烚時・滾動 (裝修中)

我有幾鍾意打邊爐就係人都知啦，今日嚟到太子搵食，”烚時・滾動”，真係聽到個名都開始滾動，店舖唔大，但有獨立VIP Room，啱晒成班friend聚會烚吓烚吓。鴛鴦鍋 $198點左芫荽皮蛋同四川麻辣，湯底大量芫荽皮蛋馬蹄，勁足料，麻辣夠香。安格斯三角肥牛 $128肉味濃，切片偏厚，有咬口。爽脆鱔片 $158一份有12片，烚3-4分鐘，啱啱好食得，仲吸晒麻辣湯底味道，爽。陳醋貓耳朵 $58份量勁足，嚟到係大大一碗，醋香夠晒開胃。另外，重點左菜肉餃 $33同厚切午餐肉 $33，兩個人完全食唔晒。

太子食肆林立，要係芸芸食肆中突圍並非易事。 餐廳鄰近地鐵站，交通十分方便。餐廳個名大玩食字，取其打邊爐嘅時候熱氣向上，火鍋熱水沸騰嘅景象，相當有創意。餐廳有各種湯底選擇，標榜全手工製作，我地叫左個蕃茄薯仔湯底，材料越簡單越能夠考起廚師嘅功架。薯仔湯不但美味,而且營養豐富，美味可口。我地跟住叫左個烚烚肉肉拼盤，市面上啲肉類拼盤不外乎喺豬，牛之類，間餐廳竟然咁重本提供羊肉同豚肉，而且份量相當驚人，值得一提既係啲羊肉完全 無羶味，可見食材相當新鮮；火鍋湯底各式各樣更足料👍👍👍另外我地叫左脆鯇魚片。鯇魚是非常著名的淡水魚，魚肉鮮香細嫩而骨刺少，是香港受歡迎的食材。脆肉鯇魚是廣東地區特有的精養品種，透過餵飼蠶豆使魚肉的蛋白質和礦物質含量提高，魚肉因此變得結實。脆肉鯇魚肉的口感比一般魚肉更爽脆，也是打邊爐必吃的食材。另外娃娃菜都係打邊爐必點食材，口感脆嫩鮮甜，全株可食。最後點左店家秘製的蜜桃同檸檬花茶，解躁一流!

約左朋友飯聚，秋天涼涼地最好圍爐，五個人叫了海鮮拼盤，手切牛肉，魚皮餃，炸魚皮，羊，蔬菜拼盤，鱔，金菇，豆腐等等，無諗過全部咁大碟！炸魚皮同響鈴新鮮炸起，配啤酒勁正！響鈴超大條！鱔好肥，海鮮拼盤有蝦帶子鮑魚青口，全部都好新鮮，連豆腐都勁有豆味！可能唔係好多客，服務又幾好，（疑似）老板娘重送多支啤酒俾我地飲！ 雖然門面舊了點，但整齊企理，係一間有誠意既火鍋店，位位埋單唔洗四舊，好抵食，全部清碟，會再去！

同朋友太子行街去左睇水晶，夜已深肚已餓就睇下附近有咩食，由於極討厭食放題限時限刻同等位所以就揀左呢間麻雀雖小但五臟俱全既小店🙈朋友都一致通過就直接入店首先揀湯底啦，有單點同鴛鴦鍋既，由於朋友唔食得辣，就揀左芫荽皮蛋同沙嗲湯！沙嗲湯非常濃厚，一上個煲已經聞到香味，好有舊時大排檔啲沙嗲既味道🤤手切牛肉係叫左2碟，大碟啲係第1 round 叫既，油脂分布好靚，食落極重牛味🤤🤙🏻細碟係食完唔夠喉要再encore 🤟🏻🤟🏻新出既海鮮拼盤，店員熱情推介，呢個價錢確實係物有所值🤣🤣$298 有咁多樣野，仲要全部新鮮，對於玻璃肚既我黎講，新鮮好重要‼️👍🏻仲嗌左黃金蝦、黃金魚皮同雞軟骨😍香口野唔使講，黃金魚皮真係必點🤤用黎送酒1流👍🏻👍🏻 唔覺唔覺飲左好多枝🍺仲有鵝腸，蓮藕片，萵筍，同牛柏葉，呢啲唔記得咗影啦🤣🤣 幾杯落肚掛住食，3個人岩岩好，捧住個肚走☺️呢間野絕對有下次，真心驚喜😙

突然想食雞煲，在附近搵到呢間“烚時滾動”，見到幾吸引，因為得兩個人食，所以一見到可以叫半份，就決定嚟呢度，六點鐘唔使等位，叫半分可以叫多啲嘢食，所以叫咗10碟，加個雞煲，雞煲夠味味濃，其他食材新鮮，唔錯，環境衛生，老闆市應都好有禮貌，下次會再嚟

