無老鍋

营业中

休息中

如果喺台灣食過嘅朋友仔，當時喺香港未有太多台式養生邊爐，都會講到幾好食對佢嘅湯底念念不忘，服務又周到，而無限任添加豆腐鴨血亦係賣點之一🌟台灣無老鍋喺大家無得飛情況下選址香港，等我都試吓大飽口福先😋😋鴛鴦鍋 ($78/位，鴛鴦鍋每枱額外收$88)冰淇淋豆腐鍋用上豬骨雞骨及藥材熬製而成，味道鮮甜回甘 ，非常出色好好飲💯一定要點呢個有Gimmick 每人一粒冰淇淋豆腐，由魚漿同花枝漿做成軟雪糕形狀🍦口感綿密食落軟心無老辣香鍋店員提到佢哋無老辣香鍋有別於出面鴛鴦鍋，唔係辣、麻辣湯底，鍾意佢溫和且充滿藥材香的小辣湯底，唔會搶咗食物味道，湯嘅濃度啱啱好，基本上唔需要再點醬汁💁🏻‍♀️💁🏻‍♀️麵包豆腐同鴨血都可以無限任加‼️店員不時會主動問你需唔需要加好貼心，加分加分🔝 手切牛黃喉 $98基本上涮燙十秒食得，口感爽脆全純牛筋丸(4粒)$68牛丸加入嫩筋，令到食落彈牙有口感嚼頭綜合餃 $118包括香滑蛋餃，燕餃，魚皮餃各 4隻特別蛋餃入口好順滑，必試👍🏻日本黑豚手工丸(4粒) $58手工製作食到鮮味濃香豆皮(4個) $68吸盡湯底精華✨台灣直送 4件濃香豆皮，size比平時枝竹大件，幾層豆皮亦增加吸湯力，

係熟悉台灣嘅味道以前每次去台灣都會食無老鍋係香港食到熟悉嘅味道安撫心靈鴛鴦鍋 $138另外需要每台再+$88-台式麻辣鍋唔會有明顯辣味.唔食辣應該都接受到-面包豆腐鍋 可加人參未落配料前可先品嘗原汁原味湯底先飲落有淡淡人參味特選牛拼盤四人份 ＄498每款牛口感都唔同好香牛味黃喉 淥10秒就可以即食 勁爽口份量两人食啱啱好可以食到唔冋品種又唔使選擇困難症仲叫咗綜合餃$118有必食蛋餃🥟 +魚皮餃+燕餃珊瑚蚌$158正常嘅珊瑚蚌 爽口新鮮同台灣一樣 最後會奉上 免費冰涼水蜜桃冰沙 清甜解渴消油膩豆腐 鴨血 可以食曬叫店員無限任加當然白飯都係任裝 可以撈湯底 湯飯👍🏻滿足的一餐環境味道同台灣都一樣價錢就…香港物價大家都知🙃🙃🙃呢個茶都幾好飲

說來慚愧在台灣住過一段時間，還沒吃過無老鍋😛香港無老鍋就開在銅鑼灣的V point 5樓，終於的起心肝來試試囉😋😋服務生時不時得喊著「您好！歡迎光臨～」，瞬間到了台灣的感覺😝看他們廣告一直主打冰淇淋豆腐，但我台灣朋友跟我說除了這個以外的其他都好吃，不過反正我沒吃過所以還是點了（而且其實鍋底就會附一顆！我點鴛鴦鍋所以本來就會有兩顆，額外加購一顆是10塊）我覺得滿好吃的耶！真的有吃到香草冰淇淋的味道好神奇！（不曉得是不是被名字洗腦了）鍋底的鴨血跟豆腐可以無限續，也有解膩的冰沙招待，服務生都很有禮貌！不過無老鍋的單價偏高，口味來說偏向藥膳味道多一點，辣度也沒有很辣，可能比較合香港人的口味，我覺得湊湊的鴨血比較好吃整體來說我比較愛湊湊跟快樂小羊，純屬個人感覺～

