘅速度都可以接受嘅，而且回應乘客嘅要求時亦都好快可以處理得到，值得一讚。價錢:- 所有野加埋加約

今晚係太子放工心血來潮想打邊爐，點知去開個間要排長龍，見附近呢間唔使等，就去試下新野。整間店有兩層，我地被安排坐下層，待應態度親切。唔計醬油，調味料已經有九款，正！太極鴛鴦湯鍋 ($158) - 揀左椰子雞+沙爹。$158 來說係超抵! 雞肉充足，沙爹味亦好濃郁飲品 ($12@) - 原支鴻福堂豆漿，抵飲！黃金炸魚皮 ($58) - 全晚推介！上檯時熱辣辣脆卜卜，每塊魚皮都佔滿咸蛋黃。美國肥牛 ($68) - 揀左平價牛，但都有驚喜，好大碟，肥瘦分別。西班牙豬梅肉 ($138) - 每片都有返Ｄ厚度，唯一係唔夠爽口。菠菜腐皮卷 ($22 半份) - 咬落煙煙un un，幾好食。手打蝦滑 ($78) - 店員推介我食的，真係幾好食喎，鮮味彈牙。鮮四寶丸 ($88) - 四種口味同特色嘅組合，夾起時係一PAT野咁，估唔到淥熟後超彈牙，好食紅薯粉 ($28) - 我每次打邊爐必叫，但呢度既紅薯粉同我食開的有少許分別，呢碗口感較似粉絲，沒有ＱＱ口感但多左份爽口。美肌繡球菌 ($58 半份) - 店員推介，我第一次聽呢樣野，原先以為好似普通菌類咁啦，點知係超大舊！口感好特別，以為係爽口的，但原來

油尖旺火鍋放題乜都有，但用心岀品就唔係間間做到，今次經過太子見到有間火鍋店新開張而且店名又幾有趣，就入去試下，試過之後呢間烚時•滾動就成為左我既火鍋首選推介。值得一讚既係每位員工都好親切，岀品又新鮮同埋湯底真材實料！保證返轉頭幫襯！又係有圖有真相時刻，為大家推薦：湯底選擇多籮籮，仲有多款刺身選擇，而且價錢都好經濟，我就叫左個特燶豬骨鍋，個鍋遠遠比我想像中豐富，去圖：無錯係4個大大嚿豬筒骨，同埋有粟米，白蘿蔔，紅棗熬製而成，湯底奶白色的確係好濃既豬骨味，就咁飲左一碗，飲完唔口渴，無味精！另外餐廳用石鍋煲，好快滾，唔洗等到頸都長都仲未有得食，d野放落去就熟，慳唔少時間又唔會煲到癡晒底。菜單在此，其實真係好抵食，店住亦好貼心素菜類有半份或全份叫，唔會造成食唔晒浪費既問題之餘仲可以食多幾款唔同菜。混醬一應俱全，9款香料自由混醬BTW終於食到一間火鍋店嘅辣椒係真心辣(好食得辣)，有啲火鍋店嘅辣椒真係用嚟hea你有”料”到喇，呢貴妃蚌好新鮮，勁爽口，索索聲同埋百幾蚊咁大份，好抵食！雞子全部都脹卜卜，縮極有個譜，不過我就唔食呢味野既黃芽白就嗌咗半份，金菇就嗌咗一份，其實份量都唔係差好遠，鍾意食菜嘅可

早期係嗰頭經嗰，見新開，同埋烚時滾動個名幾搞笑就搵左日去試下，個人黎講食材新鮮乾淨，價錢公道，環境都企理，個蛋黃炸魚皮我覺得係必食，自己食完都忍唔住叫多個手切肥牛好正，仲有估唔到有刺身食，刺身都唔差，我地一行十個人咁啱佢俾左間房我地，講野大聲啲都唔怕騷擾到其他人，有電視睇又有wifi，坐得幾舒服，聚會一流，服務都幾好，定時可能有人留意到我地需要加湯都會有人自動問我地洗唔洗加湯，唔洗等地叫不足地方我地有個小朋友不過佢冇bb凳希望佢地會改善到之後會再去食

當烚時想打邊爐又無訂座真的有點頭痕，在太子附近被多間邊爐店拒絕時，幸好行行下見到這間，即刻飛入去食！餐廳新裝修很乾淨，服務員態度很好，只是枱面有點細，不過都可以放到很多碟的。一黎叫咗三個小食：炸魚皮，魚片頭，拍青瓜。炸魚皮超好食，係即整黃金炸魚皮，帶點咸蛋黃的香味，停唔到手！最後叫了兩碟湯底叫了麻辣，芫茜及豬湯。麻辣很細心，可由小辣開始，再慢慢加辣，照顧到不同顧客的需要。食材方面亦很好食，手切牛及安格斯都好有牛味。芝士牛丸就更加無得頂！另外還有很多不同的配料，可order半份及一份，照顧小人的客戶。希望這有心的小店可繼續經營！支持小店！