今晚四個人開餐 ， 點了象拔蚌刺身、海鮮拼盤、手打四寶丸、水餃、鮮蝦雲吞、黃金炸魚皮、西洋菜湯底，要了椰子雞鍋拼藥膳鍋 。 椰子雞鍋啲雞夠嫩滑 ，若個湯底再濃些小椰子味，口感會好啲。 藥膳鍋 D當歸未再重些小，就更合我口味，而白木耳就很爽。 海鮮拼盤 全部海鮮都好新鮮，食到鮮甜味 。象拔蚌刺身 切得較厚身所以食落很爽口 、很彈牙 ，亦都很鮮甜 。手切肥牛 好嫩滑 有牛肉味 。白鱔片 切得夠大片，肉質很彈口，夠新鮮。 黃金炸魚皮 魚皮很薄 新鮮炸出嚟， 很香很脆 ，第一次食到新鮮炸出來的炸魚皮，真的好好味。 西洋菜新鮮幼嫩無渣， 整體都好好味。

整體食物新鮮有質素。由於我們一行三人，可以食嘅份量唔多，呢度很好，有很多東西可以叫半份，令我哋可以試多啲唔同嘅食物。我哋叫咗一碟本地手切牛肉細size，比我想像中多份量，牛肉腍而牛肉味濃。另外值得一提四寶丸同埋韭菜餃，墨丸牛丸蝦丸爽口彈牙，韭菜餃皮薄肉碎唔會太多，好味。下次會試下啲海鮮👍🏻餐枱上面爐具用具都好乾淨，空間感唔錯，感覺都舒服，唯一美中不足個廁所環境真係比較唔理想，需要注意清潔衛生。

係太子想深宵打邊爐有著落啦！依間烚時滾動食完都幾滾動，因為幾好食！湯底有多種選擇，有比較罕有嘅藥膳繡球菌鍋。 繡球菌在火鍋店比較少見，號稱萬菇之王和美容之菇，富含大量生物活性物質，維生素，礦物質和膠原蛋白，係女士恩物，女朋友好鐘意食，而且菇味香濃，味道都唔錯。另外當然揀咗最正最傳統嘅蕃茄薯仔湯底啦！估唔到依度除咗菇好食，本地肥牛都好高質！肉味香濃肉質彈牙👍🏻兩個人食都輕易清咗一大碟！另外墨魚滑同芝心牛丸都幾好食，象拔蚌剌身又係勁新鮮！依間完全可以再食過！推介！

以往吃火鍋多選擇清湯或蕃茄薯仔湯底，現在多會選擇不同養生美肌鍋✨ 太子這火鍋店的美肌藥膳繡球菌鍋不錯啊～ 繡球菌在火鍋店比較罕有，號稱萬菇之王和美容之菇，富含大量生物活性物質，維生素，礦物質和膠原蛋白，是女士恩物🥰 而且菇味香濃，味道不錯！。推介這家的象拔蚌仔刺身，新鮮甜美而且份量挺多，性價比高啊！手切肥牛也是必吃～肉質嫩滑牛味濃，火鍋店最重要的就是好吃的牛肉啊😋 丸類推介牛肉芝心丸，超爆芝的～。這家開至凌晨，夜貓子可以在這裡吃個美味火鍋😆

今日去呢間好有人氣既火鍋店, 雖然唔係任食但反而咁樣每樣食材先至新鮮好食!我地叫左鴛鴦湯底, 一嚟有個盤落調味料同醬, 強烈推薦要加沙爹醬! 我地叫左好多拼盤, 包括有餃餃拼盤, 即係水餃, 雲吞, 菜肉餃同魚皮餃, 皮夠薄而料又足, 淥一陣已經熟左食得, 特別係雲吞, 粒蝦好大粒而味道好好!手打四寶丸亦都好出色, 牛丸同埋墨魚丸都好高質好食, 佢既手打丸唔係彈牙個款而係以味道取勝, 肉味好濃, 似食緊一個好多汁既肉球。咸蛋黃魚皮都係好正, 咸蛋黃醬遍佈脆卜卜既魚皮, 就咁食或者加落湯底都好好食!

今日經過太子俾呢間鋪個名吸引左，叫”烚時滾動”真係幾過癮!見唔係好多人就入去試下!一坐低叫個湯底先，朋友一黎就想食胡椒豬肚湯，都要百幾蚊，叫個鴛鴦鍋都係加幾十蚊梗係有兩種湯底抵啦!所以就叫埋椰子雞鍋~店員教我地飲下湯先，胡椒豬肚湯既胡椒味極重，有D辣度，椰子雞湯非常鮮甜，未落野食落去飲啖湯真係幾正!之後我地叫左個咸蛋黃魚皮諗住等D野熟既時候有野咬下先~一黎都真係不得了，一大碟好完整唔會碎濕濕既魚皮上檯，熱辣辣之餘仲有好多咸蛋黃，每啖邪惡到不得了但滿足到暈!必食!必食!必食!之後我地再叫左美國肥牛、手打丸同D餃類~肥牛$68有咁既質素算係唔錯既，不過見隔壁叫左手切肥牛真係靚好多，要2百幾蚊~果然一分錢一分貨!丸類點左手打既鮮新鮮丸，每款都食到佢既鮮味，牛丸食到好似真係食緊牛肉咁，建議鍾意食丸既叫新鮮手打丸唔好叫普通丸，手打係好食好多!餃類方面全部細細粒好易食，皮做得夠薄點埋醬汁食真係一流!我地一路食仲可以一路睇電視，打邊爐最怕火鍋店焗，一焗就食咩都冇胃口，呢度分兩層地方都幾夠所以空氣幾流通，冷氣夠大所以唔焗，食得都幾舒服! 而且侍應就算忙都主動加湯同幫我地換碗，服務態度超好!絕對值得俾高