實話實說 你見佢啲好評全部都係鱔稿睇嚟都哂氣重點：猶豫緊嘅你如果你已經好似我咁book咗好耐咁應該都要食埋先心息嘅🤣完全諗唔到點解要去食第二次價錢太貴食物質素整體好普通可能諗住賺一陣錢就離開香港得個瑤柱滑係好食嘅服務呢都幾搞笑唔知話好定差好似好難book但係其實又坐唔滿又會打電話又send SMS confirm 驚死你唔嚟定係唔知點解太得閒做埋啲重重複複嘅嘢？明明坐唔滿 叫佢留張窗邊枱俾我又話未必得，吊高嚟賣嗰種態度去到又叫我唔好轉枱 提醒你呢張大風嗰張涷我都唔知話你係貼心定點如果你明知你張枱係凍嘅點解你間餐廳又唔做啲嘢去解決佢封咗個風口囉裝啲wind diverter 囉啱啱坐低最肚餓第一次加鴨血同豆腐加咗三舊豆腐三舊鴨血食到飽飽口痕叫住你加幾舊又成煲到晒落嚟Thanks😅佢哋開口埋口好似都幾有禮貌但係你會完全feel到對啲客係有敵意如果你唔跟佢說話做係會笑住咁同你講呢樣唔得嗰樣唔得怪，唔值呢個價

由年頭訂枱等到4月先有枱，因應疫情，便要推遲到6月，我們一枱四人卡位座，店員一般很有禮貌，全店充滿台灣火鍋味道，食物大致上不錯，但那個三色滑我們覺得一般，其他食材新鮮，那個沙冰好好味！我覺得台灣比較好味😋

冇得去旅行，但又想試正宗台式風味，無老鍋真係唔錯嘅選擇！佢喺台灣好出名，終於喺香港開咗分店！店內環境寬落舒適，有醬料自助區，無老特調醬油幾開胃，好香帶有少少酸味，一定要試！另外仲有蒜泥水、白醋、香油、辣椒、香蔥等，白飯任裝。火鍋嘅麵包豆腐同鴨血係任食㗎，味道非常之好，豆腐吸咗湯底，味道香濃綿滑，鴨血軟淋又入味，值得無限encore！------------------------------🍦◖冰淇淋豆腐白湯鍋+無老辣香鍋◗ $78/位+$88（鴛鴦鍋）兩個湯底都有好多配料係入面，好多香料同紅棗，個煲本身好濃味，聞落有少少養生嘅感覺！覺得唔夠仲可以加埋人參入個湯底到，味道應該會仲出色！隨鍋會有兩粒冰淇淋豆腐加落個白湯鍋，冰淇淋豆腐似花枝滑咁，更加軟滑同入口即溶，好特別！至於無老辣香鍋勁濃花椒味，辣味香濃食落又唔會好辣，唔太食得辣都接受到，過下癮！🐂◖特選牛拼盤◗ $498其實份量都幾多，牛拼盤包咗幾款罕有嘅牛部位：牛邊爪、封門柳、牛頸脊、牛黃喉同一次過可以試曬，唔洗選擇困難！牛肉肉質鮮嫩，充滿牛味，牛黃喉食落好爽脆！ 🦐◖手工蝦滑◗ $108鮮味十足，食到有粒粒蝦肉，好有口感！ 🍥

和朋友約好， 來試一下這間台灣火鍋。這間餐廳價錢偏高，肥牛都要三四百蚊一份，但分量都唔多，同朋友兩個女仔食左1000幾，但都覺得未飽。竹笙六十幾蚊，得幾條唯一好得地方是，餐廳可以任加鴨血同凍豆腐，同另外一間台灣火鍋 湊湊火鍋 一樣。味道中規中矩，價錢就覺得有d高，同等價錢或者更低價錢有更多選擇，下次應該會選擇其他火鍋。

本身去台灣旅行都唔係特別喜歡好地道台式既食物，但我又幾中意台式麻辣火鍋因為唔辣得嚟帶少少甜既藥膳味，感覺好似比四川麻辣冇咁熱氣。但之前問親台灣朋友都唔推薦無老鍋，本身諗佢哋可能物價低，無老鍋主要客群係旅客？可能佢哋覺得貴唔抵食，所以去左幾次台灣都冇食過佢。知佢係香港開左見尋日行完銅鑼灣6點諗食咩，就同男朋友去試下walkin都有位，咁就試一試啦！之前食過麻神，鼎王，牛大人，相比之下，無老鍋既店員都好好服務，好有熱誠介紹，係香港食飯係好難得見到店員係有笑容。個湯底同我食過既麻辣鍋好唔同，唔難食但又唔好食，一直係咁叫男朋友加高湯，覺得好濃好濃沙嗲定味精？佢既濃唔係辣，但好多油同泡係鍋邊浮住，可能我都係比較中意食以前係台灣食過馬辣同這一鍋呢類平民啲既麻辣鍋口味，佢哋既滑嘟嘟鴨血真係好入味同出色。佢醬料區只有特調醬油、香油、白醋、蒜泥水、蔥花，唔知邊一樣野係帶一陣酸酸地既醋味（冇加白醋），之後問店員拎左普通醬油，但唔知係咪形住連普通醬油都係覺得酸酸地。咁佢哋推介冰淇淋豆腐唔知咩丸啦，見佢哋都好成功每檯都有叫到，佢叮囑要煮15mins我地都有計時，但一入口個口感食落好可怕，入口就散開既丸，可能真