朋友介紹話呢間火鍋店唔錯，所以就決定趁屋企人生日就去試下呢間！預早一日book左位，留左一間大房俾我地！間房可以唱埋k添睇睇個meun先，有幾張紙，都幾多選擇，呢度未食都覺得有個優點就係有啲材料可以叫半份雖然係火鍋但係有刺身食就嗌左個 牡丹蝦同象拔蚌！食落都算新鮮，唔會雪左好耐嗰啲主菜黎啦，先要一個雞煲，有大，中，小辣揀，對於我唔食得辣就食小辣，個雞煲都幾香，食落都幾野味，啲雞都好入味不過略為有啲多油！食晒啲雞就加湯打邊爐！再黎就叫海鮮拼盤，呢個價錢有龍蝦又鮑魚又扇背，有青同蛽，都幾底食，全部都係新鮮食材打邊爐點可以冇牛，點左個安格斯三角肥牛，食落唔錯，唔會大肥，好有牛味另外意外推介黃金炸魚皮，即叫即炸好鬼香，唔洗放落湯都好好食！另外啲度唔收切餅費不過想試下鴨血，店員話賣哂，咁為有下次先啦

今日同朋友嚟到太子想打邊爐經過見到呢間新開嘅火鍋店餐廳有分樓上同樓下座位都算坐得鬆動今次就叫咗鴛鴦湯底，當中包括椰子雞鍋同埋清酒煮花甲花甲同雞件嘅份量都唔少但兩者味道相比起嚟我會更加鍾意椰子雞喎因為食完有一種覺得唔熱氣又健康湯又清甜嘅感覺手切肥牛好好味油脂唔算多但牛味好重如果對肥牛有要求嘅朋友，強烈建議你黎間試吓手切肥牛！都幾欣賞餐廳嘅食材係可以點半份唔使怕浪費，唔洗驚食唔晒四寶丸好真材實料，當中嘅墨魚丸真係食到有顆粒感同埋彈牙手打蝦滑上面有埋蟹籽，食得出幾膠口同鮮味餐廳仲有一啲小食類嘅食物同埋刺身今次試椒鹽墨魚咀下次試埋佢既海鮮先🤪🤪椒鹽好香口炸得唔錯～店員都好親切有禮估唔到喺太子呢個旺市中都搵到一種人情味嘅感覺

太子區周圍都係打邊爐鋪頭，自問每間都會去試下，呢間開左半年，後悔遲左去試，幾個字形容呢間鋪，平靚正！ 首先諗住食清啲所以叫左個蕃茄薯仔湯底（$88），個湯底好重蕃茄味，不過個人黎講覺得酸左啲，可能我唔鐘意太酸掛之後叫左個脆鯇魚腩（$68），烚一烚就食得，好新鮮好好食叫左個中嘅手切肥牛（$168）超正，唔太多肥膏，好重牛味牛柏葉（$38）食落幾爽口見有刺身又唔想食三文魚或牡丹蝦嗰啲，睇到格黎枱見個龍蝦刺身幾靚朋友都話不如試下法國玫瑰龍蝦（$588）一份有兩隻都幾大份同好新鮮，睇住係魚缸撈上黎，個價錢好合理！不過嗰日坐一樓有部冷氣壞壞地，所以有啲熱，希望下次去整返好部冷氣！期待下次再食過

以前讀中學既時候補完習成日黎呢頭搵食事隔幾年後再諗，發覺變左好多，開左好多新餐廳-離遠見到呢間火鍋店樓上有唔少人，就比佢吸引住左，本身都想今晚食烚下烚下既😛😛-個醬油真係任你自由配搭9宮格好齊全-原來唔指打邊爐，刺身都有得食，不過因為早兩日食完刺身所以今次唔食啦-望落都幾抵-由於食唔到辣加上想養生少少今次就揀左椰子雞同清酒花甲鍋鴛鴦湯底-極力推介椰子雞湯底！雞肉鮮嫩得黎真係食到椰子味😍😍仲要有好多雞件！必點！千奇唔好錯過-猶豫左陣到底點安格斯三角肥牛定手切肥牛最黎都係揀左手切肥牛！果然無令我失望中既份量對於我同朋友黎講已經好足夠！真係好重牛味！有時我覺得和牛果種入口即溶同呢種重牛味既肥牛比，我覺得今次係手切肥牛優勝！！真係好香牛味😭😭😭😭希望下次黎食都仲係咁好味😭我會為左呢碟牛同椰子雞encore呢間火鍋店！！日本廣島蠔 $68有咁多隻又大大粒👍🏻👍🏻👍🏻