火鍋篇！台灣過江龍！黎左香港幾個月，一開始booking爆滿，等到而家先去食🤣當日下午5點，不需要預約，即時有位💯👍🏻麵包豆腐白湯鍋 💰68 per one鍋底按人頭收費，豆腐有冰淇淋豆腐同麵包，湯底亦都有辣同辣之分。今次就揀咗普通麵包豆腐，好似係台灣千層豆腐，好軟綿！ 湯底好多藥材成件事好滋補，重點係麵包豆腐同鴨血係無限添加😽💯真係可以食到飽🤣安格斯肥牛💰288份量好多，兩個人真係有啲飽，牛肉質素都唔錯😋日本黑豚肩肉💰198相反，呢個無咩特別，肉質相對比較”鞋”蛋餃💰78有8件！食完飽到上心口🤣 不過蛋餃外皮好鬆散，餡料少，味道一般般。牛骨濃汁牛丸💰58爆汁！好juicy ，一分錢一分貨🤤湯底好味😋無限添加豆腐鴨血好正！淨計湯底價錢好抵，相對其他配菜價錢就貴dd 🤪 去唔到台灣食，係香港食下思鄉都唔唔錯😋 環境寬敞坐得又舒服😃 侍應服務好好，見我哋第一次嚟，介紹得好詳細💯

🇹🇼等到頸都長嘅無老鍋..不過有啲失望🇹🇼💭飛唔到去台灣食無老鍋，好彩剛好呢段日子咁啱喺香港開咗分店，不過好唔好彩唔係禁呢樣就禁嗰樣，前前後後用咗半年時間去Bᴏᴏᴋ，今日終於都食到，所以都幾期待，可惜始終都做唔返台灣嗰邊嘅質素，首先係服務，唔係差嘅，不過有分別，佢哋係比一般大集團嘅服務係好嘅，至少冇黑面，可能兩邊文化唔同冇咗嗰邊嘅熱情。🥘鴛鴦鍋（冰淇淋豆腐鍋+無老辣香鍋）🔺每位 $7️⃣8️⃣（鴛鴦鍋額外收費$8️⃣8️⃣每枱）▪️▪️我哋三位..Tᴏᴛᴀʟ即是 $3️⃣2️⃣2️⃣▪️▪️💬鴨血同豆腐同台灣一樣都係任食，但係鴨血冇台灣食到嘅咁濃味又滑，呢度剩係得滑冇乜味▫️🥢冰淇淋豆腐（3粒）💬冰淇淋豆腐，同嗰邊一樣冇失色，呢個開頭每位送咗一粒，之後如果想叫，可以➕$1️⃣0️⃣（一粒）▫️🥩上選牛小排 💬牛小排同嗰邊一樣薄切大塊，好有滿足感，可惜牛味比較弱，香港一般都食到嘅質素，記得第一次去台灣食好有滿足感，追住食。▫️🥩手切牛頸脊 💬牛頸脊，都係欠缺牛味，都係一般貨仔▫️🥩梅花豬肉拼去骨雞髀肉 💬豬腩肉一般貨色，雞髀肉比較滑，不過雞味好弱▫️🥩日本黑豚手工丸（4粒）💬食落去口感比較特別，感覺上比較鬆一啲，味道就同一般豬肉丸冇乜分別▫️

唔明點解會有人覺得好食！以下列出食無老鍋遇到不快的事：1. 一開始點湯底，店員話點鴛鴦湯底要另外加錢，但Menu又無寫，明明本身鴛鴦湯底已經貴啲，我聽到都一頭霧水😵‍💫😵‍💫我問點解Menu無寫，店員都解釋唔到2. 叫咗鴛鴦湯底，辣湯底唔辣唔麻，白湯底食到藥材味，不過好重味精，好咸。食到中段，直頭覺得兩個湯底一樣味，仲食到好口渴，淨係食好咸味。3. 店員好似催你走咁，食到後段不斷收你啲嘢走。最後兩個人食埋單大約$800，性價比極低！同一個價錢大把選擇，唔洗食重味精湯底。

🥘 推薦招牌鴛鴦鍋。冰淇淋豆腐白湯鍋 (加錢)。無老辣香鍋＊最低消費每人$250+10%＊用餐時間90分鐘台灣過江龍無老鍋本身已經難book位之前再經歷完無晚市堂食同2人一枱等咗幾個月終於食到不過都起碼要一個月前訂先有早少少嘅位湯底同台灣一樣咁入味濃郁食物我哋大多數都揀台灣直送items食物質素係ok嘅！當然價錢比係台灣食貴咗好多但無限添加鴨血同豆腐仍然係重點對比其他幾間任食台灣火鍋個人覺得呢間豆腐真係最出色👍🏻

晚上實在太難book位，同朋友特登中午請假去食無老鍋，懷念一下台灣之旅！我哋點咗鴛鴦白湯和麻辣湯底，其實湯底都有點貴，但包任食鴨血和豆腐無計啦！我哋加咗每位$10要冰淇淋豆腐，但其實我覺得冰淇淋豆腐麻麻哋，無咩特別，反而吸收左白色湯底的豆腐超好食！鴨血質地好嫩滑，無論放喺白湯定係麻辣湯都係咁好食，不過我覺得佢哋嘅麻辣湯底始終唔夠麻同辣，係比較溫和派。所以下次可以只點白湯，仲平d。火鍋配料都係新鮮嘅，有啲係台灣直送但其實都係大路嘢，打邊爐最緊要個湯底正！店員嘅服務態度亦都好好，成日都嚟問我哋使唔使加鴨血同埋豆腐，可能係平日無咁多人，佢都加好多俾我哋！另外，好懷念嘅蜜桃沙冰真係好好飲嫁！但係我記得台灣係任飲嘅，香港就係食到差唔多嘅時候，店員先至會上，同埋只可以refill一次。買單都差唔多$400一個人，台灣真係平好多...

台式打邊爐我一向都冇乜好感，湯底幾靚都好配料唔靚都係徒勞無功，絕大部份台式打邊爐夠膽直言牛肉全部美國冰鮮，海鮮就係咁先，唯一驅使到我去嘅就係帶小朋友去學吓咩叫禮貌。無老鍋完全顛覆咗我對以往台式打邊爐嘅睇法，第一：湯底完全跟台灣一樣，第二： 招牌如冰淇淋豆腐、豆皮全部台灣直送，務必令你置身於台灣一樣，第三： 牛肉質素絕對係所有台式火鍋之冠 ， 第四： 海鮮質素由於係香港取貨，絕對新鮮。 我叫鮮魷仲要有刀工，無比新鮮 ，好🉐️

無得去旅行幾年，總會特別掛住係外國先食到既美食。無老鍋真係每次去台灣既必食之選，係香港開分店固然正，想預約都唔容易，假日既晏晝嚟食，人流唔算多。店內仲有醬料自助區，無老特調醬油幾開胃，可以一試。仲有蒜泥水、白醋、香油、辣椒、香蔥等，白飯任裝。冰淇淋豆腐鍋湯底真係打邊爐既精粹，充滿鮮味又帶點藥膳果種回甘，加其他食材前先要飲番啖靚湯。吸收左湯汁既冰淇淋豆腐豆味好香。麵包豆腐同鴨血仲可以任添。上選牛小排比想像中大碟好多，脂肪分布平均，牛味好濃郁，未至於入口即溶但都值得一試。綜合丸分別有豬骨濃汁貢丸、牛骨濃汁牛丸、手工蝦丸同埋手工花枝丸。味道好濃亦相當彈牙。綜合餃分別有燕餃、蛋餃及魚皮餃。餃子皮晶瑩剔透，相當掛汁。鮮甜蔬菜盤一上碟，店員好好咁放左啲粟米落去個鍋度煮。看似普通既蔬菜，整體食落都好鮮甜。水蜜桃沙冰食到滯滯地又飽飽地既時候，店員會送上細細杯既水蜜桃沙冰。呢一小杯清甜冰爽既沙冰真係不得了，消滯得嚟又開胃，飲完之後又可以繼續大吃大喝！仲可以免費添加。埋單每人接近$500，但唔洗專登飛轉台灣，又可以試到台灣既味道，有機會的話會再嚟幫襯！